جاڭا حابارلار

تاس جول قۇرىلىسىنىڭ قارقىنى تەزدەپ، تيانشاننىڭ تۇستىگى مەن تەرىستىگى تۇتاستى

    كەلۋ قاينارى: شينجياڭ حالىق راديو ىستانسياسى    2017-09-22 12:17:54  
ستانسيامىزدىڭ ءتىلشىسى جين لەي، ەرىكتى ءتىلشى حۋاڭ ليجۇان جازعان اقپاراتتىق ارناۋلى حاباردى تىڭداڭىزدار: شونجى اۋدانى جانبۇلاق كورىنىس رايونىنىڭ باتىس اينالمالى لەنياسىنىڭ تاس جول قۇرىلىس ورنىندا جۇمىسشىلار جولدى تەگىستەۋ، تاس جول قورعاۋىش قۇلاماسىن جاساۋمەن قاربالاس. قازاننىڭ ورتا شەنىندە، باتىس اينالمالى لەنياسى تاس جولى سالىنىپ اۆتوموبيل قاتىناعاننان كەيىن، ساياحاتشىلار تۇتاس كورىنىس رايونىن ساياحاتتاعاندا كەلگەن جولىمەن قايتۋى قاجەتسىز.نىسان مەڭگەرۋشىسى سۋ فۋلين: «قازىر نەگىزگى لەنيا جالپى بەتتىك اياقتالدى، كورىنىس رايونى قۇرىلىسىندا ورتانى قورعاۋ ماسەلەسى ويلاستىرىلعاندىقتان، كولەمدى قۇرىلىس جۇرگىزىپ جەردى قازۋ مۇمكىن ەمەس، ەگەر اۋارايى جاقسى بولسا، بيىل جىل سوڭىنا دەيىن قۇرىلىستى بىتىرمەكشىمىز»،-دەدى.
بۇگىنگى كۇندە تيانشاننىڭ تۇستىگى مەن تەرىستىگىندەگى اۋىل-قىستاق مال شارۋاشىلىق رايوندارى، جاسىل القاپ ءشول دالاسىندا وسى سياقتى قاۋىرت جۇرىلگەن قۇرىلىستار كوزگە ءجيى شالىنادى.پارتيا 18-قۇرىلتايىنان بەرى، وتە-موتە ج ك پ اۆتونوميالى رايوندىق 9-قۇرىلتايىنان بەرى، رايونىمىزدىڭ تاس جول قۇرىلىسىنىڭ قارقىنى جاپپاي جەدەلدەدى، 2017-جىلى اۆتونوميالى رايوندىق تاس جول قاتىناس قۇرىلىسىنا 200 ميلليارد 600 ميلليون يۋان قارجى قوسۋ جوسپارلاندى، بۇل وتكەن جىلداعىنىڭ 5.5 ەسەسىنە تۋرا كەلەدى.بۇرىن-سوڭدى بولماعان قارجى قوسۋ تەبىنىنە قاراتا رايونىمىزدىڭ قاتىناس قۇرىلسشىلار جوعارىدان تومەنگە دەيىن تىعىز سايكەسىپ، قامال الىپ قيىنشىلىقتاردى جەڭىپ، قاتىناس نىسان قۇرىلىسىن كۇش سالا تەزدەتتى.تارباعاتاي ايماقتىق قاتىناس تاسىمال مەكەمەسىنىڭ باستىعى گۋان بياۋ:« 2016-جىلى تاس جول قۇرىلسىىنا مولشەرىمەن 500 دە 600 ميلليون يۋان قوسىلدى، بيىل تاس جول قۇرىلىسىنا 30 ميلليارد يۋاننان استام قارجى قوسىلىپ، جىل سوڭىنا دەيىن تاعى دا 10 ميلليارد يۋانداي قارجى قوسىلماقشى، بۇل وتكەن جىلداعىنىڭ ونداعان ەسەسىنە تۋرا كەلىپ، بۇرىن-سوڭدى بولماعان دەڭگەيگە جەتتى»،-دەدى.
قالىڭ تاس جول نىسان قۇرىلسىتارىنىڭ سالىنىپ اۆتوموبيل قاتىناۋى ءار ۇلت بۇقاراسىنىڭ سىرتقا شىعۋىنا قولايلىلىق جاراتىپ قالماستان، تاعى دا ساياحات، تاسىمال سياقتى كاسىپتەردىڭ دامۋىن جەبەدى.700 ميلليون يۋاننان استام قارجى قوسىلعان ولكەلىك تاس جول 206-لەنياسىنىڭ باعىراشتان كورلاعا دەيىنگى تاس جولى وتكەن جىلدىڭ سوڭىندا سالىنىپ بولىپ اۆتوموبيل قاتىناپ، كورلا قالاسىنان باعىراشتاعى احۇنلۇق ساياحات كورىنىس رايونىنا دەيىنگى ارالىق بۇرىنعىنىڭ جارىمىنداي قىسقاردى. ولكەلىك تاس جول 206-لەنياسىنىڭ بويىنداعى باعىراش اۋدانى ۇلانجەكسىن اۋىلىنداعى ديحان لو فاڭچي ورايدى مىقتى يگەرىپ، ءوز اۋلاسىن شارۋالار تاعامجايىنا اينالدىرىپ، كۇندىك تازا كىرىسى 2 مىڭ يۋاننان استى. ول: «ولكەلىك تاس جول 206-لەنياسى جاسالىسىمەن ساياحاتشىلار قاۋرىت كوبەيدى، ساياحاتشىلار بىزگە كەلىپ باعىراش كولىنىڭ بالىعىن جەيدى، كىرسىمىز توتەنشە جاقسى»،-دەدى.
قازىر تۇتاس رايونىمىزدىڭ قاتىناس نىسان قۇرىلىستارىنىڭ تەبىنى كۇشتى، اۋقىمى جاقسى، قۇرىلسى مىندەتىنىڭ ەرتە اياقتالۋى جەبەلۋدە. اۆتونوميالى رايوندىق قاتىناس تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي حۇڭبين: «وتە-موتە قىركۇيەك ايى كەلىسىمەن، ورتا ەسەپپەن كۇنىنە ءبىر ميلليارد 500 ميلليون يۋاننان استام قارجى قوسىلدى، بۇل بۇكىل رايونىمىزدىڭ قاتىناس قۇرىلىسى تەبىنىنىڭ كۇشەيىپ، دەڭگەيىنىڭ جوعارىلاپ وتىرعانىن اڭعارتادى. قىركۇيەك، قازان ايلاندارىندا بوساڭسىماي، بويكۇيەزدىككە سالىنباي، جۇمىسقا بىلەكتى سىبانا كىرىسسەك، سوڭعى جەڭىسكە ءسوزجوق جەتەمىز»،-دەدى.
ساندى مالىمەت بويىنشا تابىس تومەندەگىدەي: بيىلعى رايونىمىزدىڭ قاتىناس قۇرىلىس نىسانى 4مىڭ 347گە جەتتى، وعان جالپى 821 ميلليارد 200 ميلليون يۋان قارجى قوسىلادى، بيىل 200 ميلليارد 600 ميلليون يۋان قارجى قوسۋ جوسپارلاندى. 15-قىركۇيەكتە، 3 مىڭ 887 نىساننىڭ قۇرىلىس جۇرگىزۋ سىزبا جوباسى جاسالىپ، 3 مىڭ 380 نىساننىڭ قۇرىلىسى باستالىپ، تۇتاس رايونىمىزدىڭ تاس جول قاتىناس قۇرىلسى نىسانىنا جالپى 127 ميلليارد 327 ميلليون يۋان قارجى قوسىلدى، بۇل وتكەن جىلدىڭ وسى مەزگىلىندە قوسىلعان قارجىنىڭ 6.2 ەسەسىنە تۋرا كەلىپ، وتكەن جىلعى تۇتاس جىلدا قوسىلعان 36 ميلليارد يۋاننىڭ 3.5 ەسەسىندەي بولىپ، رايونىمىزدىڭ قاتىناس قۇرىلىسىنىڭ تاريحي رەكورتىن جاراتتى.
ماماندار مىناداي تۇسىنىك جاسادى: ج ك پ اۆتونوميالى رايوندىق 9-قۇرىلتايى مىنانى تالاپ ەتتى: نەگىزگى قۇرىلعى قۇرىلىستارىن كۇشەيتىپ، ءبىر تۇتاس جوسپارلاپ ورنالاستىرۋعا، ءوزارا تۇتاستىرۋعا، ۇيلەسىمدى دارەجەدە الدا جۇرۋگە تاباندى بولىپ، وسىزامان امبەباپ قاتىناس تاسىمال جۇيەسىن بەلسەنە قۇرىپ، جىبەك جولى ەكونوميكالىق بەلدەۋىنىڭ سولتۇستىك، ورتا، وڭتۇستىك ۇلكەن ارناسى مەن وڭتۇستىك-سولتۇستىك شينجياڭ ءىرى ارناسى قۇرىلىسىن جەدەل ىلگەرىلەتۋ كەرەك. اۆتونوميالى رايوندىق قاتىناس تاسىمال مەڭگەرمەسى تاس جول قۇرىلىسى باس قولباسشىلىق ءبولىمى كەڭسەسىنىڭ ورىنباسار مەڭگەرۋشىسى يۇي حۇڭتاي: «13-بەسجىلدىق پىلان بويىنشا شينجياڭنىڭ تاس جول نەگىزگى قۇرىلىعىلارىن جۇرگىزۋ ارقىلى، 10 مىڭ شاقىرىمدىق جوعارى قارقىندى تاس جول جاسالىپ، اۋداندارعا جوعارى قارقىندى تاس جول جەتكىزىپ، شىعىسپەن تۇتاسىپ باتىستى بەتكە العان تاس جول تورابى قالىپتاسىپ، اۋداندارعا جوعارى قارقىندى تاس جول جەتكىزۋ، قىستاقتارعا اسفاليت جول سالۋ نىساناسى ورىندالادى»،-دەدى.

بەرىپ كەت ورامالىڭدى

دوستار

الىستاعى اق ەركە