جاڭا حابارلار

تۇرپاننىڭ مەرەكەلىك ساياحاتى دا جانداندى

    كەلۋ قاينارى: شينجياڭ حالىق راديو ىستانسياسى    2017-10-06 16:43:38  

تۇرپان راديو ستانسياسىنىڭ ءتىلشىسى يۋان ياننىڭ حابارىن تىڭداڭىزدار: ۇرىمجىدەن تۇرپانعا جۇردەك پويەز قاتىناعاننان كەيىن بۇقارانىڭ جولاۋشىلاۋىنا قولايلى بولىپ عانا قالماستان، تۇرپاننىڭ مەرەكەلىك ساياحاتىن دا جانداندىردى.
جۇردەك پويەزدىڭ گۋدوك داۋىسىنا ىلەسە، ۇرىمجىدەن تۇرپان سولتۇستىك ۆاگزالىنا قاتىنايتىن جۇردەك پويەز تۇرپان ۆاگزالىنا بارعاننان كەيىن، قالىڭ ساياحاتشى پويەزدەن ءتۇسىپ تۇرپانداعى ساياحاتىن باستادى. شاڭحايلىق ساياحاتشى ليۋ حاييان مەن جولداسى ايروپلانمەن شينجياڭعا كەلىپ، سولتۇستىك شينجياڭداعى ساياحاتى اياقتاعاننان كەيىن جۇردەك پويەزبەن تۇرپانعا بارىپتى، ول تىلشىگە: جۇردەك پويەزدىڭ قاتىناۋ رەت سانى دا نەداۋىر كوپ، ءبىر ساعات مولشەرىندە جەتەدى، ەرەكشە قولايلى ەكەن. بۇل جەردىڭ اۋا رايىن وتە جاقسى كورەمىن، جانعا جايلى،-دەدى.
تۇرپان سولتۇستىك ۆاگزالى جولاۋشى تاسىمال ورتالىعىنىڭ مەڭگەرۋشىسى رۇن يۋە تانىستىرا كەلىپ بىلاي دەدى: بيىل 1-قازان كەزىندە، جۇردەك پويەزبەن تۇرپانعا ساياحاتتايتىندار كورنەكتى مولايدى، بىرنەشە كۇننەن بەرى 3 مىڭ 300 جولاۋشى جونەلتىلىپ، تۇرپانعا 4 مىڭ 800 دەي جولاۋشى بارىپ، بۇرىنعى جىلداعىدان كورنەكتى ارتتى. ۆاگزالدا تەكسەرۋ ارناسى كوبەيتىپ اشىلدى، اۆتوماتتى بەلەت ساتۋ ورنىنا جەتەكشىلىككە ارناۋلى قىزمەتكەر قويىلىپ، جولاۋشىلاردىڭ پويەزگە ءساتتى وتىرۋىنا كەپىلدىك ەتىلدى.
بيىل ۇرىمجىدەن تۇرپانعا جۇردەك پويەز الەۋمەتتىك قاتىناس سياقتىلار قاتىناعاننان كەيىن، كۇندەلىكتى 18.5 جۇپ جۇردەك پويەز بارىپ-قايتتى، ورتا ەسەپپەن جارىم ساعاتتا بىرەۋ قاتىنادى، مۇنداي قولايلى دا تەز ساپارلاۋ ءتاسىلى ساياحاتشىلاردىڭ القاۋىنا بولەندى. سونىمەن بىرگە، تۇرپاننىڭ ساياحات تاراۋلارى دا جۇردەك پويەزبەن تۇرپانعا ساياحاتتاۋ ءتيىمدىلىك جاساۋ قيمىلدارىن وتكىزدى. تۇرپان ءبىر تۇتاس ساياحات شەكتى جارنا جاۋاپكەرلىك سەرىكتەستىگى ساتۋ ءبولىمىنىڭ جاۋاپتىسى تاجىگۇل وسمان بىلاي دەدى: جۇردەك پويەز بەلەتى بار ساياحات باسقارماسى ساياحاتتاۋ ۇيىرمەسىن ۇيىمداستىرسا، ساپارلاۋ تالونى، ازاماتتىق كۋالىگى جانە جۇردەك پويەز بەلەتى بار ساياحاتشىلار تۇرپان ءبىر تۇتاس ساياحات شەكتى جارنا جاۋاپكەرلىك سەرىكتەستىگىنىڭ 15 لەنيا بويىنشا ەكى ەسىك بەلەتىنەن بىرەۋىن كەشىرىم ەتۋ تيىمدىلىگىنەن يگىلىكتەنەدى، قۇمتاع ءشول كورىنىس رايونى مەن تۇيىققىر كورىنىس رايونىندا %50 تىك تيىمدىلىكتەن يگىلىكتەنە الادى.


بەرىپ كەت ورامالىڭدى

دوستار

الىستاعى اق ەركە