جاڭا حابارلار

قىستاقتا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى كەدەيلەرگە كومەكتەسىپ، جۇرت كوڭىلىنەن ورىن الدى

    كەلۋ قاينارى: شينجياڭ حالىق راديو ىستانسياسى    2017-09-25 18:56:54  
ستانسيامىزدىڭ ءتىلشىسى سۇن ۋيدىڭ حابارىن تىڭداڭىزدار: بيىل 13 جاستاعى حاديشا ابدىراحىمان اۆتونوميالى رايوندىق پارتكوم بىرلىكساپ بولىمىنەن كەلپىن اۋدانى يۇىرچي اۋىلى ارا ايماق قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ كومەگىندە تۋما جۇرەك اۋرۋى وپەراتسياسىن ءساتتى جاساتتى، بىرنەشە كۇننەن سوڭ شيپاحانادان شىعىپ مەكتەپ قۇشاعىنا ورالماقشى.
بىرنەشە كۇننەن بەرى، 34 جاستاعى گۇلمارام تۇرسۇن اقىرى الاڭسىز ۇيقتايتىن بولدى. 20-قىركۇيەكتە اۆتونوميالى رايوندىق حالىق شيپاحاناسى جۇرەك سىرتقى اۋرۋلار بولىمىندە گۇلمارامنىڭ 13 جاستاعى قىزى حاديشا ابدىراحىمان تۋما جۇرەك اۋرۋى وپەراتسياسىن جاساتتى، وپەراتسيا وتە ءساتتى بولعاندىقتان، ول كوپ جەڭىلدەپ قالدى. گۇلمارام:شيپاحانادا جاتقان 20 نەشە كۇندە قىزمەت اترەتى كۇندە تەلەفون سوعىپ، بالانىڭ ناۋقاس جاعدايىن سۇراپ تۇردى، بىزگە ەرەكشە كوڭىل ءبولدى، قازىر بالامنىڭ وپەراتسياسى ءساتتى جاسالدى، قىزمەت اترەتىنە العىس ايتامىز،-دەدى.
بيىل ناۋرىزدا، اۆتونوميالى رايوندىق پارتكوم بىرلىكساپ بولىمىنەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتى وتباسىلارىن ارالاپ جاعداي ۇعىسقاندا، حاديشا ابدىراحىماننىڭ تۋما جۇرەك اۋرۋى بارلىعىن، وتباسىنىڭ ءال-اۋحاتى ناشار بولعاندىقتان، قازىرگە دەيىن ەمدەتە الماي وتىرعانىنان حابار تابادى. سونىمەن قىزمەت اترەتى جان-جاققا شاقپىلاپ، حادشا ابدىراحماندى ەمدەتۋ ءۇشىن اۆتونوميالى رايوندىق قىزىل كرەست قوعامىنىڭ پەرىشتە قورى نىسانىنا ءوتىنىش بەرىپ، وپەراتسيا جاساتۋ ورايىنا يە بولادى. حاديشا ابدىراحىماننىڭ جاۋاپتى شيپاگەرى جاڭ ۋيمين: وپەراتسيا جاساعاننان كەيىنگى قايتالاي تەكسەرۋدىڭ ناتيجەسى دە وتە جاقسى بولدى، جۇرەك b تيپتى اسىرە دىبىس تولقىنى دا وتە جاقسى ەكەن، وپەراتسيادان كەيىن 3 تە 4 كۇندە شيپاحانادان شىعۋىنا بولادى،-دەدى.
حادشا ابدىراحىماننىڭ وپەراتسياسى ءساتتى بولدى، قىستاقتا تۇرعان قىزمەت اترەتىندەگىلەر دە الاڭسىز بولدى. قىزمەت اترەتىنىڭ مۇشەسى ياڭ چيان:قىستاق تۇرعىندارى بىرەر جۇمىسى بولسا بولدى قىزمەت اترەتىن ىزدەپ كەلەدى، وسى بارىستاعى قىزمەتتەر قىزمەت اترەتى مەن قىستاق تۇرعىندارىنىڭ كوڭىلىن توعىستىردى،-دەدى.

بەرىپ كەت ورامالىڭدى

دوستار

الىستاعى اق ەركە