باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تىلەك پەن كۇشتى بىرىكتىرىپ، جاراسىمدى مەكەندى جۇمىلا گۇلدەندىرەيىك

    كەلۋ قاينارى: شينجياڭ گازەتى    2017-10-10 19:20:09  

−پارتيانىڭ 18-قۇرىلتايىنان بەرگى شينجياڭنىڭ شۇعىلالى جەتىستىكتەرى تۋرالى شولۋ
ءتىلشىمىز لي ياڭ

 بيىل الدىڭعى جارتى جىلدا، اۆتونوميالى رايوننىڭ وڭىرلىك ىشكى ءوندىرىس جالپى ءونىم قۇنى 436 ميلليارد 298 ميلليون يۋانعا جەتىپ، سايكەستى مەزگىلدەگىدەن %7.2 ءوستى، ءوسۋ جىلدامدىعى مەملەكەتتىڭ ورتاشا دەڭگەيىنەن 0.3 پايىز جوعارى بولدى؛
  تۇراقتى مۇلىككە سالىنعان قارجى سايكەس مەزگىلدەگىدەن %27.8ءوسىپ، مەملەكەت بويىنشا ءبىرىنشى ورىنعا كوتەرىلدى؛
  ادەتتەگى الەۋمەتتىك مەجە ەسەپ كىرىسى سايكەس مەزگىلدەگىدەن %24.6ءوسىپ، ارتۋ قارقىنى بىلتىرعى سايكەس مەزگىلدەگىدەن 21.2پايىز جوعارى بولدى.
  ساياحات بازارى گۇلدەنىپ، مەملەكەت مەرەكەسىنە بەرىلگەن ۇزاق دەمالىستا قابىلدانعان ساياحاتشى مەن ساياحاتتىق تۇتىنۋ جاڭا بيىككە كوتەرىلدى.
  ورنىقتىلىق − دامۋدىڭ العى شارتى، شينجياڭنىڭ گۇلدەنۋى مەن دامۋىنىڭ ىرگەتاسى. قوعامدىق جالپى جاعدايدىڭ جالپى جاقتان ورنىقتىلىعى نەگىز بولعاندىقتان عانا، شينجياڭنىڭ تابىستارى كوز تارتا الدى.
  پارتيانىڭ 18 - قۇرىلتايىنان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ جانە تياناقتاندىرىپ، باس نىسانانى باتىل نازارعا الىپ، يكەمدى دە ناتيجەلى، تياناقتى دا ءونىمدى شارالار قولدانىپ، ورنىقتىلىق پەن دامۋ ىستەرىن بار كۇشپەن ىلگەرىلەتىپ، قوعامدىق جالپى جاعدايدىڭ جالپى جاقتان ورنىقتىلىعىن ساقتادى. بۇگىنگى شينجياڭدا، ەكونوميكا مەن قوعام اقاۋسىز دامىپ، ءار ۇلت جۇرتشىلىعىنىڭ تۇرمىسى ۇزدىكسىز جاقسارىپ، ۇلتتار ىنتىماعى نىعايا ءتۇستى. قالىڭ كادر - جۇرتشىلىق تىلەك پەن كۇشتى بىرىكتىرىپ، تىنىش، ىنتىماقتى كورىكتى مەكەن قۇرۋعا جۇمىلا كىرىستى.
  تۋدى بيىك جەلبىرەتىپ، كۇش - جىگەردى شوعىرلاندىرا ەرلىكپەن العا باستى
  الميساقتان شەكارا ءوڭىر ورنىقتى بولسا، ەل ىرگەسى تىنىش بولادى؛ شەكارا ءوڭىر بۇلىنسە، مەملەكەت تىنىشتىق تاپپايدى.
  جەلكەن كوتەرىپ ساپارعا شىققاندا، باعىت - باعدار توتەنشە ماڭىزدى. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىن ستراتەگيالىق تۇرعىدان بارلاپ جانە جوبالاپ، شينجياڭ قىزمەتىن جاقسى ىستەۋ بۇكىل پارتيانىڭ، بۇكىل ەلدىڭ ءىرى ءىسى، وتاننىڭ بىرلىگىنە، ۇلتتاردىڭ ىنتىماعىنا، مەملەكەتتىڭ حاۋىپسىزدىگىنە، «قوس 100 جىل» كۇرەس نىساناسىنىڭ ورىندالۋىنا، جۇڭحۋا ۇلتتارىنىڭ ۇلى گۇلدەنۋىنىڭ ىسكە اسۋىنا قاتىستى دەپ اتاپ كورسەتتى. پارتيانىڭ جاڭا جاعدايداعى شينجياڭدى جونگە سالۋ جالپى جوباسىن تۇراقتاندىرىپ، قوعام ورنىقتىلىعى مەن باياندى تىنىشتىقتىڭ شينجياڭ قىزمەتىنىڭ باس نىساناسى ەكەندىگىن ايقىنداپ، شينجياڭ قىزمەتىن ونان سايىن جاقسى ىستەۋگە باعىت سىلتەپ، ءتۇبىرلى نەگىز بەن قۇدىرەتتى قوزعاۋشى كۇش ازىرلەدى.
  بۇگىنگى كۇندە، اۆتونوميالى رايوننىڭ جوعارى - تومەنى يدەيانى، تانىمدى، قادامدى، ارەكەتتى بىرلىككە كەلتىرىپ، بارلىق قىزمەتتى باس نىسانانى ارقاۋ ەتە وتىرىپ جوبالاپ، ورىستەتىپ، ىلگەرىلەتىپ وتىر. قالىڭ پارتيا مۇشەلەرى، كادرلار جانە ءار ۇلت جۇرتشىلىعى اسا كۇشتى جاۋاپكەرلىك، كوكەي كەستىلىك، بورىشتىلىق سەزىممەن، ورتالىقتىڭ تالاپتارىن ءتۇرلى قىزمەتتە بىرتىندەپ تياناقتاندىرىپ، بارلىق ادام جاۋاپتى بولۋدى، بارلىق ادام جاۋاپكەرلىك ارقالاۋدى، بارلىق ادام جاۋاپكەرلىگىن تولىق وتەۋدى شىنايى ىسكە اسىرىپ، باس نىسانانىڭ شينجياڭدا تامىر تارتىپ، ناقتى ناتيجە بەرۋىنە كەپىلدىك ەتۋدە.
  جۇدىرىقتاي جۇمىلىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا كۇش بىرىكتىردى
  «تيانشان رايونى ازاتتىق وڭتۇستىك جولىنداعى بيڭتۋان اۋىل شارۋاشىلىق بانكەسىنىڭ الدىنان بىرەۋ ساقشىعا دەلو مالىمدەدى، ماڭايداعى شارلاۋشى ساقشىلار دەرەۋ ءبىر جاقتى ەتسىن!». قولباسشىلىق ورتالىعىنان وسىنداي بۇيرىق بەرىلدى.
  «قۇپ!». ماڭايداعى شارلاۋشى ساقشى كۇشتەرى بۇيرىقتى تاپسىرىپ الىسىمەن، 300 مەتر جەردەگى كورسەتىلگەن جەرگە تىزگىن ۇشىمەن جونەلدى.
  ارادا 30 سەكۋند وتەر - وتپەستە، ءار جاقتاعى ساقشى كۇشتەرى وقيعا ورنىنا جەتىپ ۇلگىردى.
  بۇل تاياۋدا ءۇرىمجى قالالىق قوعام حاۋىپسىزدىگى مەكەمەسى تيانشان رايوندىق بولىمشە مەكەمەسى نانگۋان ساقشى بولىمشەسى ورىستەتكەن ەلىكتەمەلى جاتتىعۋدىڭ كورىنىسى.
  ءىس جۇزىندە، بۇنداي كورىنىس ەلىكتەمەلى جاتتىعۋدا عانا بولىپ وتىرعان جوق، بۇل قازىر شينجياڭنىڭ قوعامدىق تىزگىندەۋ ىستەرىندە ۇنەمىلىك كۇيگە اينالىپ وتىر.
  پارتيانىڭ 18 - قۇرىلتايىنان بەرى، اۆتونوميالى رايوندىق پارتكوم ورنىقتىلىقتى قورعاۋدى بارلىعىن باسىپ تۇسەتىن بۇلجىماس مىندەت، تايشان تاۋىنان دا اۋىر ساياسي جاۋاپكەرلىك رەتىندە يگەرىپ، ۇستىنەن وڭاۋ مەن تۇبىرىنەن وڭاۋدى ۇشتاستىرىپ، كەشەندى شارالار اتقارىپ، كۇن ىلگەرى، ۇساق ىستەن باستاپ جەدەل، ويداعىداي يگەرۋدى تياناق ەتىپ، «3 جاپالى شايقاس» پەن «حالىقتىق سوعىستى» باتىل، تاباندىلىقپەن ويداعىداي جۇرگىزىپ، «3 ىقپالداستىققا» تاباندى بولىپ، ورنىقتىلىقتى قورعاۋدىڭ «كەشەندى شارالارىن» جاپپاي تياناقتاندىرىپ، كەزەڭدىك تابىستارعا قول جەتكىزىپ، قوعامدىق جالپى جاعدايدىڭ جالپى جاقتان ورنىقتىلىعىن پارمەندى تۇردە قورعادى.
  − اقسۋ قالاسىنىڭ ايكول قالاشىعىنداعى 42 جاستاعى بۇسارام اۋۇت بۇگىندە ۇستىندەگى بۇرقاسىن تاستاپ، ادەمى كونسەرت كيىمىن كيىپ ءتۇرلى كونسەرت ويىندارىنا قاتىناسىپ ءجۇر، ءتىپتى، ءوز باسىنان وتكەن اڭگىمەلەردى اۋىلدىڭ ساحناسىندا سويلەپ، جانىنداعى ءتىپتى كوپ ادامنىڭ ەندىگارى بۇرىس جولعا تۇسپەۋىنە ءجون سىلتەدى. ول: بۇدان بىلاي نۇر شۇعىلا استىندا ءومىر كەشىرۋىم كەرەك، - دەيدى.
  بۇسارام قىستاقتا تۇراتىن كادرلاردىڭ كومەگى مەن تاربيەسىنىڭ ارقاسىندا ءدىني ۇشقارى يدەيانىڭ بۇعاۋىنان قۇتىلىپ، جاڭا ومىرگە قايتا قادام قويعان بۇقارانىڭ ۋاكىلى عانا. لاڭكەستىكتىڭ تامىرى − ءدىني ۇشقارى يدەيا. 5 جىلدان بەرى، رايونىمىزدىڭ جەر - جەرى، تاراۋلار فورماسى ءار الۋان، باي مازمۇندى «ۇشقارىلىقتى الاستاۋ» تاربيە قيمىلىن ورىستەتىپ، جولدان تايعانداردى قۇتقارىپ، الجاسقان بۇقارانى تاربيەلەدى. «5 ورتاق تانىم» مەن «ءۇشتىڭ ءبىر - بىرىنەن ايىرىلماۋى» يدەياسى جۇرت جۇرەگىنە ونان ارى ۇيالاپ، قوعام ورنىقتىلىعى مەن باياندى تىنىشتىقتىڭ يدەيالىق نەگىزى مەن بۇقارالىق نەگىزى ءتىپتى نىعايا ءتۇستى.
  − «ءۇش ءتۇرلى كۇشتىڭ قارا نيەت قاسكۇنەمدىگىن مىزعىماس بەكىممەن كۇيرەتەيىك!». كەريا اۋدانى جاي اۋىلدىق پارتكومنىڭ ورىنباسار شۋجيى، اۋىل باستىعى وبۇلقاسىم ءماتتۇرسىننىڭ «ۇيعۇر باۋىرلاستارعا جولداعان ويانۋ حاتى» بۇكىل رايونىمىزداعى ءار ۇلت كادرلارى مەن بۇقاراسىنا كۇشتى اسەر ەتتى. شىلدە ايىنىڭ سوڭىنا دەيىن، شينجياڭ بويىنشا 10 ميلليونعا جۋىق ادام ءار ءتۇرلى فورمالارمەن باتىل ءۇن قاتىپ، ايقىن پوزيتسيا بىلدىرۋگە قاتىناستى، ءار دارەجەلى ءتۇرلى مەديالار باتىل ءۇن قاتىپ، ايقىن پوزيتسيا ءبىلدىرۋ مازمۇنىندا 25 مىڭ نۇسقانىڭ ۇستىندە اۆتورلى ماقالا جاريالادى.
 − قاشقار جاڭاشار اۋدانى ياپچان قالاشىعى تارقۇملۇق قىستاعىنىڭ شارۋالار كەشكى مەكتەبىندە قىستاق تۇرعىندارى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەت اترەتىنىڭ مۇشەلەرىنەن مەملەكەتتىڭ ورتاق قولدانىلاتىن ءتىلىن ۇيرەنىپ جاتتى. اۆتونوميالى رايوندىق حالىق ۇكىمەتى كەڭسەسىنىڭ تارقۇملۇق قىستاعىندا تۇراتىن قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى ءدىلنۇر ازەز قىستاقتاعى جاستاردىڭ مەملەكەتتىڭ ورتاق قولدانىلاتىن ءتىلىن ۇيرەنۋ ورەسىنىڭ ءبىرتالاي جوعارىلاپ، سىرتقا شىعىپ جۇمىس ىستەۋگە قولايلىلىق اكەلگەنىن ايتتى.
  ۇزبەي ىشكەرىلەي ورىستەتىلگەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى، «ۇلتتار ىنتىماعىنىڭ بەرەكەلى شاڭىراعى» اتىنداعى جۇپ قۇراۋ، تۋىس بولۋ جانە ۇلتتار ىنتىماعى دوستىق قيمىلى بۇگىندە كورنەكتى ونىمگە جەتىپ وتىر. 270 مىڭ پارتيا مۇشەسى مەن كادر نەگىزگى ساتىدا تامىر تارتىپ، بۇقارانىڭ پىكىرىنە قۇلاق اسىپ، حالىققا تيىمدىلىك جاساۋ ساياساتىن تياناقتاندىرىپ، نەگىزگى ساتى ۇيىمدارىن كۇشەيتىپ، نىعايتتى؛ ءبىر ميلليون 90 مىڭنان استام كادر، جۇمىسشى - قىزمەتكەر اۋىل - قالاشىقتارداعى، قىستاق - گرۋپپالارداعى ەگىنشى - مالشىلارمەن تۋىس بولدى... نەگىزگى ساتىنى يگەرۋ، نەگىز قالاۋ، بۇقارانى اتتانىسقا كەلتىرۋ، بۇقاراعا قىزمەت كورسەتۋ ارقىلى، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋدىڭ مىعىم نەگىزى قالاندى.
  ادامدار ورنىقتىلىقتى ويلاپ، ۇدەرە العا تارتۋدا جاڭا جاعداي اشىلدى
  پارتيا ورتالىق كوميتەتىنىڭ ىزگى تىلەگى مەن شىنايى قامقورلىعىن ارقالاعان قوعام ورنىقتىلىعى مەن باياندى تىنىشتىق باس نىساناسى اسقاق الاۋداي تيانشان ۇلاندارىنىڭ شابىتىن شالقىتىپ، قۇدىرەتتى وڭ ەنەرگيا توپتادى. نازاردى باس نىساناعا شوعىرلاندىرىپ، باس نىسانانى كوزدەپ، باس نىسانانى تياناقتاندىرىپ، شينجياڭداعى ءار ۇلت كادرلارى مەن بۇقاراسى جالىندى شابىتپەن ۇدەرە العا تارتتى. 5 جىلدان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، قالىڭ پارتيا مۇشەلەرىنىڭ، كادرلاردىڭ، بۇقارانىڭ رۋحاني بەينەسى شىت جاڭا بەينەگە ەندى. «ءۇش ءتۇرلى كۇش» كوشەدەن وتكەن تىشقاننىڭ كۇيىنە ءتۇسىپ، كادرلار مەن بۇقارانىڭ ايدارىنان جەل ەستى. تيانشاننىڭ تۇستىگى مەن تەرىستىگىندە ادامدار ورنىقتىلىقتى، جونگە سالۋدى ويلادى. ءار ۇلت حالقىنىڭ ويى ءبىر جەردەن شىعىپ، كۇشتى ءبىر جەرگە جۇمساپ، جۇرتتىڭ ءبارى باس نىسانانى تياناقتاندىرۋ ۇلى ىسىنە ەرلىكپەن ۇمتىلدى.
  حىبەيدىڭ شىجياجۋاڭىنان شىققان ليۋ يۋەلين قاشقار قالاسىنىڭ داگاڭ اۋىل شارۋاشىلىعى ساۋدا بازارىندا كەزدەمە ساۋداسىمەن شۇعىلدانادى. «ءبىز بۇل جەردە الاڭسىز ءومىر كەشۋدەمىز، قوعام اماندىعى ورتاسى جاقسى، توڭىرەكتە حالىق ساقشىلارى شارلاپ جۇرەدى، بازاردان 200 مەتر كەلەتىن جەردە نانحۋ كوشەسىنىڭ شىعار اۋزىندا حالىققا قولايلى ساقشى ىستەرى پۋنكتى بار. جۇرت زاتتى الاڭسىز ساتىپ الادى، ارينە، ساۋدامىز دا جاقسى»، - دەدى ول.
  5 جىلدان بەرى، بۇكىل رايونىمىزدىڭ جەر - جەرىندە تىنىش ورىن قۇرۋ قيمىلىن ىلگەرىلەتۋ سەرپىنى ۇزدىكسىز كۇشەيىپ، قوعامنىڭ ءار سالاسىنداعى كۇشتەر تىنىش ورىن قۇرۋ قيمىلىنا ات سالىستى. جۇرتشىلىقتىڭ رازىلىق دەڭگەيى ءبىرشاما جوعارى بولىپ، جۇرتشىلىقتىڭ حاۋىپسىزدىك سەزىمى ورنىقتى تۇردە كوتەرىلدى. تەك 2016 - جىلدىڭ وزىندە، شينجياڭدا 2 تىنىش ايماق (وبلىس، قالا)، 12 وزات تىنىش اۋدان (قالا، رايون)، 4 تىنىش اۋدان (قالا، رايون)، 48 وزات تىنىش اۋىل - قالاشىق (ءمالى) قۇرىلدى.
  5 جىلدان بەرى، شينجياڭداعى ءار ۇلت بۇقاراسى سودىرلاردى قورشاپ ۇستاۋعا، بەلسەندىلىكپەن اشكەرەلەۋگە، ەرلىكپەن سوققى بەرۋگە وزدىكتەرىنەن ات سالىسىپ، جان الىسىپ جان بەرىسكەن سىناقتا جاۋعا تەگىس كەكتەنىپ، وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن قورعاۋدىڭ قۇرىش قامالىن تۇرعىزدى.
  5 جىلدان بەرى، ستيل قۇرىلىسى پارتيا ستيلىن، ۇكىمەت ستيلىن جاڭالاپ، پارتيا مەن حالىق تىلەگىن جەلپىنتتى. ءار ۇلت بۇقاراسى: اسپان سول اسپان، جەر سول جەر، ءبىراق ادامداردىڭ يدەيالىق تانىمى وزگەردى، رۋحاني كۇيى وزگەردى، باسشىلاردىڭ ستيلى وزگەردى، - دەپ تەبىرەندى.
  5 جىلدان بەرى، اۆتونوميالى رايوندىق پارتكوم نەگىزگى ساتىنى يگەرۋدى، نەگىز قالاۋدى بۇلجىماستان شينجياڭدى ورنىقتىرۋدىڭ بولاشاقتىق جوسپارى جانە نەگىزگى بەكەمدەۋ شاراسى ەتتى. ورىنباسار ءبولىم دارەجەدەن جوعارى مىڭنىڭ ۇستىندەگى پارتيالى كادردى قىستاقتىڭ ءبىرىنشى شۋجيلىگىنە تاعايىنداپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ 8000عا تاياۋ اترەت باستىعىن نەمەسە مۇشەسىن قىستاق پارتيا ۇيىمىنىڭ ءبىرىنشى شۋجيلىك مىندەتىن قوسىمشا وتەۋگە دايىنداپ، بۇكىل شينجياڭداعى قىستاق (الەۋمەتتىك اۋماق) پارتيا ۇيىمدارى ءبىرىنشى شۋجيلەرىنىڭ جاپپاي قامتۋىن جۇزەگە اسىردى. ءالسىز، بىتىراڭقى نەگىزگى ساتى پارتيا ۇيىمدارىن كۇش سالا رەتتەدى. نەگىزگى ساتىداعى ءتۇرلى كۇشتەردىڭ «ءبىر ارقان» بولىپ ەسىلىپ، «ءبىر تور» بولىپ توقىلىپ، ماگنيتتەي ءار ۇلت بۇقاراسىن تىعىز بىرىكتىرۋىن ىلگەرىلەتتى.   مەيلى جەل قالاي سوقسا دا، مىزعىتا الماس تامىرى تەرەڭ بايتەرەكتى. شينجياڭداعى ءار ۇلت كادرلارى مەن بۇقاراسى نازاردى باس نىساناعا شوعىرلاندىرىپ، باس نىسانانى كوزدەپ، باس نىسانانى تياناقتاندىرىپ، اۆتونوميالى رايوندىق پارتكومنىڭ ورنىقتىلىقتى قورعاۋ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرا السا بولعانى، ءسوز جوق، شينجياڭدى ويداعىداي قورعايتىندىعىنا، دامىتاتىندىعىنا سەنەمىز.

ءان الەمى

جول توسىلىپ قالدى

تۇلپارىم