جاڭا حابارلار

پارتيا 19-قۇرلتايى ۋاكىلدەرىنىڭ كەلبەتى ــ ۇسەنجان روزى

    كەلۋ قاينارى: شينجياڭ حالىق راديو ىستانسياسى    2017-10-05 17:33:57  
ستانسيامىزدىڭ ءتىلشىسى دۋ حاۋدىڭ حابارىن تىڭداڭىزدار: قوعام حاۋىپسىزدىگى قىزمەتىمەن 30 نەشە جىل اينالىسقان، اقسۋ ايماقتىق قوعام حاۋىپسىزدىك مەكەمەسى پارتكومنىڭ مۇشەسى، ورىنباسار مەكەمە باستىعى ۇسەنجان روزى حاۋىپسىزدىكتىڭ قۇرىش قورعانىن سوعىپ، ءىس جۇزىندىك ارەكەتىمەن پارتيا مەن حالىققا ادال بولۋدىڭ داستانىن جازدى.
ءبىر ورىنداعىلاردىڭ كاسىپتى بەلسەنە ىستەۋ سالتىنىڭ قويۋ بولۋ-بولماۋىنىڭ تەتىگى ـــ وسى مەكەمەنىڭ باسشىسىنىڭ قۇلشىنا قىزمەت ىستەپ، كاسىبىن ءسۇيىپ، اتويلاپ الدا جۇرگەن-جۇرمەگەندىگىندە. قىزمەت بارىسىندا، ۇسەنجان روزى بارلىق ىستە ءوزىن ۇلگى ەتىپ، باسقالارعا ونەگە بولىپ، جەتەكشىلىك ەتۋدەن سىرت، بىرلىكتە شايقاس جاساپ، ۇزاق ۋاقىت لاڭكەستىككە قارسى تۇرىپ، ورنىقتىلىقتى قورعاۋدىڭ الدىڭعى شەبىندە ءجۇرىپ، قاي جەر قاجەت ەتسە، سول جەردەن تابىلدى. وتە-موتە، ەرەكشە ماڭىزدى دەلوعا كەلگەندە، ول ۇنەمى نەشە ون كۇن دەلونى ءبىر جاقتىلى ەتۋمەن اينالىسىپ، شارا قاراستىرىپ، قىزمەتكە ورنالاستىرۋ جاساپ، دەلونى اشكەرەلەدى. ول ىلگەرىندى-كەيىندى «مەملەكەتتىك ەرەكشە تاڭداۋلى حالىق ساقشىسى»، «مەملەكەتتىك 1-مامىر ەڭبەكشىلەر وردەنى» سياقتى داڭقتى اتاقتارعا يە بولۋدان سىرت، ىلگەرىندى-كەيىندى وعان ون نەشە رەت ءبىرىنشى دارەجەلى، ەكىنشى دارەجەلى، ءۇشىنشى دارەجەلى ەڭبەك جازىلدى. وسى داڭىقتارىمەن سالىستىرعاندا، ۇسەنجان روزى بۇقارانى باستان-اياق ماڭىزدى ورىنعا قويدى. ول بىلاي دەدى: جۇرت باس بارماعىن شىعارىپ، ءبىزدىڭ ساقشىلار كەرەمەت دەگەندە، حالىق بۇقاراسىنىڭ بىزگە دەگەن سەنىمىن شىنايى سەزىندىم ءارى بۇل ءبىزدىڭ ەڭ ۇلكەن داڭقىمىز.
قىزمەتى قاربالاس بولعاندىقتان، ۇسەنجان روزى ۇنەمى ۇيىنە قايتا المايدى، ونىڭ ۇلى كىشكەنە كەزىندە اۋەلى ونى اكە دەپ شاقىرمايتىن. دەگەنمەن ەسەيگەننەن كەيىن، ۇسەنجان روزىنىڭ ۇلى اكەسىن بىرتىندەپ ءتۇسىندى ءارى اكەسى سەكىلدى تاڭداۋلى حالىق ساقشىسى بولۋ بەكەمىنە كەلدى، ۇسەنجان روزى مۇنى ەستىپ وعان ريزا بولدى. ول: قازىر، ۇلىم ەسەيدى، قوعام حاۋىپسىزدىك سالاسىنىڭ ەرەكشە ساقشى كاسىبىنە وقۋعا قابىلداندى، ەرەكشە قۋانامىن ءارى وعان ريزا بولدىم. مەنىڭشە، ءبىزدىڭ ۇيدىڭ اسىل مۇراسى، پارتياعا ادال بولۋ، حالىققا جاۋاپتى بولۋ،-دەدى.

بەرىپ كەت ورامالىڭدى

دوستار

الىستاعى اق ەركە