باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاسىل جايلاۋ اۋەلگى قالپىنا كەلدى

    كەلۋ قاينارى: شينجياڭ حالىق راديو ىستانسياسى    2017-10-01 17:27:53  
ستانسيامىزدىڭ تىلشىلەرى لي لۇڭ مەن ليۋ چياڭنىڭ جانە ەرىكتى تىلشىلەر مىڭ گىن مەن چىن شيڭنىڭ حابارىن تىڭداڭىزدار: بۇراتالا موڭعۇل اۆتونوميالى وبلىسىنىڭ ەجەلدەن جاسىل جايلاۋ دەگەن تاماشا اتى بار. قازىر ار جاق-بەر جاعىنا كوز جەتپەيتىن ساحارا، وسىنداعى حالقتىڭ كىرىسىن ارتتىرىپ، اۋقاتتانۋداعى جاڭا مەكەنگە اينالدى.
«1-قازان» ۇزاق دەمالىسىنىڭ كەلۋىنە بايلانىستى، اراسان اۋدانى زالىمتى اۋىلىنداعى التىنتوعا شارۋالار تاعامجايىنىڭ قوجايىنى بايىنجاپ تاعى قاربالاستىققا ءتۇستى، وتكەن جىلعى «1-قازان» ۇزاق دەمالىسىندا، ونىڭ شارۋلار تاعامجايى كۇنىنە جۇزدەن ارتىق ساياحاتشى قابىلدادى، ول بيىل ساۋداسىنىڭ ءتىپتى دە كوسەت بولاتىنىن ايتا كەلىپ: بۇرىن مال باعاتىنبىز، شارۋالار تاعامجايىنان 20 دا 30 مىڭ يۋان كىرىس كىرگىزەمىن، قوناققا ءوز مالىمدى سويامىن، جايىلىمىمدى باسقالارعا جالعا بەردىم، ءشوپ جاقسى شىقتى، كىرىسىم دە جاقسى،-دەدى.
سوڭعى جىلدارى، اراسان اۋدانى ەگىستىكتەن ورماندى قالپىنا كەلتىرۋ، جايىلىمدى قالپىنا كەلتىرۋ سياقتى شارالار ارقىلى 5 ميلليون مۋدان ارتىق تابيعي جايىلىمدى، 150 مىڭ مۋ سازدىق پەن 8 مىڭ مۋدان ارتىق وزەن اعارىنداعى ورماندى قورعاعاندىقتان، ەكولوگيالىق ورتاسى بارىنشا قالپىنا كەلىپ، جاقساردى. بيىل قاڭتاردان شىلدەگە دەيىن، اراسان اۋدانىنداعى ساياحاتشىنىڭ سانى 723 مىڭ 600 ادام رەتكە جەتىپ، تۇتاس اۋدانداعى حالىق سانىنىڭ ون ەسەسىندەي بولىپ، ساياحاتتان كىرگەن كىرىس 400 ميلليون يۋاننان استى.
اراسان اۋدانىنىڭ ەكولوگيالىق ورتانى جاقسارتۋى ـــ بۇراتالا وبلىسىنىڭ جاسىل دامۋ بويىنشا، ەكولوگيالىق قۇرىلىستى كۇشەيتۋىنىڭ كارتيناسى. اسپاننىڭ ءتىپتى دە اشىق، سۋدىڭ ءتىپتى دە تۇنىق، اۋانىڭ ءتىپتى دە تازا بولۋى ءۇشىن، بۇراتالا وبلىستىق پارتكوم مەن ۇكىمەت نىساندى بەكىتۋدى قاتاڭداستىرىپ، اراسان اۋدانى مەن جىڭ وزەنىنىڭ جوعارى اعارىنداعى ءتۇرلى كەن بارلاۋ، كەن اشۋ ارەكەتىنە تيىم سالۋمەن بىرگە، ءونىم مولشەرى كەنجە قالعان، ۋتاي ونەركاسىپ باقشا رايونىنداعى ون كومىر كەن قۇدىعىن تىندىرىپ، 4 بور زاۆودتى، ۇساق تاس مانەرلەۋ زاۆودىن تۇگەل وندىرىستەن توقتاتتى. بۇراتالا وبلىسىنىڭ ورىنباسار باستىعى جاڭ حۇڭ بىلاي دەدى: جايىلىمدى قالپىنا كەلتىرۋ ءبىزدىڭ ماڭىزدى قىزمەتىمىز، جاسىلداندىرۋدى بارىنشا جالپىلاستىرعاندىقتان، بۇراتالا وبلىسىنىڭ ورمانمەن كومكەرىلۋ مولشەرى %9 كە جەتتى. ونىڭ ۇستىنە قازىر ءبىز بۇرىنعىدان دا جوعارى نىساناعا جەتۋگە ۇمتىلۋدامىز.
بۇراتالا وبلىسى ورمان شارۋاشىلىعى مەن جايىلىمدى ءتۇيىن ەتكەن ەكولوگيالىق قۇرىلىس نىسانىن بارىنشا جۇرگىزىپ، جايىلىم ەكولوگياسىن قورعاۋ قوسىمشا قاراجاتىمەن سيلاۋ مەحانيزىمىن قاتاڭ تياناقتاندىرىپ، 8 ميلليون 50 مىڭ مۋ جايىلىمعا مال باعۋعا ءتيىم سالىپ، 11 ميلليون 340 مىڭ مۋ جەردە جايىلىم مەن مالدىڭ تەپە-تەڭدىگىن ساقتاپ، 140 مىڭ مۋ جايلىمدى قالپىنا كەلتىردى. قازىر وسىنداعى كورىنىس رايونى مەن قورىقتىڭ اۋماعى تۇتاس وبلىستىڭ جالپى جەر اۋماعىنىڭ %18 تىن ۇستايدى.
ءان الەمى

جول توسىلىپ قالدى

تۇلپارىم