باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بۇقارالىق قىزمەتتى اتىز باسىنا جەتكىزۋگە كەپىلدىك ەتەيىك

    كەلۋ قاينارى: شينجياڭ گازەتى    2017-10-11 19:19:41  

جۋ حايلۇن قاشقار جاڭاشار اۋدانىندا بۇقارالىق قىزمەتكە تەكسەرۋ-زەرتتەۋ جۇرگىزدى

 ءتىلشىمىز لي شيڭ 10 - قازاندا قاشقار جاڭاشار اۋدانىنان حابارلايدى. اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن 9 - قازاندا قاشقار ايماعىنىڭ قاشقار جاڭاشار اۋدانىندا بۇقارالىق قىزمەتكە تەكسەرۋ - زەرتتەۋ جۇرگىزدى.
  قوڭىر كۇزدىڭ قازان ايى جۇگەرى وراتىن، ماقتا تەرەتىن جانە دۇمبە ءبيداي ەگەتىن مەزگىل، وڭتۇستىك شينجياڭنىڭ بايتاق دالاسى قاربالاس كۇيگە وتكەن. قاشقار جاڭاشار اۋدانىنىڭ تازعۇن اۋىلىندا جانە ياپچان قالاشىعىندا، جۋ حايلۇن جول بويىنداعى قىستاق تۇرعىندارىنىڭ ۇيىنە تىكە باس سۇعىپ، جۇرتشىلىقتىڭ ءوندىرىس، تۇرمىس احۋالىن تاپتىشتەي ۇعىستى. تازعۇن اۋىلىنىڭ اۋىل ارالىعىنداعى جولدا اۆتوكولىكتەن تۇسكەن جۋ حايلۇن ورىپ العان جۇگەرى ساباعىن كىشكەنە تراكتورگە تيەپ الىپ كەلە جاتقان قىستاق تۇرعىنىمەن كەزدەستى، ول قىستاق تۇرعىنىنىڭ قاسىنا بارىپ، بيىلعى ونىمدەرىڭىز قالاي بولدى؟ جۇگەرىلەرىڭىزدى ورىپ بولدىڭىزدار ما؟ دۇمبە ءبيداي ەكتىڭىزدەر مە؟ دەپ سۇرادى، قىستاق تۇرعىنى: قىستاقتاعى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ كومەگىندە، ەگىنىمىزدى تۇگەلدەي ورىپ الدىق، بىرنەشە كۇننەن بەرى جۇگەرى ساباعىن ۇيگە تاسىپ، سۇرلەم ازىرلەۋ، سونىمەن بىرگە دۇمبە ءبيدايدى دەر كەزىندە ەگۋ جۇمىسىمەن قاربالاستاپ ءجۇرمىن، - دەدى.
  جۋ حايلۇن ياپچان قالاشىعى تالقۇرىق قىستاعىنىڭ تۇرعىنى ءومارجان مامەتتىڭ ۇيىنە باردى، رەتتى دە تاپ - تازا اۋلا، اۋلانىڭ ءبىر شەتىنە جاڭادان ورىپ اكەلىنگەن جۇگەرى ۇيىلگەن، قورادا 200دەي قوي تۇر. ءومارجان مامەتتىڭ ۇيىندە ەكى تيەۋىش ماشينا تۇر، ال جۇگەرى ەگۋ، مال باعۋ ارقىلى جىلىنا 100 نەشە مىڭ يۋان كىرىس كىرگىزەدى ەكەن. جۋ حايلۇن قۋانا: قازىر پارتيانىڭ ساياساتى سونداي تاماشا، ورايدى ويداعىداي يگەرىپ، قوس قولىمىزعا سۇيەنىپ، ءتىپتى جاقسى تۇرمىس كەشىرۋىمىز كەرەك، - دەدى.
  قىستاق تۇرعىنى ارزىگۇل مامەت اسحانا اشقان، ساۋداسى جاقسى، جاڭادان سالىنعان ءۇيىن بەزەندىرىپ جاتىپتى، ارزىگۇل مامەت بالاسىنىڭ زاڭعا قايشىلىق جاساپ، سوتتالعانى سەبەپتى باسقالاردىڭ بەتىنە قاراي الماي مازاسىزدانادى ەكەن ءارى مۇنىڭ نەمەرەسىنىڭ كەيىن مەكتەپكە تۇسۋىنە ىقپال جاساۋىنان الاڭدايدى ەكەن. جۋ حايلۇن ارزىگۇل مامەتكە بىلاي دەدى: بالاڭىز زاڭعا قايشىلىق جاساعاندىقتان سوتتالدى، الايدا وتباسىلارىڭىزداعى باسقا ادامدار ءبىزدىڭ بۇقارامىز، ۇكىمەت سەندەرگە كوڭىل بولەدى، ەگەر تۇرمىستارىڭىزدا قيىنشىلىق بولسا، نەگىزگى ساتى پارتيا ۇيىمدارى امال قاراستىرىپ كومەكتەسەدى، بالالارىڭىزدىڭ الداعى وقۋى مەن كاسىپتەنۋىنە ىقپال كورسەتپەيدى. جۋ حايلۇننىڭ ءسوزىن تىڭداعاننان كەيىن، ارزىگۇل مامەت تەبىرەنە: بالامدى جاقسى تاربيەلەمەگەنىمە قاتتى وپىق جەپ وتىرمىن، وسىدان ساباق الىپ، وتباسىمداعى باسقا ادامداردى جاقسى تاربيەلەيمىن، سونىمەن بىرگە تۇرمەدەگى بالامنىڭ جاقسى تاربيە قابىلداپ، وزگەرۋىنە مۇمكىندىك جاساپ، ونى ەرتەرەك قايتارىپ اكەلۋگە قۇلشىنامىن، - دەدى.
  جۋ حايلۇن بىرنەشە كەدەي وتباسىلارىنا بارىپ احۋال ۇعىسىپ، ولاردى ىنتىماقتى، ورنىقتى جاعدايدى قاستەرلەپ، قاجىرلى ەڭبەگى ارقىلى كەدەيلىكتەن قۇتىلىپ، اۋقاتتانۋعا ىنتالاندىردى. ول مىنالاردى باسا دارىپتەدى: ءار دارەجەلى پارتكومدار، ۇكىمەتتەر شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان شينجياڭدى جونگە سالۋ جالپى جوباسى مەن شينجياڭ قىزمەتى باس نىساناسىنىڭ تالاپتارى بويىنشا ءار دارەجەلى كادرلاردىڭ نەگىزگى ساتىلارعا ىشكەرىلەي ارالاسۋىن، قىستاقتاردى كوتەرمەگە الۋىن، قىستاقتا تۇرۋىن، وتباسىلارىن كوتەرمەگە الۋىن، وتباسىلارىن ارالاۋىن جەبەپ، تىزە قوسا، ەتەنە بولا وتىرىپ، بۇقارالىق قىزمەتتى جاقسى ىستەۋ كەرەك، قازىر كۇزگى جيىن - تەرىننىڭ، كۇزدىك ەگىستىڭ قاربالاس مەزگىلى، ءار دارەجەلى نەگىزگى ساتى ۇيىمدارى جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى اۋىل - قىستاقتارعا ىشكەرىلەي ارالاسىپ، كوتەرمەگە العان، بايلانىس ورناتقان وتباسىلارىنىڭ جاعدايىن ىشكەرىلەي ۇعىسىپ، كۇزگى جيىن - تەرىن جۇمىسىنا كومەكتەسىپ، بۇقارالىق قىزمەتتى اتىز باسىنا دەيىن جەتكىزۋگە كەپىلدىك ەتۋ كەرەك. قىستاق تۇرعىندارىنىڭ قاجەتىن دەر كەزىندە يەلەپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ قىزمەتىن شىن نيەتپەن جاقسى ىستەپ، پارتيانىڭ مەيىرى مەن قامقورلىعىن بۇقارانىڭ جۇرەگىنە جەتكىزىپ، پارتيا 19 - قۇرىلتايىنىڭ جەڭىسپەن اشىلۋىن جاراسىمدى، ورنىقتى ورتا ارقىلى شات مەرەيمەن قارسى الۋ كەرەك.

ءان الەمى

جول توسىلىپ قالدى

تۇلپارىم