باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

پارتيا مەن حالىقتىڭ ادەبيەت - كوركەمونەر شەبىن قورعاۋعا ساقاداي ساي تۇرايىق

    كەلۋ قاينارى: شينجياڭ حالىق راديو ىستانسياسى    2017-09-13 18:57:24  

اۆتونوميالى رايوندىق ادەبيەت-كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى جاڭ شينشىڭ

سوڭعى جىلدارى «ءۇش ءتۇرلى كۇش» پەن ءار ءتۇرلى «ەكىبەتكەيلەر» ءتۇرلى امالدارمەن، تاسىلدەرمەن ادەبيەت - كوركەمونەر سالاسىنا كەۋلەپ كىردى. ولار تاريحي شىندىقپەن ساناسپاي، الدەقاشان تۇراقتانعان شينجياڭ تاريحى، ۇلتتاردىڭ دامۋ تاريحى، دىندەردىڭ وزگەرۋ تاريحى ماسەلەسىندە ادامداردى الجاستىرىپ، ادەبيەت - كوركەمونەر تۋىندىلارىندا كەرتارتپا يدەيالار مەن قاتە كوزقاراستاردى كولەگەيلەپ تاراتىپ، يدەيالىق جاقتان الجاستىردى؛ ولار «ءپانىسلاميزم» مەن «پانتۇركيزم» جانە ايتىلمىس «ۇلت دەربەستىگى» سياقتى ساندىراقتاردى كوتەرىپ شىعىپ، ۇلتتار ىنتىماعى مەن قوعام ورنىقتىلىعىن ءبۇلدىرىپ، مەملەكەتتىڭ حاۋىپسىزدىگى مەن وتاننىڭ تۇتاستىعىنا زيان جەتكىزدى؛ ولار ءدىندى جەلەۋ ەتىپ، «كاپىر نازارياسى»، «جيحاد − جانناتقا باستايتىن جول» دەگەن ساندىراقتى قۇتىرىنا دارىپتەپ، ءدىن قىزبالىعىنا سالىنۋعا جەلىكتىردى؛ ۇلتتىق كيىم - كەشەك، ازىق - تۇلىك، نەكە، ءولىم - ءجىتىم سياقتى تۇرمىستىق ىستەردە «جاپپاي مۇسىلمانشالاستىرۋ» دەگەندى شەكتەن تىس بازارعا سالىپ، «دۇرىس پەن بۇرىستى ۇلت ايىرماسىنا قاراي پارىقتاپ»، ادەبيەت - كوركەمونەر تۋىندىلارى ارقىلى تار ءورىستى ۇلتشىلدىق ويىن تاراتىپ، مەملەكەت پەن قوعامدى جونگە سالۋعا كەدەرگىلىك جاساپ، بۇقارانىڭ زايىرلى تۇرمىسىنا كيلىكتى. ولار ۇلتتىق ارازدىققا، ۇلتتىق وشپەندىلىككە جەلىكتىرىپ، بۇقارانى ءدىني ۇشقارىلىقتىڭ، ۇلتتىق بولشەكتەۋشىلىكتىڭ جانە زورلىقتى كۇش لاڭكەستىكتىڭ تەرىس جولىنا ايتاقتاپ، شينجياڭدى قوعامى بىلىققان، زورلىقتى كۇش، لاڭكەستىك ارەكەتتەر توقتاۋسىز تۋىلعان، ۇلتتار ءبىر - بىرىمەن وشەسكەن، بۇل كۇيزەلگەن، اپاتتىڭ شىڭىراۋىنا تۇسىرۋگە ۇرىندى. بۇل نەتكەن قانىپەزەرلىك!
  يدەولوگيا سالاسىنداعى قاتاڭ دا كۇردەلى بولعان بولشەكتەۋشىلىككە قارسى تۇرۋ اۋقىمى الدىندا، مەن مىنا ءبىر ناقتى ءارى كوكەي تەستى ماسەلەگە، ءسوز جوق، جاۋاپ قايتارۋىم كەرەك: پارتيانىڭ ادەبيەت - كوركەمونەر قىزمەتكەرى وسى ءبىر قاتاڭ ساياسي كۇرەسكە قانداي بەينەمەن ات سالىسۋى كەرەك؟ مەن ماۋ زىدۇڭ «مادەنيەت جاڭا قوسىنىنىڭ ەڭ ۇلى ءارى ەڭ باتىر اتويشىسى» دەپ اتاعان لۋشۇن سىندى ۇلى جازۋشىنى ەرىكسىز ەسىمە الدىم. چۇي چيۋباي لۋشۇندى «رۋح الەمىنىڭ ساربازى» دەپ اتاعان. ادەبيەت - كوركەمونەرشىلەر بىرلەستىگى ۇيىمىنىڭ پارتيالى باسشى كادرى رەتىندە، مەن ءار ۇلت ادەبيەت - كوركەمونەر قىزمەتكەرلەرىمەن تىعىز ىنتىماقتاسىپ، ولارعا سۇيەنىپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرۋ، «كەشەندى شارالاردى» ويداعىداي اتقارۋ ورنالاستىرۋىن، تالابىن شىنايى تياناقتاندىرىپ، رۋح تۋىن ۇستاپ، رۋحاني تىرەك ورناتىپ، رۋحاني مەكەن قۇرىپ، لۋشۇن سياقتى باتىلدىقپەن «رۋح الەمىنىڭ ساربازى» بولا ءبىلىپ، «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەسىپ، جاۋىنگەرلىك بەينەمەن پارتيا مەن حالىقتىڭ ادەبيەت - كوركەمونەر شەبىن باستان - اياق قورعايمىن.
  ءبىرىنشى، سانالىلىقپەن ءار ۇلتقا ورتاق رۋحاني مەكەن قۇرۋىمىز كەرەك. باس شۋجي شي جينپيڭ بىلاي دەپ باسا دارىپتەگەن ەدى: «جۇڭحۋا ۇلتىنىڭ ۇلى ىنتىماعىن كۇشەيتۋدەگى ۇزاق ۋاقىتتىق جانە ءتۇبىرلى ماسەلە مادەنيەتتەگى ورتاق تانىمدى كۇشەيتۋ، ءار ۇلتتىڭ ورتاق رۋحاني مەكەنىن قۇرىپ، جۇڭحۋا ۇلتى ورتاق تۇلعا دەيتىن تانىمدى بەلسەنە جەتىلدىرۋ كەرەك». جۇڭحۋا ۇلتى ورتاق تۇلعا دەگەنىمىز مادەنيەت جاعىنان ورتاق تۇلعا، سونداي - اق مۇددە جاعىنان ورتاق تۇلعا، اۋەلى، تاعدىرلاس ورتاق تۇلعا. جۇڭحۋا ۇلتى ورتاق تۇلعا دەيتىن يدەيالىق نەگىزدى بەكەمدەۋ − مەملەكەت تۇتاستىعىنىڭ نەگىزى، ۇلتتار ىنتىماعىنىڭ وزەگى، رۋحاني كۇشتىڭ جانى. تەتىگى − ءار ۇلت حالقىنىڭ بىتە قايناسقان، قۋانىش - قايعىسى ورتاق بولعان تاريحي تاجىريبەسىن تەرەڭ قابىلداپ، «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەسىپ، ۇلتتار ىنتىماعى، العاباسارلىعى ۇلى ىستەرىن بۇلجىماي جەبەپ، ءار ۇلت حالقىنا ورتاق رۋحاني مەكەندى بۇلجىماي قۇرۋدا. ءبىز مادەنيەتتەگى سەرگەك سانالىلىقتى قاي - قاشان دا ساقتاپ، سوتسياليستىك وزەكتى قۇن كوزقاراسىن بارىنشا جەتىلدىرىپ جانە امالياتتا اتقارىپ، ادالدىققا، ىزگىلىككە، اسەمدىككە تالپىنۋ، وڭ ەنەرگيا تاراتۋدى تۋىندىلاردىڭ نەگىزى ەتىپ، باس نىسانانى ۇيرەنۋ، باس نىسانانى دايەكتىلەندىرۋ، باس نىسانانى تياناقتاندىرۋ ساياسي تالابىن ادەبيەت - كوركەمونەر تۋىندىلارى امالياتىنىڭ ءار جاعىمەن توعىستىرىپ، ادەبيەت - كوركەمونەر سالاسىنىڭ بورىشى مەن جاۋاپكەرلىگىن تولىق ايگىلەۋىمىز كەرەك.
  ەكىنشى، ءار ۇلتتىڭ رۋحاني مەكەنىن باتىل قورعاۋىمىز كەرەك. جۇڭگو − ەجەلدەن بەرى كوپ ۇلتتى ءبىر تۇتاس مەملەكەت، شينجياڭ − ۇلى وتانىمىزدىڭ ايىرىلماس ءبىر بولەگى، شينجياڭداعى ءار ۇلت − جۇڭحۋا ۇلتى ۇلى شاڭىراعىنىڭ تەرەزەسى تەڭ مۇشەسى، ۇلتتار ىنتىماعى شينجياڭداعى ءار ۇلت حالقىنىڭ جان تامىرى، قوعام ورنىقتىلىعى مەن باياندى تىنىشتىق شينجياڭداعى ءار ۇلت حالقىنىڭ ءتۇبىرلى مۇددەسىنە سايادى، وتاننىڭ تۇتاستىعى مەن مەملەكەتتىڭ حاۋىپسىزدىگىن قورعاۋ − شينجياڭداعى ءار ۇلت حالقىنىڭ مىزعىماس ەركى. وسى يدەيالىق ورتاق تانىمدار − شينجياڭداعى ءار ۇلت حالقىنىڭ تاريحي دامۋىنىڭ جانە ناقتى قۇلشىنىسىنىڭ رۋحاني قورى، ودان اۋىتقۋعا استە بولمايدى، ءسوز جوق، جانىمىزبەن باتىل قورعاۋىمىز ءارى ۇرپاقتان - ۇرپاققا جەتكىزۋىمىز كەرەك! ءبىز وسكەلەڭ قىراعىلىقتى قاي - قاشان دا ساقتاپ، وسى ءبىر رۋحاني قوردى اۋىتقۋعا ۇرىنعان ءارقانداي قاسكويلىكپەن، كەۋلەپ كىرۋمەن جانە ءبۇلدىرۋ ارەكەتتەرىمەن كۇرەسىپ، حالىققا قىزمەت ەتۋ، سوتسياليزمگە قىزمەت ەتۋ باعىتىنان باستان - اياق بۇلجىماي، ءار ۇلت حالقىنىڭ پارتيانى جۇرەگىندە ساقتاۋ، پارتياعا العىس ايتۋ، پارتياعا ىلەسۋ سىندى رۋحاني بەت - بەينەسىن، سونداي - اق كوركەم شينجياڭ قۇرۋ، وتان ارمانىن بىرگە جۇزەگە اسىرۋ كۇرەس امالياتىن ادەبيەت - كوركەمونەردى بەينەلەۋدىڭ تۇلعاسى ەتىپ، وتانشىلدىقتىڭ، ۇلتتار ىنتىماعىنىڭ تۋىن تيانشاننىڭ تۇستىگى مەن تەرىستىگىندە جەلبىرەتۋىمىز كەرەك.
  ءۇشىنشى، «ءۇش ءتۇرلى كۇشپەن» جانە «ەكىبەتكەيلەرمەن» سوڭىنا دەيىن باتىل كۇرەسۋىمىز كەرەك. قوعام ورنىقتىلىعىن قورعاۋ، باياندى تىنىشتىقتى ىسكە اسىرۋ ۇلى كۇرەسىندە ءبىز لۋشۇننىڭ جاۋىنگەرلىك رۋحىنان ۇيرەنىپ جانە ونى ساۋلەلەندىرىپ، قاي - قاشان دا اسقاق جىگەردى ساقتاپ، «رۋح الەمىنىڭ ساربازى» بولۋداي جاۋىنگەرلىك بەينەمەن قالام تەربەۋدى تۋ، قالامدى قارۋ ەتىپ، ادەبيەت - كوركەمونەر سالاسىندا «ءۇش ءتۇرلى كۇشپەن» جانە «ەكىبەتكەيلەرمەن» سوڭىنا دەيىن كۇرەسىپ، ۇلتتىق بولشەكتەۋشىلىكتىڭ، ءدىني ۇشقارىلىقتىڭ جانە زورلىقتى كۇش لاڭكەستىكتىڭ يدەيالىق قاينارى مەن ءوسىپ - ءوربۋ توپىراعىن باتىل الاستاۋىمىز كەرەك. ءبىز پارتيا مەن حالىقتىڭ ادەبيەت - كوركەمونەر شەبىن قورعاپ، رۋح الاۋىن بيىك ۇستاپ، العا باسۋدىڭ كۇرەس دابىلىن قاعىپ، ءداۋىر جىرىن جىرلاپ، ءنارى، ءمورالى، جىلۋى بار ءتىپتى كوپ ادەبيەت - كوركەمونەر تۋىندىلارى ارقىلى حالىقتىڭ ۇلى امالياتىن، ءداۋىردىڭ العا باسۋ تالابىن جازىپ، ەستەلىككە الىپ، ءار ۇلت حالقىنىڭ ورتاق سۇيىسپەنشىلىگى مەن قۇنىن، ورتاق ارمانى مەن رۋحىن جەتىلدىرىپ، ءار ۇلت حالقىن باس نىسانانى ىسكە اسىرۋ ءۇشىن كۇرەسۋگە شابىتتاندىرىپ، ءار ۇلت حالقىنىڭ تاماشا تۇرمىسقا دەگەن تىلەگى مەن سەنىمىن بەكەمدەپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا تىنباي كۇرەسۋىمىز كەرەك.

ءان الەمى

جول توسىلىپ قالدى

تۇلپارىم