جاڭا حابارلار

10 ميلليون ادام قالا، اۋىلدارداعى بەيقۇت ءۇي سالىپ حالىقتى اۋقاتتاندىرۋ ينجەنەرياسىنىڭ يگىلىگىنە كەنەلدى

    كەلۋ قاينارى: شينجياڭ حالىق راديو ىستانسياسى    2017-09-30 13:58:25  
شينجياڭ گازەتىنىڭ حابارى: «بۇرىن لاشىقتى اۋماقتا بولاتىنبىز، جازدا جاڭبىر جاۋعاندا بۇكىل جەر ەزىلىپ باتپاق بولسا، قىستا قار جاۋىپ، مۇز قاتىپ، ءجۇرۋىمىز قيىنعا تۇسەتىن. بيىل تامىزدا اقىرى جاڭا ۇيگە كوشىپ كىردىم. ەسىكتەن شىعا قالعاندا سەمەنتتەلگەن كەڭ جول، بازارىمىز ىرگەدە، الىسقا بارماق بولساق كوشە اۆتوبۋزى بار»،-دەدى فۋكاڭ قالاسى ياڭگۋاڭ گۇل باقشالى شاعىن اۋماعىنىڭ تۇرعىنى ۋ لايىڭ.
ۋ لايىڭ فۋكاڭ قالاسىنىڭ لاشىقتى اۋماقتاردى وزگەرتۋ جۇمىسىنىڭ يگىلىگىن كورگەندەردىڭ ءبىرى. بيىل فۋكاڭ قالاسى قالاداعى شوعىرلى، تۇتاسقان، جاتاعان ۇيلەرى مول، ۇزاق مەزگىل پايدالانىلعان، ۇيلەرىنىڭ ساپاسى ناشار 19 لاشىقتى اۋماقتى وزگەرتۋ تەبىنىن ارتتىرىپ، لاشىقتى وڭىرلەردى وزگەرتۋ بويىنشا كوشىرۋگە اناعۇرلىم ءتيىمدى ساياسات بەلگىلەدى، جالپى 3 ميلليارد 807 ميلليون 800 مىڭ يۋان قارجى قوسىپ، 6 مىڭ وتباسى تۇراتىن لاشىقتى اۋماقتى وزگەرتۋ نىسانىن اتقاردى. بۇگىنگى تاڭدا لاشىقتى وڭىرلەردى وزگەرتۋ بويىنشا توقتامعا قول قويۋ سالىستىرماسى %90.2 بولىپ، 3 مىڭ 600 وتباسى جاڭا ۇيگە كوشىپ كىردى.
پارتيا 18-قۇرىلتايىنان، وتە-موتە، ج ك پ اۆتونوميالى رايوندىق 9-قۇرىلتايىنان بەرى، اۆتونوميالى رايون بەيقۇت ءۇي سالىپ، حالىقتى اۋقاتتاندىرۋ ينجەنەرياسىن كۇش سالا اتقارىپ، اۋىل-قىستاقتاردا ءبىر ميلليون 500 ءۇي سالدى، 6 ميلليونعا تارتا ەگىنشى-مالشى جاڭا ۇيگە كوشىپ كىردى؛ ءتۇرلى لاشىقتى اۋماقتاردا 929 مىڭ 700 ءۇيدى جاڭالاپ سالىپ، 2 ميلليون 300 مىڭنان استام تۇرعىن جاڭا ۇيگە كوشىپ كىردى؛ الەۋمەتتىك مايعا بەرىلەتىن ۇيدەن 820 مىڭ 500ىن سالىپ، قالا-قالاشىقتارداعى ورتا، تومەن كىرىستى، جاڭادان كاسىپتەنگەن جۇمىسشى-قىزمەتكەرلەردەن، سىرتتان كەلىپ جۇمىس ىستەۋشىلەردەن 2 ميلليوننان استام ادامنىڭ تۇرعىن ءۇي قيىنشىلىعى ماسەلەسىن شەشتى. جالپى 3 ميلليوننان استام بەيقۇت ءۇي سالىنىپ، 10 ميلليوننىڭ ۇستىندە ادام قاتەرلى، كونە كەرپىش ۇيلەرگە جانە لاشىقتى اۋماقتارعا قوش ايتىپ، كەڭ دە جارىق جاڭا ۇيگە كوشىپ كىردى.
اۋىل-قىستاقتا بەيقۇت ءۇي ينجەنەرياسىن اتقارۋدىڭ ناتيجەسىندە، اۋىل-قىستاقتاعى بۇقارانىڭ حاۋىپسىز پايدالانىلاتىن ۇيلەردە وتىرۋىنا مۇمكىندىك جاسالىپ قانا قويماي، «جۇمىس ىستەۋ، ءوزارا كومەكتەسۋ، قوعامدىق سۇيەمەلدەۋ، كاسىپورىندار كومەكتەسۋ» سياقتى ءۇي سالۋدىڭ ءتىپتى دە يكەمدى تاسىلدەرى مەن ساياسات-شارالار قولدانۋ ارقىلى ارحيۆ تۇرعىزىلىپ كارتشكا بەرىلگەن كەدەي وتباسىلار سياقتى 4 ءتۇرلى ءتۇيىندى وبيەكتىلەردىڭ جاڭا قونىسقا كىرۋى قامتاماسىز ەتىلدى؛ قۇرىلىس ارقىلى تاربيەلەۋ، قۇرىلىس ارقىلى تاربيەلەۋدى جەبەۋ، تاربيەلەۋ-كوشىرۋ سياقتى تاسىلدەر ارقىلى شارۋالاردىڭ ءۇي سالۋ شەبەرلىگى شىن مانىندە ءوسىرىلىپ، ولاردىڭ سول جەردىڭ وزىندە، تاياۋ ماڭدا كاسىپتەنۋىنە، اۋقاتتانىپ كىرىستى ارتتىرۋىنا جەتەكشىلىك جاسالدى.
قالا-قالاشىقتاردا قامتاماسىزداندىرۋ سيپاتتى بەيقۇت ءۇي قۇرىلىسىن سالۋ ىشكى سۇرانىستى جەبەپ، جەرگىلىكتى ەكونوميكانىڭ دامۋىن ىلگەرىلەتتى ءارى فينانس، ساقتاندىرۋ، جاساۋ، ساياحات، قىزمەت وتەۋ سياقتى قاتىستى كاسىپ سالالارىنىڭ دامۋىن جەتەكتەدى، سونىمەن بىرگە، ءۇي جيھازدارى، ءۇي ەلەكتر جابدىقتارى، ءۇي اشەكەيلەۋ، ەلەكتروندى حابار-بايلانىس، قۇرىلىس ماتەريالدارى سياقتى كاسىپتەردىڭ دامۋىن جەبەدى.

بەرىپ كەت ورامالىڭدى

دوستار

الىستاعى اق ەركە