جاڭا حابارلار

شينجياڭنىڭ تەمىر جول جۇيەسى 5000 توننالىق تاسىمال داۋىرىنە قادام قويدى

    كەلۋ قاينارى: شينجياڭ گازەتى    2017-09-19 19:06:21  

تاسىمال قۋاتىنىڭ دەڭگەيى جوعارىلادى، جاڭالاندى

 ىنتىماق جاڭا قىستاعىنىڭ بەينەسى حوتان ايماعىنىڭ كەدەيلەردى قونىس جاڭالاپ سۇيەمەلدەۋ بويىنشا كەدەيلىكتەن قۇتىلدىرۋدىڭ تابىستى امالياتى ءارى حوتان قالاسىنىڭ جاڭاشا اۋىل - قالاشىقتاندىرۋ قۇرىلىسى جونىندە ىزدەنىس جاساۋىنداعى ءتۇيىندى حالىق تۇرمىسى ينجەنەرياسى. قازىر ىنتىماق جاڭا قىستاعىنا ءار ۇلت بۇقاراسىنان 500 نەشە وتباسى قونىستانىپ، بۇل ارا ۇلتتار ىنتىماعىنىڭ جاڭا تيبىنە اينالدى. سۋرەتتە: حوتان قالاسى جييا اۋىلى ىنتىماق جاڭا قىستاعىنىڭ سىرتقى كورىنىسى (4 - قىركۇيەكتە تۇسىرىلگەن). سۋرەتتى شۇي شياۋلۇڭ تۇسىرگەن

 ءتىلشىمىز لۋ فىڭباۋ 15 - قىركۇيەكتە شىعىس جوڭعاردان حابارلايدى. 15 - قىركۇيەك ساعات 16دان 15 مينۋت وتكەندە 2 پاراۆوزدىڭ سۇيرەۋىندە 5000 توننالىق جۇك پويەزى ءۇرىمجى - جوڭعار تەمىر جولىنىڭ شىعىس جوڭعار سولتۇستىك ۆوكزالىنان باياۋ قوزعالا جولعا شىقتى، بۇل قازىر شينجياڭداعى كوتەرىمدىلىگى ەڭ جوعارى جۇك پويەزىنىڭ كولەمدەنۋدى ىسكە اسىرعاندىعىن، شينجياڭنىڭ تەمىر جول جۇيەسى 5000 توننالىق تاسىمال داۋىرىنە قادام قويىپ، تاسىمال قۋاتىنىڭ دەڭگەيى جوعارىلاپ، جاڭالانعاندىعىن كورسەتەدى.
  ءۇرىمجى - جوڭعار تەمىر جولىنىڭ جالپى ۇزىندىعى 257 كيلومەتر، ول ءۇرىمجى، گانچۋانباۋ، شىعىس جوڭعار سىندى 3 مەملەكەت دارەجەلى ەكونوميكالىق - تەحنيكالىق اشۋ رايونىن تۇتاستىرادى، باتىستا لانجوۋ - شينجياڭ تەمىر جولىنىڭ باتىس بولەگىمەن جالعاسىپ، تيانشان تاۋىنىڭ سولتۇستىك بوكتەرىندەگى كاسىپ بەلدەۋىن توعىستىرىپ جاتادى. بيىل جىل باسىنان بەرى، ءۇرىمجى - جوڭعار تەمىر جولىنىڭ تاسىمال مولشەرى قاۋىرت ارتىپ، قاتتى بولشەك قۇرىلعىلارى جەتىسپەي قالدى، تاسىمال قۋاتىنىڭ ءالسىز بولۋىنداي «ولقىلىق» جۇك تاسىمال مولشەرىن ارتتىرۋعا بوگەت بولدى.
  «بۇرىن تاسىمال قۋاتى جەتىسپەگەندىكتەن، زاتىمىز بار بولسا دا جەتكىزۋ قيىنعا سوعىپ، كاسىپورىنداردىڭ دامۋىنا زور ىقپال تۋدىرعان ەدى»، - دەدى ەرەكشە ترانسفورماتور سەرىكتەستىگى بوعدا كولى ەنەرگيا سەرىكتەستىگىنىڭ ورىنباسار باس ديرەكتورى ديڭ زايشيڭ بۇرىنعى تاسىمال جاعدايىن ەسكە الىپ.
  «2010 - جىلى ءۇرىمجى - جوڭعار تەمىر جولى ىسكە قوسىلعان باستاپقى كەزدە، جىلدىق تاسىمال مولشەرى نە بارى 3 ميلليون توننا ەدى، ءۇرىمجى - جوڭعار تەمىر جول جۇيەسىندەگى پاراۆوزداردىڭ سۇيرەۋ قۋاتى ەڭ جوعارى بولعاندا 3100 توننا بولاتىن. الايدا لەنيا قاربالاستىعىنان، جۇك تيەلگەن پويەزدەر لەنيانىڭ بوساۋىن توسىپ تۇراتىن جاعداي ساقتالعان»، - دەدى ءۇرىمجى ماشينا جۇمىستارى بولىمشەسى تەحنيكا ءبولىمىنىڭ ورىنباسار باستىعى لۇي جيانگۋاڭ.
  شينجياڭ تەمىر جول تاراۋى پاراۆوزدىڭ سۇيرەۋ قۋاتىن جوعارىلاتىپ، 2 پاراۆوزدى بىرىكتىرىپ، 5000 توننالىق پويەز جۇرگىزۋدى لەنيانىڭ تاسىمال قۋاتىن جوعارىلاتۋدىڭ قامال الۋ ءتۇيىنى ەتىپ، پاراۆوزدىڭ قۇرىلعىسىن وزگەرتۋ، قىزمەت قۇرىلىمىن ساپالىلاندىرۋ، پويەزدىڭ قارقىنىن جوعارىلاتۋ سىندى 3 جاقتى نەگىز ەتە وتىرىپ تەحنيكانى ۇزدىكسىز جاڭالاپ، تاسىمال ۇيىمداستىرۋ ۇلگىسىن جاڭالاۋدى ىلگەرىلەتتى، ءبىر جۇك پويەزىنىڭ كوتەرىمدىلىك قۋاتىن 3000 − 4000 توننادان 5000 تونناعا جوعارىلاتتى. قازىر ءۇرىمجى - جوڭعار تەمىر جولىنىڭ تۇتاس لەنياسىندا قوس پاراۆوزدى بىرىكتىرگەن 5000 توننالىق پويەزدەر قاتىنايدى، ءار كۇنى 16 − 17 رەتتەن استام پويەز قاتىناپ، تاسىمال قۋاتى ەسەلەپ ارتتى.
  قازىر شينجياڭ تەمىر جول تاراۋى لانجوۋ - شينجياڭ تەمىر جولى، وڭتۇستىك شينجياڭ تەمىر جولى سياقتى وڭىرلەردىڭ جول بولەكتەرىندە 5000 توننالىق جۇك پويەزدەرى ۇنەمىلىك قاتىناپ، تەمىر جولدىڭ تاسىمال قۋاتىن زور دارەجەدە ارتتىرىپ، شينجياڭنىڭ ەكونوميكاسىنىڭ تەز قارقىنمەن دامۋىن ىلگەرىلەتتى.


بەرىپ كەت ورامالىڭدى

دوستار

الىستاعى اق ەركە