باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شينجياڭنىڭ جاساۋ كاسىبى دۇنيە جۇزىنە بەت الدى

    كەلۋ قاينارى: شينجياڭ حالىق راديو ىستانسياسى    2017-10-02 13:29:14  

ستانسيامىزدىڭ ءتىلىشسى لي لۇڭنىڭ حابارىن تىڭداڭىزدار: جەل كۇشى ارقىلى توك تاراتۋ جابدىعى، جوعارى دارەجەلى ترانسفورماتور، اۋىر تۇرپاتتى اۆتوموبيل سياقتى ونىمدەردى ۋاكىل ەتكەن جابدىق جاساۋ كاسىبى شينجياڭ ونەركاسىبىنىڭ تانىسقىسىنا اينالدى، شينجياڭدا جاسالعان ماشينا جابدىقتارى شينجياڭنان بۇكىل دۇنيە جۇزىنە بەت الدى.
تۇتاس جەر شارىنداعى وزىق جەل ەلەكتر جابدىعىن جاساۋ ورنى ــــ شينجياڭ جينفىڭ عىلىم-تەحنيكا شەكتى جارنا سەرىكتەستىگىنىڭ بيىل شەتەلدەگى كاسىپ مولشەرى بارىنشا ارتىپ، ىلگەرىندى-كەيىندى شەتەلدە نەشە ۇلكەن تاپسىرىسقا قول قويدى، سەرىكتەستىكتىڭ باس جوراسى ۋ گاڭ بىلاي دەدى: وتكەن جارتى جىلدا ءبىر ميلليون 900 مىڭ كيلوۋاتتىق تاپسىرىس الدىق، اۆستراليادان ءبىر جولدا 500 مىڭ كيلوۋاتتىق تاپسىرىس الدىق، بۇل قازىرگە دەيىنگى وڭتۇستىك جارتى شارداعى ەڭ ءىرى تاپسىرىس بولدى، ا ق ش-تىڭ تەكساس شتاتىنان 160 مىڭ كيلوۋاتتىق نىسان الدىق، ارگەنتينا، چيلي، تۇركيا، پاكيستان، تايلانتتاردان دا تاپسىرىس العانبىز، قازىر جەل كۇشى گەناراتورىمىز 20 نەشە مەملەكەتكە ەكسپورت ەتىلەدى.
30-تامىزدا، ەرەكشە ترانسفورماتور شەكتى جارنا سەرىكتەستىگى ۇستىنە العان قىرعىزستاننىڭ بيشكەك قالاسىنداعى 150 × 2 مەگاۆاتتىق جىلۋ ەلەكتر ستانسياسى نىسانى سالىنىپ وندىرىسكە قوسىلدى، بۇل قىرعىزستانداعى ەڭ ۇلكەن جىلۋ ەلەكتر ستانسياسى، جىلىنا ءبىر ميلليارد 700 ميلليون كيلوۆات-ساعات توك تاراتىپ، بيشكەكتەگى ءبىر ميلليوننان استام تۇرعىندى توكپەن جانە جىلۋمەن قامدادى. ەرەكشە ترانسفورماتور سەرىكتەستىگىنىڭ توكشىلەرى باستاپقى جالاڭ ترانسفورماتوردى ەكسپورت ەتۋدەن جابدىقتاردى ەكپسورت ەتىپ قۇراستىرۋعا دەيىن، ونان قازىرگى شەتەلدەگى كەرنەۋ اۋىستىرۋ جانە جىلۋ ەلەكتر ستانسياسى ينجەنەرياسىن ۇستىنە العانعا دەيىن كاسىپورىن ونىمدەرىن شەتەلگە شىعارىپ عانا قالماستان، ەل ءىشى جابدىقتارىن جانە شينجياڭنىڭ ونىمدەرى مەن كاسىبىن سىرتقا شىعارۋدى جەبەدى. سەرىكتەستىكتىڭ باس جوراسى جاڭ شين بىلاي دەدى: ترانسفورماتور مايىن، جۇمسارتقىش مايدى ەكسپورت ەتتىك، مۇنان سىرت، دانەكەرلەۋ بولاتى، ەرەكشە بولات قامتىلعان جۇڭگونىڭ ايىرعىش ماتەريالدارى سانجىدا جاسالعان ءتۇرلى كرەمني، چيپ جانە ۇساق بولشەكتەردىڭ جالپى تۇلعالىق ەكسپورت ەتىلۋىن جەبەدى. ءبىر ا ق ش دوللارىندىق ءونىم ەكسپورت ەتىلسە، قازىر جالپى تۇلعالىق ەكسپورتتى 5 ەسەنىڭ ۇستىندە جەبەيتىن بولدى.
2016-جىلى، اۆتونوميالى رايون « شەتەلدە قارجى قوسۋ قىزمەتىن اناعۇرلىم جاقسى ىستەۋ جانە حالىقارالىق ءونىم قۋاتىنىڭ جابدىق جاساۋ كاسىبىمەن سەلبەستىگىن جەبەۋدى اتقارۋ پىكىرىن» جاريالاپ، رايونىمىزداعى كاسىپورىنداردى شەتەلدە قارجى قوسۋ كولەمىن كەڭەيتۋگە شابىتتاندىردى جانە قولدادى. نىسانا بويىنشا، الدا رايونىمىز حالىقارالىق باسەكەلىك قۋاتقا يە ءبىر توپ ەل ارا سەرىكتەستىكتەردى جەتىلدىرىپ، ءتۇيىندى ءونىم قۋاتى جاعىندا جابدىق جاساۋ كاسىبىمەن سەلبەستىك جاسايتىن ءبىر توپ نىساندى سالىپ، جابدىق، تەحنيكا، ولشەم جانە ەكسپورتقا قىزمەت ەتۋدى جەبەپ، شينجياڭدا كاسىپتى باسقاعا ويىستىرىپ دەڭگەيىن جوعارىلاتتى، شەتەلدە حالىقارالانعان ۇيلەسىمدى جۇمىس ءبولىسى بار، حالىقارالىق فينانس سياقتى تۇلعالانعان قىزمەت ەتۋ كاسىبى تەڭ قاداممەن داميتىن شەتەلگە قارجى قوسۋدىڭ جاڭا جاعدايىن العاشقى ادىمدا قالىپتاستىرادى. اۆتونوميالى رايوندىق ماشينا ەلەكتر ونەركاسىپ سالاسىن باسقارۋ كەڭسەسىنىڭ مەڭگەرۋشىسى جاۋ شىڭچىڭ بىلاي دەدى: كاسىپ تىزبەگىنىڭ كەڭەيۋى قۇن تىزبەگىن جوعارىلاتىپ، كاسىپتى كەڭەيتەدى، شينجياڭدا جاسالعان ونىمدەردى سىرتقا شىعارۋدا جاساۋ كاسىبىنىڭ كاسىپتىك نەگىزگى قۋاتىن جوعارىلاتۋ كەرەك، نەگىزگى ماتەريالداردان تارتىپ نەگىزگى ۇساق بولشەكتەرگە دەيىن، ونان نەگىزگى تەحنولوگيا مەن نەگىزگى تەحنيكاعا دەيىن تۇتاس شينجياڭنىڭ وزىق جابدىقتاردى جاساۋ كاسىبىنىڭ دەڭگەيىن جوعارىلاتۋ قاجەت.
ساندى مالىمەت بويىنشا تابىس تومەندەگىدەي: اۆتونوميالى رايوندىق دامۋ-رەفورما كوميتەتىنىڭ ساندى مالىمەتىنە نەگىزدەلگەندە، 2016-جىلدىڭ سوڭىنا دەيىن شينجياڭنىڭ شەتەلدە قارجى قوسىپ قۇرعان سەرىكتەستىگى 550 گە جەتىپ، جۇڭگو جاقتىڭ كەلىسىمدى قارجى قوسۋ جالپى سوماسى 8 ميلليارد 123 ميلليون ا ق ش دوللارى بولىپ، نىسان 40 نەشە ەل مەن رايوندا ىرگە تەپكەن. شينجياڭنىڭ جابدىق جاساۋ كاسىبى مەن قىزمەت ەتۋ كاسىبىنىڭ سىرتقا قارجى قوسۋ مولشەرى الدىنداعى جىلدىڭ ۇقساس مەزگىلىندەگىدەن سىرتقا توتە قارجى قوسۋ مولشەرىنىڭ جەكە-جەكە %31 تىن جانە %17 تىن ۇستاعان.

ءان الەمى

جول توسىلىپ قالدى

تۇلپارىم