باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىز ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كەلگەن 10 تيپتىك دەلونى اشكەرەلەدى

    كەلۋ قاينارى: شينجياڭ حالىق راديو ىستانسياسى    2017-09-20 12:11:56  
ستانسيامىزدىڭ حابارى: تاياۋدا، اۆتونوميالى رايوندىق ءتارتىپ تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كەلگەن 10 تيپتىك دەلونى اشكەرەلەدى. بۇل دەلولار مىنالار:
ءبىرىنشى، ىلە قازاق اۆتونوميالى وبلىستىق دامۋ-رەفورما كوميتەتى پارتگرۋپپاسىنىڭ بۇرىنعى ورىنباسار شۋجيى، ورىنباسار مەڭگەرۋشىسى ليۋ يا-نۇڭنىڭ بەلگىلەمەگە قايشى باسقالاردان تارتۋ-تارالعى جانە اقشا الۋ ماسەلەسى. مۇنان تىس، ليۋ يا-نۇڭدا تارتىپكە، زاڭعا قايشى باسقا دا ماسەلەلەر ورىن تەپكەن. 2017-جىلى تامىزدا، ليۋ يا-نۇڭ پارتيادان ايدالىپ، ۇكىمەت قىزمەتىنەن شىعارىلادى ءارى ءادىليا ورگاندارىنىڭ ءبىر جايلى ەتۋىنە تاپسىرىپ بەرىلەدى.
ەكىنشى، اتۇش قالالىق اۋىل شارۋاشىلىق تەحنيكاسىن جالپىلاستىرۋ ورتالىعىنىڭ بۇرىنعى مەڭگەرۋشىسى ءمىجيت ءابلىميتتىڭ قىزمەت كەڭسەسىنىڭ ولشەمنەن اسۋ ماسەلەسى. مۇنان تىس ءمىجيت ابلىميتتە تارتىپكە، زاڭعا قايشى باسقا دا ماسەلەلەر ورىن تەپكەن. 2017-جىلى تامىزدا، ءمىجيت ابلىميت پارتيادان ايدالىپ، ۇكىمەت قىزمەتىنەن شىعارىلادى، ءارى ءادىليا ورگاندارىنىڭ ءبىر جايلى ەتۋىنە تاپسىرىپ بەرىلەدى.
ءۇشىنشى، ياركەن اۋدانى باشكەنىت قالاشىعىنىڭ بۇرىنعى ورىنباسار باستىعى تۇرسۇنجان ءتالىپتىڭ باسقارۋ جانە قىزمەت وتەۋ وبيەكتىسىنە ءوزىنىڭ جەكەلىك تۇتىنۋ قارجىسىن كوتەرتۋ سياقتى ماسەلەسى. مۇنان تىس تۇرسۇنجان تالىپتا باسقا دا تارتىپكە، زاڭعا قايشى ماسەلەلەر ورىن تەپكەن. 2017-جىلى تامىزدا، تۇرسۇنجان ءتالىپ پارتيادان ايدالىپ، ۇكىمەت قىزمەتىنەن شىعارىلادى.
ءتورتىنشى، باعراش اۋداندىق حالىق ىستەرى مەكەمەسى پارتگرۋپپاسىنىڭ بۇرىنعى ورىنباسار شۋجيى، مەكەمە باستىعى، قارتتار كەڭسەسىنىڭ مەڭگەرۋشىسى باۋ لۋدۋدىڭ ۇكىمەت اقشاسىمەن ساۋعا ۇسىنۋ سياقتى ماسەلەسى.2017- جىلى شىلدەدە، باۋ لۋدۋ پارتيا ىشىندەگى مىندەتى مەن اكىمشىلىك مىندەتىنەن قالتىرىلادى.
بەسىنشى، ماناس اۋداندىق مادەنيەت-ساياحات-راديو-كينو-تەلەۆيزيا-اقپارات باسپا-ءسوز مەكەمەسى پارتگرۋپپاسىنىڭ بۇرىنعى شۋجيى، ورىنباسار مەكەمە باستىعى حي شياۋحۇڭنىڭ ەرەجەگە قايشى ساۋعا جانە اقشا قابىلداۋ ماسەلەسى-2017 جىلى تامىزدا، حي شياۋحۇڭ پارتيا ىشىندەگى مىندەتى مەن اكىمشىلىك مىندەتىنەن قالتىرىلادى.
التىنشى، ءۇرىمجى اۋداندىق ەكونوميكا-دامۋ كوميتەتى پارتكومىنىڭ بۇرىنعى مۇشەسى ساۋ جىنچۇننىڭ ۇكىمەت ىسىندە ولشەمنەن اسىرىپ قوناق قابىلداۋ سياقتى ماسەلەسى. 2017-جىلى تامىزدا، ساۋ جىنچۇن پارتيا ىشىندەگى مىندەتى مەن اكىمشىلىك مىندەتىنەن قالتىرىلادى.
جەتىنشى، قۇمىل قالالىق حالىقتىق قورعانىس كەڭسەسى پارتگرۋپپاسىنىڭ بۇرىنعى ورىنباسار شۋجيى، مەڭگەرۋشىسى ياۋ ۋىنگاڭنىڭ ساياحات قاراجاتىن ۇكىمەت اقشاسىنان كوتەرتۋ سياقتى ماسەلەسى. 2017-جىلى تامىزدا، ياۋ ۋىنگاڭعا پارتيا ىشىندە قاتاڭ ەسكەرتۋ جازاسى بەرىلدى.
سەگىزىنشى، تارباعاتاي ايماقتىق جۇڭگوشا شيپاحاناسى پارتگرۋپپاسىنىڭ شۋجيى، شيپاحانانىڭ ورىنباسار باستىعى باقىتباي ماقادىر ۇلىنىڭ جەكە اۆتوكولىك اقىسىن ۇكىمەت اقشاسىنان ەسەپتەن كوتەرتۋ ماسەلەسى. 2017-جىلى تامىزدا، باقىتباي ماقادىر ۇلىنا پارتيا ىشىندە قاتاڭ ەسكەرتۋ جازاسى بەرىلدى.
توعىزىنشى، تۇرپان قالاسى ءىدىقۇت رايوندىق قوعام حاۋىپسىزدىگى مەكەمەسىنىڭ حالىق ساقشىسى كوۋ ۋيدىڭ بەلگىلەمەگە قايشى ۇكىمەت اۆتوكولىگىن پايدالانۋ ماسەلەسى. 2017- جىلى شىلدەدە، كوۋ ۋيعا اۋىر كۇنا جازۋ شاراسى كورىلدى.
ونىنشى، بۋىرشىن اۋداندىق استىق مەكەمەسى اسكەري استىقپەن قامداۋ پۋنكتىنىڭ باستىعى ۋاڭ چياڭنىڭ ۇكىمەت اقشاسىمەن ءىشىپ-جەۋ ماسەلەسى. 2017-جىلى تامىزدا، ۋاڭ چياڭعا كۇنا جازۋ شاراسى كورىلدى.
ءان الەمى

جول توسىلىپ قالدى

تۇلپارىم