باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شارشاۋدان ارىلۋ تۋرالى

    كەلۋ قاينارى: شينجياڭ حالىق راديو ىستانسياسى    2017-09-28 20:27:49  
1. جانعا جايلىلىق سىيلايتىن مۋزىكا تىڭداڭىز. مۋزىكا ءسىزدىڭ نازارىڭىزدى باسقا ارناعا بۇرادى. باستىسى شىن مانىندە جايلىلىق سىيلاپ جاتقانىنا كوز جەتكىزىڭىز.
2. تەرەڭ تىنىس الۋ. بۇل كەڭىنەن تارالعان ادىستەردىڭ ءبىرى. كوزىڭىزدى جۇمىپ تۇرىپ تەرەڭ دەمالىڭىز دا، ارتىنشا اۋانى سىرتقا شىعارىڭىز. وسىنى بىرنەشە رەت قايتالاڭىز. دەمالعان كەزدە كەۋدە جاسۋشالارىنا اۋىرلىق تۇسپەيتىندەي، باياۋ تىنىس الىڭىز. جاتتىعۋ بارىسىندا دەنەڭىزدىڭ اۋىرلىقتى سەزبەيتىندىگىنە كوز جەتكىزىڭىز. اتالعان جاتتىعۋدى جاساۋدىڭ ارقاسىندا قان اينالىمىڭىز جاقسارىپ، قان قىسىمىڭىز جوعارىلاپ، دەنەڭىز فيزيولوگيالىق دەڭگەيدە دەمالادى. كۇيزەلىس كەزىندە ادامنىڭ قيمىل-قوزعالىسىنىڭ جىلدامدىعى ارتىپ كەتەتىندىكتەن، بۇلشىق ەتتەردى بوساڭسىتۋ كەرەك.
3. ەلەستەتۋ نەمەسە قيالداۋ. ەشكىم جوق، اۋاسى تازا، تىنىش جەرگە كوزىڭىزدى جۇمىپ وتىرىپ، ءوزىڭىزدى حوش ءيىستى گۇلدەردىڭ، اسەم ساياباقتىڭ ورتاسىندا نەمەسە قىمىز ءيىسى اڭقىعان كەڭ جايلاۋدا وتىرمىن دەپ ەلەستەتىڭىز. ءسىز قانداي دىبىستاردى ەستىپ تۇرسىز؟ قانداي يىستەردى سەزۋدەسىز؟ قاجەت بولسا، كوك مايسا شالعىندا جاتقانداي اسەردە بولىڭىز. ءوز ەلەسىڭىزگە ءسىز سەنگەن سايىن، دەنەڭىز دە الدانادى. ياعني، بۇل دا ءوز كەزەگىندە تىنىشتالۋعا مۇمكىندىك بەرەدى.
4. از ۋاقىت ۇيىقتاپ الىڭىز. ءتىپتى، بار بولعانى 15 مينۋتىڭىز عانا بولسا دا، جاتىپ تىنىعىڭىز. ويانا سالىسىمەن ءوزىڭىزدى سەرگەك سەزىنەسىز. ال مي سەرگەك كەزدە، ادام شەشىمدى اردايىم دۇرىس قابىلدايدى. ادەتتەن تىس ۇيقى كەزىندە مي تولقىندارى زات الماسىپ، دەنەگە جايلىلىق سىيلايدى. جانە جاتقان كەزدە دە دەنەڭىز ۇيىپ قالمايتىنداي دۇرىس جاتىڭىز. مۇنىمەن قاتار دەنساۋلىعىڭىز جاقسى بولۋ ءۇشىن، تۇندە ۇيقىڭىزدىڭ ۋاقىتىن بۇزباڭىز.
5. ويانىڭىز دا كەرىلىڭىز. بۇلشىق ەتتەرىڭىزدى سوزا ءتۇسىڭىز. ويانا سالىسىمەن، بولمەنىڭ ىشىندە بىراز ءجۇرىپ، جاتتىعۋلار جاساڭىز. ۇيدە ەشكىم جوق بولسا، كوڭىلدى مۋزىكا قوسىپ بيلەپ الىڭىز. ناتيجەسىندە ميىڭىزعا اسەر ەتىپ عانا قويماي، كوتەرىڭكى كوڭىل-كۇي سىيلايدى.
6. تازا اۋامەن دەمالىڭىز. ول نەبارى 1 مينۋت عانا ۋاقىتىڭىزدى الادى. كوشەگە شىعىپ، تازا اۋا جۇتىنساڭىز بولعانى.
7. ۇزاق ۋاقىت جاياۋ ءجۇرۋ. جاقسى دەمالىس جامان ويلاردان ارىلۋعا كومەكتەسەدى. بۇدان وزگە ادامداردىڭ نە ىستەپ جۇرگەنىن باقىلاپ كورىڭىز. ءوزىڭىزدى قيناساڭىز دا، كۇيزەلىسكە تاپ بولعان ساتتەردە دەنەڭىزدى قيمىلداتىڭىز.
8. دۇرىس تاماقتانىڭىز. جەمىس-جيدەكتەردىڭ كومەگىنە جۇگىنۋىمىزگە تۋرا كەلەدى. ءارى اش بولعانان، توق جۇرگەنىڭىز جاقسى. قانتى كوپ تاعامدار جۇيكەگە اسەر ەتەتىن بولعاندىقتان، ولاردى كوپ جەمەۋگە تىرىسىڭىز.
9. جىلى ۆانناعا تۇسىڭىز. جىلى سۋ دا كۇيزەلىسكە توتەپ بەرۋگە كومەكتەسەدى. ۋاقىتىڭىز بولسا، ۇزاعىنان جاتىپ تىنىعىڭىز. ۆانناعا ارنالعان تۇزعا شومىلىپ، قالاساڭىز اۋديو كىتاپتار تىڭداڭىز.
ءان الەمى

جول توسىلىپ قالدى

تۇلپارىم