باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قورعاس ەكونوميكالىق اشۋ رايونى ءتۇزىلىس مەحانيزىمىندە جاڭالىق اشۋدى جەتەكشى ەتىپ، سىرتقا ەسىك اشۋدى ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2017-10-04 14:09:26  
ستانسيامىزدىڭ ءتىلشىسى حى فەي مەن ىلە راديو ستانسياسىنىڭ ءتىلشىسى جاڭ جيڭيۇيدىڭ حابارىن تىڭداڭىزدار: سوڭعى جىلداردان بەرى، قورعاس ەكونوميكالىق اشۋ رايونى ءتۇزىلىس مەحانيزىمىندە جاڭالىق اشۋدى جەتەكشى ەتىپ، سىرتقا ەسىك اشۋدى ىلگەرىلەتىپ، ەكونوميكانى دامىتۋداعى مىعىم، تىڭ ومىرشەڭدىك قۋاتىن ايگىلەپ، يمپورت-ەكسپورت ساۋدا سوماسىن ۇزدىكسىز ارتتىردى.
ءار كۇنى تاڭەرتەڭ ەرتە، جۇڭگو-قازاقستان قورعاس حالىقارالىق شەكارا سەلبەستىك ورتالىعىنىڭ بىرىككەن تەكسەرۋ عيماراتىنىڭ ەسىك الدى ەلىمىزدىڭ جەر-جەرىنەن كەلگەن اۆتوكولىككە لىق تولسا، عيماراتتىڭ ىشىندە ادامدار سەڭدەي سوعىلىسادى. ءار كۇنگى 10 مىڭنان اساتىن جولاۋشى مولشەرىنە قاراتا، قورعاس شەكارا قورعانىس تەكسەرۋ پۋنكيتى قىزمەت فورماسىنا بەلسەنە جاڭالىق ەنگىزىپ، كەدەننەن ءوتۋ ونىمدىلىگىن بارىنشا ارتتىردى. قورعاس شەكارا قورعانىس تەكسەرۋ پۋنكيتى مىندەت اتقارۋ كاسىبى 5-ءبولىمىنىڭ جەتەكشىسى شۇي شياۋحۋ بىلاي دەدى: بيىل ساياحاتتىڭ قاۋىرت مەزگىلى باستالعاننان بەرى، سەلبەستىك ورتالىعىنداعى ءار كۇنى باقشا رايونىنا كىرىپ-شىعاتىنداردىڭ سانى 16 مىڭ ادام رەتتەن اسىپ، ەڭ كوپ بولعاندا ءبىر كۇندە 24 مىڭ ادام رەتكە جەتتى، وتە-موتە، عىلىمي جوعارى ءونىمدى تەكسەرۋ ءتاسىلى قولدانىلعاننان بەرى ءتىپتى كوبەيدى، قازىر ورتا ەسەپپەن ءبىر جولاۋشىنى تەكسەرىپ كەدەننەن وتكىزۋگە نەبارى 10 سەكۋند ۋاقىت كەتەدى.
كەدەننەن ءوتۋ ونىمدىلىگىن ارتتىرۋدى ارقاۋ ەتىپ، قورعاس ەكونوميكالىق اشۋ رايونىن باسقارۋ كوميتەتى كەدەننەن ءوتۋ قىزمەتى باسشىلىق گرۋپپاسىن ارناۋلى قۇردى، جۇڭگو مەن قازاقستاننىڭ ورتاق قۇلشىنۋىندا، قورعاس تاس جول شەكارا وتكەلىندە 7 كۇن 12 ساعاتتىق قىزمەت مەحانيزىمى جاپپاي اتقارىلدى، جۇڭگو-قازاقستان اۋىل شارۋاشىلىق ونىمدەرىنىڭ كەدەننەن تەز وتۋىنە «جاسىل ءداليز اشۋ» جاپپاي تياناقتاندى. قورعاس حالىقارالىق شەكارا سەلبەستىك ورتالىعى كەدەننەن ءوتۋدى تەكسەرۋ 1-ءبولىمىنىڭ جاۋاپتىسى ما جىچياڭ بىلاي دەدى: قازىر، ءبىز شەكارا قورعانىسىن تەكسەرۋ، مەملەكەت شەكاراسىنان كىرىپ-شىققان زاتتاردى تەكسەرۋ ورنىمەن سەلبەسىپ، «ءبىر ورىندا ءبىتىرۋ» جۇمىس فورماسىن اتقارىپ، يمپورت-ەكسپورت رايونىنداعى اۆتوموبيلدەردى «ءبىر جولاتا بىرلەسىپ» تەكسەرىپ، قىزمەت ونىمدىلىگىن جوعارلاتتىق. يمپورت-ەكسپورت رايونىنداعى ءار كۇنگى اۆتوموبيل سانى ورتا ەسەپپەن 360 قا، ەڭ كوپ بولعاندا 500 گە جەتتى، جولاۋشىلاردى تەكسەرۋ ورىنى ءار كۇنى 30 مىڭ دانا، كوپ بولعاندا 40 مىڭ دانا جۇك پەن بۇيىمدى باقىلاپ-تەكسەردى.
مۇنان سىرت، قورعاس ەكونوميكالىق اشۋ رايونى تاعى تىزىمگە تىركەلۋ سيپاتىنداعى كاسىپورىنداردى ەنگىزۋدى ارقاۋ ەتىپ، «ەنگىزىلگەن كاسىپورىنداردىڭ ەڭبەكاقى كىرىسىندەگى جەكە ادامنىڭ تابىس باجىسىن سيلاۋ ءادىسى» سياقتى ساۋداگەر شاقىرۋ، سونداي-اق كاسىپورىنداردىڭ دامۋىن سۇيەمەلدەۋ ساياساتىنان 27 ساياسات بەلگىلەدى، بيىل الدىڭعى 8 ايدا، جاڭادان ەنگىزىلگەن تىزىمگە تىركەلگەن كاسىپورىن 6 مىڭ 967 گە جەتىپ، 2016-جىلداعىنىڭ 9 ەسەسىندەي بولدى. بيىل الدىڭعى جارىم جىلدا، قورعاستىڭ الەۋمەتتىك قازىنا كىرىسىنىڭ كولەمى تۇڭعىش رەت ءبىر ميلليارد يۋاننان اسىپ، كىرىس ساپاسى ورنىقتى جوعارىلاپ، باجى كىرىسى الەۋمەتتىك قازىنا كىرسىنىڭ %9 ءىن ۇستادى. قورعاس قالالىق قازىنا مەكەمەسى مەملەكەت قويماسى ءبولىمىنىڭ جاۋاپتىسى يۇە لەي بىلاي دەدى: سىرتقا باعىتتالعان ساۋداگەر شاقىرىپ، قارجى ەنگىزۋ تەبىنىن ۇزدىكسىز ارتتىرۋ، ساۋداگەر شاقىرۋ، ساۋدا ارقىلى ساۋداگەر شاقىرۋ سياقتى فورمالاردان پايدالانىپ، تىزىمگە تىركەلۋ سيپاتىنداعى كاسىپورىنداردى ىرگە تەبۋگە جەبەدىك. تۇتاس تۇلعالىق ەكونوميكادا قارىشتاپ دامۋداي تىڭ جاعداي جارىققا شىعىپ، تۇتاس قالانىڭ قازىنا ەكونوميكاسىنىڭ ۇزدىكسىز، اقاۋسىز، تەز دامۋىن پارمەندى جەبەدى.
ءان الەمى

جول توسىلىپ قالدى

تۇلپارىم