جاڭا حابارلار

تۇرپان قالاسى وزىنە قىسىم ءتۇسىرىپ، وڭىرلىك ساياحات ۇلگى كورسەتۋ رايونىن قالىپتاستىردى

    كەلۋ قاينارى: شينجياڭ حالىق راديو ىستانسياسى    2017-10-05 18:32:30  
ستانسيامىزدىڭ ءتىلشىسى زىڭ يە مەن تۇرپان راديو ستانسياسىنىڭ ءتىلشىسى يۋان ياننىڭ حابارىن تىڭداڭىزدار: مەملەكەت مەرەكەسى مەن قاربىز مەرەكەسى كەزىندەگى ۇزاق دەمالىستا، تۇرپان دا ساياحات تاعى قىزۋ ورلەۋگە كوتەرىلدى. وڭىرلىك ساياحاتتان ۇلگى كورسەتۋ رايونىن قۇرۋ ءۇشىن، تۇرپان قالاسى وزىنە قىسىم ءتۇسىرىپ، ساياحات ىستەرىن نىعايتۋ مەن كەڭەيتۋ جاعىندا ءادىس قاراستىرىپ، الىستان كەلگەن ساياحاتشىلاردىڭ وسىندا نەشە كۇن ايالداۋىنا مۇمكىندىك جاراتۋعا كۇش سالدى.
مەملەكەت مەرەكەسى مەن قاربىز مەرەكەسى كەزىندە، تۇرپان قالاسى بيىل اشقان ءتورت ءىرى جاڭا كورىنىس رايونى ساياحاتشىلاردى باۋرادى. وسى ءتورت ءىرى جاڭا كورىنىس رايونى ـــ جىبەك جولىنداعى ايالداما مادەنيەتىن قايتالاي ايگىلەيتىن يارعول ايالداما كورىنىس رايونى؛ تاڭعا جايىپ كوركەم كورىنىسكە تولى يالقۇنتاع كورىنىس رايونى؛ جاڭادان اشىلعان داشياگوۋ حۋويۇنگۋ كورىنىس رايونى؛ تاعى توڭكەرىستىك ساياحاتتى ارتقى كورىنىس ەتكەن كارىز مادەنيەتىنە مۇراگەرلىك ەتۋ كورىنىس رايونى سياقتىلاردى قامتيدى. يارعول كورىنىس رايونىندا، تۇرپان ءبىر تۇتاس ساياحات شەكتى جاۋاپكەرلىك سەرىكتەستىگىنىڭ ورىنباسار باس مەڭگەرۋشىسى لي فىڭ تانىستىرا كەلىپ، بىلاي دەدى: كورىنىس رايونى بۇكىلدەي حان، تاڭ پاتشالىعىنىڭ ۇلگىسىندە سالىنعان، تۇرپانداعى ءبىرسپىرا كورىنىس رايونى ۇلگىسىنەن وزگەشە بولعاندىقتان، ىشكى ولكەدەن كەلگەن ساياحاتشىلاردى تاڭداندىردى.
كەشكى ساعات 9 دان 30 مينۋد وتكەندە، جەر-جەردەن كەلگەن ساياحاتشىلار ەجەلگى ۇيعۇر قاعاناتى حانايىمى بەينەسىنە جاسانعان جول باستاۋشىنىڭ باستاۋىندا، كەشكى اي ساۋلەسىندە، دۇنيە ءجۇزىلىك مادەني مۇرا يارعول كونە قالاسىنداعى ۇلكەن عيمباداتحانىڭ الدىنا كەلىپ، وسىندا وتىرىپ تۇرپاننىڭ حالىق ونەرپازدارى ورىنداعان بايىرعى اۋەندەگى ءاندى تىڭدادى. رايونىمىزداعى تۇڭعىش كەشكى ساياحات تۋىندىسى رەتىندە، «يارعولداعى تۇنگى ساياحات» نىسانى ساياحاتشىلاردى باۋرادى. گۋاڭجوۋلىق ساياحاتشى سۇن جيايىڭ: كىسىگە وزگەشە، تەرەڭ اسەر ەتەدى. ءونىمى جاقسى، ەشقانداي ساحنالىق جابدىق پايدالانىلماعان، ءتابيعي، تىنىش وتىرىپ تىڭداۋ ارقىلى ءلاززاتتاناسىز،-دەدى.
تۇرپان قالاسى ساياحاتشىلاردىڭ قاجەتىنە ساي، ىركەس-تىركەس تاريحي مادەنيەت ساياحاتى، ءجۇزىم مادەنيەتى ساياحاتى، ۇلتتىق عۇرىپ ــ ادەت ساياحاتى سياقتى ساياحات ءتۇرىن اشتى. سونىمەن بىرگە، ءداستۇرلى ساياحات جاندانعان مەزگىلدى نەگىز ەتىپ، تۇرپان قالاسى تاعى ورىك گۇلى مەرەكەسى، كوكونىس تەرۋ مەرەكەسى، لاڭمان مەرەكەسى، تۇت جەمىسى مەرەكەسى سياقتى قيمىلدارى ارقىلى ساياحات مەزگىلىن ۇزارتۋعا كۇش سالدى. تۇرپان قالالىق ساياحات مەكەمەسىنىڭ باستىعى ءان جينچياڭ بىلاي دەدى: ءبىز ءبىر كۇندىك ساياحاتتى كوپ كۇندىك ساياحاتقا اينالدىرۋدى ارقاۋ ەتىپ، باي مازمۇندى ساياحات تۇرىمەن قامداۋدى ءتۇيىن ەتتىك، تاريحي مادەنيەتتى، ۇلتتىق عۇرپ-ادەتتى كورنەكتىلەندىرۋگە كۇش سالدىق. وسى ارقىلى تۇرپاننىڭ تۇتاس وڭىرلىك ساياحاتتان ۇلگى كورسەتۋ دەڭگەيىن جوعارىلاتامىز.
ساندى مالىمەت بويىنشا تابىس تومەندەگىدەي: بيىل قاڭتاردان تامىزعا دەيىن، تۇرپان قالاسى جيىنى 6 ميلليون 934 مىڭ 300 ادام رەت ساياحاتشى قابىلداپ، جالپى ساياحات سوماسى 6 ميلليارد 85 ميلليون يۋانعا جەتىپ، الدىنداعى جىلدىڭ وسى تۇسىنداعىدان جەكە-جەكە %55 جانە %48 ارتتى. بيىل تۇرپان اۋەجايى ىركەس-تىركەس گۋاڭجوۋدان چاڭشاعا ونان تۇرپانعا، جىڭجوۋدان تۇرپانعا، تيانجيننەن تۇرپانعا ونان قۇلجاعا، شي-ءاننان تۇرپانعا ونان قاشقارعا ۇشاتىن ءتورت اۋەتسيا لەنياسىن جاڭادان اشتى. تۇرپان اۋەجايى 11 قالامەن تۇتاساتىن 6 اۋياتسيا لەنياسىن اشتى. اۋەجايدىڭ جولاۋشى قابىلداۋ-جونەلتۋ مولشەرى 17-قىركۇيەككە دەيىن، 100 مىڭ ادام رەتتەن اسىپ، 2016-جىلعى 55 مىڭ 373 ادام رەتتىك جولاۋشى قابىلداۋ-جونەلتۋ مولشەرىمەن سالىستىرعاندا %80.6 ارتتى.

بەرىپ كەت ورامالىڭدى

دوستار

الىستاعى اق ەركە