جاڭا حابارلار

بۇقارا مادەنيەت ويىندارىن ەسىگىنىڭ الدىنان-اق تاماشالاي الاتىن بولدى

    كەلۋ قاينارى: شينجياڭ حالىق راديو ىستانسياسى    2017-10-11 11:34:26  
ستانسيامىزدىڭ ءتىلشىسى دۇڭ حىيۇڭ مەن ەرىكتى ءتىلشى ليۋ ي، مىڭ شياڭيۇيداردىڭ حابارىن تىڭداڭىزدار: رايونىمىزدىڭ مادەنيەت جاعىندا حالىققا تيىمدىلىك جەتكىزۋ ينجەنەرياسىنىڭ ۇزدىكسىز ىلگەرلەۋىنە بايلانىستى، بۇقارا مادەنيەت ويىندارىن ەسىگىنىڭ الدىنان-اق تاماشالاي الاتىن بولدى.
تاياۋدا، ءۇرىمجىنىڭ مادەنيەت جاعىندا حالىققا تيىمدىلىك جەتكىزۋ كارتىشكاسى كۇزدىك ويىن قويۋ مەزگىلى باستالدى. ءۇرىمجى قالالىق مادەنيەت مەكەمەسى مەن چۇڭچيڭ-303 تەاترحاناسى سەلبەسۋگە كەلىسىپ، وسى تەاترحانانىڭ ەكى تەاترى ەنگىزىلىپ، ويىن قويۋ مەزگىلىندە ورىندالادى. سونىمەن بىرگە، ءۇرىمجى قالالىق مادەنيەت مەكەمەسى تاعى دا مادەنيەت جاعىندا حالىققا تيىمدىلىك جەتكىزۋ كارتىشكاسىن تاراتىپ، ۇكىمەت قوسىمشا قاراجات بەرۋ ۇلگىسىمەن، بۇقارانىڭ اناعۇرلىم ارزان باعادا ساپالى ويىن نومىرلەرىن تاماشالاۋىنا مۇمكىندىك جاسادى. ءۇرىمجى قالاسىنىڭ تۇرعىنى لي يۋە: «مەن بۇگىن دوستارىممەن بىرگە تەاتر كورۋگە كەلدىم، مادەنيەت جاعىندا حالىققا تيىمدىلىك جەتكىزۋ كارتىشكاسىمەن بەلەت ساتىپ الدىم، بۇل تەاتر ەرەكشە تارتىمدى ەكەن. وسى تەاتردىڭ چۇڭچيڭدا جانە شاڭحايدا ورىندالعانىن، بەلەت باعاسىنىڭ قىمبات ەكەنىن ەستىدىم، مادەنيەت جاعىندا حالىققا تيىمدىلىك جەتكىزۋ كارتىشكاسى شىنىندا دا ءتيىمدى بولدى»،-دەدى.
پارتيا 18-قۇرىلتايىنان بەرى، وتە-موتە، ج ك پ اۆتونوميالى رايوندىق 9-قۇرىلتايىنان بەرى، رايونىمىز مادەنيەت ىستەرىنە قارجى قوسۋ تەبىنىن ارتتىردى. قازىر رايون، ايماق، اۋدان، اۋىل، قىستاق سىندى 5 دارەجەلىنى قامتىعان الەۋمەتتىك مادەنيەت قىزمەتىن وتەۋ جۇيەسى نەگىزىنەن قالىپتاسىپ، قۇرىلعى، قىزمەت وتەۋ، ادام سياقتى جاقتاردىڭ جۇيەلەنۋى مەن قامتاماسىزداندىرىلۋى نەگىزگى ساتى بۇقاراسىنىڭ مادەنيەت كوڭىل اشۋ قيمىلدارىنان اناعۇرلىم ويداعىداي يگىلىكتەنۋىنە بەرىك نەگىز قالادى. بۇگىنگى كۇندە، بۇقارا رايونىمىزدىڭ ءىشى-سىرتىنىڭ كاسىپتىك ۇيىرمەلەرىنىڭ جوعارى دەڭگەيدەگى ويىن نومىرلەرىنەن ءلاززاتتانا الۋدان سىرت، تاعى دا ەسىگىنىڭ الدىندا حالىقتىق كوركەمونەر ۇيىرمەلەرىنىڭ تارتىمدى ويىندارىن تاماشالاي الادى، اۋەلى وعان قاتىناسىپ، وزدەرى قۇراستىرىپ ورىنداپ، كوڭىل اشۋىنا بولادى.
قۇمىل قالاسى ەۋىرعۇل رايونى لي-يۋان شاعىن رايونىندا قۇمىل قالالىق قارعالداق كوركەمونەر ۇيىرمەسى تۇرعىندارعا ءبىر كەزەكتى ادەبيەت-كوركەمونەر ويىنىن تارتۋ ەتتى. «كورىكتى شينجياڭ، كورىكتى قۇمىل» اتتى حور ايتۋ، «ۇلتتار ىنتىماعىنىڭ گۇلى ـــ پاشاحان» اتتى ءداستۇرلى ۇلتتىق ءبي ورىنداۋ، «19-قۇرىلتايعا ارناپ ءان سالىپ، پارتيانى جىرلايىق» اتتى ولەڭ وقۋ سياقتى تارتىمدى ويىن نومىرلەرى كورەرمەندەردىڭ قارسى الۋىنا بولەندى. شاعىن رايوننىڭ تۇرعىنى ۋاڭ جىيۇڭ: «لي-يۋان شاعىن رايونىندا ادەبيەت-كوركەمونەر قيمىلدارى ءجيى وتكىزىلەدى. ويىن نومىرلەرىنىڭ مازمۇنى مول، كوپشىلىك قىزۋ قارسى الادى. ءاربىر ادامنىڭ مادەنيەت تۇرمىسىن تۇرلەندىرىپ، كسىنى جەلپىندىرىپ، وڭ ەنەرگيانى ساۋلەلەندىرەدى»،-دەدى.
قۇمىل قالالىق قارعالداق كوركەمونەر ۇيىرمەسى ءبي اترەتىنىڭ باستىعى جياڭ شۋجىن: «ۇيىرمەمىز الەۋمەتتىك اۋماقتىڭ مادەنيەت تۇرمىسىنىڭ مازمۇنىن بايىتتى، ويىن-ساۋىق ورنالاستىرىلسا، ويىن قويامىز، بۇل دەنساۋلىعىمىزعا دا ءتيىمدى بولدى. ءبىزدىڭ رۋحاني بەت-بەينەمىز ادەتتەگى ادامدارعا ۇقسامايدى، گۇلدەي جايناپ جۇرەمىز»،-دەدى.

بەرىپ كەت ورامالىڭدى

دوستار

الىستاعى اق ەركە