جاڭا حابارلار

بالالارعا نۇرلى بولاشاق جاراتايىق

    كەلۋ قاينارى: شينجياڭ حالىق راديو ىستانسياسى    2017-09-12 22:29:45  
ەندى ستانسيامىزدىڭ تىلشىلەرى حى فەي، ياڭ جيانچياۋ، ديڭ شياۋداندار جازعان اقپاراتتىق ارناۋلى حاباردى تىڭداڭىزدار: مەكىت اۋدانى شەيتى ءدوڭ اۋىلى وتەڭ قىستاعىنىڭ تۇرعىنى ساات قادىر، وسى كۇزدە بالاسىنىڭ قسىتاقتا جاڭادان سالىنعان ليانشينچياۋ بالالار باقشاسىنا بارىپ وقي الۋىنىڭ ءوزى جونىنەن ەڭ قۋانىشتى ءىس ەكەنىن ايتتى. ساات قادىر تىلشىگە، بالالار باقشاسىنىڭ بيىل تامىزدا سالىنعانىن، كەڭ ءارى تازا بولۋدان سىرت، تاعى ءتۇرلى قۇرىلعىلارىنىڭ تولىق ەكەنىن ايتىپ: «بالالاردىڭ جاتار ورنى مەن تاماعى، وقۋ ورتاسى توتەنشە جاقسى، الاڭسىزبىز. بۇرىن ءبىز وقىعانداعى شارت-جاعداي ناشار ەدى، قازىرگى بالالار باقىتتى»،-دەدى.
ليانشينچياۋ بالالار باقشاسىنىڭ باستىعى لي جياڭيان، بالالار باقشاسىنداعى وقىتۋشىلار تۇگەلدەي قوس ءتىل وقىتۋشىلارى، كۇندەلىكتى وقىتۋدا ولار بالالاردىڭ وقۋ قىزعىندىلىعىن ارتتىرۋمەن بىرگە، ولاردىڭ مەملەكەت ءىلىمى تاربيەسىنە ەرەكشە ءمان بەرەتىندىگىن ايتىپ: «ءبىز ەرەكشە ساباقتار اشىپ، جۇڭگونىڭ ءداستۇرلى مادەنيەتىن نەگىز ەتىپ، بالالاردىڭ باستاۋىشتان باستاپ ءۇش ءسوزدى الىپپە، شاكىرتتىك تاعىلىم ۇيرەنۋىنە مۇمكىندىك جاسايمىز، ونان سوڭ تەاتر ورىنداۋ قيمىلىن ورىستەتىپ، بالالاردىڭ جۇڭگونىڭ ءداستۇرلى مادەنيەتىن سەزىنۋىنە، جۇڭگونىڭ ءداستۇرلى مادەنيەتىن ۇيرەنۋىنە مۇمكىندىك جاسايمىز»،-دەدى.
اۋىل-قىستاقتارداعى وقۋعا تۇسۋدەن بۇرىنعى قوس ءتىل تاربيەسىنىڭ دەڭگەيىن جاپپاي جوعارىلاتىپ، لايىقتى جاستاعى بالالاردىڭ «بالالار باقشاسىنا كىرە الۋىنا»، «جاقسى وقۋىنا» كەپىلدىك ەتۋ ءۇشىن، بيىل جىل باسىنان باستاپ رايونىمىز «اۋىل-قىستاقتارداعى قوس ءتىل بالالار باقشاسىن كەڭەيتىپ سالۋ ينجەنەرياسىن» باستادى، وسى وقۋ ماۋسىمىندا، رايونىمىزدىڭ اۋىل-قىستاقتارىندا ءبىر ميلليون 100 مىڭنان استام وقۋعا تۇسۋدەن بۇرىنعى بالا جاڭا ساباقحاناعا كوشىپ كىردى.
وقۋ-اعارتۋ شينجياڭنىڭ بولاشاعىن بەلگىلەيدى. ج ك پ اۆتونوميالى رايوندىق 9-قۇرىلتايىنان بەرى، رايونىمىز وقۋ-اعارتۋعا قارجى قوسۋ تەبىنىن ۇزدىكسىز ارتتىرىپ، قالىپتان تىس شارالار ارقىلى قوس ءتىل اعارتۋى، مىندەتتى وقىتۋدىڭ ءبىر كەلكى دامۋى، وقۋعا تۇسۋدەن بۇرىنعى تەگىن وقىتۋ، وقىتۋشىلار قوسىنى قۇرىلىسى سياقتى قىزمەتتەردى ىلگەرلەتىپ، تۇتاس رايونىمىزدىڭ وقۋ-اعارتۋ ىستەرىنىڭ ۇزدىكسىز العا باسۋىن، تىڭ دامۋىن ىلگەرلەتتى.
بيىل كۇزگى جاڭا وقۋ ماۋسىمىنان باستاپ، ءۇرىمجى قالاسى اۋىل-قىستاقتىڭ وقۋعا تۇسۋدەن بۇرىنعى ءۇش جىلدىق تەگىن تاربيەسىن اتقارۋ نەگىزىندە، قالا-قالاشىقتاردىڭ وقۋعا تۇسۋدەن بۇرىنعى ەكى جىلدىق تەگىن تاربيە ساياساتىن اتقاردى، ياعني اۋىل-قسىتاقتاردا 15 جىل، قالا-قالاشىقتاردا 14 جىل تەگىن وقىتىپ، 2018-جىلى كۇزدە تۇتاس قالادا 15 جىلدىق تەگىن وقتىۋدى نەگىزىنەن ىسكە اسىرماق. مۇنان تىس، ءۇرىمجى قالاسىنداعى 70 مىڭنان استام بالا باعۋ تاربيەلەۋ اقىسى، بالالار باسىلىمدارى اقىسى تەگىن بولۋ، ازىق-تۇلىككە، جىلىنۋ اقىسىنا كومەك قاراجات بەرۋ سياقتى ءتيىمدى ساياساتتاردان يگىلىكتەنەدى. ءۇرىمجى قالالىق وقۋ-اعارتۋ مەكەمەسىنىڭ باستىعى ليۋ جيان: «15 جىلدىق تەگىن وقىتۋ ــــــ باس نىسانانى تياناقتاندىرۋ، باس نىساناعا قىزمەت ەتۋگە كەپىلدىك ەتۋ، ياعني جاستار مەن ورەندەر، وقۋ جاسىنداعى بالالاردى بالالار باقشاسىنان تارتىپ ورتا مەكتەپ كەزەڭىنە دەيىن حالىقتىق تاربيە جۇيەسىنىڭ ارناعا تۇسكەن وقىتۋىنا تىكەلەي ەنگىزىپ، جاستار مەن ورەندەردىڭ ناعىز تولىمدى قۇرۋشىلار جانە سەنىمدى ءىزباسار بولۋىنا مۇمكىندىك جاساۋ بولىپ تابىلادى»،-دەدى.
رايونىمىزدىڭ وقۋ-اعارتۋ ىستەرىنىڭ اقاۋسىز، ورنىقتى دامۋىن جەبەپ، وقىتۋ دەڭگەيىن شىن مانىندە جوعارىلاتۋ ءۇشىن، اۆتونوميالى رايون جوعارى ساپالى وقىتۋشىلاردى ۇسىنىس ەتۋ، وقۋعا كومەكتەسۋ قيمىلىن كەڭ كولەمدى ورىستەتۋ ارقىلى وقىتۋشى كۇشىن تولىقتادى. قاراقاش اۋدانىنىڭ توۋات اۋىلدىق سەنتىرلى بالالار باقشاسىندا وقىتۋ ىستەرىنە كومەكتەسكەن لي مامىڭلۋ ( 李马梦璐) اۆتونوميالى رايوندىق جوعارى حالىق سوتى مەكەمەسى 2-كوللەگياسىنىڭ سۋديا كومەكشىسى، ءارى اۆتونوميالى رايوننىڭ وڭتۇستىك شينجياڭداعى اۋىل-قىستاقتاردىڭ قوس ءتىل بالالار باقشاسىنا كومەككە جىبەرگەن 3 مىڭ ۇكىمەت قىزمەتكەرىنىڭ ءبىرى. بيىل ول جاڭادان قۇرىلعان سوگاتلىك قىستاعىنىڭ بالالار باقشاسىنا ءبولىندى. ول بىلاي دەدى: الداعى ءبىر جىلدىق وقۋ ماۋسىمىنداعى نىسانام ـــــ جاڭادان قۇرىلعان وسى بالالار باقشاسىندا كوپ مەديالى جابدىقتار ارقىلى بالالارعا سىرتقى دۇنيەنى كوبىرەك ۇگىتتەپ جانە تانىستىرىپ، ولاردىڭ كوز اياسىن كەڭەيتۋ. ولاردىڭ وسى ءبىر جىلدا مەملەكەت ءتىلىن جاقسىراق ۇيرەنۋىنە مۇمكىندىك جاساپ، ولاردى وتانعا العىس ايتۋعا تاربيەلەيمىن.
قاراقاش اۋدانى توۋات اۋىلى سوگاتلىك قىستاعى بالالار باقشاسىنىڭ باستىعى چىن ليڭ: كەيبىر نارسەلەردى بالالار وسى جەردەگى مۇعالىمدەردەن ۇيرەنە المايدى. مەن لي مامىڭلۋ سياقتى وقىتۋ ىستەرىنە كومەككە كەلگەن وقىتۋشىلاردان اناعۇرلىم وزىق وقىتۋ يدەياسىن ۇيرەنىپ، اۋىل-قىستاقتارداعى بالالار باقشاسى ىستەرىنىڭ تىڭ ساتىعا كوتەرىلۋىنە كۇش سالامىن،-دەدى.
ساندى مالىمەتتەگى ناتيجە: اۆتونوميالى رايون قوس ءتىل اعارتۋىن بەلسەنە ىلگەرىلەتىپ، 2020-جىلعا بارعاندا از ۇلت وقۋشىلارىنىڭ مەملەكەتتىڭ ورتاق ءتىل-جازۋىن نەگىزىنەن يگەرۋىنە مۇمكىندىك جاسايدى. بيىل، رايونىمىزدىڭ جەر-جەرىندە جاڭادان قۇرىلعان جانە كەڭەيتىپ وزگەرتىپ سالىنعان 4 مىڭ 387 اۋىل-قىستاق بالالار باقشاسى رايونىمىز كولەمىندە اۋىل-قىستاقتارداعى وقۋعا تۇسۋدەن بۇرىنعى 3 جىلدىق تەگىن قوس ءتىل تاربيەسىن جالپىلاستىردى. بيىل رايونىمىز «شينجياڭداعى وقۋعا تۇسۋدەن بۇرىنعى قوس ءتىل وقىتۋشىلارىنىڭ ەرەكشە قىزمەت ورنى» جوسپارىن اتقارىپ، 3 مىڭ 500 وقىتۋشى ۇسىنىس ەتتى. «رايونىمىزدىڭ وقۋعا تۇسۋدەن بۇرىنعى جانە مىندەتتى وقۋ-اعارتۋ كەزەڭىندەگى وقىتۋشىلاردىڭ ەرەكشە قىزمەت ورنى» جوسپارىن اتقارىپ، وقۋعا تۇسۋدەن بۇرىنعى بالالار باقشاسىنا 6 مىڭ وقىتۋشى قابىلدادى. سونىمەن بىرگە، 2016-جىلى 3 مىڭ كادردى وڭتۇستىك شينجياڭنىڭ اۋىل-قىستاقتارىنداعى بالالار باقشاسىنا وقىتۋعا كومەكتەسۋگە تاڭداپ جىبەرۋ نەگىزىندە، تاعى 3 مىڭ مەملەكەت قىزمەتكەرىن، 2 مىڭ وقىتۋشىنى، بيڭتۋاننان 2 مىڭ كادردى وڭتۇستىك شينجياڭنىڭ اۋىل-قىستاقتارىنداعى بالالار باقشاسىنا وقىتۋعا كومەكتەسۋگە تاڭداپ جىبەرىپ، وقۋعا تۇسۋدەن بۇرىنعى بالالار باقشاسىنىڭ قوس ءتىل اعارتۋىن ۇزدىكسىز تولىق جالپىلاستىردى.
مامانداردىڭ باعاسى: ج ك پ اۆتونوميالى رايوندىق 9-قۇرىلتايىندا: وقۋ-اعارتۋ ارقىلى حالىققا تيىمدىلىك جەتكىزۋگە تاباندى بولىپ، وقۋ-اعارتۋ ىستەرىنىڭ دامۋىن جەدەلدەتۋ كەرەكتىگى العا قويىلدى. وقۋ-اعارتۋ ارقىلى حالىققا تيىمدىلىك جەتكىزۋ ساياساتى رايونىمىزدىڭ وقۋ-اعارتۋ ىستەرىنىڭ دامۋىن جەبەپ، ءار ۇلت بالالارىنىڭ مەكتەپكە ءتۇسىپ وقۋىنا مۇمكىندىك جاسادى. اۆتونوميالى رايوندىق پارتيا مەكتەبى شينجياڭنىڭ ەكونوميكاسى مەن قوعامىنىڭ دامۋىن زەرتتەۋ ورتالىعىنىڭ مەڭگەرۋشىسى جي سۋلين بىلاي دەدى: شينجياڭدا وقۋ-اعارتۋ ءالى دە ءالسىز بۋىن سانالادى. وقۋ-اعارتۋعا جۇمسالىمدى بارىنشا ارتتىرىپ، وقۋ-اعارتۋ ىستەرىن ىلگەرىلەتۋگە تۋرا كەلەدى. ايتالىق، 15 جىلدىق تەگىن وقىتۋ 9 جىلدىق مىندەتتى وقۋ-اعارتۋدان 6 جىل ارتىق دەگەن ءسوز. ول وقۋشىلاردىڭ مادەنيەت ساپاسىن، عىلىم-تەحنيكا ساپاسىن، ءبىلىم دەڭگەيىن جوعارىلاتىپ، بارىنشا جاقسى تاربيە الۋ ارقىلى وزىق يدەيامەن ءداۋىردىڭ العا باسۋ قادامىنا ىلەسۋىنە مۇمكىندىك جاسايدى. بۇل شينجياڭنىڭ امالياتىنا قاراي ىستەلگەن شارۋا. اسىرەسە قوس ءتىل اعارتۋىندا مەملەكەتتىڭ ورتاق ءتىلىن جالپىلاستىرۋ نەداۋىر وزر تەبىندى قاجەت ەتىپ وتىر، بۇل قىزمەت نەگىزدى يگەرۋ، بولاشاققا نازار سالۋ نەگىزىندەگى نەگىزدىك ينجەنەريا، ول قوعامنىڭ ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا كەلەلى ءمان الادى. بالالارعا كىشكەنتايىنان باستاپ وتاننىڭ ۇلى شاڭىراعىنىڭ مەيىرىن، وتانىمىزدىڭ گۇلدەنىپ-كوركەيگەندىگىن سەزىندىرۋ كەرەك، ولار بۇدان قاعىس قالسا بولمايدى.

بەرىپ كەت ورامالىڭدى

دوستار

الىستاعى اق ەركە