جاڭا حابارلار

ۇلتتار ىنتىماعى گۇلىن شينجياڭنىڭ جەر-جەرىندە شەشەك اتتىرايىق

    كەلۋ قاينارى: شينجياڭ حالىق راديو ىستانسياسى    2017-10-06 14:00:41  
ستانسيامىزدىڭ تىلشىلەرى حى فەي مەن ما گولەي جازعان اقپاراتتىق ارناۋلى حاباردى تىڭداڭىزدار: مەملەكەت مەرەكەسى كەزىندە، اقسۋ قالاسى جاركوپىر اۋىلدىق سەنترلى قوس ءتىل بالالار باقشاسىنداعى ياڭ ياڭ ءوزىنىڭ سەرىكتەسىپ تۋىسقاندىق قاتىناس ورناتقان ۇيعۇر اناسى تۋحان سىمايىلدى ەرتىپ شىعىپ، جاڭا كيىم تىكتىردى. جەتى جىلدىڭ الدىندا، ياڭ ياڭ اتا مەكەنى يانجي اۋدانىنان جاركوپىر اۋىلدىق سەنترلى قوس ءتىل بالالار باقشاسىنا ەمتيحان بەرىپ ءوتىپ قىزمەتكە ورنالاستى، قاسىندا تۋىس-تۋعان، دوس-جارانى بولماعاندىقتان ول ەرەكشە جالعىزسىراپ، ۇيلەسە المادى. ونىڭ كورشىسى تۋحان سىمايىل جاعدايدى بىلگەن سوڭ، ءوزىنىڭ ءبىر بولمەسىن ياڭ ياڭعا بوساتىپ بەرىپ، ونى ۇيىنە كوشىرىپ الىپ، اناداي ىستىق مەيىرىن ارنادى. ياڭ ياڭ: «جانىمدا تۋىس-تۋعانىم بولماعانىمەن، وتباسى مەيىرىن سەزىندىم، انامنىڭ شەكسىز مەيىرىنە بولەندىم، ءارقايسى ۇلت ءبىر-بىرىنەن ايىرىلا المايدى، ءبىز ءبىر شاڭىراقتىڭ ادامدارىمىز»،-دەدى.
تۋحان سىمايىل: «مەنىڭ ەكى قىزىم بار، بىرەۋى حانزۋ، ەندى بىرەۋى ۇيعۇر. سىرقاتتانىپ قالعانىمدا ياڭ ياڭ مەنى شيپاحاناعا اپارىپ ەمدەتىپ، ماعان قارايلاسادى. ءبىز تۋعان انا مەن بالا سياقتىمىز»،-دەدى.
ياڭ ياڭ مەن تۋحان سىمايىل سياقتى شىنايى سەزىم باعىشتاعان ۇلتتار ىنتىماعى جىرى بۇگىنگى كۇندە شينجياڭنىڭ جەر-جەرىندە ءار كۇنى جىرلانۋدا.
ۇلتتار ىنتىماعى ءار ۇلت حالقىنىڭ جان تامىرى، شينجياڭنىڭ دامىپ العا باسۋىنىڭ ءتۇپ نەگىزى. پارتيا 18-قۇرىلتايىنان، وتە-موتە ج ك پ اۆتونوميالى رايوندىق 9-قۇرىلتايىنان بەرى، رايونىمىز ۇلتتار ىنتىماعىن بەكەمدەپ كۇشەيتۋدى ماڭىزدى مازمۇن ەتىپ، فورماعا ۇزدىكسىز جاڭالىق ەنگىزىپ، ۇلتتار ىنتىماعى ۇگىت تاربيەسىن تەرەڭدەتتى. وتكەن جىلدان بەرى، رايونىمىز «ۇلتتار ىنتىماعىنىڭ ۇلى شاڭىراعىندا» جانە «ۇلتتار ىنتىماعىنىڭ ۇلى شاڭىراعىندا» بىرلەسكەن دوستىق قيمىلىن ىشكەرلەي ورىستەتىپ، تۇتاس رايونىمىزدان ءبىر ميلليوننان استام كادر، جۇمىسشى-قىزمەتكەر ءبىر ميلليون 460 مىڭنان استام ءار ۇلت بۇقاراسىمەن سەرىكتەسىپ، تۋىسشىلاۋعا قاتىناسقان كادر، جۇمىسشى-قىزمەتكەر سانى 6 ميلليون 360 مىڭ ادام رەتتەن اسىپ، تۋىسشىلاي بارعان ءار ۇلت بۇقاراسىنىڭ سانى 6 ميلليون 870 مىڭ وتباسى رەتكە جەتىپ، كادىر، جۇمىسشى-قىزمەتكەرلەر جاپپاي قاتىناسۋ، ءار ۇلت بۇقاراسى جاپپاي قارسى الۋ سىندى جان تەبىرەنتەرلىكتەي جاعداي جارىققا شىقتى.
قول ۇستاسۋ، جۇرەكتەس بولۋ ارقىلى ءار ۇلت حالقى بۇرىعىدان دا ءوزارا ءتۇسىنىسىپ، سۇيىسپەنشىلىگى كۇشەيىپ، ءوزارا كومەك قولىن سوزدى. «ۇلتتار ىنتىماعىنىڭ ۇلى شاڭىراعىندا» قيمىلىنىڭ قول جەتكىزگەن ونىمدىلىكتەرىن بەكەمدەۋ ءۇشىن، رايونىمىزدىڭ جەر-جەرى، ءار قايسى تاراۋلارى سەرىكتەسىپ تۋىسقاندىق قاتىناس ورناتۋ نەگىزىندە، ابزالدىلىعىن ساۋلەلەندىرىپ، ەرەكشەلىگىن كورنەكتىلەندىرىپ، ناقتى ونىمدىلىككە ءمان بەرىپ، قيمىلدىڭ فورماسى مەن ىشكى ءمانىن ۇزدىكسىز بايىتتى. ءار قايسى تاراۋلار مەن ورىندار «ۇلتتار ىنتىماعىنىڭ ۇلى شاڭىراعىندا» بىرلەسكەن دوستىق قيمىلىن جاپپاي ورىستەتتى. تاياۋدا، اۆتونوميالى رايوندىق پارتكوم كەڭسەسى ۇلتتار ىنتىماعىنىڭ ۇلى شاڭىراعىندا بىرلەسكەن دوستىق قيمىلىن وتكىزدى. يىڭسار اۋدانىنىڭ سيتلا اۋىلى مەن چىڭگۋان اۋىلىنان تۋىسقاندىق قاتىناس ورناتقان 42 تۋىس پارتكوم كەڭسەسىندەگى بارلىق كادر، جۇمىسشى-قىزمەتكەرلەرمەن مارە-سارە باس قوسىپ، تۋىستىق سەزىمىن ءبىلدىرىستى. يىڭسار اۋدانى چىڭگۋان اۋىلى تەرەكشەك قىستاعىنىڭ قىستاق كادرى مامەتالي مامەتيمىن: «قىستاقتا قىزمەت ىستەگەندىگىمنەن، سىرتقا شىعۋ ورايىم از، بۇل جولى اۆتونوميالى رايوندىق پارتكوم كەڭسەسىندەگى تۋىستار ءبىزدى ۇرىمجىگە شاقىرتىپ باس قوسىپ، ءبىزدى ەرتىپ ءۇرىمجى پويەز ۆاگزالى، حۇڭشان جانە ەرەكشە باعىمشىلىق الاڭدارىن ەكسكۋرسيالاپ، ماعان تەرەڭ اسەر بەردى. قىستاققا قايتىپ بارعاننان كەيىن ءسوزسىز قىزمەتتى جاقسى ىستەپ، اۋىلداستارىمدى باستاپ پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، كەدەيلىكتەن قۇتىلىپ اۋقاتتانۋ اياق الىسىمدى تەزدەتەمىن»،-دەدى.
ساندى مالىمەت ناتيجەسى مىناداي: رايونىمىز « ۇلتتار ىنتىماعىنىڭ ۇلى شاڭىراعىندا » جانە ۇلتتار ىنتىماعى بىرلەسكەن دوستىق قيمىلىن ىشكەرلەي ورىستەتكەننەن بەرى، «ۇلتتار ىنتىماعىنىڭ ۇلى شاڭىراعىندا» باستى تاقىرىبىنداعى اڭگىمە ءماجىلىسى، بايانداما ءماجىلىسى، ۇيىمدىق تۇرمىس ءماجىلىسى سياقتى ءتۇرلى قيمىلدار جالپى ءبىر ميلليون 880 مىڭ رەتتەن استام وتكىزىلىپ، 174 ميلليون يۋاننان استام قارجىلاي جىلۋ اتالىپ، 13 ميلليون 340 مىڭ دانا زاتتىق جىلۋ اتالىپ، ەمدەلۋ، وقىتۋ، كاسىپتەنۋ، ءوندىرىستى دامىتۋ سياقتى ىستەگەن ناقتى يگى ءىسى 2 ميلليون 270 مىڭعا جەتىپ، 4 ميلليون 560 مىڭ ءار ۇلت وتباسىن يگىلىككە بولەپ، ۇلتتار ىنتىماعىنىڭ جاراسىمدىلىعى مەن ورنىقتىلىعىنىڭ تىڭ داستانىن جازدى.
ماماندار مىناداي تۇسىنىك جاسادى: «ۇلتتار ىنتىماعىنىڭ ۇلى شاڭىراعىندا» قيمىلى ورىستەتىلگەننەن بەرى، قول جەتكىزگەن قوعامدىق ونىمدىلىك العاشىنداعى مەجەدەن الدە قايدا استى، قيمىلدىڭ قامتۋ كولەمى ۇزدىكسىز كەڭەيىپ، ورگان كادرىنان قوعامداعى بارلىق ادام قاتىناسۋعا قاراي تەرەڭدەپ، «تۋىسقاندىق قاتىناس ورناتۋ» ءار ۇلت بۇقاراسى قىزۋ تالقىلايتىن تاقىرىپقا اينالدى. « ۇلتتار ىنتىماعىنىڭ ۇلى شاڭىراعىندا» قيمىلى كادرلار ستيلىنە بۇرىلىس جاساپ، كادرلار مەن بۇقارانىڭ اراسىن جاقىنداتىپ، تۇتاس رايونىمىزدىڭ وڭ ەنەرگياسىن تولاسسىز شوعىرلاندىرىپ، قوعام ورنىقتىلىعى مەن باياندى تىنشىتىقتىڭ ىرگەسىن بەرىك قالاۋدا. اۆتونوميالى رايوندىق پارتكوم پارتيا مەكتەبى ۇلت-ءدىن نازارياسىن وقىتۋ زەرتتەۋ ءبولىمىنىڭ ورىنباسار مەڭگەرۋشىسى لي فاڭ: ۇلتتار ىنتىماعىنىڭ ۇلى شاڭىراعىندا قيمىلى ءبىزدىڭ ۇلتتار ىنتىماعىن كۇشەيتۋىمىزگە تەكشە جاراتىپ، دانەكەرمەن قامداپ، ۇلت قىزمەتىندەگى «كەمە» مەن «كوپىر» بولۋ ماسەلەسىن شەشىپ، ءبىزدىڭ وقىتۋدىڭ نەگىزگى تۇلعاسىنان امالياتتا ايگىلەۋ نەگىزگى تۇلعاسىنا قاراي وزگەرۋىمىزگە، اناعۇرلىم كوپ ادامنىڭ ۇلتتار ىنتىماعى قيمىلىنا قاتىناسۋ ورايىنا يە بولۋىنا، ۇلتتار ىنتىماعى ىستەرىنە ءوز كۇشىن قوسۋىنا مۇمكىندىك جاسادى،-دەدى.

بەرىپ كەت ورامالىڭدى

دوستار

الىستاعى اق ەركە