جاڭا حابارلار

«تاكلاماكانداعى بارابان ءۇنى» اتتى كينو فيلم قويىلعاننان بەرى، ۇزدىكسىز جاقسى باعاعا يە بولدى

    كەلۋ قاينارى: شينجياڭ حالىق راديو ىستانسياسى    2017-09-18 20:00:35  
ستانسيامىزدىڭ تىلشىلەرى ليۋ كاي ، دۇڭ جىيۇڭداردىڭ حابارىن تىڭداڭىزدار: «تاكلاماكانداعى بارابان ءۇنى» اتتى كينو فيلم قويىلعاننان بەرى، ۇزدىكسىز جاقسى باعاعا يە بولدى. فيلمدەگى ۋاقيعا رەال تۇرمىستان الىنىپ، ايگۇل اتتى قىز بالانىڭ ءبيشى بولۋ ارمانى مەن توقتى اتتى كاريانىڭ ناگرا بارابانشىسى بولۋ ارمانى ارقاۋ ەتىلىپ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ » بويىنشا قىستاقتا تۇرۋ قىزمەتىنىڭ وڭتۇستىك شينجياڭنىڭ نەگىزگى ساتىسىنا وراسان زور وزگەرىس اكەلگەنى كورسەتىلدى. 
كينو ءار رەت قويىلىپ اياقتاعاننان كەيىن، كورەرمەندەردىڭ جۇرەك قىلىن تەربەتتى، كورەرمەن مەيرگۇل جارقىن قىزى، قىستاقتا تۇرعان كادرلاردىڭ قىستاققا اكەلگەن وزگەرىسى وزىنە  تەرەڭ اسەر قالدىرعانىن ايتا كەلىپ بىلاي دەدى: «ولاردىڭ بۇقاراعا جاقسى، ناقتىلى ءىس ىستەپ بەرگەنى، كەتەرىندە بۇقارانىڭ ولاردى قيماستىقپەن شىعارىپ سالىپ، بىرگە توپتىق سۋرەتكە تۇسكەنى مەنى ەرەكشە اسەرلەندىردى».
فيلمدە قىزمەت اتىرەتىنىڭ باستىعى حى جيانجياڭنىڭ رولىنا شىققان ارتيست جىڭ شياۋنيڭ، قىستاقتا تۇرۋ قىزمەتىن ءتۇسىنىپ، قىستاقتا تۇرۋ قىزمەتىن سەزىنۋ، ءارى ونى ەكرانعا تاماشا الىپ شىعۋ ءوزى ءۇشىن ءارى شىنىعۋ جانە كەمەلدەنۋ بولعانىن ايتا كەلىپ بىلاي دەدى: «ءبىز بارلىق اۋىلداستارمەن قويان - قولتىق ارالاسىپ كەتۋىمىز كەرەك، كەيىپكەر، ءتىل جاعىنداعى جاسامپازدىق، پورترەت جاقتاعى جاسامپازدىق جانە رولدى سومداۋ جاعىنداعى جاسامپازدىق بولسىن بۇرىنعى ايتىلمىس جوعارى ولشەمنەن بۇكىلدەي پارىقتى بولۋى كەرەك. بەلگىلى ناتيجە جاراتۋ ءۇشىن ، بۇرىنعى سومدالعان ولكە باستىعى ، ولكەلىك پارتكومنىڭ شۋجيىنان دا  اناعۇرلىم قاراپايىم، اناعۇرلىم شىنايى، اناعۇرلىم جاناسىمدى بەينەلەۋ كەرەك بولدى».
 بۇگىنگى كۇنى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن جەتكىزۋ» بويىنشا قىستاقتا تۇراتىن قىزمەت اتىرەتى مەن ءار ۇلت بۇقاراسى اراسىنداعى اسەرلى اڭگىمەلەر ءار كۇنى تيانشاننىڭ تۇستىگى مەن تەرىستىگىندە ايتىلىپ، تاماشا تۇرمىستى اڭساۋدىڭ سيموۆلى بولعان بارابان ءۇنى دە شينجياڭ دالاسىندا ۇزاققا دەيىن جاڭعىردى. تيانشان كينو ستۋدياسى پارتكومىنىڭ شۋجيى ابدۇعۇپۇر ابلەز بىلاي دەدى: «بۇل سوعىلعان بارابان ءۇنى تيانشان ۇلاندارىنىڭ باقىتقا قۇلاش سەرمەگەن جان -دۇنيەسىنەن شىققان ءۇن، شينجياڭداعى ءار ۇلت حالقىنىڭ وتانعا العىس ايتىپ، كوركەم مەكەندى قۇرۋداعى ەڭ كۇشتى ءۇنى. ءبىز تاڭداۋلى، سارا تۋىندىلار ارقىلى ءار ۇلت بۇقاراسىن اسەرلەندىرىپ، ءدىني ۇشقارى يدەياعا بارار جەر باسار تاۋ قالدىرماۋىمىز كەرەك.

بەرىپ كەت ورامالىڭدى

دوستار

الىستاعى اق ەركە