جاڭا حابارلار

رايونىمىزدىڭ جاڭا ەنەرگيادان توك قابىلداۋ مولشەرى بۇكىل ەل بويىنشا ءبىرىنشى ورىنعا ءوتتى

    كەلۋ قاينارى: شينجياڭ حالىق راديو ىستانسياسى    2017-10-04 12:03:42  
شينجياڭ گازەتىنىڭ حابارى: «تامىزدىڭ سوڭىنا دەيىن، ەلەكتر جەلىسى 28 ميلليارد 903 ميلليون كيلوۆات-ساعاتتىق توكتى جاڭا ەنەرگيادان قابىلدادى، بۇل بىلتىرعى سول تۇستاعىدان %54 ارتىپ، بۇكىل ەل بويىنشا ءبىرىنشى ورىندى يەلەدى. 2016-جىلى شينجياڭنىڭ جاڭا ەنەرگيادان توك قابىلداۋ مولشەرى شينجياڭ ەلەكتر جەلىسى سەرىكتەستىگىنەن ساتىلعان توك مولشەرىنىڭ %31.8ىن يەلەپ، بۇكىل ەلدەگى جاڭا ەنەرگيادان توك قابىلداۋدىڭ %5.19 تىك دەڭگەيىنەن الدەقايدا استى. بۇل تۇتىنۋشىلار تۇتىنعان ءار 3 كيلوۆات-ساعات توكتىڭ ىشىندە شامامەن ءبىر كيلوۆات-ساعاتى جاڭا ەنەرگيادان كەلەتىنىن اڭعارتادى»،-دەدى 2-قازاندا مەملەكەت ەلەكتر جەلىسى توبى شينجياڭ ەلەكتر قۋاتى سەرىكتەستىگى رەتتەۋ-مەڭگەرۋ ورتالىعى سۋ ەلەكتر جاڭا ەنەرگيا باسقارماسىنىڭ باستىعى چيۋ گاڭ.
پارتيا 18-قۇرىلتايىنان بەرى، اسىرەسە، ج ك پ اۆتونوميالى رايوندىق 9-قۇرىلتايىنان بەرى رايونىمىزدىڭ جاڭا ەنەرگيانى اشۋ-پايدالانۋ قۇرىلىسى قارىشتاپ دامىدى. تامىزدىڭ سوڭىنا دەيىن جاڭا ەنەرگيا گەنەراتور اگراگاتتارى رايونىمىزدىڭ ەلەكتر گەنەراتور اگراگاتتارىنىڭ %33.9ىن يەلەپ، شينجياڭ بۇكىل ەل بويىنشا جاڭا ەنەرگيامەن توك تاراتاتىن ماڭىزدى بازاعا اينالدى. سونىمەن بىرگە، رايونىمىزدىڭ جاڭا ەنەرگيادان توك قابىلداۋ دەڭگەيى دە بىرتىندەپ جوعارىلادى. 2012-جىلى شينجياڭنىڭ جاڭا ەنەرگيادان توك قابىلداۋ مولشەرى 4 ميلليارد 789 ميلليون كيلوۆات-ساعات بولىپ، سىرتقا جاڭا ەنەرگيا جەتكىزىلمەگەن ەدى. 2014-جىلى 2 تۇردەگى سان جەكە-جەكە 14 ميلليارد 918 ميلليون كيلوۆات-ساعاتقا جانە 2 ميلليارد 827 ميلليون كيلوۆات-ساعاتقا جوعارىلادى. 2016-جىلى شينجياڭنىڭ جاڭا ەنەرگيادان توك قابىلداۋ مولشەرى 20 ميلليارد 850 ميلليون كيلوۆات-ساعاتقا جەتىپ، سىرتقا 7 ميلليارد 887 ميلليون كيلوۆات-ساعات جاڭا ەنەرگيا جەتكىزگەن.
مەملەكەت پەن اۆتونوميالى رايوننىڭ بار كۇشپەن قولداۋىندا جاڭا ەنەرگيادان توك قابىلداۋ دەڭگەيى بارىنشا جوعارىلادى. 2016-جىلى شىلدەدە اۆتونوميالى رايون «جاڭا ەنەرگيادان توك قابىلداۋ كولەمىن كەڭەيتىپ، جاڭا ەنەرگيانىڭ باياندى، اقاۋسىز دامۋىن جەبەۋ جونىندەگى ءبىرقانشا پىكىردى» باسىپ تاراتىپ، جاڭا ەنەرگيا ارقىلى تىكە ساۋدا جاساسۋ، جاڭا ەنەرگيا ەلەكتر ستانسياسىنىڭ توك تاراتۋ ۇقىعىن كومىر ەلەكتر ستانسياسىنىڭ توك تاراتۋ ۇقىعىنىڭ ورنىنا باستىرۋ، «ەلەكتر قۋاتى ارقىلى شينجياڭعا كومەكتەسۋ» بويىنشا ولكە اتتاپ سىرتقا ەلەكتر ساۋدا ايىرباسىن جاساۋ سياقتى كوپ ءتۇرلى شارالارمەن جاڭا ەنەرگيا ەلەكتر مولشەرى ساۋداسىن كەڭەيتۋدى العا قويدى.
اۆتونوميالى رايون ىلگەرىندى-كەيىندى ءۇرىمجى، التاي، تارباعاتاي قاتارلى جەرلەردەگى 11 ورىندا ءبىر ميلليون كيلوۆاتتىق جەل ەلەكترى ارقىلى جىلۋمەن قامداۋدان ۇلگى كورسەتۋ نىسانىن بەكىتتى. سونىمەن جالپى 2 ميلليون 30 مىڭ شارشى مەترلىك اۋماق جىلۋمەن قامدالاتىن بولدى.
2016-جىلدان بەرى اۆتونوميالى رايون شينجياڭعا باعىتتامالى كومەكتەسۋ ورايىن مىقتاپ يگەرىپ، «شينجياڭنىڭ ەلەكترىن سىرتقا جەتكىزۋ» كولەمىن اناعۇرلىم كەڭەيتتى. 2016-جىلى شينجياڭعا كومەكتەسۋ بويىنشا سىرتقا جەتكىزگەن ەلەكتر مولشەرى 3 ميلليارد 550 ميلليون كيلوۆات-ساعاتقا، 2017-جىلى شينجياڭعا كومەكتەسۋ بويىنشا سىرتقا العاشقى ادىمدا جەتكىزگەن ەلەكتر مولشەرى 12 ميلليارد 600 ميلليون كيلوۆات-ساعاتقا جەتتى.
قازىر شينجياڭنىڭ ەلەكتر جەلىسى «ىشكى جاقتا ەلەكترمەن قامدايتىن 3 اينالمالى جەلىلى، سىرتقا ەلەكتر جەتكىزەتىن 3 ارنالى» نەگىزگى جەلى قۇرىلىمى جاعدايىن قالىپتاستىرىپ، شينجياڭ مەن باتىس تەرىستىكتەگى نەگىزگى ەلەكتر جەلىسىنىڭ 750 كيلوۆولتتىق ءبىرىنشى، ەكىنشى ارنالارى بىرلەسكەننەن كەيىن، ەلەكتر جەلىسىنىڭ بايلىقتى سەپتەستىرۋ قۋاتى مەن ەلەكتردى سىرتقا جەتكىزۋ قۋاتى كورنەكتى جوعارىلادى. 2017-جىلى تامىزعا دەيىن رايونىمىز «شينجياڭنىڭ ەلەكترىن سىرتقا جەتكىزۋ» بويىنشا جيىنى 125 ميلليارد 720 ميلليون كيلوۆات-ساعات ەلەكتر جەتكىزدى.

بەرىپ كەت ورامالىڭدى

دوستار

الىستاعى اق ەركە