جاڭا حابارلار

كورىكتى شەكارا قالانىڭ دامۋ اياق الىسى تەزدەدى

    كەلۋ قاينارى: شينجياڭ حالىق راديو ىستانسياسى    2017-09-21 20:12:14  
ستانسيامىزدىڭ ءتىلشىسى ما گولەي جازعان ارناۋلى حاباردى تىڭداڭىزدار: ءتىلشى باسىنا حاۋىپسىزدىك قالپاعىن، ۇستىنە نۇر شاعىلىستىرمايتىن كۇرمە كيىپ، ءۇرىمجى قالاسىنىڭ سولتۇستىك نەگىزگى جول ارناسىنداعى شۋانرىندۇن رەلىس جاتقىزۋ بازاسىنداعى تەرەڭدىگى 15 مەتر كەلەتىن تۋنەل ىشىنە كىرگەندە قۇرىلىسشىلاردىڭ رەلىس جاتقىزۋمەن قاربالاس بولىپ جاتقانىن كورەدى.
قۇرىلىسشىلاردىڭ تىنباي كۇش سالۋىندا، جۇرت نازارىن اۋدارعان ءۇرىمجى قالاسىنداعى مەترو 1-لەنياسىندا پويەز قاتىناۋعا تاياپ قالدى.ءۇرىمجى قالاسى رەلىستى قاتىناس نىسان قۇرىلىسىن اتقارۋ كەڭسەسى جوبالاۋ-زەرتتەۋ ءبولىمىنىڭ قىزمەتكەرى ساۋ حۇڭجىن تىلشىگە: ماۋسىم ايىنىڭ سوڭىنا دەيىن مەترو 1-لەنياسىنا قوسىلعان جالپى قارجىنىڭ %47 ءتى جۇمسالىپ بولدى.2018-جىلى ماۋسىم ايىنا بارعاندا، وسى لەنيانىڭ سولتۇستىك بولەگى سىناق رەتىندە پويەز قاتىناۋ شارتىن ازىرلەيدى، 2018-جىلدىڭ اياعىندا، تۇتاس لەنيا بويىنشا سىناق رەتىندە پويەز قاتىناۋ شارتى ازىرلەنەدى.2-لەنيادان 6-لەنياعا دەيىنگى باسقا جول بولەكتەرىنىڭ قۇرىلىسى دا ءتارتىپتى سالىنۋدا،-دەدى.
ج ك پ اۆتونوميالى رايوندىق 9-قۇرىلتايىنان بەرى، ءۇرىمجى قالاسى قاتىناس نەگىزگى قۇرىلعى قۇرىلىسىنىڭ تەبىنىن ارتتىردى.رەلىستى قاتىناس، قالانى اينالاتىن تەز قارقىندى جول، قالا ىشىندەگى ايقاسپالى بيىك كوپىر سياقتىلاردىڭ سالىنۋى قالا كەڭىستىگىن ۇزدىكسىز كەڭەيتىپ، سترەۆولى قاتىناستىڭ جاڭا ۇلگىسىن قالىپتاستىرىپ، ءار ۇلت بۇقاراسىنىڭ ءجۇرىس-تۇرىسىنا بارىنشا قولايلىلىق جاسادى.ۋاندا الاڭىنىڭ ماڭىندا تۇراتىن قالا تۇرعىنى جۋ جىچياڭ حالىق كوشەسىندەگى ءبىر اكتسيا سەرىكتەستىگىندە قىزمەت ىستەيدى ەكەن، ايقاسپالى كوپىردىڭ سالىنۋى ول ءۇشىن وتە ءتيىمدى بولىپتى.ول تىلشىگە بىلاي دەدى: بۇرىن قىزمەتكە باراردا تەك ۋيتاي جولىمەن ءجۇرىپ، ونان سوڭ ورمەكشى تاۋى تۋنەلمەن نەمەسە چيماشان جولىمەن جۇرەتىنمىن.قىزمەتكە شىعاردا جانە تۇسەردە وسى جولداردا اۆتوكولىك كەپتەلىپ، جولدا جارىم ساعاتقا تاياۋ ۋاقىت كىبىرتىكتەپ جۇرە الماي بوگەلىپ قالاتىنبىز.قازىر، ۋيشيڭ جولىنىڭ تۋنەلىمەن دە، جيۋجياۋان جولىمەن دە، وڭتۇستىك قارامايلى جولىنداعى كوپىرمەن دە جۇرۋگە بولادى، 20 مينۋت شاماسىندا حالىق كوشەسىندەگى مەكەمەمە جەتىپ قويامىن، وسى جولداردىڭ سالىنۋى ءبىز ءۇشىن وتە جاقسى بولدى.
قالا جول تورابىن كەمەلدەندىرۋمەن بىرگە، ءۇرىمجى قالاسى 200 ميلليون يۋانعا جۋىق قارجى قوسىپ، حالىق باسقارۋىنداعى 17 الەۋمەتتىك اۆتوبوز كاسىپورنىن بىرىكتىرىپ، جۇردەك كوشە اۆتوبوزى جولىنان 7 لەنيانى وندىرىسكە قوسىپ، الەۋمەتتىك كوشە اۆتوبوزى جولىنان 82 جولدى تىڭنان اشىپ، اۆتوبوز سانىن 4 مىڭ 710 عا جەتكىزىپ، جۇردەك كوشە اۆتوبوزىنا اۋىساتىن ايالداما مەن ورىندى كوبەيتىپ، ايالدامالاردان جۇرگىنشىلەر جىلىناتىن بولمە اشتى.
2016-جىلى تامىزدا، بۇكىل رايونىمىز بويىنشا ەڭ ۇلكەن امبەباپ قاتىناس ءتۇيىنى ــــ ءۇرىمجى ۆوگزالى اينالىمعا ءتۇستى.رايونىمىز بويىنشا ەڭ ۇلكەن، ەڭ وزىق بولعان ءۇرىمجى ۆوگزالىندا ءبىر جولدا 8 مىڭ جولاۋشىنىڭ پويەز كۇتۋىنە بولادى.اينالىمعا تۇسكەن ءبىر جىلدان بەرى، جيىنى 6 ميلليون 639 مىڭ ادام-رەت جولاۋشى جونەلتىلگەن. ول ۇرىمجىدەن تۇرپان، ۇرىمجىدەن قارامايلى سياقتى جەرلەرگە باراتىن ءبىر ساعاتتىق، 3 ساعاتتىق قاتىناس شەڭبەرىن قالىپتاستىرىپ، مەترو، الەۋمەتتىك كوشە اۆتوبوزى، ۇزاق جولدى اۆتوبوز سياقتى قاتىناس-تاسىمال ءتاسىلىن ءبىر-بىرىمەن تىعىز ۇشتاستىردى. ءۇرىمجى قالالىق پارتكومنىڭ ورىنباسار شۋجيى، ءۇرىمجى قالاسىنىڭ باستىعى يىلحام سابىر: ءۇرىمجى ۆوگزالى اينالىمعا تۇسكەننەن كەيىن، جوعارى قارقىندى تەمىر جول اۋماعى لەزدە ورتالىق قالانىڭ دامۋ قۋاتى مەن كومەسكى كۇشى ەڭ زور جەرگە اينالدى.وسى ارانىڭ امبەباپ قاتىناس ءتۇيىنى سىندى ماڭىزدى رولىن ويداعىداي ساۋلەلەندىرىپ، ءۇرىمجى ۆوگزالىن ورتالىق قالانىڭ جاڭا تانىسقىسىنا جانە تىڭ بەلگىسىنە اينالدىرۋىمىز كەرەك،-دەدى.
تاس جول، تەمىر جول، رەلىستى قاتىناس جانە اۋە جاي قۇرىلىس نىساندارىنىڭ تەزدەۋىنە بايلانىستى، ءۇرىمجىنىڭ امبەباپ قاتىناس تورابى اناعۇرلىم كەمەلدەنىپ، قالانىڭ ورتاسى مەن ساپاسى بارعان سايىن جاقسارا ءتۇستى.دامۋ جوباسىنا ساي، 2020-جىلعا بارعاندا، ءۇرىمجى قالاسىنىڭ تۇرعىندارى 30 مينۋتتا وڭتۇستىك جانە سولتۇستىك سەنتىردىڭ بىرىنە، 45 مينۋتتا ەكى سەنتردىڭ قاي-قايسىسىنا، 60 مينۋتتا %95 اۋماقتىڭ بارىنە جەتە الاتىن بولادى.ءۇرىمجى قالالىق قۇرىلىس كوميتەتى پارتگرۋپپاسىنىڭ شۋجيى، ورىنباسار مەڭگەرۋشىسى چين ۋي تىلشىگە: قاتىناس ءتۇيىنى قۇرىلىسىنىڭ دەڭگەيىن ۇزبەي جوعارىلاتىپ، باتىس قالا اينالما جولى، شين-ي جولىن باتىسقا سوزۋ، قالانىڭ سولتۇستىگىندەگى نەگىزگى جول ارناسىن كەڭەيتىپ سالۋ سياقتى نىسانداردى تەزىرەك ءبىتىرىپ، قالانىڭ جول توراپ جۇيەسىن اناعۇرلىم جاقسارتىپ، قالانىڭ رەلىستى قاتىناس قۇرىلىسىن جانە امبەباپ توراپ ءدالىزى قۇرىلىسىن ىلگەرىلەتىپ، قالانىڭ امبەباپ دەڭگەيىن ۇزدىكسىز جوعارىلاتامىز،-دەدى.
ساندى مالىمەت ارقىلى تابىسقا نازار: پارتيا 18-قۇرىلتايىنان بەرى، ءۇرىمجى قالاسى 200 ميلليارد يۋاننان استام قارجىنى قالا قۇرىلىسىنا جۇمسادى ؛ ايقاسپالى كوپىر، شىعىس اينالمالى تەز قارقىندى جولى، لانجوۋ-شينجياڭ جۇردەك پويەز جولى جانە ءۇرىمجى ۆوگزالى سياقتى ءىرى ينجەنەريالاردىڭ سالىنۋى ؛ مەترو، قالا اراسىنداعى جولاۋشىلار پويەزىنىڭ قاتىناۋى، حالىقارالىق اۋەجايدى وزگەرتىپ-كەڭەيتىپ سالۋ سياقتى ءتۇيىندى ينجەنەريالاردىڭ اتقارىلۋى ءۇرىمجى قالاسىنىڭ اۋماعىن 200 نەشە شارشى كيلومەتر كەڭەيتتى.قازىر، مەيلى جەر بەتىندە نەمەسە اۋە قاتىناسىندا بولسىن، ءۇرىمجى تەڭىز-مۇحيتقا ەڭ شالعاي قالادان جىبەك جولى ەكونوميكالىق بەلدەۋىندەگى ماڭىزدى قاتىناس تورابىنا اينالدى.

بەرىپ كەت ورامالىڭدى

دوستار

الىستاعى اق ەركە