جاڭا حابارلار

جىلجىمالى عالامتور ءداۋىرى كوپشىلىكە اناعۇرلىم كوپ قولايلىلىقتار اكەلدى

    كەلۋ قاينارى: شينجياڭ حالىق راديو ىستانسياسى    2017-10-03 16:12:16  
ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: جىلجىمالى عالامتور داۋىرىندە، كىرە اۆتوموبيلىن شاقىراتىن الۋان ءتۇرلى جۇمساق بولشەك كوپشىلىكتىڭ سىرتقا شىعۋ جاعدايىن وزگەرتىپ، اناعۇرلىم كوپ قولايلىلىقتار اكەلدى.
بىرنەشە كۇننىڭ الدىندا، ءۇرىمجى قالاسىنىڭ تۇرعىنى رايحانگۇل ءماردان سىرتتا ءىس ساپارمەن جۇرگەندە، شەشەسى توسىن سىرقاتتانىپ، اكەسىنە حابارلاسا الماعان جاعدايدا، قول تەلەفونى ارقىلى كىرە اۆتوموبيل شاقىرىپ، شەشەسىن شيپاحاناعا اپارعىزدى. ول: «كىرە اۆتوموبيل شوفەرى ىزگى نيەتتى ادام ەكەن،كىرە اۆتوموبيلىن عيماراتتىڭ الدىنا دەيىن اپارىپ توقتاتىپ، ۇيگە بارىپ شەشەمدى سۇيەپ ءتۇسىپ، شيپاحاناعا جەتكىزىپ، ونىڭ حانزۋ ءتىلىن بىلمەۋىنەن الاڭداپ، شەشەمنىڭ ەمدەلۋ ءنومىرىن الۋىنا كومەكتەستى، ءارى اكەمە تەلەفون بەرىپ، اكەمدى تۇرعان جەرىنەن شيپاحاناعا جەتكىزىپ قويدى، سول كەزدە قاتتى اسەرلەندىم»،-دەدى.
جىلجىمالى عالامتور داۋىرىندە «ءدي-دي ساپارى»، «يداۋ»، «قاسيەتتى ءوڭىر ارناۋلى اۆتوموبيلى» سياقتى كىرە اۆتوموبيل شاقىرۋ جۇمساق بولشەگى كوبەيىپ، شينجياڭنىڭ كوپتەگەن قالاسىندا قاشاندا توراپتا شاقىرىلعان كىرە اۆتوموبيلدىڭ جۇمساق بولشەكتە كورسەتىلگەن كارتا ورنىندا تۇرعاندىعى كوزگە شالىنادى. كىنوپكانى باسساڭىز عانا بولعانى كىرە اۆتوموبيلى تاپسىرىستى قابىلداپ، تاسۋ قىزمەتىن وتەيدى. تاعى ءبىر جاعىنان جۇمساق بولشەك يقۋاتىنىڭ كەمەلدەنۋىنە بايلانىستى، اۆتوموبيلدى ۋاكىلدىك جۇرگىزۋ، جول-جونەكەي جەتكىزۋ اۆتوموبيلى جانە اۆتوموبيل جالداۋ قىزمەت وتەۋى توراپتا كىرە اۆتوموبيل شاقىرۋ جۇمساق بولشەگىنە قوسىلدى. ءۇرىمجى قالاسىنىڭ تۇرعىنى حۋ جيان: «توتەنشە قولايلى، مەن قول تەلەفونمەن اقى تولەگەندى ۇناتام، سونىمەن بىرگە جول-جونەكەي جۇرەتىن اۆتوموبيلدەردى شاقىرتىپ، اقشامدى ۇنەمدەيمىن»،-دەدى.
وتكەن جىلى قاراشادا، مەملەكەت «توراپتا تاپسىرىس بەرىلگەن كىرە اۆتوموبيلدەردىڭ تيجارات ەتۋ، قىزمەت كورسەتۋىن باسقارۋدىڭ ۋاقىتتىق ءادىسىن» اتقاردى. «ادىستە» توراپتا الدىن الا شاقىرىلعان كىرە اۆتوموبيلدىڭ شوفەرلەرىنە جانە توراپتا شاقىرىلعان كىرە اۆتوموبيلدەرگە قاتاڭ تالاپ قويىلىپ، توراپتا شاقىرىلعان كىرە اۆتوموبيل تەكشەسى تاسۋشىنىڭ جاۋاپكەرلىگىن ۇستىنە الاتىن بولدى. «ءادىس» جانە جەر-جەردىڭ سايكەستى ناقتى ەرەجەسىنىڭ اتقارىلۋى توراپتا كىرە اۆتوموبيل شاقىرۋعا قىزىعاتىن بۇقارانىڭ حاۋىپسىزدىك دەڭگەيىن جوعارىلاتتى. ءۇرىمجى قالاسىنىڭ تۇرعىنى ساي شياۋيا: «قازىر كىرە اۆتوموبيل شاقىرتقاندار اۆتوموبيل يەسىنىڭ ءنومىرى، قول تەلەفونى سياقتىلاردى كورە الادى، سونىمەن بىرگە زاڭ، زاڭ-ەرەجەگە بويسىنۋ ءتۇزىمى بار بولعاندىقتان، الاڭسىز بولاسىڭ. بۇدان بىلاي توراپتا شاقىرىلاتىن كىرە اۆتوموبيلدىڭ اناعۇرلىم كوبەيۋىن، اڭىس قايتارۋ جىلدامدىعىنىڭ اناعۇرلىم تەزدەۋىن ءۇمىت ەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە