جاڭا حابارلار

قىزمەت اترەتىندەگىلەر جەرگىلىكتى ابزالدىلىققا نەگىزدەلىپ، بۇقارانىڭ اۋلا ەكونوميكاسىن دامىتىپ، كىرىسىن ارتتىرۋعا شابىتتاندىرادى

    كەلۋ قاينارى: شينجياڭ حالىق راديو ىستانسياسى    2017-10-08 12:51:12  
گۇلميرا داۋلەتبەك قىزى حابارلايدى: «اۋلامدا ەككەن پاميدور، قىزىلبۇرىش، اسقاباقتىڭ ءبارى كەرەمەت ءونىم بەردى، مەن بيىل ءبىرىنشى رەت كوكونىس ەگىپ، كوكونىستەن مول ءونىم الدىم. بۇرىن اۋلامدا ءشوپ باسىپ، كوكونىس ەگۋدى ويلاستىرىپ كورمەپپىن. بيىل قىزمەت اترەتىنىڭ كومەگىندە ءتۇرلى كوكونىستەردى ەگىپ، باسقالارعا دا ساتىپ، كىرىس كىرگىزدىم»،-دەدى گۇلنار توقتاعان قىزى قۋانىشتى بەينەدە.
التاي قالالىق حالىق قۇرىلتاي قىزمەت كوميتەتىنىڭ قىزمەت اترەتى شەمىرشەك قالاشىعى قاراتاس قىستاعىندا قىزمەت ىستەۋگە تۇسكەننەن بەرى، ءارقايسى وتباسىلارىن ارالاپ جاعدايىن ۇعىسۋ بارىسىندا، قىستاق تۇرعىندارىنىڭ جالاڭ ءداستۇرلى مال شارۋاشىلىعىمەن شۇعىلدانىپ وتىرعانىن كورەدى دە، جەرگىلىكتى ابزالدىلىققا نەگىزدەلىپ، بۇقارانىڭ اۋلا ەكونوميكاسىن دامىتىپ، كىرىسىن ارتتىرۋعا شابىتتاندىرادى.
بۇقارانى جەتەلەۋ جانە كەدەيلەردى سۇيەمەلدەۋ ءادىسى ارقىلى «پارتيا مۇشەسى، اۋقاتتانعان وتباسى، قيىنشىلىعى بار وتباسىلارى» بىرلەسكەن ءتۇزىمدى اتقارىپ، قيىنشىلىعى بارلارعا كومەكتەستى. الدىمەن كوكونىس ەگىپ، ءۇي قۇستارىن باعىپ، جەمىس اعاشتارىن ەگىپ، قازاق ۇلتىنىڭ ءداستۇرلى قولونەر بۇيىمدارىن جاساۋ، ۇلتتىق تاعامداردى جاساۋ سياقتى ءتۇرلى ادىستەر ارقىلى كوزقاراسقا بۇرىلىس جاساپ، قىستاقتاعى بۇقارانى اۋلا ەكونوميكاسىن دامىتۋعا باستاپ، ورتاق اۋقاتتانۋ نىساناسىن جۇزەگە اسىردى.
قىستاق تۇرعىنى ارىزگۇل ياسىن مال شارۋاشىلىعىمەن شۇعىلدانىپ كەلگەن بولاتىن. ءۇيدىڭ قاتتى قايىرىم جۇمىستارىنىڭ ءبارى جۇبايىنىڭ ۇستىندە ەدى. بيىل، ارىزگۇل ياسىن قىزمەت اترەتىنىڭ كومەگىندە اۋلاسىنا كوكونىس ەگىپ، 5 مىڭ يۋانعا تاياۋ كىرىس كىرگىزدى. ارىزگۇل ياسىن سياقتى كوكونىس ەگىپ، ۇلگىلى وتباسى بولعاندار قىستاق تا از ەمەس ەدى. ولار وتباسىندا قاراپ جاتپاي، كەدەيلىكتەن قۇتىلۋ ءۇشىن، ەڭ الدىمەن اۋلا ەكونوميكاسىن دامىتۋدان باستاپ، ءتۇرلى جولدار ارقىلى 10 مىڭ يۋانعا تاياۋ كىرىس كىرگىزدى.

بەرىپ كەت ورامالىڭدى

دوستار

الىستاعى اق ەركە