باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بيىل تامىزدا جۇڭگو-قازاقستان قورعاس حالىقارالىق شەكارالىق سەلبەستىك ورتالىعىنان كىرىپ-شىققان جولاۋشى سانى 694 مىڭ 481 گە جەتتى

    كەلۋ قاينارى: شينجياڭ حالىق راديو ىستانسياسى    2017-10-05 13:48:29  
ىلە اقپارات تورابىنىڭ حابارى: بيىل تامىزدا، جۇڭگو-قازاقستان قورعاس حالىقارالىق شەكارالىق سەلبەستىك ورتالىعىنان كىرىپ-شىققان جولاۋشى سانى 694 مىڭ 481 گە جەتىپ، وسى مەزگىلدەگىدەن %21، الدىڭعى ساناق مەزگىلمەن سالىستىرعاندا %10 ارتىپ، شەكارادان كىرىپ-شىققاندار سانى تاريحتاعى ەڭ كوپ بولعان اي بولدى.
بيىل الدىڭعى 8 ايدا سەلبەستىك ورتالىعىنا كىرىپ-شىققاندار سانى 37 ميلليون 30 مىڭ ادام-رەتكە جەتىپ، بىلتىرعىمەن سالىستىرعاندا %9 ارتقان، شەكارا وتكەلىنەن كىرىپ-شىققان اۆتوكولىك سانى 66 مىڭ 800 گە جەتىپ، %4.4 ارتقان. كەزەكتە سەلبەستىك ورتالىعىنىڭ جۇڭگو جاق رايونىنا 20 نەشە ءتۇيىندى نىسان اتقارىلىپ، 4 مىڭنان استام ساۋداگەر ىرگە تەۋىپ، جۇڭگو مەن ورتا ازيادان كەلگەن ساۋداگەرلەر كۇنىنە ورتا ەسەپپەن قۇنى 5 ميلليون يۋاننان استام تاۋار ساتىپ الادى.
جاقىنعى جىلداردان بەرى، سەلبەستىك ورتالىعى كوپتەگەن جۇڭگولىق جانە شەتەلدىك ساۋداگەرلەردى وزىنە باۋراپ، كەدەننەن وتۋشىلەردىڭ سانى جىلدان جىلعا ارتۋدا. 2014-جىلى 2 ميلليون 200 مىڭ ادام-رەتكە، 2015-جىلى 3 ميلليون 600 مىڭ ادام-رەتكە جەتكەن، 2016-جىلى 5 ميلليون ادام-رەتكە جەتىپ، كەدەننەن ءوتۋ رەكورتىن جاراتقان.
ۇعىسۋعا قاراعاندا، جاقىنعى جىلداردان بەرى، سەلبەستىك ورتالىعىنا ىرگە تەپكەن ساۋداگەرلەردىڭ تاۋارىنىڭ ءتۇرى كوبەيگەن، قورعاس شەكارا اتتاعان ساياحاتى مەن باجىسىز تاۋار ساتىپ الۋ ساياحاتى اناعۇرلىم كوپ ساياحاتشىنى سەلبەستىك ورتالىعىنا كەلۋگە باۋراۋدا. جۇڭگو-قازاقستان قورعاس حالىقارالىق شەكارالىق سەلبەستىك ورتالىعى كەدەننەن وتكىزىلەتىن زاتتاردى تۇرگە ءبولىپ شوعىرلى تاسۋ بىرلەسكەن تورىن باقىلاۋ-باسقارۋ تەكشەسى، توراپ ارقىلى كەدەننەن ءوتۋ جۇيەسى بىرتىندەپ اينالىمعا ءتۇسىپ، شەكارالىق تەكسەرۋ تاراۋلارىنىڭ وزدىگىنەن تەكسەرىلۋ ارناسى كولەمىن كەڭەيتۋ شارالارى ارقىلى كەدەننەن ءوتۋ ونىمدىلىگىن زور مولشەردە جوعارىلاتتى، ءارى سەلبەستىك ورتالىعىنان كىرىپ-شىعاتىن ادام سانىنىڭ ارتۋىن جەبەدى.
ءان الەمى

جول توسىلىپ قالدى

تۇلپارىم