جاڭا حابارلار

تاماق ساتۋ سالاسى اناعۇرلىم كوپ تۇتىنۋشىنىڭ قارسى الۋىنا بولەندى

    كەلۋ قاينارى: شينجياڭ حالىق راديو ىستانسياسى    2017-10-10 11:32:27  
ستانسيامىزدىڭ ءتىلشىسى لەي ميڭ مەن قۇمىل راديو ستانسياسىنىڭ ءتىلشىسى ليۋ يدىڭ حابارىن تىڭداڭىزدار: سوڭعى جىلداردان بەرى، زەردەلى قول تەلەفوننىڭ جەدەل جالپىلاسۋى جانە قول تەلەفون APP نىڭ جاڭالانىپ دەڭگەيىنىڭ جوعارىلاۋىنا بايلانىستى، تاماق ساتۋ سالاسى قولايلى دا تەز اقى تولەۋ ءتاسىلى جانە قاي كەز قاي جەر بولسادا جەتكىزىپ بەرەتىن قىزمەت وتەۋدىڭ ارقاسىندا، اناعۇرلىم كوپ تۇتىنۋشىنىڭ قارسى الۋىنا بولەندى.
تۇسكە تاياۋ قۇمىل قالاسى ەۋىرعۇل رايونىنداعى 90-جىلداردان كەيىن تۋعان قىزمەتكەر لي شيۋرۇڭ كەڭسەسىندە قول تەلەفونى ارقىلى توراپقا شىعىپ تۇسكى اسىن تاڭدادى. اقىرى 20 يۋاندىق سيىر ەتى كارتوپ قۋىرماشىنا تاپسىرىس بەردى. ول: «قازىر قىزمەتتەگىلەر قاتتى قاربالاس، ۇيدە تاماق ازىرلەگىسى كەلمەگەندە سىرتتان تاماق الدىرادى، تاماق تا تەز جەتكىزىلەدى. كەيدە اسحانالار ءتيىمدى باعادا ساتۋ قيمىلىن دا وتكىزەدى. توتەنشە قولايلى بولعاندىقتان، توراپتان تاماق الۋدى قالايمىز»،-دەدى.
ءۇرىمجى قالاسى سولتۇستىك بەيجيڭ كوشەسىندەگى بەلگىلى جۇڭگو تاعامدارى اسحاناسىنىڭ قوجايىنى ۋاڭ گوحۇڭ تىلشىگە، اسحانانىڭ نەگىزىنەن تەز شىعاتىن تاعام ازىرلەۋدى نەگىز ەتەتىندىكتەن، سونداي-اق تاعامعا كوبىنەسە جاستار تاپسىرىس بەرەتىندىكتەن، ءار كۇنى توراپتاعى تاپسىرىس سانىنىڭ اسحاناداعى حاريداردان دا اسىپ تۇسەتىندىگىن ايتا كەلىپ: «قازىرگى توراپ ەرەكشە دامىعان، اسحانانىڭ ساتاتىن تاعامنىڭ تاپسىرىس مولشەرى دە ۇزدىكسىز ارتىپ وتىر، قازىر توراپتا تاعامعا تاپسىرىس بەرۋ توتەنشە قولايلى، بۇل ساۋداگەرلەر جونىنەن دە اسا ءتيىمدى»،-دەدى.
ءتىلشى، اسحانانىڭ تاماق ساتۋ تاپسىرىسىن قابىلداعاننان باستاپ تاماقتى ازىرلەپ، تاماق جەتكىزۋشىنىڭ جولعا شىققانىنا دەيىن 15 مينۋتقا جەتپەيتىن ۋاقىت جۇمساعانىن كوردى. تاماق جەتكىزۋشى نيە حاۋ تىلشىگە، حاريدار كوبەيگەندە، كۇنىنە بىرەۋىنىڭ كوپ بولعاندا 50 دەي جەرگە تاماق جەتكىزەتىنىن ايتا كەلىپ: «مەنىڭ وسى اراعا كەلگەنىمە ءبىر جارىم جىلداي بولدى، ءار كۇنى تاپسىرىستى ۋاعىندا قابىلداپ، تاماق جەتكىزەمىن، بۇل جاپالى جۇمىس بولعانىمەن، حاريدارلاردىڭ ريزالىعىنا يە بولعاندا قۋانامىن، ءارى قايراتتانا تۇسەمىن»،-دەدى.

بەرىپ كەت ورامالىڭدى

دوستار

الىستاعى اق ەركە