جاڭا حابارلار

جۇمىسقا ورنالاستىرۋدىڭ قاناعاتتانارلىق ناتيجەسى

    كەلۋ قاينارى: شينجياڭ حالىق راديو ىستانسياسى    2017-09-19 14:12:49  
ستانسيامىزدىڭ ءتىلشىسى دۇڭ جىيۇڭ مەن ەرىكتى ءتىلشى جاڭ حۇڭحايدىڭ اقپاراتتىق ارناۋلى حابارىن تىڭداڭىزدار: 18-قىركۇيەك ءتىلشى اقسۋ قالاسىنداعى شينجياڭ كىنيڭ ءبىز توقىما عىلىم-تەحنيكا شەكتى سەرىكتەستىگىنىڭ پشىندەۋ سەحىنەن، كەڭ دە جارىق فابريكا ۇيىندە 40 نەشە جۇمىسشىنىڭ قاتارلاسا وتىرىپ، قالىپپەن بايباقتى پىشىندەپ جاتقانىن كوردى. پايزاۋات اۋدانىنان كەلگەن الىمجان امەت جۇمىسقا وتە ەلپەك ەكەن، ءبىر مينۋتقا جەتپەيتىن ۋاقىتتا ول 30 بايباقتى قالىپقا كيگىزىپ پىشىندەپ شىعارا قويدى، ول بىلاي دەدى: « وتباسىمىزدا ماقتا ەگەتىن 3 مۋ عانا جەر بار، بۇرىن نەگىزىنەن جۇمىس ىستەمەيتىنبىز، ءال-اۋقاتىمىزدا جاقسى ەمەس ەدى. فابريكاعا كەلگەننەن كەيىن، بۇل جۇمىستىڭ قيىن ەمەس ەكەنىن بايقادىم، ونىڭ ۇستىنە كوپشىلىك باسەكەلەسىپ ىستەيدى. قازىر كوپ ىستەگەن، كوپ الادى، ايىنا از دەگەندە 2 مىڭ يۋان تابامىن، ءوز كۇشىڭە سۇيەنىپ، جۇمىس ىستەپ اقشا تاپقان جاقسى ەكەن».
بيىل ماۋسىمنىڭ اياعىندا، پايزاۋات اۋداندىق ۇكىمەتتىڭ ۇيىمداستىرۋىندا، الىمجان امەت پەن قالا-اۋىلداعى باسقا 31 ارتىق ەڭبەكۇش فابريكاعا كەلىپ جۇمىسشى بولدى. بۇگىنگى كۇنى ولار كاسىپورىنمەن رەسمي ەڭبەك توقتامىن جاساستى. شينجياڭ كىنيڭ ءبىز توقىما عىلىم-تەحنيكا شەكتى سەرىكتەستىگىنىڭ اكىمشىلىك ىستەرگە جاۋاپتى ورىنباسار باس مەڭگەرۋشىسى حى شيڭجۇن بىلاي دەدى: «ولاردىڭ قىزمەت بەينەسى تۇگەلدەي وتە جاقسى، كوپشىلىك قىزمەتتى نەداۋىر بەلسەندى ىستەيدى. كەلەر جىلى ولاردى ماڭىزدى باسقارۋ جۇمىس ورنىنا ورنالاستىرماقپىز».
بيىل ساۋىردە، اۆتونوميالى رايون قاشقار، حوتان سياقتى ەكى جەردە 3 جىلدا 100 مىڭ ادامدى باسقا سالادا جۇمىسقا ورنالاستىرۋ جوسپارىن باستاپ، وڭتۇستىك شينجياڭنىڭ جۇمىسقا ورنالاستىرۋ ماسەلەسىن كۇش سالا شەشتى. تامىزدىڭ اياعىنا دەيىن، قاشقار مەن حوتاننىڭ قالا-اۋىلىنداعى 38 مىڭ 163 ارتىق ەڭبەككۇش تىڭ تۇرمىسىن باستادى. ال وسى قىزمەت بۇكىل شينجياڭنىڭ اۋىل-قىستاقتارداعى ارتىق ەڭبەككۇشتەردى باسقا سالادا جۇمىسقا ورنالاستىرۋ قىزمەتىنىڭ كارتيناسى عانا. بيىل، رايونىمىز تۇتاس جىلدا اۋىل-قىستاقتاعى 2 ميلليون 600 مىڭ ادام رەتتەن اساتىن ارتىق ەڭبەككۇشتى باسقا سالادا جۇمىسقا ورنالاستىرۋ نىسانا مىندەتىن ورىنداۋدى العا قويدى، قازىر شينجياڭنىڭ جەر-جەرى تۇرعان جەرىندە، جاقىن ماڭدا، شينجياڭنىڭ وزىندە باسقا سالادا جۇمىسقا ورنالاستىرۋ سياقتى ءتۇرلى تاسىلدەر ارقىلى اۋىل-قىستاقتاعى ارتىق ەڭبەككۇشتەردى ۇيىنەن شىعارىپ، فابريكاعا اپارىپ، ىستەيتىن جۇمىسى، تاباتىن اقشاسى بولۋىنا مۇمكىندىك جاراتتى.
اۋىل-قىستاقتاعى ارتىق ەڭبەككۇشتەردى باسقا سالادا جۇمىسقا ورنالاستىرۋ قىزمەتىن ىلگەرىلەتۋدەن سىرت، يگىلىك تىكتەۋ ارقىلى جۇمىسقا ورنالاستىرۋدى جەبەۋ، جوعارى مەكتەپ تاۋىسقان وقۋشىلاردىڭ جۇمىسقا ورنالاسۋىن جەبەۋ سياقتى قىزمەتتەر دە ورنىقتى ىلگەرىلەتىلدى.
ەڭبەكشىلەردىڭ يگىلىك تىكتەۋىنىڭ ءساتتى بولۋ مولشەرىن جوعارىلاتۋ ءۇشىن، بيىل جىل باسىنان باستاپ، ءۇرىمجى قالاسى زاڭدا بەلگىلەنگەن ەڭبەك ىستەۋ جاسى كولەمىندە، «كاسىپسىزدەردى تىزىمدەلۋ كۋالىگى»، ونىڭ ۇستىنە جۇمىسقا ورنالاسۋ جانە يگىلىك تىكتەۋ ويى بارلارعا 3 مىڭ 300 دانا «يگىلىك تىكتەۋ جاعىندا تاربيەلەۋ بەلەتىن» تاراتتى. بەلەتتى العاندار يگىلىك تىكتەۋ جاعىندا تەگىن تاربيەلەنەدى. ءۇرىمجى قالاسىنىڭ تۇرعىنى شيە يۇيمي بەلەتتى الىپ تاربيەلەۋگە قاتىناسقاننان كەيىن، يگىلىك تىكتەۋ باعدارىن بىرتىندەپ تاپتى، ول بىلاي دەدى: «كەيىن جەردى قالاي تاڭداۋدى، قارجى ماسەلەسىن قالاي شەشۋدى، قايتكەندە يگىلىك تىكتەۋ جۇمىسىن اناعۇرلىم جاقسى، اناعۇرلىم كولەمدى ىستەۋدى ءبىلدىم. كوپ نارسەنى ۇيرەندىم، مۇنىڭ ماعان پايداسى دا توتەنشە زور بولدى».
ءۇرىمجى قالالىق ادام كۇشى بايلىعى جانە قوعامدىق قامتاماىسىزداندىرۋ مەكەمەسى كاسىپتىك قابىلەت قۇرىلىسى باسقارماسىنىڭ باستىعى لۇي تاۋ، « يگىلىك تىكتەۋ جاعىندا تاربيەلەۋ بەلەتىنىڭ» تاراتىلۋى ولاردىڭ وبيەكتيۆ بەلسەندىلىگىن ارتتىرعانىن ايتا كەلىپ، بىلاي دەدى: كۋرسكە قاتىناسۋشىلار جونىنەن العاندا، ولار بۇرىن تاربيەلەنۋگە بەلسەندى ەمەس ەدى، كوپتەگەن تاربيەلەۋ قۇرىلىمىمىز بازاردان تاربيەلەنۋشىلەردى قابىلدايتىن. يگىلىك تىكتەۋ جاعىندا تاربيەلەۋ بەلەتىنە يە بولعاننان كەيىن، ولار بەلسەنە قاتىناستى، ۇيلەرىنە، قىزمەت ورنىنا جاقىن ماڭنان تاربيەلەۋ قۇرىلىمىن تاۋىپ، كۋرسكە وزدىكتەرىنەن بەلسەنە قاتىناستى.
ساندى مالىمەتتەن دامۋعا نازار: بيىل الدىڭعى جارىم جىلدا، رايونىمىزدىڭ اۋىل-قىستاقتارىنداعى ءبىر ميلليون 475 مىڭ ارتىق ەڭبەككۇش باسقا سالادا كاسىپتەنىپ، تۇتاس جىلعى نىسانالى مىندەتتىڭ %56.7 ورىندالدى؛ رايونىمىز اۋىل-قالاشىقتارىندا 336 مىڭ ادام تىڭنان كاسىپتەنىپ، تۇتاس جىلعى نىسانالى مىندەتتىڭ %76.4 ورىندالىپ، تۇڭعىش رەت %75 تەن استى. مۇندا، تۇراقتى كاسىپپەن شۇعىلدانۋشىلاردىڭ سانى جالپى كاسىپتەنگەن ادام سانىنىڭ %61.3 تىن ۇستاپ، تۇڭعىش رەت %60 تەن استى؛ بيىل الدىڭعى جارىم جىلدا، رايونىمىزدا 28 مىڭ ادام تىڭنان كاسىپتەنىپ، 64 مىڭ ادامنىڭ كاسىپتەنۋىنە جەتەكشىلىك ەتىلىپ، جەكە-جەكە جىلدىق نىسانالى مىندەتتىڭ %93.3 ى جانە %71.1 ى ورىندالدى. مامانداردىڭ جاساعان تۇسىندىرمەسى: پارتيا 18-قۇرىلتايىنان بەرى، وتە-موتە ج ك پ اۆتونوميالى رايوندىق 9- قۇرىلتايىنان بەرى، اۆتونوميالى رايوندىق پارتكوم مەن حالىق ۇكىمەتى حالىق تۇرمىسىن جاقسارتۋدى قاشاندا ماڭداى الدىن ورىنعا قويۋعا، حالىق تۇرمىسىن جاقسارتۋ قىزمەتىن الدىمەن ىستەۋگە تاباندى بولىپ، كاسىپتەنۋدى ەڭ ءىرى حالىق تۇرمىسىن جاقسارتۋ ينجەنەرياسى، حالىق قالاۋىنان شىعۋ ينجەنەرياسى رەتىندە مىقتى يگەردى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىسقا ورنالاستىرۋدى جەبەۋ باسقارماسىنىڭ باستىعى جاڭ رۇڭ بىلاي دەدى: اۆتونوميالى رايوندىق پارتكوم مەن حالىق ۇكىمەتى اۋىل-قىستاقتارداعى ارتىق ەڭبەككۇشتەردى، جوعارى مەكتەپ تاۋىسقانداردى جانە جۇمىسقا ورنالاسۋى قيىن بولعانداردى ءتۇيىن ەتىپ، كاسىپتەنۋ جولىن اشۋ، كاسىپتەنۋ قۋاتىن كۇشەيتۋ، كاسىپتەنۋ، يگىلىك تىكتەۋ تەكشەسىن قۇرۋ جانە حالىقتىڭ كىرىسىن ارتتىرۋ جاعىنا كۇش سالىپ، ءبىرقىدىرۋ ساياسات شارا قولدانىپ، ادامداردى كاسىپ ارقىلى الاڭسىزداندىرىپ، كاسىپ ارقىلى باسقارىپ، كاسىپ ارقىلى ورنىقتىرىپ، تۇتاس تۇلعالىق كاسىپتەنۋ جاعدايىنىڭ نەگىزىنەن ورنىقتى بولۋىنا مۇمكىندىك جاساپ، حالىق قالاۋىنان شىعىپ، جۇرت جۇرەگىن توعىستىرىپ، حالىق بۇقاراسىنىڭ تابىسقا كەنەلۋ سەزىمى مەن باقىتتى سەزىنۋ كورسەتكىشىن ۇزدىكسىز جوعارىلاتتى.

بەرىپ كەت ورامالىڭدى

دوستار

الىستاعى اق ەركە