باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

حالىققا وقۋ-اعارتۋ جاعىنان تيىمدىلىك جەتكىزىپ، شينجياڭنىڭ بولاشاق ءۇمىتىن ارقالادى

    كەلۋ قاينارى: شينجياڭ حالىق راديو ىستانسياسى    2017-10-11 11:41:10  
ستانسيامىزدىڭ تىلشىلەرى ياڭ جيانچياۋ، ديڭ شياۋدان، ايبىنعازى راحىمان ۇلىنىڭ حابارىن تىڭداڭىزدار: اۋىل-قىستاقتاردا وقۋعا تۇسۋدەن بۇرىنعى 3 جىلدىق تەگىن قوس ءتىل وقۋ-اعارتۋىن جالپىلاستىرۋ، وڭتۇستىك شينجياڭدا وقۋعا تۇسۋدەن بۇرىنعى قوس ءتىل وقۋ-اعارتۋىنا كادرلاردىڭ كومەكتەسۋ قىزمەتىن اتقارۋ، كەدەي رايوندارداعى مىندەتتى وقۋ-اعارتۋى ءالسىز مەكتەپتەردىڭ نەگىزگى مەكتەپ باسقارۋ شارت-جاعدايىن جاپپاي جاقسارتۋ سياقتىلار اتقارىلدى. ج ك پ اۆتونوميالى رايوندىق 9-قۇرىلتايىنان بەرى، حالىققا وقۋ-اعارتۋ جاعىنان تيىمدىلىك جەتكىزۋ ينجەنەريالارى شينجياڭنىڭ جەر-جەرىندە اتقارىلىپ تياناقتانىپ، بالالاردى اناعۇرلىم ويداعىداي وقىتۋ شارت-جاعدايىنان يگىلىكتەندىردى.
حوتان اۋدانى ۇزىنسور اۋىلى يىگىلەك قىستاعىنداعى قوس ءتىل بالالار باقشاسىنىڭ ورتا كلاسىندا، بالالار وقىتۋشىعا ىلەسە بالالار ءانىن ۇيرەنىپ جاتىپتى. جاڭادان سالىنعان وسى اۋىل-قىستاق قوس ءتىل بالالار باقشاسى بيىل 1-قىركۇيەكتە رەسمي پايدالانۋعا بەرىلگەن، قىستاقتاعى 79 بالا وسىدان باستاپ وتباسى ماڭىندا تاماشا وقىتۋدان يگىلىكتەندى. ۇلكەن كلاستاعى 6 جاسار بالدىرعان ءيبرايىم ءماتتۇرسۇن: جاڭا ۇستەل، ورىندىق، جاڭا توسەك، تەلەۆيزور بار، مەن بالالار باقشاسىن جاقسى كورەمىن، كوپتەگەن جاقسى دوستارىم بار،-دەدى.
بىلتىر قىركۇيەكتە، اۆتونوميالى رايوندىق پارتكوم اۋىل-قىستاقتاردا وقۋعا تۇسۋدەن بۇرىنعى تەگىن قوس ءتىل وقۋ-اعارتۋىن جالپىلاستىرۋدى حالىققا وقۋ-اعارتۋ جاعىنان تيىمدىلىك جەتكىزۋدەگى ءبىرىنشى ءنومىرلى ينجەنەريا ەتىپ تۇراقتاندىرعان بولاتىن. بۇگىنگى كۇندە جاڭادان جانە كەڭەيتىپ سالىنعان 4 مىڭ 408 قوس ءتىل بالالار باقشاسى جاپپاي پايدالانۋعا بەرىلىپ، شينجياڭنىڭ اۋىل-قىستاقتارىنداعى وقۋعا تۇسۋدەن بۇرىنعى 3 جىلدىق وقۋ جاسىنا تولعان ءبىر ميلليون 176 مىڭ 200 بالا بالالار باقشاسىنا تەگىن كىردى. حوتان قالاسىنىڭ تۇرعىنى بيىلققىز اۋىت بىلاي دەدى: قازىر بالالارىمىز بالالار باقشاسىندا تەگىن وقىپ عانا قالماستان، بارلىق قۇرىلعىلارى تولىق، بالالاردىڭ وقۋ ورتاسى دا وتە تاماشا. 19-قۇرىلتاي تاياپ قالدى، اناعۇرلىم كوپ جاقسى ساياساتتاردىڭ شىعاتىنىنا سەنىمىمىز كامىل.
اۋىل-قىستاقتاردا قوس ءتىل وقىتۋشىلارى تاپشى بولۋ ماسەلەسىن شەشۋ ءۇشىن، اۆتونوميالى رايون وڭتۇستىك شينجياڭنىڭ قوس ءتىل وقۋ-اعارتۋىنا كادرلار كومەكتەسۋ قىزمەتىن باستاپ اتقارىپ، 3 مىڭ كادردى وڭتۇستىك شينجياڭنىڭ وقۋ-اعارتۋىنا كومەكتەسۋگە تاڭداپ جىبەردى. اۆتونوميالى رايوندىق جوعارى حالىق سوتىندا قىزمەت ىستەيتىن شايدەن تۇرسۇن بيىل قاراقاش اۋدانى ءتوۋات اۋىلى قۇمبويى قىستاعىنا بارىپ، قىستاقتاعى قوس ءتىل بالالار باقشاسىنىڭ وقىتۋىنا كومەكتەستى، ول تىلشىگە بىلاي دەدى: نە ءبارى ءبىر ايدا، بالالار باقشاسى وقۋ-اعارتۋى جونىندە العاشقى ادىمداعى تانىمعا جانە تۇسىنىككە يە بولدىم. الداعى وقۋ-اعارتۋعا كومەكتەسۋ قىزمەتى بارىسىندا ءتۇيىندى مىقتى يگەرىپ، وقۋ-اعارتۋدىڭ مازمۇنى مەن تاسىلىندە جاڭالىق اشامىن، كوپ مەديا جابدىقتارى ارقىلى بالالاردىڭ كوز اياسىن اشىپ، مەكتەپتە باي مازمۇندى مادەنيەت قيمىلدارىن ورىستەتىپ، بالالاردى العىس ايتا بىلۋگە، سۇيىسپەنشىلىك باعىشتاۋعا جانە بەس مۇراتتاستىق تانىمىن ورناتۋعا باستاپ، 19-قۇرىلتايدىڭ جەڭىسپەن اشىلۋىن كۇش سالا قارسى الامىز.
وقۋ-اعارتۋ ارقىلى كەدەيلىكتەن قۇتىلدىرۋدان قامال الۋدى ىشكەرلەي ىلگەرلەتۋ ءۇشىن، وڭتۇستىك شينجياڭدى ءتۇيىن ەتىپ، تۇتاس شينجياڭ 2 ميلليون 310 مىڭ وقۋشىعا ساياتىن 13 ميلليارد 348 ميلليون يۋاندىق «كەدەي رايوندارداعى مىندەتتى وقۋ-اعارتۋى ءالسىز مەكتەپتەردىڭ نەگىزگى مەكتەپ باسقارۋ شارت-جاعدايىن جاپپاي جاقسارتۋ» ارناۋلى قارجىسىن تياناقتاندىردى. مۇنان سىرت، وقۋ-اعارتۋدىڭ ادىلدىگىنە كەپىلدىك ەتىپ، وقىتۋشىلاردىڭ بەلسەندىلىگىن اناعۇرلىم جۇمىلدىرۋ ءۇشىن، شينجياڭداعى ءار دارەجەلى ءتۇرلى مەكتەپتەردە وقىتۋدى باسقارۋ تاسىلىندە جاڭالىق اشۋ ارقىلى وقۋ-اعارتۋ ىستەرىنىڭ جالعاستى، اقاۋسىز دامۋىن جەبەدى. اقسۋ قالالىق وقۋ-اعارتۋ مەكەمەسىنىڭ ورىنباسار باستىعى ۋاڭ نىڭكاۋ تانىستىرا كەلىپ بىلاي دەدى: بيىل اقسۋ قالاسى توپتانعان مەكتەپ باسقارۋ ۇلگىسىن اتقارىپ، قالا رايونىنداعى 16 ءتۇيىندى ورتا، باستاۋىش مەكتەپتى 4 اۋىل، ەكى قالاشىقتاعى 62 اۋىل-قىستاق مەكتەبىمەن، قالا رايونىنداعى 15 ءالسىز مەكتەپپەن سەلبەسىپ دامىتۋ وقۋ-اعارتۋ توبىن قۇردى. وسى 16 وقۋ-اعارتۋ توبىندا جەكە-جەكە 16 ءتۇيىندى مەكتەپ بار، وقۋ-اعارتۋ، وقىتۋ ساپاسى وتە جوعارى، باسقارۋى وتە جۇيەلى. قىستاق دارەجەلى مەكتەپتەردىڭ باستىقتارى توبىمىزدىڭ باس مەكتەبىنەن وقۋ-اعارتۋعا كومەكتەسۋگە جىبەرىلگەن وقىتۋشىلاردان تاعايىندالدى. توبىمىزدىڭ باس مەكتەبىنە قاراستى بولىمشە مەكتەپتەر بار، قالا-اۋىلداعى وقىتۋشىلاردى ۇشتاستىرامىز، وسى ارقىلى قالا-اۋىل سەلبەسىپ دامۋ جاعدايىن قالىپتاستىردىق. اۆتونوميالى رايوندىق وقۋ-اعارتۋ مەڭگەرمەسىنىڭ ورىنباسار باستىعى شياڭ ياڭ بىلاي دەدى: مەملەكەتىمىزدىڭ ورتاق ءتىلدى وقىتۋى بالالاردىڭ مەملەكەت ءتىلىن نەگىزىنەن يگەرۋىنە جانە پايدالانۋىنا مۇمكىندىك جاسادى، بالالار باستاۋىشقا كىرگەننەن كەيىن قوس ءتىل وقۋ-اعارتۋىنان ءساتتى يگىلىكتەنەدى، 3 تە 5 جىلدا وقۋعا تۇسۋدەن بۇرىنعى مىندەتتى وقۋ-اعارتۋ ساتىسىنداعى مەملەكەت ءتىلى وقىتۋى نەگىزىنەن جاپپاي جالپىلاسادى. ءبىز قىزمەتتى ءسوزجوق، كۇش سالا جاقسى ىستەپ، ورتا، باستاۋىش مەكتەپتىڭ وقۋ-اعارتۋ سالاسىنداعى ءتۇيىندى قىزمەتتەردى ويداعىداي تياناقتاندىرىپ، ويداعىداي ورىنداپ، حالىق رازى بولارلىقتاي وقۋ-اعارتۋدى جۇزەگە اسىرامىز.
ءان الەمى

جول توسىلىپ قالدى

تۇلپارىم