جاڭا حابارلار

قىستاقتا تۇرعان قىزمەت اتىرەتىندەگىلەر ءتۇرلى فورمادا قيمىل وتكىزىپ، پارتيا 19-قۇرىلتايىنىڭ اشىلۋىن قۋانىشپەن قارسى الدى

    كەلۋ قاينارى: شينجياڭ حالىق راديو ىستانسياسى    2017-10-05 18:18:14  
ستانسيامىزدىڭ وسى جونىندەگى جيناق حابارىن تىڭداڭىزدار: بىرنەشە كۇننەن بەرى، رايونىمىزدىڭ جەر-جەرىندەگى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتتەرى ءتۇرلى فورمادا قيمىل وتكىزىپ، ءار ۇلت قىستاق تۇرعىندارىمەن بىرگە مەملەكەت مەرەكەسىن قۇتتىقتاپ، پارتيا 19-قۇرىلتايىنىڭ اشىلۋىن قۋانىشپەن قارسى الدى.
«وتانىمنان ءبىر ءسات تە ايرىلمايمىن...» كۇشار اۋدانى ءۇش وستەڭ اۋىلى حوجىارىق قىستاعىنىڭ تۇرعىندارى اقىلداسۋ زالىندا، 500 دەن ارتىق قىستاق تۇرعىنى قۋانىشپەن ءبىر جەرگە باس قوستى، كوپشىلىك وزدەرى دايىنداپ، وزدەرى ورىنداعان ادەبيەت-كوركەمونەر نومىرلەرى ارقىلى باقىتتى تۇرمىستى جىرلادى. قىستاق تۇرعىنى راشات راحمان بىلاي دەدى: «بۇگىنگى كۇنى بارلىعىمىز جاقسى تۇرمىسقا كەنەلىپ وتىرمىز، پارتيانىڭ قامقورلىعىن ۇمىتپاۋىمىز كەرەك، ءبىز پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسسەك، بۇدان كەيىنگى تۇرمىسىمىز بارىنشا جاقسى بولادى».
اۆتونوميالى رايوندىق وقۋ-اعارتۋ مەڭگەرمەسىنىڭ كۇشار اۋدانى ءۇش وستەڭ اۋىلى حوجىارىق قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اتىرەتىنىڭ ورىنباسار باستىعى ءانۋار نياز تىلشىگە: ءبىزدىڭ مەملەكەت مەرەكەسىن قۋانىشپەن قۇتتىقتاۋ، ‹پارتيا 19-قۇرىلتايىنىڭ› اشىلۋىن قۋانىشپەن قارسى الۋ قيمىلدارىن وتكىزۋدەگى ماقساتىمىز، قىستاق تۇرعىندارىنىڭ بەس مۇراتتاستىق تانىمىن اناعۇرلىم كۇشەيتىپ، باس شۋجي شي جينپڭنىڭ ءار ۇلت حالقىنا دەگەن قامقورلىعىنا العىس ايتۋ ءۇشىن»،-دەدى.
«ءبىر، ەكى، ءبىر، ەكى... 30 ءبۇتىن وننان جەتى!» قۇمىل قالاسى ەۋىرعول رايونى قالا ءىشى اۋىلى جيۋلۇڭشۋ قىستاعى تۇرعىندار كوميتەتىنىڭ اۋلاسىندا، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتى مەن قىستاق تۇرعىندار كوميتەتى بىرلەسىپ، «1-قازان» مەملەكەت مەرەكەسىن قۇتتىقتاۋ، پارتيا 19-قۇرىلتايىنىڭ اشىلۋىن قۋانىشپەن قارسى الۋ مازمۇنىندا «ۇلتتار ىنتىماعىنىڭ ۇلى شاڭىراعىندا» بىرلەسكەن دوستىق قيمىلىن وتكىزدى، قىزمەت اترەتىنىڭ مۇشەلەرى قىستاق تۇرعىندارىمەن قويان-قولتىق ارالاسىپ، ۇلتتار ىنتىماعى سۇيىسپەنشىلىگىن تىلگە تيەك ەتتى. قۇمىل قالاسى ەۋىرعول رايوندىق سۋ يگىلىگى مەكەمەسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتىنىڭ مۇشەسى چىن ۋيدۇڭ بىلاي دەدى: «قيمىل ارقىلى، تىلەكتى توعىستىرىپ، ۇلتتار ىنتماعىنىڭ ۇلى شاڭىراعىندا ۇيىستىق. جارىسقا بىرگە قاتىناسىپ، جارىستى بىرگە وتكىزىپ، ءوزارا دوستىعىمىز بەن سۇيىسپەنشىلىگىمىزدى كۇشەيتتىك».
حوتان اۋدانى لاڭرۋ اۋىلى دارۋازيا قىستاعى تۇرعىندار كوميتەتىندە، شينجياڭ عىلىم اكادەمياسىنىڭ «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتى قىستاق كادرلارىمەن، جالپى قىستاق تۇرعىندارىمەن بىرگە باتىل ءۇن قاتىپ، ايقىن پوزيتسيا بىلدىرۋگە سەرت بەرۋ، ساياسات جونىندە ۇگىت-لەكسيا جۇرگىزۋ، «مەملەكەت تۋىمەن سۋرەتكە تۇسەمىن» سياقتى قيمىلداردى ورىستەتىپ، وتانعا دەگەن تاماشا تىلەكتەرىن بىرگە جەتكىزدى. قىستاق تۇرعىنى مامەت ابىلا روزى مامەت بىلاي دەدى: «جۇڭگولىق بولعانىم ءۇشىن ەرەكشە ماقتانىش سەزىنەمىن، مەملەكەت قۇدىرەتتەنگەندە عانا، بۇقارا جاقسى تۇرمىسقا كەنەلە الادى، ۇلى وتانىمىزدىڭ ماڭگى كوركەيىپ-گۇلدەنىپ، شالقي ءتۇسۋىنە تىلەكتەستىك بىلدىرەمىن».

بەرىپ كەت ورامالىڭدى

دوستار

الىستاعى اق ەركە