باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

دامۋدىڭ جاڭا قىرلارى جارقىراپ كوزگە ءتۇستى

    كەلۋ قاينارى: شينجياڭ گازەتى    2017-10-11 19:15:08  

−پارتيا 18-قۇرىلتايىنان بەرگى شينجياڭنىڭ شۇعىلالى جەتىستىكتەرى تۋرالى شولۋ (2)

ءتىلشىمىز شى شين

  5 جىل ۇدەرە العا تارتىپ، كوز سۇرىندىرەر جەتىستىكتەرگە قول جەتتى.
  پارتيانىڭ 18 - قۇرىلتايىنان كەيىن، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىق جاساۋىمەن، شينجياڭعا باعىتتامالى كومەكتەسۋشى ولكە، قالالار مەن مەملەكەتتىك مينيسترلىك - كوميتەتتەردىڭ قالتقىسىز جاردەم بەرۋىمەن اۆتونوميالى رايوندىق پارتكوم، ۇكىمەت قىزمەتتىڭ ورنىقتىلىق بارىسىندا ىلگەرىلەۋدەي نەگىزگى اۋەنىنەن جازباي، جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋدى كەلەلى وراي ەتىپ، «ءبىر بەلدەۋ، ءبىر جول» قۇرىلىسىنا بەلسەندى تۇردە ارالاسىپ، ورنىقتىلىقتى ساقتاۋ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ سياقتى قىزمەتتەردى بار كۇشپەن جاقسى ىستەدى، بۇكىل اۆتونوميالى رايوننىڭ ەكونوميكاسى تاماشا دامۋ ەكپىنىن ساقتادى.
  دامۋدىڭ جاڭا جاعدايى اشىلدى
  ورنىقتىلىق بارىسىندا ىلگەرىلەپ، ۇدەرە العا تارتتى  
شينجياڭنان سىرتقا شىعاتىن 2 - جوعارى جىلدامدىقتى تاس جول ارناسى − G7 بەيجيڭ - شينجياڭ جوعارى جىلدامدىقتى تاس جولىندا رەسمي كولىك قاتىنادى، ياركەن اۋەجايى پايدالانۋعا بەرىلىپ، جۇمىس جۇرگىزە باستادى، جۇندۇڭ - حۋادۇڭ (وڭتۇستىك انحۇي) 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى قاۋىرت جۇرگىزىلۋدە... 2017 - جىلى شينجياڭنىڭ بايتاق دالاسىندا وراسان زور وزگەرىستەر جارىققا شىقتى.
  نەگىزدىك قۇرىلعى قۇرىلىستارىنىڭ كەنجەلىگى شينجياڭنىڭ دامۋىنا تۇساۋ بولىپ كەلگەن ەڭ ۇلكەن ولقىلىق ەكەنىن ەسكەرگەن اۆتونوميالى رايوندىق پارتكوم، ۇكىمەت زامانا تىنىسىن ءداپ باسىپ، عىلمي شەشىم قابىلداپ، بيىل اۆتونوميالى رايون بويىنشا تۇراقتى مۇلىككە سالىناتىن قارجىنىڭ كولەمىن ءبىر تريلليون 500 ميلليارد يۋانعا جەتكىزىپ، %50 ءوسىرۋ نىساناسىن العا قويدى، بۇل شينجياڭنىڭ تاريحىندا بۇرىن بولماعان زور ەكپىن ەدى.   جول - قاتىناس، سۋ يگىلىگى، ەنەرگيا كوزدەرى، بايلانىس جانە قوعامدىق جونگە سالۋ جاعىنداعى ءتۇيىندى نىساندار جەدەل ىلگەرىلەتىلدى، نەگىزدىك قۇرىلعىلار قۇرىلىسىندا جابىلا اتقا قونعان ەكپىندى جاعداي جارىققا شىقتى.
  اۆتونوميالى رايوندىق ساناق مەكەمەسى جاريالاعان دەرەكتەردىڭ كورسەتۋىنشە، بيىل الدىڭعى جارتى جىلدا، اۆتونوميالى رايون بويىنشا تۇراقتى مۇلىككە 453 ميلليارد 47 ميلليون يۋان قارجى سالىنىپ، سايكەس مەزگىلدەگىدەن %24.6وسكەن، ءوسۋ جىلدامدىعى مەملەكەت بويىنشا ءبىرىنشى ورىنعا كوتەرىلىپ، مەملەكەتتىڭ ورتاشا دەڭگەيىنەن 16 پايىز جوعارى بولعان، بۇل اۆتونوميالى رايونىمىزدىڭ 2015 - جىلدان بەرگى ەڭ جوعارعى رەكوردتىق كورسەتكىشى.
  2012 - جىلدان 2016 - جىلعا دەيىن، شينجياڭنىڭ GDPى 750 ميلليارد 500 ميلليون يۋاننان 961 ميلليارد 700 ميلليون يۋانعا كوتەرىلگەن، 2016 - جىلى شينجياڭنىڭ جان باسىندىق وڭىرلىك ورتاشا ىشكى ءوندىرىس جالپى ءونىم قۇنى 40 مىڭ يۋاننان اسىپ، 40 مىڭ 427 يۋانعا جەتكەن، الەم بانكەسىنىڭ ولشەمى بويىنشا، شينجياڭ ورتا داۋلەتتى وڭىرلەردىڭ قاتارىنا كىرگەن.
  كىسىنى ءتىپتى سۇيىندىرەتىنى، وتكەن 5 جىلدا، جەتىلۋدىڭ مازاسىزدىعى مەن جاڭارۋدىڭ تولعاعى قاتار كەلسە دە، «دامۋدىڭ ساپاسى مەن تيىمدىلىگىن كوتەرۋدى وزەك ەتۋ» دەگەن جەتەكشى يدەيا شينجياڭنىڭ دامۋىنىڭ كۇرە تامىرىنا قان بولىپ قۇيىلدى −
  1 - كاسىپتىڭ دەڭگەيىن كوتەرۋگە تاباندى بولىپ، استىق ءوندىرىسىن ورنىقتىرۋ، ماقتا ەگىسىن رەتتەۋ، جەمىس شارۋاشىلىعىن ساپالىلاندىرۋدى، مال شارۋاشىلىعىن كوركەيتۋدى ارقاۋ ەتىپ، ەگىن، مال شارۋاشىلىقتارىنىڭ دامۋ مۇمكىندىگىن تولىق اشتى، استىقتىڭ ءتۇسىمى ءۇرتىس 9 جىل ارتتى؛
  2 - كاسىپتە ماڭىزدى تۇيىندەردى يگەرۋگە تاباندى بولدى، جاڭاشا ونەركاسىپتەندىرۋ بىرتىندەپ ورتا جوعارى دەڭگەيگە كوتەرىلدى، مۇنايعا جاتپايتىن ونەركاسىپتىڭ ۇلەسى ونان سايىن جوعارىلاپ، %69.9كە جەتتى، مۇناي ونەركاسىبىنىڭ سالماعى باسىم جاعداي تۇبەگەيلى وزگەردى؛
  3 - كاسىپتى قاۋىرت دامىتۋعا تاباندى بولدى، وسى زامانعى قىزمەت كورسەتۋ سالاسى قارقىندى كوتەرىلىپ، سالىستىرماسى 10 نەشە جىلدان بەرى العاش رەت 2 - كاسىپتى باسىپ وزىپ، ەكونوميكانىڭ وسۋىنە قوسقان ۇلەسى %55تەن استى؛
  ەنەرگيانى ۇنەمدەپ، قورشاعان ورتانى قورعاۋ، جاڭا بۋىن ينفورماتسيا تەحنولوگياسى، جوعارى دەڭگەيلى جابدىقتار جاساۋ سياقتى جاڭادان كوركەيگەن 7 ۇلكەن ستراتەگيالىق كاسىپ سالاسى جاۋقازىنداي جايقالىپ، GDPدەگى ۇلەسى %7كە جەتتى، كاسىپ سالالارىنىڭ جوعارىلاۋ قادامى ايتارلىقتاي جەدەلدەدى.
  سونىمەن بىرگە، اۆتونوميالى رايون ورتالىقتىڭ شەشىم - ورنالاستىرۋلارىن مۇقيات دايەكتىلەندىرىپ، ارتىق ءوندىرىس قۋاتىن ازايتۋ، قامبادا باسىلىپ قالۋدى ازايتۋ، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ دەگەن 5 شارانى قاتار قولدانىپ، قامداۋ جاعىنا ۇزدىكسىز كۇش سالدى، ونىڭ بەلسەندى ناتيجەلەرى قازىردەن بىلىنە باستادى.
  شينجياڭنىڭ العاشقى مەترو پويەزى وندىرىستىك جەلىدەن شىقتى، «الەمدەگى 500 ەگەي كاسىپورننىڭ» تىزىمىنەن العاش رەت شينجياڭ كاسىپورىنىنىڭ اتى كورىلدى، شينجياڭنىڭ ەلەكتر قۋاتى جاڭا ءداۋىردى قارسى الدى... شينجياڭعا قارجى سالىپ، ساكلار قورا - جاي اشۋ شەكتى سەرىكتەستىگىن ۇيىمداستىرعان ۋىنجوۋلىق ساۋداگەر ۋاڭ شىلياڭ تەبىرەنگەننەن «شينجياڭنىڭ ەكپىندى دامۋ بەتالىسى تاڭداي قاقتىرادى، بۇل كۇندە باتىس بولەك ورايدىڭ بالاماسى بولىپ وتىر»، - دەدى.
 رەفورمانىڭ جاڭا جەتىستىكتەرى −
  كونەنى وزگەرتىپ، جاڭانى ورناتۋ ومىرشەڭدىك كۇشكە سەرپىن بەردى  
  20 - قىركۇيەكتە «كوپ كۋالىكتى بىرىكتىرۋ، ءبىر كۋالىك، ءبىر كود» قاراۋ - تەكسەرۋ، تىركەۋ ءتۇزىمى رەفورماسى شينجياڭدا رەسمي اتقارىلدى، شينجياڭ ەلەكتر جەتكىزۋ، كەرنەۋ وزگەرتۋ سەرىكتەستىگىنىڭ ورىنباسار باس ديرەكتورى لي جي - ۋىن شينجياڭ بويىنشا العاشقى «12 كۋالىكتى بىرىكتىرۋ، ءبىر كۋالىك، ءبىر كود» تيجارات كۋالىگىن قولىنا الدى.
  «كوپ كۋالىكتى بىرىكتىرۋ» رەفورماسى مەملەكەتتىك كەڭەستىڭ بيىلعى «ۇقىق بەرۋ، باسقارۋ، قىزمەت كورسەتۋ» رەفورماسىندا تۇراقتاندىرىلعان ماڭىزدى مىندەت ءارى ساۋدا ىستەرى ءتۇزىمى رەفورماسىنىڭ ىشكەرىلەي ىلگەرىلەتىلۋى. 2014 - جىلى ساۋدا ىستەرى ءتۇزىمى رەفورماسى باستالعاننان بەرى، شينجياڭنىڭ ونەركاسىپ - ساۋدا اكىمشىلىك باسقارۋ تاراۋلارى ىلگەرىندى - كەيىن 15 ءتۇرلى رەفورما شاراسىن اتقاردى.   5 جىلدان بەرى، شينجياڭ دامۋداعى قيىن ماسەلەلەردى رەفورما ءادىسى ارقىلى شەشۋگە تاباندى بولىپ، جاڭالىق اشۋدىڭ ەكونوميكالىق، قوعامدىق دامۋدىڭ قۇدىرەتتى قوزعاۋشى كۇشىنە اينالۋىن ىلگەرىلەتتى.
  ۇكىمەت ورىندارىن ىقشامداپ، ۇقىقتى تومەنگە بەرۋدىڭ «الۋ امالى» الدىمەن اتقارىلىپ، اكىمشىلىك تەكسەرىپ بەكىتۋ ءتۇزىمى رەفورماسىنىڭ قانجارى «ايىقپاس دەرتتەرگە» كەزەلدى. ساناقتا مىنالار كورسەتىلدى: 2014 - جىلدان 2016 - جىلعا دەيىن، شينجياڭدا ورتالىقتىڭ جەرگىلىكتى ۇكىمەت تاراۋىنىڭ اتقارۋىنا كورسەتىپ بەرگەن تەكسەرىپ بەكىتۋ ىستەرىنەن جيىنى 207سى كۇشىنەن قالدىرىلدى، اۆتونوميالى رايوننىڭ ءوز دارەجەسىندەگى اكىمشىلىك تەكسەرىپ بەكىتۋ ىستەرىنەن 791ى كۇشىنەن قالدىرىلدى جانە رەتتەلدى، اۆتونوميالى رايوننىڭ ءوز دارەجەسىندەگى 52 تاراۋدىڭ اكىمشىلىك بيلىك ءتىزىمى مەن جاۋاپكەرلىك ءتىزىمى جاريالاندى ءارى اتقارىلدى؛ «اۆتونوميالى رايوننىڭ باعا بەلگىلەۋ مازمۇنىنىڭ» جاڭا نۇسقاسىنا وزگەرىس ەنگىزىلىپ، باعا بەلگىلەۋ ءتۇرى %47.1قىسقاردى، باعا بەلگىلەۋ نىسانى %39.1قىسقاردى؛ بۇكىل رايونىمىزدا ۇكىمەت باعا بەلگىلەگەن نەمەسە جەتەكشى باعانى بەلگىلەگەن كاسىپورىنداردىڭ شارۋاشىلىعىنا ساياتىن قىزمەت كورسەتۋ سيپاتتى اقى الۋ تۇرلەرى 2014 - جىلعى 111دەن 2017 - جىلى 42گە قىسقارىپ، %61.9 ازايدى.
  ۇكىمەت بيلىگى قىسقارتىلىپ، ونىڭ ەسەسىنە بازاردىڭ ومىرشەڭ كۇشى ارتتىرىلدى. بيىل قاڭتاردان تامىزعا دەيىن، شينجياڭدا ورتا ەسەپپەن اي سايىن بازار سۋبيەكتتەرىنەن 26 مىڭى جاڭادان قوسىلىپ، بازار سۋبيەكتتەرىنىڭ دامۋ جىلدامدىعى تاريحتاعى ەڭ تەز مەزگىلگە قادام تاستادى.
  سونىمەن قاتار قامداۋ، قازىنا - باجى، فينانس، باعا، حالىق تۇرمىسىن قامتاماسىز ەتۋ سياقتى سالالارداعى ۇرىمتال، شىنايى رەفورمالار ىركەس - تىركەس جولعا قويىلدى −
  ورتالىق كاسىپورىندارىنىڭ قاراستى جەردە تىركەلۋى جاپپاي ورىستەتىلىپ، 2016 - جىلدىڭ اياعىندا ولكە دارەجەلى بالا سەرىكتەستىكتەردىڭ سانى 16عا جەتتى؛
  مەملەكەت مەنشىگىندەگى كاسىپورىندار رەفورماسى اۆتونوميالى رايونعا توتە قاراستى ورگاندارداعى 39 مەڭگەرمە - مەكەمەدەن 214 كاسىپورىندى باقىلاۋ - باسقارۋ كولەمىنە ەنگىزدى؛
  قامداۋ جاعىنداعى قۇرىلىمدىق رەفورمانى تەرەڭدەتۋدى نەگىزگى جەلى ەتە وتىرىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» سىندى 5 ۇلكەن مىندەتتى پارمەندى تۇردە ىلگەرىلەتتى، «بولات - تەمىردى ازايتۋ» مىندەتىن الدىن الا ورىنداپ، ەلەكتر باعاسىن زور دارەجەدە ارزانداتتى؛
  قوعامدىق ىستەر رەفورماسى كۇش سالا ىلگەرىلەتىلدى، وزگە جەردە ەمدەلگەندە ەسەپ جابۋدا مەملەكەت بويىنشا الدىڭعى لەكتە ءجۇردى، جالپى حالىقتىڭ دەنساۋلىعىن تەگىن تەكسەرۋ، جاپپاي دارەجە بويىنشا دياگنوز قويۋ - ەمدەۋ، اۋىل - قىستاقتاعى «قوس ءتىلدى» بالاباقشا قۇرىلىسى سياقتى حالىققا تيىمدىلىك جەتكىزۋ ينجەنەريالارى تىڭعىلىقتى ىلگەرىلەتىلدى؛
  جىبەك جولى ەكونوميكالىق بەلدەۋىنىڭ وزەكتى رايون قۇرىلىسىندا ماندىك ونىمدىلىككە قول جەتىپ، جۇڭگو - ەۆروپا حالىقارالىق زات تاسىمال كەزەكشى پويەز وداعى قۇرىلدى، شينجياڭ ەركىن ساۋدا رايونىنىڭ جالپى جوباسى قاراۋدان ءوتتى؛
  كەدەيلىكتەن دالمە - ءدال قۇتىلدىرۋ مادەنيەت، وقۋ - اعارتۋ، عىلىم - تەحنيكا سياقتىلارمەن تىعىز ۇشتاستىرىلدى، ولقىلىقتاردى تولىقتاۋدى وزەك ەتكەن وڭتۇستىك شينجياڭ رەفورماسى قىزمەتى دە جاپپاي ورىستەتىلۋدە...  ءبىرسىپىرا رەفورما شارالارىنىڭ اتقارىلۋىنىڭ، رەفورما ساياساتتارىنىڭ تياناقتاندىرىلۋىنىڭ ناتيجەسىندە بوگەتتەر بۇزىلىپ، قورشاۋ تالقاندالىپ، جاڭالىق اشا دامىتۋدىڭ ومىرشەڭ كۇشى جالىندادى.
 ەسىك اشۋدىڭ جاڭا تولقىنى كوتەرىلدى −
  «ءبىر بەلدەۋ، ءبىر جول» دۇنيە جۇزىمەن قاۋىشتى 
  5 - قازاندا كۇندەلىكتى تۇتىنۋ بۇيىمدارى، ماشينا - جابدىقتار، حيميا ونەركاسىپ ونىمدەرى تيەلگەن X9091 رەتكى پويەز جۇڭگو - ەۆروپا كەزەكشى پويەزدەرىنىڭ ءۇرىمجى جينالۋ ورتالىعىنان جولعا شىعىپ، 40 ساعاتتان كەيىن قازاقستاننىڭ الماتى قالاسىنا جەتتى. بۇل − ءۇرىمجى جينالۋ ورتالىعى بىلتىر 26 - مامىردا قۇرىلعاننان بەرى اتتاندىرىلعان 600 - رەتكى جۇڭگو - ەۆروپا كەزەكشى پويەزى.
  وسىنىڭ الدىنداعى 4 ايدا، جۇڭگو - ەۆروپا كەزەكشى پويەزدەرىنىڭ ءۇرىمجى جينالۋ ورتالىعى شينجياڭنان تۇڭعىش تاس جول، تەمىر جول، تەڭىز جولى بىرلەسكەن تاسىمال پويەزىن (ءۇرىمجى - ليانيۇنگاڭ - جاڭادەلي) جولعا شىعارىپ، تۇڭعىش رەت ەل ىشىندە «جىبەك جولى ەكونوميكالىق بەلدەۋى» مەن «21 - عاسىر تەڭىز جىبەك جولىنىڭ» تۇتاسۋىن جۇزەگە اسىردى. بۇل شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونىندىق رولىن ساۋلەلەندىرىپ، بۇكىل ەلدىڭ، ءتىپتى، ازيا مەن ەۆروپانىڭ ەكونوميكاسىنىڭ دامۋىنا قىزمەت ەتۋدە كەلەلى ماڭىزعا يە.
  بۇگىنگى شينجياڭ اسەم كەلبەتكە ەنىپ، 5 جىلدىڭ الدىنداعى زات تاسىمالى وتكەلىنەن حالىقارالىق زات تاسىمالى توپتاۋ - تاراتۋ ورنىنا اينالدى، ءۇرىمجىنى ورتالىق ەتە وتىرىپ، تەمىر جول، تاس جول، ازاماتتىق اۆياتسيا، تەڭىز تاسىمالى بىرىكتىرىلگەن زات تاسىمالى تورابىن قۇردى.
  بۇگىنگى شينجياڭ بۇرىن بولماعان كولەم جانە جىلدامدىقپەن دۇنيەنى جالعاۋدا، دۇنيەمەن قاۋىشۋدا.
  ورتالىقتىڭ قولداۋىندا، شينجياڭ «سىرتتان ەنگىزىپ، ىشپەن بىرلەسۋ، شىعىسپەن بىرلەسىپ باتىسقا شىعارۋ، باتىستان اكەلىپ، شىعىسقا جونەلتۋ» سىندى ەسىك اشۋ ستراتەگياسىنا تاباندى بولىپ، قاشقار، قورعاس سىندى مەملەكەت دارەجەلى ەكونوميكالىق اشۋ رايوندارىن كۇش سالا قۇرىپ، سىرتقى ساۋدانى جەدەل دامىتىپ، سىرتقا ەسىك اشۋدى بەلسەنە كەڭەيتىپ، ىشكە، سىرتقا جان - جاقتى ەسىك اشۋ جاعدايى العاشقى قادامدا قالىپتاستى.
  ەسىك اشۋ ومىرشەڭدىك كۇشتى جالىنداتتى. دۇنيە ساحناسىندا جۇڭگو شينجياڭىنىڭ ىقپالى بارعان سايىن ارتا ءتۇستى. 2016 - جىلدىڭ اياعىنا دەيىن، بۇكىل رايونىمىزدا شەكارا سىرتىنداعى قارجى قوسقان كاسىپورىنداردىڭ سانى 550گە جەتتى، جۇڭگونىڭ كەلىسىم بويىنشا قوسقان قارجىسىنىڭ جالپى سوماسى 8 ميلليارد 123 ميلليون دوللار بولدى، نىساندار 40 نەشە مەملەكەت پەن رايونعا تارالدى. قازاقستان، ا ق ش سياقتى 86 مەملەكەتپەن جانە رايونمەن شەكارا اتتاپ حالىق اقشاسىن ايىرباستاۋ كاسىبىن ورىستەتىپ، شەكارا اتتاپ ەسەپ جابۋدا ناقتى ايىرباستالعان حالىق اقشاسى 223 ميلليارد 430 ميلليون يۋانعا جەتتى.
  ەسىك اشۋ شينجياڭنىڭ كوتەرىلۋىنە سۇيەنىش بولدى. بۇگىندە شينجياڭدا الاتاۋ ساعاسى، قاشقار، ءۇرىمجى، جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ جۇڭگو سايكەستى اۋماعى سىندى 4 ۋنيۆەرسال باجىسىز اۋماق بار. ءۇرىمجى حالىقارالىق قۇرلىق پورتى اۋماعى نىسانىنىڭ قۇرىلىسى جاپپاي باستالدى، ءۇرىمجى كوپ ۇلگىلى بىرلەسكەن تاسىمال كەدەندىك باقىلاۋ - باسقارۋ ورتالىعى مەملەكەت جاعىنان رەسمي تەكسەرىلىپ وتكىزىپ الىندى... 2016 - جىلى شينجياڭنىڭ «ءبىر بەلدەۋ، ءبىر جول» بويىنداعى مەملەكەتتەرمەن ارا يمپورت - ەكسپورت ساۋدا سوماسى 14 ميلليارد 700 ميلليون دوللارعا جەتىپ، شينجياڭنىڭ سىرتقى ساۋدا يمپورت - ەكسپورت جالپى سوماسىنىڭ %81.7ىن ۇستادى.
  ايدىن - شالقار تەڭىزدە جەلكەن جايار ءسات جەتتى. جاڭا باستامادا، جاڭا كوورديناتتاعا كوز تىككەن شينجياڭ نىق قاداممەن جاڭا ساپارعا قادام تاستاپ، جاڭا داستان جازۋدا.

ءان الەمى

جول توسىلىپ قالدى

تۇلپارىم