باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىل-قىستاق تاس جولىنىڭ «ەڭ سوڭعى ءبىر شاقىرىمى» تۇتاستىرىلىپ، ىلەنىڭ سىرتپەن بارىس-كەلىس ارناسى كەڭەيدى

    كەلۋ قاينارى: شينجياڭ حالىق راديو ىستانسياسى    2017-09-14 11:13:47  
ىلە اقپارات تورابىنىڭ حابارى: اۋداندارعا جوعارى قارقىندى تاس جولدار سالىنىپ، اۋىل-قىستاق جولدارى اسفالتتاندىرىلىپ، اۋىل-قىستاق تاس جولىنىڭ «ەڭ سوڭعى ءبىر شاقىرىمى» تۇتاستىرىلىپ، ىلەنىڭ سىرتپەن بارىس-كەلىس ارناسى كەڭەيدى .5 جىلدان بەرى، ىلە وبلىسىنا قاراستى ورىنداردىڭ تاس جول نىسان قۇرىلىسى قاۋىرت جۇرگىزىلدى، 2016-جىلدىڭ سوڭىنا دەيىن وبلىسقا توتە قاراستى ورىندارداعى تاس جول لەنياسىنىڭ ۇزىندىعى 13 مىڭ 998 كيلومەترگە، مەملەكەتتىك جانە ولكەلىك تاس جول لەنياسىنىڭ ۇزىندىعى ءبىر مىڭ 963 كيلومەترگە، اۋىل-قىستاق تاس جول لەنياسىنىڭ ۇزىندىعى 12 مىڭ 35 كيلومەترگە جەتكەن.وبلىسقا توتە قاراستى ورىندارداعى 125 اۋىل-قالاشىق، ەگىن-مال شارۋاشىلىق الاڭى جولدارىنىڭ ءبارى اسفالتتاندىرىلىپ، 855 قىستاقتىڭ ىشىندە 814 قىستاققا جول سالىنىپ، تاس جول قۇرىلىسىندا تولاعاي تابىسقا قول جەتتى.
تاياۋدا، جۇڭگو تەمىر جولى توبى 14-مەكەمەسىنىڭ مەملەكەتتىك تاس جول 577-لەنياسى اقجازىقتان تەكەسكە دەيىنگى 1-جول بولەگى نىسانىنىڭ مەڭگەرۋشىسى چىن جيانچياڭ تىلشىگە بىلاي دەدى: «تەكەس تۋنەلى ينجەنەرياسىندا ءتورت اۆتوموبيل قاتار قوس باعىتتا قاتىناي الاتىن 1-دارەجەلى تاس جول ولشەمى اتقارىلدى. تۇتاس لەنيا وندىرىسكە قوسىلعاننان كەيىن تەكەس، موڭعۇلكۇرە اۋداندارىنداعى جانە جاقىن ماڭداعى تۋان الاڭدارداعى ءار ۇلت بۇقاراسى سىرتپەن بارىس-كەلىس جاسايتىن ەڭ قولايلى ارناعا اينالىپ، بۇرىنعى لەنياداعى حاۋىپتى اسۋدان اسۋعا قاراعاندا جول ءبىر ساعات قىسقارادى. سونىمەن تەكەس اۋدانىنا باراتىن ساياحاتتاۋشىلار ›حاۋىپتى جولمەن‹ جۇرمەيتىن بولادى».
5 جىلدان بەرى، ىلە قازاق اۆتونوميالى وبلىسىنا توتە قاراستى ورىنداردىڭ قاتىناس-تاسىمال نەگىزدىك قۇرىلعى قۇرىلىسى تەز قارقىنمەن دامىپ، نەگىزگى جەلىدەگى جول توراپتارى قۇرىلىمى اناعۇرلىم ساپالانىپ، اۋداندار ارا جوعارى قارقىندى تاس جول سالۋ رەالدىققا اينالدى.قازىرگە دەيىن تاس جول قۇرىلىسىنا جالپى 12 ميلليارد 200 ميلليون يۋان قارجى قوسىلىپ، سايرام-كەڭساي جوعارى قارقىندى تاس جولى، قۇلجا-ءدوڭمازار جوعارى قارقىندى تاس جولى جاسالىپ، كولىك قاتىنادى؛ مەملەكەتتىك تاس جولى 219-لەنياسىنداعى ۇلكەن قوناقاي تۋنەلى تۇتاستىرىلدى؛ مەملەكەتتىك تاس جولى 218-لەنياسىنداعى ءدوڭمازار-نارات جوعارى قارقىندى تاس جولى، مەملەكەتتىك تاس جول 577-لەنياسىنداعى ءدوڭمازار-اقجازىق-تەكەس تاس جولى، قۇلجا قالاسى-دۋلات وتكەلى تاس جولى سياقتى ءبىر توپ نەگىزگى جەلىدەگى تاس جول قۇرىلىسى نىسانىندا ارت-ارتىنان جۇمىس باستالدى.مەملەكەتتىك تاس جولى 218-لەنياسىنداعى ءدوڭمازار-نارات جوعارى قارقىندى تاس جولىن قورعاۋدان ۇلگى كورسەتۋ ينجەنەرياسى سياقتى ءىرى، ورتا جول جوندەۋ، وزگەرتۋ ينجەنەريالارىنىڭ جۇمىسى اياقتالىپ، وبلىسقا توتە قاراستى ورىنداردىڭ نەگىزگى جەلىدەگى تاس جول شارت-جاعدايىن بارىنشا جاقسارتتى.
ءان الەمى

جول توسىلىپ قالدى

تۇلپارىم