جاڭا حابارلار

رايونىمىزداعى حالىق باسقارۋىنداعى كاسىپورىندارداعى كاسىپكەرلەر اقسۋ ايماعىنا بارىپ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ قىزمەتىن قولداپ، جەرگىلىكتى ورىندى دامىتۋدىڭ ءادىس-امالىن قاراستىردى

    كەلۋ قاينارى: شينجياڭ حالىق راديو ىستانسياسى    2017-09-18 20:06:14  
ستانسيامىزدىڭ ءتىلشىسى ايبىنحازى راحىمان ۇلىنىڭ جانە ەرىكتى تىلشىلەر شۇي چيۋىن مەن اكرامنىڭ حابارىن تىڭداڭىزدار: 15-قىركۇيەكتەن 16-قىركۇيەككە دەيىن، اۆتونوميالى رايونىمىزداعى ءجۇز كاسىپكەردىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلىنىڭ قۇرامداس بولەگى رەتىندە، ءۇرىمجى، قۇمىل، قۇلجا سياقتى جەرلەردەگى حالىق باسقارۋىنداعى كاسىپورىنداردان 30 كاسىپكەر اقسۋ ايماعىنا بارىپ، ءۇشتۇرپان، باي جانە توقسۋ اۋداندارىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ قىستاقتاردا تۇرۋ ءتۇيىنىن ارالاپ، جەرگىلىكتى ورىندى دامىتۋدىڭ ءادىس-امالىن قاراستىرىپ، ۇسىنىس-پىكىر بەرىپ، كەدەي اۋىل-قىستاقتىڭ كەدەيلىكتەن قۇتىلدىرۋدان قامال الۋىنا كومەكتەستى.
ءۇشتۇرپان اۋدانى اقيار قالاشىعى تومەنگى اقيار قىستاعىندا، شينجياڭ شين-يا ءجۇزىم شارابى شەكتى سەرىكتەستىگىنىڭ ورىنباسار باس مەڭگەرۋشىسى ياڭ جۇن قىستاقتاعى ءتۇيىندى كاسىپورىن ـــ ءۇشتۇرپان شين-شي-يۋان ءجۇزىم شارابى شەكتى سەرىكتەستىگىن ەكسكورسيالادى، وسى سەرىكتەستىك ـــ ءۇشتۇرپان اۋدانىنداعى ءجۇزىم شارابىن وندىرەتىن بىردەن-ءبىر كاسىپورىن، جىلدىق جالپى ءونىم قۇنى 30 ميلليون يۋان، قىستاقتاعى 16 ارتىق ەڭبەككۇشتىڭ كاسىپتەنۋ ماسەلەسىن شەشىپ وتىر. دەگەنمەن زات قاينارىنىڭ جەتكىلىكسىز بولۋى، تەحنيكانىڭ سايكەستى كەنجە قالۋى سەبەبىنەن، سەرىكتەستىكتىڭ دامۋ بولاشاعى كوڭىلدەگىدەي ەمەس. كاسىپورىننىڭ جاۋاپتىسىمەن جانە قىستاقتا تۇرعان قىزمەت اترەتىندەگىلەرمەن ەگجەي-تەگجەيلى كەڭەسكەننەن كەيىن، ياڭ جۇن ءۇشتۇرپان اۋدانىندا ءجۇزىم كاسىبىن بارىنشا دامىتۋ ويىنا كەلدى. ول: سول جەرگە ۇيلەسىمدى، ساپالى ءجۇزىم شارابىن اشىتۋعا بولاتىن ءونىم ءتۇرىن ەگىپ، ءجۇزىم شارابىن اشىتۋعا بولاتىن ءونىم ءتۇرىن مولايتىپ، ساتىلىمدى بارىنشا ىلگەرلەتىپ، ەكونوميكاسىنىڭ دامۋىن جەبەيمىن،-دەدى.
قايتارىندا ياڭ جۇن تاعى قىستاقتا تۇرعان قىزمەت اترەتىمەن نىسان كەلىسىمىنە قول قويىپ، بۇرىنعىدان دا كوپ ءجۇزىم ءتۇرىن ەنگىزۋدى جوسپارلادى، ءارى ءونىمدى ساتىپ الاتىن كاسىپورىنمەن حابارلاسىپ، كاسىپورىنداردىڭ تاپسىرىسىن ارتتىرىپ، جەرگىلىكتى ورىننىڭ ەكونوميكاسىن دامىتۋعا ۇلەس قوستى. اقسۋ ايماقتىق جۇقپالى اۋرۋلاردى تىزگىندەۋ ورتالىعىنىڭ ءۇشتۇرپان اۋدانى اقيار قالاشىعى تومەنگى اقيار قىستاعىندا تۇرعان قىزمەت اترەتىنىڭ باستىعى حۋاڭ شينرۋ بىلاي دەدى: ەرەكشە شارۋاشىلىقتى دامىتۋ وي جەلىسىن العا قويدى، الداعى قىزمەتتە، قىزمەتتى تىڭ وي جەلى بويىنشا ىستەپ، اۆتونوميالى رايوندىق پارتكومنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنەن كۇتكەن ءۇمىتىن اقتايمىز.
تۇرپان كروران ءجۇزىم شارابى شەكتى جارنا سەرىكتەستىگى پارتيا ياچەيكاسىنىڭ شۋجيى، ورىنباسار باس مەڭگەرۋشىسى جاڭ حايجۇن اقىل-پاراسات جاعىندا كومەكتەسۋدى ارەكەتتىڭ ءتۇيىنى ەتتى، ول باي اۋدانى ياتۇر اۋىلى ولپاڭ قىستاعىنىڭ ەكونوميكانى دامىتۋ اقىلشىسى بولىپ، قىستاقتىڭ ەكونوميكاسىن دامىتۋعا ءادىس-امال قاراستىرىپ، جوبا-جوسپار جاسادى. جاڭ حايجۇن ويداعىداي ەكونوميكا اقىلشىسى بولۋ ءۇشىن، اقىل-پاراسات جاعىندا قولداپ-قۋاتتاۋعا، دارىندىلاردى سىرتقا شىعارۋ مەن ەنگىزۋگە كۇش سالۋ كەرەكتىگىن ايتا كەلىپ، بىلاي دەدى: مىسالى: جاسىل، ورگانيكالىق اۋىل شارۋاشىلىعىن دامىتۋىمىز، مال شارۋاشىلىعىندا، ىشكەرىلەي تالقى جۇرگىزىپ، سىناق جاساۋىمىز، كاسىپورىننىڭ سىرتقى بايلىعىنان پايدالانىپ، ءوزارا ۇشتاسۋىمىز كەرەك. اقىل-پاراسات جاعىندا، الىس ارالىقتان وقىتۋ فورماسىنان پايدالانىپ، ۇزاق ۋاقىت سەلبەستىك جاساۋ قاجەت. تۇرپاننىڭ كاسىپ قۇرىلىمى مەن بۇل جاقتىڭ ۋاقىت ءتۇيىنى جاعىندا ءوزارا ءبىرىن-ءبىرى تولىقتايدى، قىزمەتكەرلەردى تارتىپپەن ۇيىمداستىرىپ، سوڭعى قىزمەتتەردى ويداعىداي ىستەپ، قىسقا ۋاقىتتىڭ ىشىندە ديحانداردىڭ كىرىسىن ارتتىرۋىنا مۇمكىندىك جاساۋىمىز ءتيىس.

بەرىپ كەت ورامالىڭدى

دوستار

الىستاعى اق ەركە