جاڭا حابارلار

قىستاقتا تۇرعان قىزمەت اترەتىندەگىلەر مەرەكە كەزىندە بۇقاراعا قىزمەت ەتۋمەن قاربالاس بولدى

    كەلۋ قاينارى: شينجياڭ حالىق راديو ىستانسياسى    2017-10-08 16:56:07  
حابار تىڭداڭىزدار: رايونىمىزداعى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ»بويىنشا قىستاقتا تۇرعان قىزمەت اترەتىندەگىلەر مەملەكەت مەرەكەسى مەن قاربىز مەرەكەسى كەزىندەگى ۇزاق دەمالىستى اۋىلداستارمەن بىرگە وتكىزدى، كوپشىلىك قىستاق ديحاندارىنىڭ ۇيلەرىن جانە ەگىس اتىزدارىن ارالاپ، مەركە بايلانىسىمەن حال سۇرادى، ءارى كوپشىلىكتىڭ قينشىلىعىن شىن مانىندە شەشتى.
تاڭەرتەڭ ەرتە، كۇيتۇن قالالىق قورعامالى باجى زات اينالىم ورتالىعىن باسقارۋ كوميتەتىنىڭ كۇيتۇن قالاسى كەگەنشي اۋىلى گاۋگىداچۋان قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى جەڭىس ءاشىم ۇلى قىستاق ديحانى دىلشات شايدوللا ۇلىنىڭ ۇيىنە بارا سالىسىمەن، ونىڭ ۇيىندەگى سويىس تاۋىعىنىڭ ساتىلىم احۋالىن ۇعىستى، ءارى ەكى دوربا تاۋىق جەمىن الا باردى. 60 جاستاعى دىلشات شايدوللا ۇلى بۇرىن قىستاقتاعى ەڭ تومەنگى تۇرمىسى قامتاماسىزداندىرىلاتىنداردىڭ ءبىرى ەدى، جۇرەك اۋىرۋى سەبەبىنەن دەنە ەڭبەگىمەن شۇعىلدانا الماي، 6 مۋلىق اۋلاسىنىڭ قاڭىراپ بوس جاتقانىنا ۇزاق ۋاقىت بولعان. قىستاقتا تۇرعان قىزمەت اترەتى مۇنان حابار تاپقاننان كەيىن، ونى سويىس تاۋىعىن باعۋعا شابىتتاندىردى، ءارى وعان تەحنيكالىق قولداۋ كورسەتتى، دىلشات شايدوللا ۇلى: بيىلعى كىرىسىم 50 دە 60 مىڭ يۋانداي بولدى، كوكونىس ەگۋدەن سىرت، سويىس تاۋىعىن باقتىم. جەڭىس قىستاققا كەلگەننەن كەيىن ەگىنشى-مالشىلارعا يدەيالىق قىزمەت ىستەدى، تاۋىق باعۋىمىزدىڭ بارلىعى سونىڭ ەڭبەگى، تاۋىق باعۋىمىزعا، كوكونىس ەگۋىمىزعا تۇگەل كومەكتەستى،-دەدى.
ءدال قازىر وڭتۇستىك شينجياڭدا ماقتا تەرەتىن جانە جۇگەرى وراتىن مەزگىل. وسى رەتكى ۇزاق دەمالىستا، قاشقار ايماقتىق 1-حالىق شيپاحاناسىنىڭ يوپۇرعا اۋدانى باياۋات اۋىلى قاليما قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى شيپاحاناداعى 100 ەرىكتىنى باستاپ، ەگىس اتىزىنا بارىپ، قىستاق ديحاندارىمەن بىرگە ەڭبەك ىستەدى. شارشاسا سول جەردە دەمالىپ، قارىنى اششا نان جەپ، تۇسكى دەمالىس ۋاقىتىندا تاعى قىستاق ديحاندارىنا ءتۇرلى حالىققا تيىمدىلىك جاساۋ ساياساتىن ۇگىتتەدى. قىزمەت اترەتىنىڭ مۇشەسى قيۇمجان ابدۇرۇسۇل: بۇقارامەن، ديحاندارمەن بىرگە ەگىس اتىزىندا ەڭبەك ىستەپ، ماقتا تەرىپ، جۇگەرى جينادىق، وسى ارقىلى ارامىزدى بارىنشا جاقىنداتتىق،-دەدى.
بىرنەشە كۇننەن بەرى، اۆتونوميالى رايوندىق قورشاعان ورتانى قورعاۋ مەڭگەرمەسىندەگى 50 نەشە پارتيالى كادر ءۇشتۇرپان اۋدانى اقتوعاي اۋىلىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتا تۇرعان 5 قىزمەت تۇيىنىنە بارىپ، قىزمەت اترەتىندەگىلەرمەن بىرگە قىستاقتاردى، وتباسىلارىن ارالادى. اقتوعاي اۋىلى سوگەتمازار قىستاعى ـــ اۆتونوميالى رايون دارەجەلى كەدەي قىستاق، كەدەي جان سانى قىستاقتاعى جالپى جان سانىنىڭ تەڭ جارىمىن ۇستايدى. اۆتونوميالى رايوندىق قورشاعان ورتانى قورعاۋ مەڭگەرمەسى پارتگرۋپپاسىنىڭ ورىنباسار شۋجيى، مەڭگەرمە باستىعى ورازبەك راسۇلحان ۇلى قىزمەت اترەتىندەگىلەرمەن بىرگە كەدەي وتباسىلارىنا، سەرىكتەسىپ تۋىسقاندىق قاتىناس ورناتقان تۋىستارىنىڭ ۇيىنە بارىپ، ولاردان حال سۇراپ، ءوندىرىس، تۇرمىس، جۇمىس ىستەۋ، كاسىپتەنۋ احۋالىن ۇعىسىپ، ءاربىر كەدەي وتباسىن كەدەيلىكتەن قۇتىلدىرۋ جوباسىن جاسادى. ورازبەك راسۇلحان ۇلى: قازىر ءبىر وتباسىنا ءبىر جوبا جاساپ، ءتۇرلى قىزمەتتى ويداعىداي ىستەۋگە كۇش سالۋدامىز،-دەدى.

بەرىپ كەت ورامالىڭدى

دوستار

الىستاعى اق ەركە