باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تاۋلى القاپتى وبلىستاعى شىت جاڭا بەينە

    كەلۋ قاينارى: شينجياڭ حالىق راديو ىستانسياسى    2017-09-29 19:01:17  
ستانسيامىزدىڭ تىلشىلەرى جيڭ لەي مەن قاميتتىڭ حابارىن تىڭداڭىزدار: قىزىلسۋ قىرعىز اۆتونوميالى وبلىسى پامير ۇستىرتىنە ورنالاسقان، تەڭىز دەڭگەيىنەن بيىك، شىڭدار كوپ بولعاندىقتان «تاۋلى القاپ» اتالعان. پارتيا 18-قۇرىلتايىنان، وتە-موتە ج ك پ اۆتونوميالى رايوندىق 9-قۇرىلتايىنان بەرى، قىزىلسۋ وبلىسىنداعى ءار ۇلت بۇقاراسىنىڭ تۇرعىن ءۇي، وقۋ-اعارتۋ، ەمدەۋ سياقتى جاقتارىندا وراسان زور وزگەرىستەر بولىپ، تاۋلى القاپ جاڭاشا بەينەگە ەندى.
ۇلىقشات اۋدانى قىزىلوي اۋىلىنداعى سەنترلى قوس ءتىل بالالار باقشاسى بيىل جاڭادان سالىنعان بالالار باقشاسى، ول قازىر جالىندى دا قىزىقتى بەينەگە تولىپتى، بالالار باقشاسىندا تاعى مۋزيكا كلاسى، سۋرەت سالۋ كلاسى، تەاتر كلاسى اشىلعان، قالاداعى بالالار باقشاسىمەن ەشقانداي ايىرماشىلىعى جوق.
بالالار باقشاسىنا كىرگەنىنە ءبىر ايعا تولا قويماعان 4 جاستاعى شىڭعىس مامەتقۇربان وسى ارانىڭ تۇرمىسىنا بىردەن ۇيىرلەسىپ، بالدىرعاندارمەن بىرلىكتە كوڭىلدى وينادى. نەمەرەسىنىڭ كۇندە ءماز-مايرام بولىپ جۇرەتىنىن كورگەن اتاسى قۇشتار يسرايل ەرەكشە اسەرلى بەينەدە بىلاي دەدى: 4 جاستاعى نەمەرەم اۋىلىمىزداعى بالالار باقشاسىندا وقيدى، بۇل جەردە كىتاپ، تاماق اقىسى تۇگەل تەگىن، بالالار باقشاسىنىڭ وقىتۋشىلارى دا وتە جاقسى، بۇل ارينە پارتيا مەن مەملەكەتتىڭ تاماشا ساياساتىنىڭ ارقاسى، پارتيا مەن ۇكىمەتتىڭ بىزگە وسىنداي جاقسى تۇرمىس سيلاعانىنا العىس ايتامىن.
ۇلى عاسىرلىق ءىس وقۋ-اعارتۋ نەگىز ەتەدى، ورتالىق كوميتەت پەن اۆتونوميالى رايوننىڭ قولداۋىندا، بيىل قىزىلسۋ وبلىسىندا 15 جىلدىق مىندەتتى وقۋ-اعارتۋ جوسپارى جاپپاي اتقارىلىپ، بارلىق اۋىل-قالاشىقتاردا قوس ءتىل بالالار باقشاسى سالىنىپ، قىرعىز مالشىلارىنىڭ بالالارىن كىشكەنتايىنان وقۋ-اعارتۋ جاعىنداعى تيىمدىلىكتەردەن يگىلىكتەندىرۋ ارمانى جۇزەگە استى. حالىققا وقۋ-اعارتۋ جاعىنان تيىمدىلىك جەتكىزۋمەن بىرگە، قىزىلسۋ وبلىسىنداعى ءار ۇلت بۇقاراسى الاڭسىز تۇرمىس كەشىرۋدە.
قىركۇيەكتە، ءتىلشىسى اقشي اۋدانى قۇلانسارىق اۋىلى بەدەل قىستاعىنداعى حالىقتى اۋقاتتاندىرىپ، بەيقۇت ءۇي سالۋ جاعىنداعى 3-توپتاعى تۇيىنىنەن قىرعىز مالشىلارىنىڭ ازىناۋلاق اقشا شىعارىپ جاڭا ۇيگە كوشكەنىن، مال قورا، ەگىستىك جەر، مەكتەپ، ەمدەۋ تۇيىندەرىنىڭ كەمەلدى ەكەنىن كوردى. مالشى اسىلبەك اسان ماقتانىشتى بەينەدە: قازىر قالالىقتارمەن ۇقساس تۇرمىس كەشىرۋدەمىز، ءۇيىمىز ساۋلەتتى، سۋ، ەلەكتر، جىلۋ بارلىعى تولىق، پارتيا مەن ۇكىمەتتىڭ قامقورلىعى مەن كومەگىندە تۇرمىسىمىز بارعان سايىن جاقساراتىنىنا سەنىمىمىز كامىل،-دەدى.
تاۋلى القاپتىڭ شىت جاڭا وزگەرىسى ورتالىق كوميتەتتىڭ، اۆتونوميالى رايوننىڭ كۇش سالا قولداۋىنىڭ ارقاسى، بۇنى ءارى جەرگىلىكتى ورىننىڭ ساياسات ارقىلى سۇيەمەلدەۋ مەن وزگەشە جاعىراپيالىق ابىزالدىلىققا سۇيەنىپ، باتىسقا ەسىك اشۋ اياق الىسىن ۇزبەي جەدەلدەتۋىنەن بولە قاراۋعا بولمايدى. تورعات شەكارا وتكەلىمەن ىرگەلەس قىرعىزستاننىڭ استاناسى بيشكەك قالاسى ەلىمىزدەن قىرعىزستانعا جانە ورتا ازيا، باتىس ازيا، ەۆروپاداعى ءارقايسى ەلدەرگە قاتىنايتىن ماڭىزدى ساۋدالىق شەكارا وتكەل، بىرنەشە جىلدىڭ الدىندا دامۋى سالىستىرمالى مەشەۋ، شەكارا وتكەلدەن زات وتكىزۋ قيىن بولىپ، سىرتقى ساۋداعا زور دارەجەدە ىقپال جاساعان. بيىل، جاڭا بىرلەسىپ تەكسەرۋ زالى، شەكارا وتكەل جولى سياقتى 7 ينجەنەريا ءبىر ۋاقىتتا سالىنىپ، شەكارا وتكەلدەن زات وتكىزۋ قۋاتى كورنەكتى جاقساردى، ەڭ كوپ كەزدە ءبىر كۇندە 300 اۆتوموبيل قاتىناپ، بۇرىن تورعات شەكارا وتكەلىنىڭ دامۋىنا بۇعاۋ بولىپ كەلگەن كەدەرگى تۇبەگەيلى وزگەردى.
تورعات شەكارا وتكەلىنىڭ ورىنباسار باستىعى زوۋ جىساي بىلاي دەدى: شينجياڭنىڭ قۇرىلىق جولى ارقىلى شىعاتىن زاتتارىنىڭ %53.3 تى تورعات شەكارا وتكەلى ارقىلى بيشكەككە بارىپ كولىك اۋىستىرادى، بۇل زات اينالىمى جاعىنداعى تاسۋ-جەتكىزۋ جىلدامدىعىن تەزدەتىپ، تورعات شەكارا وتكەلى شينجياڭنىڭ قىرعىزستانعا، اسىرەسە ورتا ازياعا بەت العان ماڭىزدى شەكارادان كىرىپ-شىعۋ جانە زات وتكىزۋ شەكارا وتكەلىنە اينالدى.
ساندى مالىمەت بويىنشا تابىس تومەندەگىدەي: بيىل جىل باسىنان قازىرگە دەيىن، ورتالىق پەن اۆتونوميالى رايون قىزىلسۋ وبلىسىنىڭ 3 اۋدان، ءبىر قالاسىنىڭ وقۋ-اعارتۋ سالاسىنا ءبىر ميلليارد يۋاننان ارتىق قارجى قوسىپ، جەرگىلىكتى ورىن 200 ميلليون يۋانعا جۋىق قارجى تۇلعالاندىرىپ، 133 قوس ءتىل بالالار باقشاسىن سالدى، سونىمەن بىرگە، بيىل 3 ميلليارد 600 ميلليون يۋان قارجى قوسىپ، جاڭاشا اۋىل-قىستاقتاردى تۇتاس قىستاق بويىنشا ىلگەرلەتۋ تۇيىنىنەن 103 ىن قۇرىپ، 100 مىڭعا جۋىق ەگىنشى-مالشى كەڭ دە جارىق جاڭا ۇيگە كوشىپ كىردى. كەدەيلىكتەن قۇتىلدىرىپ، اۋقاتتاندىرۋ اياق السىن جەدەلدەتۋ ءۇشىن، قىزىلسۋ وبلىسى ءشول اۋىل شارۋاشىلىعىن كۇش سالا دامىتىپ، قازىر، 9 مىڭ 304 مۋ جەردە 6 مىڭ 362 قۇرىلعى اۋىل شارۋاشىلىعى سالىندى، شينجياڭعا كومەكتەسەتىن 66 نىساننىڭ قولداۋىن قوسقاندا، قىزىلسۋ وبىلىسىنداعى ەگىنشى-مالشىلاردىڭ بيىلعى كىسى باسىندىق تازا كىرىسى ءبىر مىڭ 500 يۋان ارتۋدان ءۇمىت زور.
ءان الەمى

جول توسىلىپ قالدى

تۇلپارىم