باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭ كورمە ۇيىرمەسىنىڭ اپارعان ۇلتتىق ءان-ءبي نومەرلەرى مەن مادەنيەت جاسامپازدىق ونىمدەرى كورەرمەندەردىڭ القاۋىنا يە بولدى

    كەلۋ قاينارى: شينجياڭ حالىق راديو ىستانسياسى    2017-09-14 16:23:31  

ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: 13-قىركۇيەك 12-كەزەكتى جۇڭگو بەيجيڭ حالىقارالىق مادەنيەت جاسامپازدىق كاسىپ كورمەسى بەيجيڭدە جابىلدى. شينجياڭ كورمە ۇيىرمەسىنىڭ اپارعان ۇلتتىق ءان-ءبي نومەرلەرى مەن مادەنيەت جاسامپازدىق ونىمدەرى كورەرمەندەردىڭ القاۋىنا يە بولدى.
از ۇلتتاردىڭ ءان-ءبي ويىن نومەرلەرىن قويۋدان اتلاس كيىم-كەشەك ۇلگىسىن كورسەتۋگە، بەيزاتتىق مادەني مۇرا قولونەر سارا تۋىندىلارىن كورسەتۋدەن مادەني مۇرا مادەنيەت جاسامپازىعى ونىمدەرىن كورسەتۋگە دەيىن 3 كۇن اشىلعان بەيجيڭ حالىقارالىق مادەنيەت جاسامپازدىق كاسىپ كورمەسىندە، شينجياڭنان كورمەگە قاتىناسۋعا بارعان كاسىپورىندار مەن قىزمەتكەرلەر كوتەرىڭكى كوڭىل-كۇيمەن ەلىمىزدىڭ ءىشى-سىرتىنداعى كورەرمەندەرگە شينجياڭنىڭ مادەنيەتىن كورسەتىپ ءارى تانىستىرىپ، كورەرمەندەردىڭ القاۋىنا بولەندى.حايكۋ قالاسىنان كەلگەن كورەرمەن حان يۇي بىلاي دەدى: «كورمە مەنى وزىنە بىردەن باۋراپ اكەتتى، سەبەبى شينجياڭدىق بويجەتكەندەر ءان ايتىپ، ءبي بيلەدى، ولار وسىنداي وبرازدارى ارقىلى بىزگە شينجياڭنىڭ راسىندا كوركەم جەر ەكەنىن كورسەتتى، ونىڭ ۇستىنە وتە جاندى سەزىلدى. ولاردىڭ حوتان قاس تاسى، شينجياڭ ءجۇزىم شارابى سياقتىلاردى قامتىعان قاتىستى ونىمدەرى دە باسقا جەردىكىمەن ۇقسامايدى ەكەن. شينجياڭ وتە كوركەم سەزىلدى، وراي بولسا، ءسوز جوق بارامىن».

شينجياڭ كورمە ۇيىرمەسى كورسەتۋ، تانىستىرۋ جانە نىسان جاعىندا سەلبەسۋ سياقتى ءتۇرلى تاسىلدەر ارقىلى رايونىمىزدىڭ مادەنيەت كاسىبىنىڭ دامۋىن ىلگەرىلەتتى. 2016-جىلدىڭ اياعىنا دەيىن، رايونىمىزدا مەملەكەت دارەجەلى مادەنيەت كاسىبى ۇلگى بازاسىنان جيىنى التاۋى، اۆتونوميالى رايون دارەجەلى مادەنيەت كاسىبى ۇلگى بازاسىنان 100 ءى قۇرىلدى. اۆتونوميالى رايوندىق مادەنيەت مەڭگەرمەسى مادەنيەت كاسىبى باسقارماسىنىڭ باستىعى عينيجان قيۇم تىلشىگە بىلاي دەدى: قازىر، رايونىمىزدىڭ مادەنيەت كاسىبىندە كوركەمونەر ويىن نومەرلەرىن قويۋ، اقپارات باسپا-ءسوز، مادەنيەت كوڭىل اشۋ، مادەنيەت ساياحات سياقتىلاردى ۋاكىل ەتكەن ءداستۇرلى مادەنيەت كاسىبى مەن كارتون، مادەنيەت كورمەسى، جاسامپازىق جوبا، سيفرلى مادەنيەت جاعىندا قىزمەت ەتۋدى ۋاكىل ەتكەن جاڭادان كوركەيگەن مادەنيەت تۇرىندەگى مادەنيەت كاسىبىن دامىتۋ جۇيەسى قالىپتاستى. ەندىگى كەزەكتە، ءبىز ءىرى كورمە سىندى تەكشەدەن جالعاستى پايدالانىپ، كاسىپورىندارىمىزدىڭ باۋىرلاس ولكە، رايونداردان ۇيرەنۋىن جەبەيمىز ءارى باۋىرلاس ولكە، رايوندارداعى ءىشىنارا جاقسى كاسىپروىنداردى شينجياڭعا كەلۋگە ۇسىنىس ەتىپ، دارىندىلاردى ۇسىنىس ەتۋ، قارجى جاعىندا توعىسۋ ارقىلى مادەنيەت كاسىبىمىزدى دامىتۋداعى باسەكەلىك قۋاتىمىزدى جوعارىلاتامىز».

ءان الەمى

جول توسىلىپ قالدى

تۇلپارىم