جاڭا حابارلار

پارتيا 19-قۇرىلتايى ۋاكىلدەرىنىڭ كەلبەتى ــ لي يۋانمەي

    كەلۋ قاينارى: شينجياڭ حالىق راديو ىستانسياسى    2017-10-01 17:21:08  
ىلە راديو ستانسياسىنىڭ ءتىلشىسى يۇي تيانسايدىڭ حابارىن تىڭداڭىزدار: جۇڭگو كوممۋنيستىك پارتياسىنىڭ مەملەكەتتىك 19-قۇرىلتايى 2017-جىلى 18-قازاندا بەيجيڭدە اشىلادى. ورتالىقتىڭ ورنالاستىرۋى جانە پارتيا ۋستاۆبى سياقتى پارتيانىڭ ىشكى قاتىستى بەلگىلەمەسىنە ساي، 43 پارتيا مۇشەسى داڭقپەن اۆتونوميالى رايونىمىزدان پارتيا 19-قۇرىلتايىنا قاتىناساتىن ۋاكىل بولىپ سايلاندى. نەگىزگى ساتىداعى الدىڭعى شەپتەن باراتىن پارتيا مۇشەلەرىنىڭ وسى ۋاكىلدەرى، قاراپايىم قىزمەت ورنىندا تاماشا ناتيجەگە قول جەتكىزىپ، سويلەگەن سوزدەرى، ءىس-ارەكەتتەرى جانە تاڭداۋلى قاسيەتى ارقىلى كوممۋنيستىك پارتيا مۇشەسىنىڭ حالىق ءۇشىن قىزمەت ەتۋ ماقسات تانىمى مەن تاڭداۋلى قاسيەتىن امالياتتا ايگىلەپ، كوممۋنيستىك پارتياسى مۇشەلەرىنىڭ العا باسارلىعى مەن كەڭ كولەمدەگى ۋاكىلدىك سيپاتىن تولىق ايگىلەدى.
لي يۋانمەي ـــ قۇلجا اۋدانى حۇدياريۇز قالاشىعى گەمە قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى. اۋىل-قىستاق ايەلىنەن قىستاق تۇرعىندار كوميتەتى پارتيا ياچەيكاسىنىڭ شۋجيى قوسىمشا قىستاق تۇرعىندار كوميتەتىنىڭ مەڭگەرۋشىسى بولعانعا، قىستاقتاعى اۋقاتتانۋ مايتالمانىنان «مەملەكەتتىك وزات كوممۋنيستىك پارتيا مۇشەسى» داڭقتى اتاعىنا يە بولعانعا دەيىن، لي يۋانمەي گەمە قىستاعىن دامۋ اياق الىسى باياۋ قىستاقتان «قىستاقتى وڭاپ، قۋاتتى قىستاق قۇرۋدان» ۇلگى كورسەتۋ قىستاعىنا اينالدىردى، ول دا قىستاق ديحاندارىنىڭ كوڭىلىندەگى جاقسى پارتيا مۇشەسىنە، جاقسى كادرگە اينالدى.
2012-جىلى اقپاندا، 880 وتباسى، 3 مىڭ 805 جان سانى بار، از ۇلت جالپى جان سانىنىڭ %87.3 تىن ۇستايتىن گەمە قىستاعىنىڭ داعدىلى سايلاۋىندا، لي يۋانمەي اۋىلداستاردىڭ بىردەي تۇراقتاندىرۋىمەن، قىستاق تۇرعىندار كوميتەتىنىڭ مەڭگەرۋشىسى مىندەتىنە تاعايىندالدى. وسى «ەكونوميكاسى ءالسىز، قازىنالىق كىرىسى جوق قىستاقتا» ول بەلدى بەكەم بايلاپ، ءبىرسپىرا ەرەجە-ءتۇزىم ورىناتىپ، باسەكەمەن قىزمەت ورنىنا شىعۋ جانە باعالاپ كورسەتۋ ارقىلى ءبىر توپ اشىق ويلى، جۇمىس ىستەگىسى كەلەتىن قىستاق كادرلارىن باسشىلىق قىزمەت ورنىنا قويدى. لي يۋانمەي بىلاي دەدى: مەن مىندەتكە تاعايىندالعاندا، قىستاقتاعى ەكى كادر قىستاق تۇرعىندار كوميتەتىندە اراق ءىشىپ، قۇمار ويناپ وتىردى، تاعى ەكى كادر الدىنداعى تۋىلعان ىسكە قاراماي اينالىپ وتە شىقتى. مۇنداي قىستاق كادرلارىن قىستاق تۇرعىندار كوميتەتى قاجەت ەتپەيدى.
باسشىلىق القاسى نىعايعاننان كەيىن، كوڭىلى ورنىقتى، لي يۋانمەي قىستاق كادرلارىن قىستاق ديحاندارىنا ناقتى ءىس ىستەپ، قيىن ماسەلەنى شەشىپ، ەكونوميكانى دامىتۋعا جەتەكتەدى. قازىر، قىستاقتا قۇبىر سۋى جەتكىزىلىپ، اسپاليت جول جاتقىزىلىپ، كوپىر سالىنۋمەن بىرگە، 600 دەن ارتىق بەيقۇت ءۇي جاڭادان سالىنىپ، 500 شارشى مەتردەن ارتىق ديحانداردىڭ كوڭىل اشۋ ورىنى قۇرىلدى. لي يۋانمەي تاعى قىستاق ديحاندارىنا ەرەكشە ەگىنشىلىك پەن باعىمشىلىقتى دامىتۋ ءادىسىن قولما-قول ۇيرەتتى، قىستاق ديحاندارىنىڭ كىسى باسىنا تۋرا كەلەتىن جىلدىق كىرىسى 12 مىڭ يۋاننان اسىپ، گەمە قىستاعى الىس-جۋىققا ايگىلى ۇلتتار ىنتىماعىنداعى وزات قىستاققا، «قىستاقتى وڭاپ، قۋاتتى قىستاق قۇرۋدان » ۇلگى كورسەتۋ قىستاعىنا اينالدى. بيىل قۇلجا اۋدانىنىڭ جارىم جىلدىق قىزمەت ناتيجەسىن باعالاۋدا، گەمە قىستاعىنداعى قىستاق كادرلارىنا بۇقارانىڭ ريزا بولۋ مولشەرى %99.17 كە جەتتى. گەمە قىستاعىنداعى قىستاق ديحانى حانبەر تۇردى: ول بۇقاراعا ەرەكشە كوڭىل بولەدى، پارتيانىڭ جاقسى كادرى،-دەدى.
بيىل 29-ماۋسىمدا، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر جينالىسىندا، لي يۋانمەي اۆتونوميالى رايونىمىزدان پارتيا 19-قۇرىلتايىنا قاتىناساتىن ۋاكىل بولىپ سايلاندى. ول بىلاي دەدى: پارتيا 19-قۇرىلتايىنا قاتىناسقاندا حالىققا تيىمدىلىك جەتكىزۋ جاقسى ساياساتىن ەسىمە بەرىك ساقتاپ، قايتىپ كەلگەننەن كەيىن ونى قىستاق ديحاندارىنا جەتكىزىپ، قىستاقتا ۇلگىلىك رول اتقارىپ، بۇقارانى بۇرىنعىدان دا كوپ اقشا تابۋعا ۇزبەي جەتەكتەيمىن.

بەرىپ كەت ورامالىڭدى

دوستار

الىستاعى اق ەركە