باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىلعا قايتىپ ازاماتتىق كۋالىك ءبىتىرۋ تاريحقا اينالدى

    كەلۋ قاينارى: شينجياڭ حالىق راديو ىستانسياسى    2017-10-08 13:15:48  
ستانسيامىزدىڭ ءتىلشىسى چيۋ جين مەن پراكتيكانت ءتىلشى گو جيحۋانىڭ حابارىن تىڭداڭىزدار: ينفورماتسيادان كوبىرەك پايدالانىپ، بۇقارانىڭ ارلى-بەرلى شاپقىلاپ اۋرە-سارساڭعا ءتۇسۋىن ازايتقان ازاماتتىق كۋالىكتىڭ باسقا جەردە بىتىرىلەتىن بولۋى نەشە مىڭ شاقىرىم شالعايداعى اۋىلعا قايتىپ ازاماتتىق كۋالىك ءبىتىرۋدى تاريحقا اينالدىردى.
دەمالىس كەزى بولسا دا، ءۇرىمجى قالاسى جوعارى، جاڭا قالا رايونى سانگۇڭ ساقشى بولىمشەسىنىڭ ىشىندە باسقا جەردە ازاماتتىق كۋالىگىن بىتىرۋگە كەلگەن ادامداردىڭ اياعى ۇزىلمەدى. «سۋ شياۋحۇڭ سەنىڭ ازاماتتىق كۋالىگىڭ ءبىتتى، بارماق تابىڭدى انىقتاتىپ ال»، «جارايدى، راحمەت». ءبىر ايدان ارتىق ۋاقىت توسقاننان كەيىن، ءۇرىمجى قالاسىندا تۇراتىن فۋجياندىق بويجەتكەن سۋ شياۋحۇڭ اۋىستىرعان جاڭا ازاماتتىق كۋالىگىن الدى. ول بىلاي دەدى: «اۋىلعا ايروپىلانمەن، پويەزبەن بارىپ قايتۋ ءۇشىن 4 مىڭ يۋاننىڭ ۇستىندە اقشا كەتەدى، وتە اۋرە جۇمىس بولاتىن، قازىر وسى جەردەن باسقا جەردىڭ ازاماتتىق كۋالىگىن بىتىرە الاتىن بولىپ، كوپ قولايلىلىق تۋىلدى، جۇردەك اۆتوبوزعا وتىرىپ كەلە سالدىم، بار جوعى ەكى رەت كەلگەندە جۇمىسىم ءبىتتى، وتە قولايلى ەكەن».
ولكە ارا ازاماتتىق كۋالىكتى باسقا جەردە ءبىتىرۋ سىناق ءتۇيىنى ءوڭىرى رەتىندە، 2016-جىلى ءۇرىمجى قالاسى مەن كورلا قالاسى ازاماتتىق كۋالىكتى باسقا جەردە ءبىتىرۋ قىزمەتىن رەسمي باستادى. بيىل العاشقى جارىم جىلدىڭ وزىندە، ءۇرىمجى قالاسى باسقا جەردىڭ ازاماتتىق كۋالىگىنىڭ وزىنەن 29 مىڭ 690 ىن ءبىتىرىپ، اۋىلىنا بارىپ-قايتۋ جول قاراجاتىنان بۇقاراعا 2 ميلليون يۋانداي ازاماتتىق كۋالىكتى ءبىتىرۋ وزىندىك قۇنىن ۇنەمدەپ قالدى. تۇرعىن جاۋ مىرزا بىلاي دەدى: «نوپوسىم شانشيدە بولاتىن، اۋىلعا قايتايىن دەسەم، وسى جەردە قىزمەت ىستەيتىندىگىمنەن وتە قولايسىز بولدى. ايروپلانعا وتىرىپ بارىپ-قايتقانعا 4 مىڭ يۋان كەتەدى. قازىر ازاماتتىق كۋالىكتى باسقا جەردە بىتىرۋگە بولاتىن بولدى، تاعى بىرنەشە كۇننىڭ الدىندا شوفەرلىك كۋالىگىمدى دە ءبىتىرىپ الدىم، ۋاقىتى ءدال تولعان ەدى، اۋىستىرىپ الدىم. ۇرىمجىدە تۇرمىس كەشىرۋ بارعان سايىن قولايلى سەزىلدى».
بيىل 1-شىلدەدە، قوعام حاۋىپسىزدىگى مينيسترلىگى مەملەكەت بويىنشا تۇرعىنداردىڭ ازاماتتىق كۋالىگىن باسقا جەردە ءبىتىرۋ، ازاماتتىق كۋالىكتى جوعالدى دەپ مالىمدەۋ جانە جوعالعان ازاماتتىق كۋالىگىن تانىپ اكەتۋ سىندى «3 ءتۇرلى ءتۇزىمدى» جاپپاي اتقاردى، حالىققا قولايلى وسى شارالاردىڭ ارقاسىندا بۇقارا ارلى-بەرلى شاپقىلاپ اۋرە-سارساڭعا تۇسپەيتىن بولۋدان سىرت، تاعى بۇقاراعا ناقتىلى قولايلىلىق جانە تيىمدىلىك اكەلىپ، كوپشىلىكتىڭ جاپپاي جاقسى باعاسىنا يە بولدى. تۇرعىندار بىلاي دەستى: «ساياسات جاقسارىپ، شينجياڭدا جۇمىستى اۋىلعا قايتپاي-اق بىتىرە الاتىن بولدىق، ءبىز سياقتى سىرتتا جۇمىس ىستەۋشىلەر ءۇشىن كوپ اقشا ۇنەمدەلدى، ۋاقىتىمىز دا جولعا كەتپەيتىن بولدى، وتە قولايلى. شاعان مەرەكەسىندە عانا اۋىلعا قايتامىز، قازىر ازاماتتىق كۋالىكتىڭ ۋاقىتى اسىپ كەتسە ىستەتۋگە كەلمەيدى، ونى قاي جەردە بولسا دا ءبىتىرىپ الۋعا بولاتىن بولدى. اۋىلعا قايتىپ بىتىرگەن كۇننىڭ وزىندە ۋاقىتتىق ازاماتتىق كۋالىك بىتىرگەندە عانا پويەز بەلەتىن ساتىپ الا الامىز، ال قازىر قولايلى بولدى. باسقا جەردە ازاماتتىق كۋالىك ءبىتىرۋ وتە قولايلى، ءارى تەز!»
ءان الەمى

جول توسىلىپ قالدى

تۇلپارىم