جاڭا حابارلار

كوركەم شينجياڭ ساياحاتتىڭ التىن مەزگىلىن قارسى الدى

    كەلۋ قاينارى: شينجياڭ حالىق راديو ىستانسياسى    2017-09-24 17:42:10  
ستانسيامىزدىڭ ءتىلشىسى جين لەي مەن ەرىكتى تىلشىلەر ءلاززات، يۋان يان، لو ياڭشۋەلار جازعان اقپاراتتىق ارناۋلى حاباردى تىڭداڭىزدار: قىركۇيەكتە شينجياڭدا جەمىس-جيدەكتەر سامسىپ، كورىنىسى كوز تارتادى. 23-قىركۇيەك تۇرپانداعى بويلىق، كارىز كورىنىس رايونىندا ساياحاتشىلار قايشالىستى، ەلىمىز ءىشى-سىرتىنان كەلگەن ساياحاتشىلار جاسىل القاپتىڭ وزگەشە كورىنىسىن تاماشالاپ، ءدامى ءتىل ۇيىرەتىن جەمىس-جيدەكتەردەن ءدام تاتىپ، شاتتانا ءماشىراپ بيىنە باستى. حۋنان مەن سانشيدەن كەلگەن ساياحاتشى حۋاڭ جيانبو مەن لياڭ يۇيپىڭ بىلاي دەدى:بۇل جەردىڭ ءجۇزىمى، قاۋىنى ەرەكشە ءدامدى، ادامدارى دا اسا قىزعىندى، مەيماندوس ەكەن. كارىز ۇلى ينجەنەريانىڭ كۋاسى، شنىندا، كىسى تەبىرەنتەدى . تۇستەن كەيىن يالقۇن تاعقا بارامىن، وسىدان بۇرىن مۇنىڭ ءبارىن باتىسقا ساياحات فيلمىنەن كورگەنمىن، وسى رەت ءوز كوزىممەن كورمەكشىمىن.
بيىل قاڭتاردان تامىزعا دەيىن، تۇرپان قالاسى ساياحاتشىلاردى 7 ميلليون ادام رەتكە جۋىق قابىلداپ، ساياحاتقا جۇمسالعان جالپى قارجى 6 ميلليارد يۋان بولىپ، بىلتىرعى سول تۇستاعىدان جەكە-جەكە %50 دەي ارتتى. كورىنىس رايوندارىنىڭ ەسىك بەلەتى كىرىسى 100 ميلليون يۋاننان استى. تۇرپان قالالىق ساياحات مەكەمەسىنىڭ باستىعى ءان جينچياڭ بىلاي دەدى:ءبىر كۇندىك ساياحاتتى كوپ كۇندىك ساياحاتقا ويىستىرۋدى ارقاۋ ەتىپ، باي مازمۇندى ساياحات كاسىبىمەن ءتۇيىندى قامدادىق، تاريح، مادەنيەت، ۇلتتىق عۇرىپ-ادەت، سالت-سانانى ارقاۋ ەتۋ جاعىنا كۇش سالدىق، وسى بىرنەشە جاقتار ارقىلى تۇرپاننىڭ تۇتاس وڭىرلىك ساياحاتىنان ۇلگى كورسەتۋ رايونى قىزمەتىن تۇتاس تۇلعالىق جاقتان جوعارىلاتتىق.
ساياحاتتىڭ مۇنداي دۋماندى جاعدايى تۇرپاندا عانا ەمەس، رايونىمىزداعى ماڭداي الدى كورىنىس رايونىنىڭ ءبىرى-مەملەكەتتىك A5 دارەجەلى كورىنىس رايونى قاناستا بيىل ساياحاتشىلار ايرىقشا مولايدى. 2016-جىلى، قاناس كورىنىس رايونىندا ساياحاتشى قابىلداۋ مولشەرى تۇڭعىس رەت ءبىر ميلليون ادام رەتتەن اسسا، بيىل 2 ميلليون ادام رەتتەن اساتىن كورىنەدى. قاناس كورىنىس رايونىن باسقارۋ كوميتەتى ساياحات مەكەمەسىنىڭ ورىنباسار باستىعى فىڭ كاي بىلاي دەدى:ساياحاتشىلار سانى جەدەل ارتتى ءارى كورىنىس رايونىنىڭ قىزمەت وتەۋ ساپاسىنا كەپىلدىك ەتىلدى. بيىل جىل باسىنان بەرى، كورىنىس رايونى ەرەجەگە قايشى ارەكەتتەردى الاستاۋ جانە شەكتى باعا شاراسىن اتقارىپ، كورىنىس رايونىنىڭ ەكولوگيالىق ورتاسىن جوعارىلاتىپ قالماستان، ساياحات بازارىنىڭ ءتارتىبىن كولەمدەندىردى ءارى ساياحاتشىلاردى مولايتىپ، ساياحاتشىلاردىڭ جاپپاي جاقسى باعاسىنا يە بولدى.
ج ك پ اۆتونوميالى رايوندىق 9-قۇرىلتايىنان بەرى، رايونىمىزدىڭ ساياحات تاراۋلارى باقىلاپ باسقارۋدى كۇشەيتىپ، ساياحات كاسىپورىندارى قىزمەت ەتۋ ساپاسىن ۇزبەي جوعارىلاتتى. سونىمەن بىرگە، رايونىمىزدىڭ جاڭا ساياحات كاسىبى اناعۇرلىم كەمەلدەنىپ، جەكە اۆتوموبيلىمەن ساياحاتتاۋ، اۋىل-قىستاق ساياحاتى، ەرەكشە ساياحات، احاۋسىزدىق ساياحاتى سياقتىلار جۇرتتىڭ تىڭ تالعامىنا اينالدى، مۇندا جەكە اۆتوموبيلىمەن ساياحاتتاۋ قازىرگى باستى اۋقىم بولدى، كوپتەگەن كورىنىس رايونىنداعى ساياحاتشىنىڭ %70 تەن ارتىعى جەكە اۆتوموبيلىمەن ساياحاتتاۋشىلار. قىركۇيەك كىرگەلى، كۇزگى ناراتتىڭ كورىنىسى ەرەكشە تۇسكە ەندى، الۋان ءتۇستى كۇزگى كورىنىسى شەكسىز ساحارادا مەنمۇندالاپ، قالىڭ ساياحاتشى بۇل اراعا بارسا بولدى ءتۇرلى-ءتۇستى ورمان-توعاي اراسىندا سەيىلدەپ، كۇزگى كورىنىستەن ءلازاتتانادى. جەكە اۆتوموبيلىمەن ساياحاتتاي بارعان ۋاڭ مىرزا:نارات سىندى ساحاراعا بارعاننان كەيىن كوك اسپانىنا، اق پەيىل جاندارعا، كوركەم جەرىنە، تىنىستى اۋاسىنا ءتانتى بولدىق، تەرەڭ تىنىستاپ، كوڭىلىمىز جادىراپ قالدى،-دەدى.
ساندى مالىمەت بويىنشا تابىس تومەندەگىدەي:بيىل قاڭتاردان شىلدەگە دەيىن، رايونىمىز 56 ميلليون 468 مڭ 600 ادام رەت ساياحاتشى قابىلداپ، بىلتىرعى سول تۇستاعىدان %30 ارتتى، ساياحات جالپى تۇتىنىمى 86 ميلليارد 300 ميلليون يۋان بولىپ، بىلتىرعى سول تۇستاعىدان %29. 74 ارتتى، رايونىمىزدىڭ ساياحات كاسىبى جالعاستى جەدەل دامىپ، جاعدايى قۋانارلىقتاي بولدى.
ماماننىڭ تۇسىندىرمەسى: بيىل رايونىمىز «ساياحات كاسىبىن دامىتۋدى ستراتەگيالىق تىرەكتى كاسىپكە اينالدىرۋ» نىساناسى بويىنشا، ساياحات كاسىبىن دامىتۋ جوباسىن عىلمي جوسپارلاپ، ساياحات كورىنىس رايونى قۇرىلىسىن جەدەلدەتىپ، ۇگىتتەۋ، تانىستىرۋ تەبىنىن ارتتىرىپ، ساياحاتقا قىزمەت ەتۋ دەڭگەيىن جوعارىلاتتى، ەرەكشە ساياحات ايگىلى ماركاسىن دەن قويا جارىققا شىعارىپ، ەلىمىز ءىشى-سىرتىنان 100 ميلليون ادام رەت ساياحاتشى قابىلداۋعا كۇش سالدى. اۆتونوميالى رايوندىق ساياحاتتى دامىتۋ كوميتەتى جوبا باسقارماسىنىڭ باستىعى جاڭ چۇنميڭ بىلاي دەدى:ساياحات ونىمدەرىن اناعۇرلىم مولايتىپ، ساياحات ءونىمىنىڭ ساپاسىن جوعارىلاتامىز، جاڭا ونىمدەردى، جاڭا لەنيا جولدارىن اشىپ، ءتۇزىلىس مەحانيزمى جاعىنداعى بوگەتتى تالقانداپ، رەفورما جاساپ، جاڭالىق اشامىز، مىسالى، ساياحات بايلىعىنىڭ ءتيجارات ۇقىعىن، مەنشىكتى ۇقىعىن جانە باسقارۋ ۇقىعىن ايىرىپ، ءتيجارات ۇقىعى ارقىلى قوعامدىق كاپيتالدى ەنگىزەمىز، كاپيتالدى، مال-مۇلىكتى، بايلىقتى توعىستىرىپ دامىتۋدى جەبەپ، قوعامدىق كاپيتالدى ساياحاتتى دامىتۋدى جەبەۋدەگى نەگىزگى كۇشكە اينالدىرامىز.

بەرىپ كەت ورامالىڭدى

دوستار

الىستاعى اق ەركە