باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايونىمىزدىڭ وقۋ-اعارتۋ ىستەرى تاريحي ىلگەرىلەۋشىلىكتەرگە جەتتى

    كەلۋ قاينارى: شينجياڭ حالىق راديو ىستانسياسى    2017-10-02 11:55:49  
شينجياڭ گازەتىنىڭ حابارى: «مەملەكەت تۋى»، «مەملەكەت گەربى»، «پارتيا تۋى» 25-قىركۇيەك تاڭەرتەڭ، ءتىلشى كۇشار اۋدانى ءۇش وستەڭ اۋىلى قوجا ارىق قىستاعىنىڭ جاڭا سالىنعان بالا باقشاسىندا، اۆتونوميالى رايوندىق وقۋ-اعارتۋ مەڭگەرمەسىنەن كومەككە كەلگەن ما يالان مۇعالىمنىڭ بالدىرعاندارعا سۋرەت ارقىلى مەملەكەت ءتىلىن ۇيرەتىپ جاتقانىن كوردى. بيىل كۇزگى وقۋ ماۋسىمى باستالعاننان بەرى، وسى بالا باقشا تاياۋ ماڭنان 175 ءسابيدى اقىسىز قابىلدادى.
بۇگىنگى كۇندە، قوجا ارىق قىستاعىنداعى سياقتى جاڭا بالاباقشالار بۇكىل شينجياڭنىڭ جەر-جەرىندە جاپپاي سالىندى. بيىل قىركۇيەك ايىندا، اۋىل-قىستاقتاردا جاڭادان سالىنعان نەمەسە وزگەرتىپ، كەڭەيتىپ سالىنعان قوس ءتىلدى 4 مىڭ 408 بالاباقشا جاپپاي پايدالانۋعا بەرىلىپ، اۆتونوميالى رايوننىڭ اۋىل-قىستاقتارىنداعى مەكتەپ جاسىنا دەيىنگى ءبىر ميلليون 176 مىڭ 200 ءسابي بالاباقشاعا اقىسىز قابىلداندى. ءسويتىپ، «13-بەسجىلدىقتا» اۋىل-قىستاقتاردىڭ بارلىعىندا قوس ءتىل بالاباقشا سالۋ نىساناسى كۇن ىلگەرى ورىندالىپ، مەكتەپكە دەيىنگى ءتالىم-تاربيە ىسىندە تاريحي سەكىرىس جۇزەگە اسىرىلدى.
اۋىل-قىستاقتاردا وقۋعا تۇسۋگە دەيىنگى ءۇش جىلدىق اقىسىز قوس ءتىل تاربيەنى جالپىلاستىرۋ اۆتونوميالى رايوننىڭ وقۋ-اعارتۋدى الدىمەن دامىتۋ شارالارىنىڭ ءبىرى. پارتيانىڭ 18-قۇرىلتايىنان بەرى، اۆتونوميالى رايون وقۋ-اعارتۋدى قاشاندا حالىق تۇرمىسى قۇرىلىسىندا ماڭىزدى ورىنعا قويىپ كەلەدى، ج ك پ اۆتونوميالى رايوندىق 9-قۇرىلتايىندا دا وقۋ-اعارتۋ ارقىلى حالىققا تيىمدىلىك جاساۋعا تاباندى بولىپ، وقۋ-اعارتۋ ىستەرىنىڭ دامۋىن جەدەلدەتۋ ايقىن العا قويىلدى. ساناققا نەگىزدەلگەندە، 2012-جىلدان 2016-جىلعا دەيىن، اۆتونوميالى رايون بويىنشا وقۋ-اعارتۋعا قازىنادان جالپى 287 ميلليارد 50 ميلليون يۋان قارجى سالىنعان، بۇنىڭ ىشىندە تەك 2016-جىلدىڭ وزىندە بۇل كورسەتكىش 67 ميلليارد 380 ميلليون يۋانعا جەتىپ، 2012-جىلداعىدان %42.9 وسكەن.
5 جىلدان بەرى، شينجياڭ بويىنشا 42 اۋدان، قالا، رايون مىندەتتى وقۋ-اعارتۋدىڭ نەگىزىنەن بىركەلكى دامۋىن جۇزەگە اسىردى؛ كاسىپتىك اعارتۋعا ارنايى 6 ميلليارد 840 ميلليون يۋان قارجى سالىنىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىنداردىڭ سەلبەسۋىن ۇزدىكسىز تەرەڭدەتۋ، كاسىپتىك مەكتەپتەردە وقىتۋ رەفورماسىن جۇرگىزۋ سياقتى نىساندار ارقىلى تەحنيكا جانە شەبەرلىك دارىندىلارىن دايىنداۋدىڭ ساپاسى ورنىقتى قاداممەن كوتەرىلدى، كاسىپتىك اعارتۋدىڭ اۆتونوميالى رايوننىڭ ەكونوميكالىق دامۋى مەن قوعام ورنىقتىلىعىنا قىزمەت وتەۋ قابىلەتى ايتارلىقتاي نىعايىپ، كەدەيلەردى دالمە-ءدال سۇيەمەلدەۋ مەن كەدەيلىكتەن دالمە-ءدال قۇتىلدىرۋعا كۇش قوسۋ جاعىندا ەلەۋلى رول اتقاردى. سونىمەن بىرگە، ءار دارەجەلى، ءار ءتۇرلى وقۋشىلارعا قارجىلاي جاردەمدەسۋ، جوعارى وقۋ-اعارتۋدىڭ ىشكى دامۋىن تەرەڭدەتۋ، اۋىل-قىستاقتارداعى اقىسىز وقۋ-اعارتۋدى قاراجاتپەن قامتاماسىز ەتۋ تەبىنىن ارتتىرۋ سياقتى جاقتاردا، اۆتونوميالى رايون قازىناسىنىڭ ۇسىنىلىمى جىل سايىن مولايدى ءارى وڭتۇستىك شينجياڭعا ءتۇيىندى بەيىمدەلىپ، وقۋ-اعارتۋدىڭ ادىلدىگىنە كەپىلدىك ەتىلىپ، وقۋ-اعارتۋ ىستەرىنىڭ ءۇرتىس اقاۋسىز دامۋى ونان ارى ىلگەرىلەتىلدى.
سوڭعى جىلدارى، وقۋ-اعارتۋدى الدىمەن دامىتۋ ءىسى اۆتونوميالى رايونىمىز قوس ءتىل تاربيەسىنىڭ ساپاسىن ايتارلىقتاي كوتەردى، مىندەتتى وقۋ-اعارتۋ، جوعارى وقۋ-اعارتۋ، كاسىپتىك وقۋ-اعارتۋ ورنىقتى قاداممەن دامىدى، بۇقارا ونىڭ ناقتى جەتىستىگىنەن تيىمدىلىككە كەنەلىپ، وقۋ-اعارتۋدىڭ دامۋىنان يگىلىكتەنۋشىلەردىڭ قاتارى كوبەيە ءتۇستى.
ءان الەمى

جول توسىلىپ قالدى

تۇلپارىم