جاڭا حابارلار

اقسۋدىڭ ەرەكشە جەمىس اعاشى كاسىبى ديقانداردىڭ قالتاسىن قامپايتتى

    كەلۋ قاينارى: شينجياڭ حالىق راديو ىستانسياسى    2017-09-25 19:28:11  
ستانسيامىزدىڭ ءتىلشىسى جيڭ لەي، ايبىنعازى راحىمان ۇلى جانە اقسۋ راديو ستانسياسىنىڭ ءتىلشىسى چىن شيۇڭفەيلاردىڭ حابارىن تىڭداڭىزدار: قازىر، اقسۋ ايماعى رايونىمىزداعى جەمىس اعاشى كاسىبىنىڭ اۋماعى ەڭ كەڭ، ءونىم مولشەرى ەڭ مول رايونعا اينالدى. ج ك پ اۆتونوميالى رايوندىق 9-قۇرىلتايىنان بەرى، اقسۋ ايماعى جەمىس اعاشى كاسىبىنىڭ «جالپى وتكەلەكتەگى دەڭگەيىن كوتەرۋدى، تۇتاس كاسىپ تىزبەگىنىڭ قۇنىن جوعارىلاتۋدى» كۇش سالا جەبەپ، جەرگىلىكتى ورىنداعى ديقانداردىڭ قالتاسىن قامپايتتى.
قىركۇيەكتەگى اقسۋدا كۇزگى سامال ەسىپ، جەمىس-جيدەكتەردىڭ ءيىسى اڭقىيدى، اقسۋ ايماعىنىڭ حۇڭچيپو ەگىس الاڭىنداعى «بيڭتاڭشين» الماسى سامسىپ، بوقىراۋدى ( قىراۋ مەزگىلى دەگەن ءسوز) كۇتۋدە، الىستان كوز جىبەرسەڭىز كەسەك المالار كوزدىڭ جاۋىن الادى. باعبانشى حوۋ جيا جەمىس باعىن كۇندەلىكتى دەن قويا باپتاۋدا، 30 مۋ جەردەگى الماسىنا سىرت جەردەگى ساۋداگەرلەر الدە قاشان تاپسىرىس بەرىپ قويىپتى، ولشەمگە تولمايتىن سورتى ناشارلاۋ ازىناۋلاق الماسى دا ساتىلىپ بولىپتى. ول:بىلتىر، 30 فىننان ساتساق تا الاتىن ەشكىم شىقپاعان. بيىل، ىلەدەگى نۇڭفۋشانچۋان جەمىس شىرىنى زاۆوتى ءبىر يۋان 20 نەشە فىننان ساتىپ الدى،-دەدى.
اقسۋ ايماعىنىڭ حۇڭچيپو ەگىس الاڭىندا 200 مىڭ مۋعا جۋىق جەردە الما بار، بۇرىن جوعارى سورتتى الما عانا جوعارى باعادا ساتىلاتىن دا، سورتى ناشار المالار ىسىراپ بولاتىن. بيىل، ءونىم ساپاسىن جوعارىلاتۋدان سىرت، جەرگىلىكتى ورىنداعى جىنتىكتەي مانەرلەۋ كاسىپورىندارى بىرتىندەپ كوبەيىپ، الما كاسىبى تىزبەگى بىرتىندەپ كەڭەيدى، جەمىس شىرىنى، جەمىس قويمالجىڭى سياقتى ونىمدەردىڭ بازارداعى ساتىلىم باعاسى جوعارى بولدى، سونىمەن سورتى ناشار المالاردا ءوتىمدى بولدى. اقسۋ ايماعىنداعى حۇڭچيپو اۋىل شارۋاشىلىعىن دامىتۋ سەرىكتەستىگى ءوندىرىس ءبولىمىنىڭ باستىعى شيۇڭ يۇڭ بىلاي دەدى:بۇرىن ءبىر مۋ جەردەن 10 تونناعا جۋىق الما تۇسەتىن، الايدا مۇنىڭ تاۋار مولشەرى %50 عانا بولىپ، ساتىلىم مولشەرى 6 مىڭ يۋاننان اسپايتىن. قازىر تاۋار مولشەرى %85 كە جوعارىلاپ، ءبىر مۋلىق جەمىس باعىنان 10 مىڭ يۋان كىرىس كىرەتىن بولدى.
بيىل جىل باسىنان بەرى، اقسۋ ايماعى جەمىس اعاشى كاسىبىنىڭ «جالپى وتكەلەكتەگى دەڭگەيىن كوتەرۋدى، تۇتاس كاسىپ تىزبەگى قۇنىن جوعارىلاتۋدى» جەبەگەندىكتەن، جەمىس اعاشى كاسىبى بىرتىندەپ كۇشەيىپ، 10 ميلليون توننالىق جەمىس-جيدەكتىڭ ءونىم ساپاسى اناعۇرلىم جوعارىلادى، ساتىلىم جولى بۇرىنعىدان دا جاقسارتىپ، جەمىس اعاشى كاسىبى جەرگىلىكتى ورىنداعى ديقانداردىڭ قالتاسىن قامپايتتى. سونىمەن بىرگە، اقسۋ ايماعى تاپسىرىستى اۋىل شارۋاشىلىعىن بەلسەنە دامىتتى، ءارى قورعاۋ باعاسىمەن ساتىپ الۋ شاراسىن العا قويدى، جەمىس اعاشى سەلبەستىك كوپەراتيۆى دە جەدەل كەڭەيىپ 400 دەن استى. ونسۋ اۋدانىندا شىلان ەگەتىن ايتۋلى وتباسى چين چيۋفاڭ بيىل كوكتەمدە ونسۋ اۋدانىنداعى ولشەمدەنگەن الەۋمەتتىك زالالسىز شىلان ءوندىرىس كوپەراتيۆىن باستاپ قۇرىپ، 150 دەن استام ديقان بۇعان بەلسەنە جارنا قوسىپ، شىلان ەگىلگەن اۋماق 3 مىڭ مۋدان اسىپ، ەكونوميكالىق تيىمدىلىگى ەرەكشە كورنەكتى بولدى. چين چيۋفاڭ:ەڭ ۇلكەن ارتىقشىلىق وندىرىلگەن جەمىس-جيدەكتىڭ ساپاسى نەداۋىر جاقسى، تابيعي، تىڭايتقىش قوسىلماعان جاسىل ءونىم، مولىنان ساتا الاتىن بولدىق،-دەدى.
ج ك پ اۆتونوميالى رايوندىق 9-قۇرىلتايىنان بەرى، اقسۋ ايماعى ەرەكشە جەمىس اعاشى كاسىبىن ديقانداردىڭ كىرىسىن ارتتىرىپ، حالىقتى اۋقاتتاندىرۋ كاسىبى ەتۋگە تاباندى بولىپ، الما، جاڭعاق، شىلاندى نەگىز ەتكەن ەرەكشە جەمىس اعاشى كاسىبىن كۇش سالا دامىتۋ ارقىلى ديقانداردىڭ كىرىسىن مولايتتى جانە جەمىس اعاشى كاسىبىندەگى بايلىق ابىزالدىلىعىن ەكونوميكالىق ابىزالدىلىققا اينالىدىرىپ، «جۇڭگونىڭ تاماشا جەمىس باقشاسىن» «اقسۋدىڭ تاماشا جەمىس ونىمدەرىن» جارىققا شىعارىپ، ەرەكشە جەمىس اعاشى كاسىبىن دامىتۋدى كۇش سالا جەبەدى. اقسۋ ايماقتىق پارتكومنىڭ مۇشەسى نياز ءاشىم تىلشىگە بىلاي دەدى:اقسۋ ايماعىنىڭ جەمىس اعاشى كاسىبى ءار ۇلت باعىبانشىلارىنىڭ قالتاسىن قامپايتىپ عانا قالماستان، جەرگىلىكتى ورىندى كەدەيلىكتەن قۇتىلدىرىپ اۋقاتتاندىرۋداعى جەتەكشى كاسىپكە اينالدى. بيىل، اقسۋ ايماعىندا كەدەي وتباسىلارىن كەدەيلىكتەن قۇتىلدىرۋ ولشەمى 3 مىڭ 26 يۋان، بىلتىر جەمىس اعاشى كاسىبىنىڭ ديقانداردىڭ كىسى باسىندىق تازا كىرىسىندە ۇستاعان سالىستىرماسى 4 مىڭ 346 يۋان بولىپ، بيىلعى كەدەيلىكتەن قۇتىلدىرۋ ولشەمىنەن اسىپ ءتۇستى، بۇل جاعىنان العاندا جەمىس اعاشى كاسىبىنىڭ ۇلەسى زور.
ساندى مالىمەت بويىنشا تابىسى مىناداي:اقسۋ ايماعىندا جەمىس اعاشى ەگىلگەن اۋماق 4 ميلليون 500 مىڭ مۋ، شينجياڭ بويىنشا جەمىس اعاشى جالپى اۋماعىنىڭ ۇشتەن ءبىرىن ۇستايدى. جەرگىلىكتى ورىن «جەمىس اعاشىنىڭ ساپاسىن جوعارىلاتىپ، ونىمدىلىگىن ارتتىرۋ ينجەنەرياسىن» اتقارعاننان بەرى، ءونىمى كورنەكتى بولدى، بيىل اقسۋ ايماعىنداعى ەرەكشە جەمىس اعاشىنىڭ جالپى ءونىم مولشەرى 2 ميلليون 100 مىڭ توننادان، جىلدىق ءونىم قۇنى 12 ميلليارد يۋاننان اساتىندىعى مەجەلەنىپ وتىر، ديقانداردىڭ جەمىس اعاشى كاسىبىنەن تاپقان كىرىسى كىسى باسىندىق تازا كىرىستىڭ %40 كە تاياۋىن ۇستاپ، جەمىس اعاشى كاسىبى اقسۋ ايماعىنىڭ ورمان شارۋاشىلىعىن شالقىتىپ، حالىقتى اۋقاتتاندىرۋداعى تىرەكتى كاسىبىنە اينالدى.

بەرىپ كەت ورامالىڭدى

دوستار

الىستاعى اق ەركە