جاڭا حابارلار

پارتيا 19-قۇرلتايى ۋاكىلدەرىنىڭ كەلبەتى ــ گۇلزينات تۇكەن

    كەلۋ قاينارى: شينجياڭ حالىق راديو ىستانسياسى    2017-10-09 12:34:18  
ستانسيامىزدىڭ ءتىلشىسى دۋ حاۋدىڭ حابارىن تىڭداڭىزدار: گۇلزينات تۇكەن اقشي اۋداندىق 3-بالالار باقشاسىنىڭ باستىعى، بالا تاربيەسىمەن اينالىسقان 13 جىلدان بەرى، ول مەيىر ماحابباتىن ءار ۇلت بالالارىنا ارناپ، وتانىڭ بولاشاعى بولعان بالدىرعانداردى مۇقيات باۋلىدى.
2004-جىلى قىزىلسۋ قىرعىز اۆتونوميالى وبلىستىق پەداگوگيكا مەكتەبىنەن وقۋ تاۋىسقاننان كەيىن، گۇلزينات تۇكەن اقشي اۋدانىنداعى بالا باقشاسىندا قىزمەت ىستەۋ جولىن تاڭداپ، سول كەزدەگى بالا باقشاسىنداعى بىردەن-بىردە قوس ءتىل وقىتۋشىسى بولعان. ۇزاق ۋاقىتتان بەرى، ول بار زەيىن-زەردەسىن قىزمەتكە ارناپ، ۇنەمى ۇستەمەلەپ قىزمەت ىستەدى. بالا باقشاسىنداعى بالدىرعانداردىڭ شەكتى ساباق ۋاقىتىندا حانزۋ ءتىلىن بۇرىنعىدان دا جاقسى ۇيرەنۋىنە مۇمكىندىك جاساۋ ءۇشىن، ول بالدىرعانداردىڭ ويناۋ بارىسىندا حانزۋ ءتىلىن كوڭىلدى ۇيرەنۋ وقىتۋ ءادىسىن زەرتتەپ شىقتى، ءارى ونى بالا باقشاسىندا جالپىلاستىردى، بالدىرعانداردىڭ قوس ءتىل دەڭگەيى دە بارىنشا جوعارلادى. اقشي اۋداندىق 3-بالا باقشاسىنداعى بالدىرعان الىم: بالا باقشاسىنىڭ باستىعى شەشەمىزدى وتە جاقسى كورەمىن، ونىمەن بىرگە بولعاننان بەرى، حانزۋ ءتىلىن بارعان سايىن جاقسى سويلەيتىن بولدىم،-دەدى.
وقىتۋ ءادىسىن قۇلشىنا زەرتتەۋدەن سىرت، گۇلزينات تۇكەن تاعى بالا باقشاسىنىڭ ۇلتتار ىنتىماعى قىزمەتىنە دە باسا نازار اۋدارىپ، ءار ۇلت بالدىرعاندارى مەن اتا-انالاردىڭ دوستىق قيمىلىن ۇنەمى وتكىزىپ، ۇلتتار ىنتىماعىن بالا باقشاسىن قۇرۋدىڭ ءارقايسى جاعىنا سىڭىردى. بالا باقشاسىنىڭ وقىتۋشىسى ايات امانتۇر: گۇلزينات باستىق بىزگە ۇنەمى بىرلىكتە تۇرمىس كەشىرىپ، ۇيرەنىپ، ءبىر وتباسىنىڭ ادامدارىنداي بولۋىمىز كەرەكتىگىن ايتادى،-دەدى.
گۇلزينات تۇكەن بىلاي دەدى: ءار جولى بالدىرعانداردىڭ حانزۋ ءتىلى دەڭگەيىنىڭ بارعان سايىن جاقسارعانىن كورگەندە ماقتانىش سەزىمگە بولەنەمىن. مەنىڭ كىشكەنتاي كەزىمنەن بەرگى ارمانىم ـــ بالا باقشاسىنىڭ مۇعالىمى بولىپ، وتانىمىزدىڭ بولاشاعى بولعان وسى بالدىرعانداردى مەيىر ماحابباتپەن باۋلىپ، ولاردى ەسەيگەندە مەملەكەتىمىزگە جارامدى ادام ەتىپ تاربيەلەۋ ەدى.

بەرىپ كەت ورامالىڭدى

دوستار

الىستاعى اق ەركە