باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ «ب م ۇ - نىڭ شولەيتتەنۋدەن ساقتانۋ جانە ونى تىزگىندەۋ شارتىن» جاساسۋشى تاراپتاردىڭ 13 - رەتكى جينالىسىنىڭ جوعارى دارەجەلىلەر ءماجىلىسى اشىلعاندىعىن حات جازىپ قۇتتىقتادى

    كەلۋ قاينارى: شينجياڭ گازەتى    2017-09-13 18:40:02  
 شينحۋا اگەنتتىگىنىڭ 11 - قىركۇيەكتە كوكحوتتان بەرگەن حابارى. «ب م ۇ - نىڭ شولەيتتەنۋدەن ساقتانۋ جانە ونى تىزگىندەۋ شارتىن» جاساسۋشى تاراپتاردىڭ 13 - رەتكى جينالىسىنىڭ جوعارى دارەجەلىلەر ءماجىلىسى 11 - قىركۇيەكتە ىشكى موڭعۇلدىڭ وردوس قالاسىندا اشىلدى. مەملەكەت ءتوراعاسى شي جينپيڭ قۇتتىقتاۋ حاتىن جولداپ، ءماجىلىستىڭ اشىلعاندىعىن قىزۋ قۇتتىقتادى، ماجىلىسكە قاتىناسقان ءار ەل ۋاكىلدەرىن، حالىقارالىق ورگانداردىڭ جاۋاپتىلارىن جانە ءار سالا قايراتكەرلەرىن ىقىلاسپەن قارسى الاتىندىعىن ءبىلدىردى ءارى جينالىستىڭ تولىق تابىستى بولۋىن تىلەدى.
  شي جينپيڭ مىنالاردى اتاپ كورسەتتى: جەردىڭ شولەيتتەنۋى − ادامزاتتىڭ تىرشىلىگى مەن دامۋىنا ىقپال كورسەتەتىن الەمدىك كەلەلى ەكولوگيالىق ماسەلە. شارت كۇشكە يە بولعان 21 جىلدان بەرى، تاراپتاردىڭ ورتاق قۇلشىنۋىندا، الەمدىك شولەيتتەنۋدەن ساقتانۋ جانە ونى تىزگىندەۋ كورنەكتى تابىسقا قول جەتكىزدى، ايتسەدە جاعداي اۋەلگىدەي اۋىر، دۇنيە جۇزىندە ءالى كوپتەگەن جەرلەردىڭ حالقى شولەيتتەنۋدىڭ زاردابىن تارتۋدا. بۇل رەتكى جينالىس «تىزە قوسا وتىرىپ شولدەن ساقتانىپ جانە ونى تىزگىندەپ، ادامزاتتى بىرگە باقىتقا كەنەلتەيىك» نەگىزگى تاقىرىبىن ارقاۋ ەتىپ، شارتتىڭ جاڭا ستراتەگيالىق جۇلگەسىن بىرگە اقىلداستى، ونىڭ الداعى جەردە الەمدىك ەكولوگيالىق ءوندىرىس حاۋىپسىزدىگىن قورعاۋ جونىنەن كەلەلى دە بەلسەندى ىقپال كورسەتەتىنى ءشۇباسىز.
  شي جينپيڭ مىنالاردى اتاپ كورسەتتى: شولەيتتەنۋدەن ساقتانۋ جانە ونى تىزگىندەۋ ادامزات ءدوپ كەلىپ وتىرعان ورتاق سايىس، حالىقارالىق قوعامنىڭ تىزە قوسا توتەپ بەرۋىن قاجەت ەتەدى. ءبىز تابيعاتقا قۇرمەت ەتۋ، تابيعاتتى قورعاۋ ۇستانىمىن ساۋلەلەندىرىپ، ەكولوگيانى الدىمەن ەسكەرۋگە، ساقتانۋدى نەگىز ەتۋگە تاباندى بولىپ، سەنىمدى بەكەمدەپ، بولاشاقتى بەتكە الىپ، شارتتىڭ كەڭ كولەمدى سەلبەستىك ورناتقان، نىساناسى ايقىن جاڭا ستراتەگيالىق جۇلگەسىن جاساپ، الەمدىك ءشول ەكولوگياسى جۇيەسىن وڭاۋدى بىرگە ىلگەرىلەتىپ، ءشولدىڭ ادامزاتقا باقىت جاراتۋىنا مۇمكىندىك جاساۋىمىز كەرەك. جۇڭگو الداعى جەردە شارتتاعى بورىشتاردى بۇلجىماي اتقارىپ، وسى رەتكى شارت جاساسۋشى تاراپتار جينالىسى تۇراقتاندىرعان نىسانا بويىنشا، ءارقايسى مۇشە ەلدەرمەن جانە حالىقارالىق ۇيىمدارمەن اۋىس - كۇيىستى، سەلبەستىكتى بۇرىنعىداي كۇشەيتىپ، اناعۇرلىم كورىكتى دۇنيە ءجۇزىن قۇرۋ جولىندا بىرگە قۇلشىنادى.
  مەملەكەتتىك كەڭەستىڭ ورىنباسار زۇڭليى ۋاڭ ياڭ اشىلۋ راسىمىندە شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى. ول مىنالاردى باسا دارىپتەدى: جۇڭگو ءتوراعا شي جينپيڭنىڭ 2015 - جىلعى ب م ۇ - نىڭ دامۋ جونىندەگى باس قوسۋىندا بەرگەن سالتاناتتى ۋادەسىن مۇقيات اتقارىپ، 2030 - جىلعى باياندى دامۋ كەڭەستىك ءتارتىبىن تياناقتاندىرۋدى مىندەتى، جاڭا دامۋ ۇستانىمىن جەتەكشى ەتىپ، شولەيتتەنۋدەن ساقتانۋدى جانە ونى تىزگىندەۋدى ەكولوگيالىق وركەنيەت قۇرىلىسىنىڭ ماڭىزدى مازمۇنى تۇرعىسىنان قاراپ، حالىقارالىق اۋىس - كۇيىستى، سەلبەستىكتى جاپپاي كۇشەيتىپ، ءشول ەكولوگياسى جۇيەسىن وڭاۋ مەن حالىق تۇرمىسىن جاقسارتۋ ءوزارا ۇشتاستىرىلعان جۇڭگوشا جولمەن جۇرۋگە قۇلشىنىس جاسايدى.
  ب م ۇ - نىڭ باس حاتشىسى گۇتەررەس ماجىلىسكە بەينە كەسكىن ءسوزىن جولدادى.
  «ب م ۇ - نىڭ شولەيتتەنۋدەن ساقتانۋ جانە ونى تىزگىندەۋ شارتى» − ب م ۇ ريو - دە - جانەيرو باياندى دامۋ جينالىسى جۇلگەسىندەگى 3 ۇلكەن قورشاعان ورتا شارتىنىڭ ءبىرى، ول حالىقارالىق قوعامنىڭ شولەيتتەنۋدەن ساقتانۋ جانە ونى تىزگىندەۋ، قۋاڭشىلىق ىقپالىن باسەڭدەتۋ جاقتارىندا سەلبەستىكتى كۇشەيتۋىن ىلگەرىلەتۋدى ماقسات ەتكەن. شارت جاساسۋشى تاراپتار جينالىسى شارتتىڭ ەڭ جوعارى شەشىم جاساۋ ورگانى، كەزەكتە 2 جىلدا ءبىر رەت وتكىزىلىپ كەلەدى، 196 شارت جاساسۋشى تاراپتىڭ، 20 نەشە حالىقارالىق ۇيىمنىڭ رەسمي ۋاكىلدەرىنەن شامامەن 1400 ادام وسى رەتكى ماجىلىسكە قاتىناستى.
ءان الەمى

جول توسىلىپ قالدى

تۇلپارىم