جاڭا حابارلار

اۆتونوميالى رايوندىق پارتكوم ەمدەۋ-دەنساۋلىق ساقتاۋعا ۇسىنىلىم قوسۋ تەبىنىن ۇزدىكسىز ارتتىرىپ، «سالاماتتى شينجياڭ» قۇرىلىسىن ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2017-10-11 11:18:46  
شينجياڭ گازەتىنىڭ حابارى: پارتيانىڭ 18-قۇرىلتايىنان بەرى، اۆتونوميالى رايوندىق پارتكوم ەمدەۋ ارقىلى حالىققا تيىمدىلىك جاساۋدى ماڭىزدى حالىق تۇرمىسى ينجەنەرياسى جانە حالىق تىلەگى ينجەنەرياسى دەپ قاراپ، ەمدەۋ-دەنساۋلىق ساقتاۋعا ۇسىنىلىم قوسۋ تەبىنىن ۇزدىكسىز ارتتىرىپ، «سالاماتتى شينجياڭ» قۇرىلىسىن ىلگەرىلەتتى، حالىق بۇقاراسىنىڭ دەنساۋلىق دەڭگەيى كورنەكتى جوعارىلاپ، «بارلىق ادام نەگىزگى ەمدەۋ-دەنساۋلىق ساقتاۋ قىزمەت وتەۋىنەن» يگىلىكتەنۋ نىساناسىن جۇزەگە اسىرۋعا بەرىك نەگىز قالادى.
«سالاماتتى شينجياڭنىڭ» جاڭا جوباسى 23 ميلليوننان استام ءار ۇلت بۇقاراسىنىڭ ورتاق تىلەگى. بارلىق ادام ساۋ-سالامات، بارلىق ادام باقىتتى بولۋ ءداۋىردىڭ ءۇنى، سونداي-اق بۇقارانىڭ ارمانى.
«جالپى حالىقتىڭ دەنساۋلىعىن تەگىن تەكسەرۋ ءىسىن قىستاقتاعى ۇلكەن-كىشى تۇگەل بىلەدى. جىلىنا ءبىر رەت تەكسەرىلەدى، تەكسەرۋ ۋاقىتى كەلگەندە، جابال بارىپ دەنساۋلىعىن تەكسەرتەدى. ناۋقاسى بولسا ەرتە بايقاپ، ەرتە ەمدەتەدى، ەمدەۋگە كەتەتىن قاراجاتتى دا ۇنەمدەيدى، بۇل ەگىنشى-مالشى قاۋىمعا ۇلكەن جاقسىلىق قوي»،-دەيدى جالپى حالىقتىڭ دەنساۋلىعىن تەگىن تەكسەرتۋ جايلى حوتان ايماعى قاراقاش اۋدانى ءتوۋات اۋىلى اياق ەسكى قىستاعىنىڭ تۇرعىنى مامەت ءيمىن اقمەتنياز قۋانىشپەن باس بارماعىن شىعارىپ. اۆتونوميالى رايونىمىزدىڭ حالىققا تيىمدىلىك جاساۋداعى ءبىر ماڭىزدى شاراسى رەتىندە، 2016-جىلى قىركۇيەكتە اۆتونوميالى رايونىمىز شينجياڭعا قاراستى بارلىق قالا، اۋىل تۇرعىندارىنىڭ دەنساۋلىعىن جىلىنا ءبىر رەت جاپپاي تەگىن تەكسەرۋدى بەلگىلەپ، ءار ۇلت بۇقاراسىن ءتىپتى دە حاۋىپسىز، ءونىمدى، قولايلى ەمدەۋ قىزمەت وتەۋمەن قامتاماسىز ەتتى.
344 ماماننان قۇرام تاپقان 82 ەمدەۋ اترەتى جەر-جەرگە اتتانىپ، وڭتۇستىك شينجياڭداعى 3 ايماق، ءبىر وبلىستاعى حالىق سانى مول، شەت-شالعاي ەگىن، مال شارۋاشىلىعى رايوندارىن، ەمدەۋ-دەنساۋلىق ساقتاۋ بايلىعى سالىستىرمالى مەشەۋ اۋدان-قالالاردى ءتۇيىن ەتىپ بۇل قىزمەتكە كومەكتەستى جانە تەحنيكالىق جەتەكشى بولدى.
اۆتونوميالى رايوننىڭ جالپى حالىقتىڭ دەنساۋلىعىن تەگىن تەكسەرۋىنەن يگىلىكتەنگەن بۇقارا بارعان سايىن مولايدى. جۋىقتا بەلگىلەمە شىعارىپ، بيىل 1-قازاننان بەرى ءۇرىمجى قالاسى قالا-قالاشىق قىزمەتكەرلەرىنىڭ نەگىزگى ەمدەۋ ساقتاندىرۋىنا قاتىناسقان ءارى ساقتاندىرۋعا قاتىناسقان مەزگىلدە ءۇرتىس 2 جىلدان استام ۋاقىتتا اۋىرۋحاناعا جاتپاعان قالا-قالاشىق قىزمەتكەرلەرى مەن يكەمدى كاسىپتەنىپ قامسىزداندىرۋعا قاتىناسقان ادامدار ءتۇيىندى بەلگىلەنگەن ەمدەۋ تاراۋلارىندا دەنساۋلىعىن تەگىن تەكسەرتۋىنە بولادى، دەنساۋلىعىن تەكسەرتۋ اقىسى ادام باسىنا 600 يۋاندىق ولشەممەن ەمدەۋ قامسىزداندىرۋى قورىنان تولەنەدى دەپ بەلگىلەدى. اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ ساناعىندا كورسەتىلۋىنشە، بيىل اقپانعا دەيىن اۆتونوميالى رايوننىڭ 1-كەزەڭدەگى جالپى حالىقتىڭ دەنساۋلىعىن تەگىن تەكسەرۋ ينجەنەرياسىنا جالپى ءبىر ميلليارد 499 ميلليون يۋان قارجى قوسىلىپ، دەنساۋلىق تەكسەرۋ مولشەرى %100كە جەتىپ، جالپى حالىقتىڭ دەنساۋلىعىن تەگىن تەكسەرۋدە جاپپاي قامتۋ جۇزەگە اسقان.
وسى نەگىزدە 2-كەزەڭدەگى جالپى حالىقتىڭ دەنساۋلىعىن تەگىن تەكسەرۋ ينجەنەرياسىنا قارجى قوسىلىمى ۇزدىكسىز ارتىپ، شامامەن ءبىر ميلليارد 785 ميلليون يۋان قوسىلادى دەپ مەجەلەنىپ وتىر. ەڭ جاڭا مالىمەتتەردە كورسەتىلۋىنشە، 31-تامىزعا دەيىن اۆتونوميالى رايونىمىزدا 2-كەزەڭدە 6 ميلليون 777 مىڭ ادام دەنساۋلىعىن تەكسەرتىپ بولعان، مۇنىڭ ىشىندە وڭتۇستىك شينجياڭداعى 3 ايماق، ءبىر وبلىستا 4 ميلليون 584 مىڭ 200 ادام بار.
دەنساۋلىق دوڭگەلەك داۋلەتتى دەڭگەيگە جەتۋدىڭ جەبەۋشىسى، تاماشا تۇرمىسقا كەنەلۋ حالىق تىلەگى. قازىر جالپى حالىقتىڭ دەنساۋلىعىن تەگىن تەكسەرۋ ينجەنەرياسى بۇكىل شينجياڭداعى ءار ۇلت بۇقاراسىنىڭ تۇراقتاندىرۋى مەن شىن جۇرەكتەن القاۋىنا يە بولدى. وڭتۇستىك شينجياڭنىڭ اۋىل-قىستاقتارىندا جالپى حالىقتىڭ دەنساۋلىعىن تەكسەرۋگە قاتىناسۋ جالپىنىڭ ورتاق تانىمىنا اينالدى، قىستاق تۇرعىندارىنىڭ دەنساۋلىق دەڭگەيى جوعارىلاپ عانا قالماستان، دەنساۋلىق تانىمى دا ۇزدىكسىز كۇشەيدى.

بەرىپ كەت ورامالىڭدى

دوستار

الىستاعى اق ەركە