باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭنىڭ 5 ءىرى سەنتىرلى قۇرىلىسى جىبەك جولىندا شۇعىلا شاشادى

    كەلۋ قاينارى: شينجياڭ حالىق راديو ىستانسياسى    2017-09-30 17:52:43  

ستانسيامىزدىڭ تىلشىلەرى لي لۇڭ مەن ليۋ چياڭنىڭ جانە ەرىكتى ءتىلشى ۋاڭ جينشاننىڭ حابارىن تىڭداڭىزار: جىبەك جولى ەكونوميكالىق بەلدەۋىندەگى وزەكتى رايوندا تۇرعان شينجياڭ ـــ بەس ءىرى سەنتىرلى قۇرىلىستى جەدەل ىلگەرىلەتىپ، باتىسقا ەسىك اشۋ ارناسى كۇن سايىن كەمەلدەنىپ، جەدەل دامۋ جاعدايى العاشقى ادىمدا قالىپتاستى.
جۇڭگو-قازاقستان قورعاس حالىقارالىق شەكارا سەلبەستىك ورتالىعىنىڭ كەز-كەلگەن جەرىنەن ۇلكەندى-كىشىلى سومكا اسىنىپ، باجىسى كەشىرىم ەتىلگەن ءار قايسى بازار اراسىندا شاپقىلاپ جۇرگەن جۇڭگو-قازاقستان ساۋداگەرلەرى مەن ساياحاتشىلاردى، سونداي-اق بازاردىڭ الدىنا قاز-قاتار توقتاتىپ قويىلعان ءىرى تۇرپاتتى اۆتوموبيلدەرگە، جۇمىسشىلاردىڭ ەكى ەل ءوزارا قاجەت ەتكەن ەرەكشە تاۋارلاردى تيەپ جاتقانىن كورەسىز. ساياحاتشى سۇن ۋانيۇي: وسى ارادان باجىسى كەشىرىم ەتىلگەن، باعاسى ارزانداتىلعان تاۋارلاردى ساتىپ الۋعا بولادى، جۇڭگو مەن قازاقستان ەلىنىڭ شەكارا اتتاپ ساياحاتتاۋ جاعدايىن كورەسىز، مۇنىڭ شىنىمەن ماڭىزدى ءمان الاتىنىن سەزىندىم،-دەدى.
قورعاس شەكارا قورعانىس تەكسەرۋ ورىنى مىندەت اتقارۋ 3-ءبولىمىنىڭ باستىعى جاڭ شۇيگۋاڭ تىلشىگە، جىبەك جولى ەكونوميكالىق بەلدەۋى وزەكتى رايونىن قۇرۋ اياق الىسىنىڭ ىشكەرىلەي جۇرگىزىلۋىنە بايلانىستى، سەلبەستىك ورتالىعىنا ساياحاتتاي كەلىپ، زات ساتىپ الۋشىلاردىڭ بارىنشا مولايعانىن، قورعاس حالىقارالىق باجىنى كەشىرىم ەتۋ، زات ساتىپ الۋ ورىنى ماركاسىنىڭ بىرتىندەپ قالىپتاسقانىن ايتا كەلىپ، بىلاي دەدى: وتكەن جىلى 5 ميلليون ادام رەتتەن استى، قازىر ءار كۇنى كەلۋشىلەر ورتا ەسەپپەن 20 مىڭ ادامعا جەتەدى، وتە-موتە، وزدىك ارنا اشىلعاننان بەرى، كەدەننەن ءوتۋ ونىمدىلىگى بارىنشا تەزدەدى.
قورعاس شەكارا وتكەلىنەن 200 كيلومەتردەن ارتىق شالعاي الاتاۋ ساعاسى شەكارا وتكەلىنەن بيىل قاڭتاردان شىلدەگە دەيىن يمپورت-ەكسپورت ەتىلگەن زات 12 ميلليون 90 مىڭ تونناعا جەتىپ، وتكەن جىلدىڭ وسى تۇسىنداعىدان %19 ارتىپ، شەكارا وتكەلىنىڭ سولتۇستىك شينجياڭداعى نەگىزگى قالالارمەن ۇشتاسۋى ءتىپتى ىركىلىكسىزدەندى جانە كۇشەيدى. بيىل الاتاۋ ساعاسى شەكارا وتكەلىنەن شىحىزى، بۇراتالا، شاۋەشەك سياقتى قالالارعا تۇتاساتىن جوعارى قارقىندى تاس جولدار باستاپ سالىندى، الاتاۋ ساعاسى شەكارا وتكەلى امبەباب باجى قورعامالى رايونىن باسقارۋ كوميتەتىنىڭ ورىنباسار مەڭگەرۋشىسى ۋاڭ شينچۇن بىلاي دەدى: «13-بەسجىلدىق» پلاننىڭ سوڭىندا، نەگىزىنەن سولتۇستىك شينجياڭداعى وسى وڭىرلەرگە ءتورت تە بەس ساعاتتىڭ ىشىندە، زاتتاردى جەتكىزىپ بولامىز، الاتاۋ ساعاسى شەكارا وتكەلى ارقىلى وسى وڭىردەگى بىرنەشە قالاعا، ياعني شاۋەشەك، قارامايلى جانە شىحىزى قالالارىنا تۇتاسقان جوعارى قارقىندى تاس جول زات تاسىمال تورابىن كەمەلدەندىرەمىز.
بيىل شىلدەدە، اۆتونوميالى رايون تۇڭعىش توپتا «شينجياڭدى جىبەك جولى ەكونوميكالىق بەلدەۋىندەگى وزەكتى رايون ەتىپ قۇرۋدا الدىمەن جۇرگىزىلەتىن نىساندارعا قاتىستى تىزىمدىكتى» جاريالادى. «تىزىمدىك» بەس ءىرى ءتۇيىندى ارقاۋ ەتىپ، قاتىناس، ساۋدا، ونەركاسىپ، فينانس، ەمدەۋ سياقتى سالاداعى 288 نىساندى شارپىدى، وعان جالپى ءبىر تريلليون 880 ميلليارد يۋان قارجى قوسىلادى، جاساسقان توقتامداعى قارىز اقشا 154 ميلليارد 200 ميلليون يۋان بولدى. اۆتونوميالى رايوندىق دامۋ-رەفورما كوميتەتىنىڭ باتىس بولەكتى اشۋ باسقارماسىنىڭ ورىنباسار باستىعى ليۋ راڭچۇن، وزەكتى رايون قۇرۋداعى ءتۇيىندى نىسانداردىڭ قازىر قاۋىرت جۇرگىزىلىپ جاتقانىن ايتا كەلىپ، بىلاي دەدى: وزەكتى رايون قۇرۋ جاعىندا، بيىل ءبىز 180 نەشە نىساندى باستاپ سالدىق. بەس ءىرى سەنتىرلى قۇرىلىستى ارقاۋ ەتىپ، شەشۋشى مەڭگەرۋ سيپاتىنا يە ينجەنەريا نىسانىن بەلسەنە ىلگەرىلەتىپ، قىسقا مەرزىمنىڭ ىشىندە، وزەكتى رايون قۇرىلىسىنىڭ ناقتىلى ونىمدىلىگىنىڭ شىنىمەن كورىلۋىنە مۇمكىندىك جاسايمىز. قازىر وزەكتى رايوننىڭ ءتۇيىندى نىسان قۇرىلىسىن باسقارۋ ءادىسىن زەرتتەپ بەلگىلەۋدەمىز، نىسانداردى ۇزدىكسىز سوڭىنا ءتۇسىپ باقىلايمىز.
ساندى مالىمەت بويىنشا تابىس تومەندەگىدەي: 2016-جىلدىڭ سوڭىنا دەيىن، رايونىمىزدىڭ تەمىر جول تاسىمال ارالىعى 5 مىڭ 868 كيلومەترگە جەتىپ، تاس جولدىڭ جالپى ۇزىندىنعى 180 مىڭ كيلومەتردەن استى، رايونىمىزداعى حالىقتىق تاسىمال ىستەرىنە پايدالانىلاتىن اۋەجاي 18 بولىپ، 31 حالىقارالىق اۋە لەنياسى، 183 ەل ءىشى اۋە لەنياسى اشىلىپ، شىعىسپەن بايلانسىپ باتىسقا شىعاتىن امبەباب قاتىناس تورابى العاشقى ادىمدا قالىپتاستى. سونىمەن بىرگە، ءۇرىمجى حالىقارالىق قۇرىلىق-كەمەجاي رايونى ەل ءىشى-سىرتىنداعى 15 قۇرىلىق-كەمەجاي رايونىمەن قارىم-قاتىناس ورناتىپ، گەرمانيا دۋسبورگ كەمەجايى، لوسەمبورگ سان-سالالى بىرىككەن تاسىمال سەرىكتەستىگى سياقتى ەۆروپاداعى نەگىزگى تەمىر جول كەمەجايىمەن توقتامعا قول قويدى، ءارى سەلبەستىك جاسادى.

ءان الەمى

جول توسىلىپ قالدى

تۇلپارىم