جاڭا حابارلار

شينجياڭنىڭ مادەنيەت ىستەرىنىڭ دامۋى تىڭ ساتىعا كوتەرىلدى

    كەلۋ قاينارى: شينجياڭ حالىق راديو ىستانسياسى    2017-09-22 11:48:29  
شينجياڭ گازەتىنىڭ حابارى: 20-قىركۇيەك، اۆتونوميالى رايوندىق مۇراجايدىڭ 2-قاباتىنداعى «شينجياڭ مادەني مۇرالارىن قورعاۋ، قالپىنا كەلتىرۋ تابىستار كورمەسىن» ەكسكۋرسيالاعانداردىڭ اياعى ۇزىلمەدى.كورمە 18-شىلدەدە اشىلعان بولاتىن، كورمەدەگى قالپىنا كەلتىرىلگەن جانە قورعالعان 100 دىڭ ۇستىندەگى تاڭداۋلى مادەني مۇرا سوڭعى جىلداردان بەرى رايونىمىزدىڭ مادەني مۇرالاردى قالپىنا كەلتىرۋ، قورعاۋ جاعىنداعى ماڭىزدى جەتىستىگى سانالادى.مادەني مۇرالاردى قالپىنا كەلتىرۋدە جانە قورعاۋدا قول جەتكەن قوماقتى تابىستار رايونىمىزدىڭ مادەنيەت ىستەرى دامۋىنىڭ ءبىر كورىنىسى.
پارتيا 18-قۇرىلتايىنان، وتە-موتە، ج ك پ اۆتونوميالى رايوندىق 9-قۇرىلتايىنان بەرى، شينجياڭنىڭ ەكونوميكالىق، قوعامدىق دامۋى جەدەلدەپ، مادەنيەت ىستەرىنىڭ دامۋى تىڭ ساتىعا كوتەرىلدى.
اۆتونوميالى رايون ۇسىنىلىمدى بۇرىندى-سوڭدى بولماعان دارەجەدە ارتتىرىپ، قالا مەن اۋىلدى شارپىعان الەۋمەتتىك مادەنيەت قىزمەت وتەۋ جۇيەسىن ورناتىپ، رايون، ايماق، اۋدان، اۋىل، قىستاق دارەجەلى الەۋمەتتىك مادەنيەت جەلىسىن قالىپتاستىرىپ، ءار ۇلت بۇقاراسىنىڭ مادەنيەت تۇرمىسىن بايىتىپ، وركەنيەت پەن عىلىم ۇستانىمىن تيانشان الابىندا تەرەڭ تامىر تارتتىرىپ، «5 ورتاق تانىمدى» جۇرت جۇرەگىنە تەرەڭ ۇيالاتتى.
2014-جىلى ماۋسىمدا «جىبەك جولى: چاڭ-ءان تيانشان ءدالىزى جول جەلىسى» نىسانى دۇنيە جۇزىلىك مادەني مۇرا قاتارىنا ەنگىزىلدى، ەدىقۇت بايىرعى قالاسى، يارعول بايىرعى قالاسى سياقتى 6 جەردەگى مۇراعات جۇرتى شينجياڭداعى تۇڭعىش توپتاعى دۇنيە جۇزىلىك مادەني مۇراعا اينالدى.شينجياڭ مەملەكەت، اۆتونوميالى رايون، ايماق-وبلىس، اۋدان-قالا دارەجەلى بەيزاتتىق مادەني مۇرالاردى قورعاۋ جەلىسىن قۇرىپ جانە ونى كەمەلدەندىرىپ، «بەيزاتتىق مادەني مۇرالاردى قورعاۋ جانە وعان مۇراگەرلىك ەتۋ» ارقىلى كوپتەگەن بايىرعى بەيزاتتىق مادەني مۇرالاردىڭ «جاستىق جالىنىن الاۋلاتتى».
مادەنيەت كاسىبى سالاسى رايونىمىزدا تىڭ ەكونوميكالىق ارتۋ تۇيىنىنە اينالدى.2016-جىلى تامىزدا «اۆتونوميالى رايوننىڭ مادەنيەت كاسىبى سالاسىن دامىتۋ ارناۋلى جوباسى» جاريالانىپ، اۆتونوميالى رايوننىڭ مادەنيەت بايلىعى مول وڭىردەن مادەنيەتى دامىعان وڭىرگە قاراي ويىسۋىن جەبەدى.شينجياڭداعى مادەنيەت كاسىپورىندارى مەن مادەنيەتتە جاڭالىق اشۋ ونىمدەرى سىرتقا كوپتەپ شىعارىلدى، ءتىپتى، شەتەلدەرگە دەيىن شىعارىلىپ، دۇيىم جۇرتقا شينجياڭنىڭ وبرازىن ايگىلەپ، شينجياڭنىڭ ءۇنىن جەتكىزدى.
سارا تۋىندىلار تىنباي جارىققا شىعىپ، تارتىمدى مادەنيەت قيمىلدارى تابىسپەن وتكىزىلىپ، «ۇلتتارى جاراسىمدى، كوركەمونەرى دامىعان، مادەنيەتى اشىق» بولۋ سىندى ينفورماتسيا دۇنيە ءجۇزىنىڭ جەر-جەرىنە جەتىپ، ءبىر تۇلعالى، كوپ نەگىزدى شينجياڭ مادەنيەتى بۇرىندى-سوڭدى بولماعان دارەجەدە بارىنشا كوركەيىپ-گۇلدەندى.

بەرىپ كەت ورامالىڭدى

دوستار

الىستاعى اق ەركە