باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلى گۇلدەنۋدىڭ ءداۋىر ۇنىنە قۇلاق ءتۇردى

    كەلۋ قاينارى: شينجياڭ گازەتى    2017-10-11 19:28:36  

−پارتيا 18-قۇرىلتايىنان بەرى باس شۋجي شي جينپيڭنىڭ ەل ىشىندە قىزمەت تەكسەرۋى جونىندەگى جالپى ەستەلىك

شينحۋا اگەنتتىگىنىڭ تىلشىلەرى حو شياۋگۋاڭ، ۋاڭ شۇن، حى يۇيشين، ۋ جيڭجيڭ

 سەتىنەمەس سۇيىسپەنشىلىك ورناتىپ، قيىن - قىستاۋ كەزدە بىرگە بولدى؛ ساپار ۇزاق بولسا دا اۋەلگى ماقساتتى ۇمىتپادى.
  پارتيا 18 - قۇرىلتايىنان بەرى، باس شۋجي شي جينپيڭ نەگىزگى ساتىدا 50 رەت، جالپى 151 كۇن قىزمەت تەكسەرىپ، تەكسەرۋ - زەرتتەۋ جۇرگىزىپ، جۇڭگو اۋماعىن تۇگەل ارالادى.
  ناقتى قادامدار كەشەگىنى، بۇگىندى جانە ەرتەڭدى جالعادى. بۇل حالىقتى بارىنەن جوعارى قويۋ ۋادەسىن ورىنداۋ، ۇلتتى گۇلدەندىرۋ بورىشىن ارقالاۋ، اناعۇرلىم جارقىن بولاشاق اشۋ ءۇشىن بولىپ تابىلادى.
  «قاشاندا كوپتىڭ قامىن جەپ، ىقىلاسپەن قىزمەت ىستەپ، تاريحقا، حالىققا لايىقتى جاۋاپ قاتۋعا قۇلشىندى»  
− تابانداپ تۇرىپ، قۇنارلى توپىراققا تەرەڭ تامىر تارتتى، بۇل − ايبىندى ۋادەنى امالياتتا ايگىلەۋدىڭ ءىزى  
  شىنجىننىڭ ليانحۋاشانى جاسىل جەلەك جامىلدى.
  تاۋ فيكۋسى قاۋلاپ وسكەن. 5 جىلدىڭ الدىندا، باس شۋجي شي جينپيڭ بەيجيڭنەن العاش رەت اتتانىپ قىزمەت تەكسەرگەندە، بۇل اراعا وسى اعاشتى ەگىپ، ءۇمىت ۇرىعىن سەپكەن ەدى.

  تاۋلاردان اسىپ، بەلەس - بەلەس جولداردى باستى.
  5 جىلدان بەرى، باس شۋجي شي جينپيڭ وتانىمىزدىڭ كەڭ - بايتاق جەرىن ادىمىمەن سارجاندادى، حالىقتىڭ ءۇنىن شىن پەيىلىمەن تىڭدادى، سالتاناتتى ۋادەسىن ناقتى ءىس ىستەۋ ارقىلى ورىندادى −
  «ءبىز، ءسوز جوق، حالىقپەن باستان - اياق تىلەكتەس بولىپ، حالىقپەن قايعى - قۋانىشتى بىرگە وتكەرىپ، حالىقپەن ىنتىماقتاسا كۇرەس جاساپ، قاشاندا كوپتىڭ قامىن جەپ، ىقىلاسپەن قىزمەت ىستەپ، تاريحقا، حالىققا لايىقتى جاۋاپ قاتۋعا قۇلشىنۋىمىز كەرەك».
  ادامنان بيىك تاۋ جوق، اياقتان ۇزىن جول جوق.
  ۇمىتىلماس كورىنىستەر، اسەرلى ساتتەر باس شۋجي شي جينپيڭنىڭ وسى 5 جىلداعى قىزمەت تەكسەرۋ كەشىرمەلەرىن ەستەلىككە ءتۇسىردى.
  كوكتەم، جاز، كۇز، قىس، ۋاقىت توقتاۋسىز ءوتىپ جاتتى −
  كوكتەم سامالى ەسىپ، كۇللى تىرشىلىك جانداندى. باس شۋجي شي جينپيڭ وتباسىلارى كوتەرەگە الۋدىڭ باستاۋ العان جەرى انحۇي فىڭياڭ شياۋگاڭ قىستاعىنا بارىپ، اتىز جاعالاۋلارىمەن ءجۇرىپ، ءبيداي اتىزىنا بارىپ، ءبيدايدىڭ ءوسۋ جاعدايىن كوزدەن كەشىردى ءارى سول جىلدارى 18 شارۋا وتباسى قولتاڭباسىن قالدىرعان اۋلاعا كىرىپ، «رەفورما جۇرگىزىلگەندە عانا شىعار جول بولادى، رەفورمانى ۇنەمى دارىپتەۋ، ۇنەمى جاڭالاۋ كەرەك» دەپ باسا دارىپتەدى.
  ىستىق كەز، كۇن جانىپ تۇر. ول حۋبەي ىجوۋ قالاسى چاڭگاڭ قالاشىعى تۇڭشان قىستاعى الەۋمەتتىك اۋماعىنىڭ ۋنيۆەرسال قىزمەت كورسەتۋ ورتالىعىنا، قوقىر - قوقسىقتى تىرەستەپ جونەلتۋ پۋنكتىنە، لاس سۋلاردى ءبىر جاقتى ەتۋ پۋنكتىنە، سابان - توپاندى گازداندىرۋدان ۇلگى كورسەتۋ بازاسىنا بارىپ، قالا - قالاشىقتى ءبىرتۇلعالاندىرۋ قۇرىلىسى جاعدايىن ۇعىسىپ، «قالىڭ اۋىل - قىستاقتاردى شارۋالار باقىتتى تۇرمىس كەشىرەتىن كورىكتى مەكەنگە اينالدىرۋدى» باسا دارىپتەدى.
  كۇزدىڭ جانعا جايلى سامالى ەسىپ، تابىس قوماقتى بولدى. ول بەيجيڭ پەداگوگيكا ۋنيۆەرسيتەتىنە، بەيجيڭ قالالىق «1 - تامىز» مەكتەبىنە بارىپ، وقىتۋشى - وقۋشىلارمەن بىرگە وقىتۋشىلار مەرەكەسىن قۇتتىقتادى، قالىڭ وقىتۋشىلاردىڭ جۇڭحۋا ۇلتى «ارمان قوسىنىن» تۇلعالايتىن ادامداردى تاربيەلەگەندىگىن القادى.
  جۋ كىرگەن ايازدى كۇندەر. باس شۋجي شي جينپيڭ نولدەن تومەن 30 سەلتسي گرادۋستىق قاقاعان ايازدا شەكارا وڭىرگە ورنالاسقان ىشكى موڭعۇلدىڭ شيڭ - ان ايماعى ارشان قالاسىنا بارىپ، قيىنشىلىعى بار جۇمىسشى - قىزمەتكەرلەردىڭ ۇيىنە كىرىپ، جەر تولەنى كوزدەن كەشىردى، تام مەشتى سيپاپ ۇستادى، مەرەكەلىك بۇيىمداردى كوردى، سۇپىدا وتىردى؛ ول بۇقارانىڭ جىلىنۋىن، قىس قىرىنان قىسىلماي ءوتۋىن كوكەيىندە ساقتاپ، بەيجيڭ جيڭچياۋ جىلۋ ەلەكترى شەكتى سەرىكتەستىگىنە ارناۋلى بارىپ، قىسقى جىلۋمەن قامداۋ جاعدايىن ۇعىستى.
  جۇڭگونىڭ بايتاق دالاسى −
  شاڭحاي ەركىن ساۋدا سىناق رايونىندا كاسىپورىنداردى، باقشا رايونىن، عىلمي زەرتتەۋ بازاسىن ارالاعاندا، باس شۋجي« بۇل سىناق اتىزىنا سورتتى تۇقىم ەگىپ، ونى دەن قويا باپتاپ، دەن قويا باسقارىپ، قورعاپ، تولاعاي ءونىم الۋ كەرەك» دەگەندى تالاپ ەتتى.
  پامير ۇستىرتىندەگى شينجياڭنىڭ قاشقارىندا، باس شۋجي تاۋلىك بويى لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرىنشى شەبىن قورعاپ جاتقان جولداستارعا ىقىلاسپەن امانداسىپ، ءار ۇلت بۇقاراسىمەن تۇرمىستاعى جاڭا وزگەرىستەردى اقتارىلا اڭگىمەلەپ، اناردىڭ دانىندەي تىعىز ۇيىسىپ، پارتيانىڭ باسشىلىعىندا اناعۇرلىم جارقىن بولاشاقتى بىرگە سومداۋدى دارىپتەدى.
  شىعىس تەرىستىكتىڭ بايتاق دالاسىندا، باس شۋجي لياۋنيڭنىڭ شىنياڭ بايىرعى ونەركاسىپ بازاسىندا قىزمەت تەكسەرىپ، حيلۇڭجياڭ يچۇن جاراتىلىستىق ورمانىنىڭ قورعالۋىن كوزدەن كەشىرىپ، جيليننىڭ يانبيانىنداعى «حايلان دارياسى جاعالاۋىنداعى داۋحۋاشياڭ» ەگىنجايىنا بارىپ، ەكولوگيانى قورعاۋدى تىلگە تيەك ەتتى، دامۋعا بۇرىلىس جاساۋدى كەڭەستى، شىعىس تەرىستىكتىڭ گۇلدەنۋىن جوسپارلادى، حالىقتى اۋقاتتاندىرۋ شارالارىن اقىلداستى.
  وتاننىڭ ەڭ وڭتۇستىك بولىگىندەگى ولكە حايناندا، باس شۋجي بالىقشىلىق كەمەجايىندا، ەرەكشە اۋىل شارۋاشىلىق كاسىپ باقشاسىندا، حالىقارالىق پوچتا كەمەسى پورتىندا قىزمەت تەكسەرىپ، تەكسەرۋ - زەرتتەۋ جۇرگىزىپ، كوپشىلىكتى قارىشتاپ دامۋ جولىن اشىپ، كورىكتى جۇڭگونىڭ جاڭا داستانىن جازۋعا ىنتالاندىردى.
  مەيلى قاي مەزگىل، مەيلى قاي ورىندا بولسىن، حالىقپەن تىنىستاس، داۋىرمەن تاعدىرلاس بولۋ جۇڭگو كوممۋنيستەرىنىڭ باستان - اياق وزگەرمەيتىن اۋەلگى ماقساتى، حالىققا تەرەڭ تامىر تارتۋ كۇشىنىڭ كەلۋ قاينارى بولدى.
  باس شۋجي شي جينپيڭنىڭ بارماعان جەرى جوق، ليۋپانشان تاۋلى رايونى، چينباشان تاۋلى رايونى، ۋليڭشان تاۋلى رايونى، دابەشان تاۋلى رايونى... سياقتى ەلىمىزدەگى شوعىرلى ۇلاسپالى ەرەكشە قيىنشىلىعى بار رايونداردىڭ ءبىرىن قالدىرماي ارالاپ، كەدەيلىكتەن قۇتىلدىرۋدان قامال الۋعا جۇمىس ۇستىندە جەتەكشىلىك ەتتى؛ شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن، اۋمىننىڭ وتان قۇشاعىنا ورالعاندىعىنىڭ 15 جىلدىعىن قۇتتىقتاپ، شياڭگاڭدىق، اۋمىندىق باۋىرلاستارمەن كەڭىنەن ارالاسىپ، «ءبىر ەل، ەكى ءتۇزىمنىڭ» تىڭ امالياتىنا جەتەكشىلىك ەتتى؛ شەكارا قورعانىسى قاراۋىل ورىندارىنا، روتالار تۇرعان اسكەري لاگەرلەرگە اسكەري مانەۆر وتكىزىلىپ جاتقان الدىڭعى شەپ بازاعا بارىپ، ارميانى قۇدىرەتتەندىرۋ، ارميانى الۋەتتەندىرۋ جونىندە بۇيرىق ءتۇسىردى.
  باس شۋجي شي جينپيڭ بارىنە نازار اۋدارادى. ول بارعان جەرىنىڭ بارىندە تۇرعىن ءۇي، قارتتاردى كۇتىمدەۋ، جۇمىسقا ورنالاستىرۋ، ەمدەۋ، وقۋ - اعارتۋ سياقتى حالىق بۇقاراسى كوڭىل بولەتىن ىستەردى ءبىر - بىرلەپ تەكسەرىپ، تاپتەشتەي ۇعىستى؛ بەيجيڭ قىسقى وليمپيادا سپورت جينالىسىن وتكىزۋ، ءىرى تۇرپاتتى ۇشاق جاساۋ، ءوندىرىس حاۋىپسىزدىگى، ءداستۇرلى مادەنيەتتى قورعاۋ سياقتى مەملەكەتتىڭ بولاشاعىنا، حالىقتىڭ تۇرمىسىنا ساياتىن ماڭىزدى ماسەلەلەردىڭ ءبارىن تەكسەرۋ - زەرتتەۋدىڭ ءتۇيىندى مازمۇنى ەتتى.
  باس شۋجي شي جينپيڭ سۇراۋ سۇراعاندا تاپتەشتەي سۇرايدى، «جاڭا ءۇي سالۋعا قانشا اقشا قاجەت؟»، «استىقتارىڭىز جەتە مە؟»، «بالالاردىڭ مەكتەپكە بارىپ - كەلۋى قولايلى ما؟»، «تازالىق ۇيلەرىڭىز قانداي؟»... سياقتى حالىق بۇقاراسىنىڭ تۇرمىسىنداعى بولماشى ىستەرگە دەيىن كوڭىل بولەدى.
  ول ماسەلەگە تەرەڭ وي جۇگىرتەدى، رەفورمانى جاپپاي تەرەڭدەتۋدە قايتكەندە قيىنشىلىقتى جەڭىپ، جول اشۋعا بولادى؟ كەدەيلىكتەن قۇتىلدىرۋدان قامال الۋدىڭ شەشۋشى شايقاسىندا قالاي دالمە - ءدال شارا قولدانۋ كەرەك؟ ەكولوگيالىق وركەنيەت قۇرىلىسىندا تاعى قانداي ولقىلىقتار جاتىر؟ جاڭالىق اشۋ ارقىلى دامۋدى جەبەۋگە نەلەر توسالعى بولىپ وتىر؟... دەگەن سياقتى ماسەلەلەر جونىندە ىشكەرىلەي تەكسەرۋ - زەرتتەۋ جۇرگىزىپ، تەرەڭ وي تولعاپ، رەفورما، دامۋ، ورنىقتىلىقتىڭ بولاشاعىن بولجاپ، باعىتىن بەلگىلەدى.
  بوران - شاشىنعا قاراماي ءۇرتىس جول ءجۇرىپ، دامىل تاپپادى.
  گۋاڭدۇڭ ولكەسىنە قىزمەت تەكسەرۋگە بارعاندا جولداردى بەكىتۋگە، حالىقتى اۋرە - سارساڭعا سالۋعا جول قويمادى، حىبەي ولكەسىنە قىزمەت تەكسەرۋگە بارعاندا ۇلكەن تەگەش قۋىرماشىنان ءدام تاتتى؛ فۋپيڭ اۋدانىنا قىزمەت تەكسەرۋگە بارعاندا 16 شارشى مەترلىك بولمەدە جاتتى، لۋشانداعى جەر سىلكىنىسى تۋىلعان جەرگە بارىپ ۋاقىتتىق سالىنعان تاقتاي ۇيگە جاتتى؛ ءوز قالتاسىنان اقشا شىعارىپ، لياڭجياحى قىستاعىنداعى اۋىلداستاردىڭ كوكتەم مەرەكەسىنە ارناپ نارسە - كەرەك الىپ بەردى، ساقا پارتيا ياچەيكا شۋجيىنىڭ ۇيىندە قاراپايىم اۋىل اسىنان ءدام تاتىپ، قوياردا - قويماي ءجۇرىپ تاماق اقىسىن تولەدى... وسى سەكىلدى بولماشى ىستەر ءبىر كوممۋنيستىڭ شىنايى ستيلى مەن ساياسي قاسيەتىن ايگىلەدى.
  قىرۋار قىزمەت تەكسەرۋلەردە باس شۋجي حالىقتىڭ ۇنىنە قۇلاق ءتۇرىپ، حالىقتىڭ تۇرمىس جاعدايىن تەكسەرىپ، حالىقتىڭ ارمان - تىلەگىن ۇعىستى، حالىق بۇقاراسىنىڭ تۇرمىستىق امالياتىنان ەل باسقارۋداعى اقىل - پاراسات پەن كۇش - قۋات توپتاپ، پارتيا ورتالىق كوميتەتىنىڭ باعىت - ساياساتتارىن نەگىزگى ساتىعا جەتكىزىپ، جۇرت تىلەگىن توعىستىرىپ، ءىس تىندىرىپ، شارۋاشىلىق قۇرۋدىڭ قۇدىرەتتى كۇشىن بويىنا جيدى.
  قىرۋار قىزمەت تەكسەرۋلەردە باس شۋجي ءوز ىسىمەن ەلگە ونەگە بولىپ، بار ىنتا - پەيىلمەن حالىق ءۇشىن قىزمەت ىستەۋ سىندى تۇپكىلىكتى ماقساتتى امالياتتا ايگىلەپ، پارتيا ورتالىق كوميتەتىنىڭ قامقورلىعى مەن مەيىر - شاپاعاتىن حالىققا جەتكىزىپ، حالىقتى قاجىرلىلىقپەن كۇرەس جاساپ، باقىتتى تۇرمىسقا قول جەتكىزۋگە شابىتتاندىردى.
  قىرۋار قىزمەت تەكسەرۋلەردە باس شۋجي ماڭىزدى شەشىمدەر جونىندە وي ءتۇيىپ، ماڭىزدى مىندەتتەردى ورنالاستىرىپ، ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن جاريالاپ، بۇكىل ەلدەگى ءار ۇلت حالقىن باستاپ ۇلتتى گۇلدەندىرۋدىڭ ايبىندى كارتيناسىن بىرگە سىزدى.
  «ءبىر وتباسىنىڭ، ءتىپتى، ءبىر جەكەنىڭ نەگىزگى تۇرمىس ماسەلەسى شەشىم تاپپايدى ەكەن، ءبىزدىڭ ەشتەڭەنى بىلمەگەنسىپ وتىرىپ الۋىمىزعا بولمايدى»   
− نەشە ون مىڭ شاقىرىم جول باسىپ، حالىقتىڭ مۇددەسىن بارىنەن ۇستەم ورىنعا قويدى، بۇل − حالىقتىڭ قامىن جەۋدى امالي ارەكەتىمەن ايگىلەۋدىڭ ءىزى  
  2015 - جىلى 13 - اقپان. شانشي ولكەسى يانچۋان اۋدانى. كۇن نۇرى تاۋ قويناۋىنداعى لياڭجياحى قىستاعىن شۇلەن شۇعىلاعا بولەپ تۇر.
  باس شۋجي 40 جىلدان كەيىن وسى قىستاققا قايتا ورالعاندا بىلاي دەدى: «مەن لياڭجياحى قىستاعىن، اۋىلداستاردى، كونە رايونداعى حالىقتى ماڭگى ەستەن شىعارمايمىن».
  جۇرگەن جەرىنىڭ بارىندە حالىققا مەيىرىمىن توكتى. ءار رەت تەكسەرۋ - زەرتتەۋگە بارعاندا كەدەي قىستاقتارعا، كەدەي وتباسىلارىنا بارۋ باس شۋجي شي جينپيڭنىڭ كوكەيىندە ءجۇردى.
  اق جاڭبىر سىبەرلەپ تۇر، نيڭشيانىڭ گۋيۋان قالاسى جيڭيۋان اۋدانى داۋان اۋىلى ياڭليڭ قىستاعىنداعى حۇيزۋ كەدەي وتباسى ما كىنىڭ وتباسىندا كەدەيلىكتەن قۇتىلدىرۋ شارالارىنىڭ تياناقتانۋ احۋالىن ەگجەي - تەگجەيلى ۇعىستى؛
  تاۋ جولىندا ءبىر ساعاتتىڭ ۇستىندە جول ءجۇرىپ، انحۇي ولكەسىنىڭ جينجاي اۋدانى حۋاشى اۋىلى داۋان قىستاعىنا بارىپ، كوپشىلىكپەن بىرلىكتە اۋقاتتانۋدىڭ جولىن اقىلداستى؛
   ...
  قيلى - قيلى تاۋ جولدارىن باستى، اۋىر كەدەي وڭىرلەرگە باردى. باس شۋجي شي جينپيڭ تۇرمىسىندا قيىنشىلىعى بار حالىقتى ءبىر سات تە ەسىنەن شىعارمادى.
  «ولار قيىنشىلىق قىسپاعىندا قالسا مازام كەتەدى. ولاردىڭ تۇرمىسى ازىن - اۋلاق جاقسارسا دا ىشتەي قاتتى قۋانىپ قالامىن».
  «2020 - جىلعا دەيىن قازىرگى ولشەمدەگى اۋىل - قىستاقتارداعى كەدەي حالىقتى تۇگەلدەي كەدەيلىكتەن قۇتىلدىرۋ، كەدەي اۋدانداردىڭ كەدەيلىك قالپاعىن تۇگەلدەي الۋ − پارتيامىزدىڭ ۋادەسى».
  حالىققا دەگەن سۇيىسپەنشىلىك تەرەڭدەگەن سايىن، جەڭىل - جەلپى ۋادە بەرۋدەن قورقاسىڭ.
  باس شۋجي شي جينپيڭ قاشاندا حالىقتىڭ قامىن جەدى. باس شۋجيدىڭ بارعان جەرى كوبەيگەن سايىن، ونىڭ حالىق بۇقاراسىمەن سۇيىسپەنشىلىگى ءتىپتى دە تەرەڭدەي ءتۇستى.
  كەدەي حالىقتىڭ تۇرمىسىنا نازار اۋداردى. حۋنان ولكەسىنىڭ حۋاحىڭ اۋدانى شىبادۇڭ قىستاعىنداعى اۋىر كەدەي وتباسى شى چيۋىننىڭ ۇيىندە، باس شۋجي كاريانىڭ ءوندىرىس، تۇرمىس جاعدايىن ەگجەي - تەگجەيلى سۇراپ، ولاردىڭ اۋلاسىنداعى اعاش ۇيگە كىرىپ، كۇرىش ساندىعىن اشىپ، جەيتىن استىعىنىڭ جەتەتىن - جەتپەيتىنىن كوردى.
  قۋاڭ وڭىردەگى بۇقارانىڭ اۋىز سۋ ماسەلەسىنە نازار اۋداردى. گانسۋ ولكەسىنىڭ ديڭشيى سۋ تاپشى قۋاڭ جەر. باس شۋجي تاۋحى وزەنىنەن سۋ تارتۋ ينجەنەريالىق قۇرىلىسى ءجۇرىلىپ جاتقان قۇرىلىس الاڭىنا ارنايى بارىپ قىزمەت تەكسەرىپ، سول جەردەگى كادرلارعا حالىق تۇرمىسىن جوعارى ورىنعا قويۋدى، سۋدى وڭاۋدى ماڭىزدى ورىنعا قويۋدى، بۇقارانىڭ تاۋحى وزەنىنىڭ تازا سۋىن ەرتەرەك ىشۋىنە مۇمكىندىك جاساۋدى تاپسىردى.
  اپات تۋىلعان ءوڭىردىڭ مەكەندى قايتا قۇرۋ جۇمىسىنا نازار اۋداردى. حيلۇڭجياڭ ولكەسى تۇڭجياڭ قالاسى باچا حىجى ۇلتتىق اۋىلىنىڭ باچا قىستاعى ەرەكشە اۋىر تاسقىن اپاتىنا ۇشىراپ ويراندالعان بولاتىن. پارتيا مەن ۇكىمەتتىڭ قامقورلىعىندا اپاتتان كەيىنگى قايتا قۇرۋ جۇمىسى ءساتتى ءجۇرىلىپ، قىستاق تۇرعىندارى تۇگەلدەي جاڭا ۇيگە كوشىپ كىردى، كىرىستەرى دە ارتتى. باس شۋجي وسى قىستاقتاعى اۋىلداستارعا كوممۋنيستىك پارتيانىڭ بۇكىل ىنتا - پەيىلىمەن حالىققا قىزمەت ەتەتىنىن، ايتقانىن ورىندايتىنىن ايتتى.
  قالا تۇرعىندارىنىڭ كوجە - قاتىق قۇرىلىسىنا نازار اۋداردى. گانسۋ ولكەسىنىڭ لانجوۋ قالاسىنىڭ ۋچۋان كوكونىس بازارىندا باس شۋجي كوكونىس باعاسىن تاپتەشتەي سۇراپ ۇعىسىپ، بازار قامداۋ جاعدايىن كوزدەن كەشىردى.
  از ۇلت رايوندارىنىڭ دامىپ، العا باسۋ جاعدايىنا نازار اۋداردى. يۇننان ولكەسىندە قىزمەت تەكسەرگەن كەزدە ارنايى ۋاقىت شىعارىپ، كەزىندە وزىنە حات جولداعان دۋلۇڭ ۇلتى بۇقاراسىمەن اڭگىمەلەسىپ، باقىتتى، تاماشا تۇرمىستى تىلگە تيەك ەتتى؛ چيڭحاي ولكەسىنىڭ گولمۇت قالاسى تاڭگۋلاشان قالاشىعى چاڭجياڭيۋان قىستاعىندا زاڭزۋ باۋىرلاستارمەن بىرگە ەكولوگيالىق كوشى - قون جونىندەگى اسەرىن اقتارىلا اڭگىمەلەدى؛ جيلين ولكەسىنىڭ يانبيان چاۋشيان اۆتونوميالى وبلىسىندا سول جەردەگى كادرلارمەن بىرگە چاڭجيتۋ اشۋ، ەسىك اشۋ جەتەكشى رايون قۇرىلىسى جونىندە جوبا جاسادى.
   ...  اڭگىمەلەسىپ شۇيىركەلەسۋدەن باس شۋجيدىڭ جۇرەك تۇكپىرىندە حالىقتى جوعارى ورىنعا قوياتىن سەنىمى مەن مۇندالايدى.
  ىشكى موڭعۇل اۆتونوميالى رايونىنىڭ كوكحوت قالاسىنداعى بالالار يگىلىك ورنىندا ۋاڭ ياني ەسىمدى مىلقاۋ قىز بالا باس شۋجيگە باس بارماعىن بۇگىپ، «راقىمەت» دەپ يشارات ءبىلدىردى. باس شۋجي شي جينپيڭ كۇلىمسىرەي: «باس بارماقتى شىعارسا جارايدى، بۇكسە راقىمەت دەگەندى بىلدىرەدى»، - دەپ، وعان ىلەسە ساقاۋلار ءتىلىن ۇيرەندى.
  سىچۋان ولكەسىنىڭ لۋشان اۋدانىندا جەر سىلكىنىسى اپاتى تۋىلعاننان كەيىن، باس شۋجي شي جينپيڭ اپات تۋىلعان رايونعا بارىپ، اپاتقا ۇشىراعان بۇقارادان جانە اپاتتان قۇتقارۋ جۇمىسىنا ات سالىسقان كوماندير - جاۋىنگەرلەردەن حال سۇرادى. جاڭ شاڭ ەسىمدى جاس ۇشقىشتىڭ اپاتتان قۇتقارۋدىڭ الدىڭعى شەبىنە تىزگىن ۇشىمەن بارعاندىقتان، توي ۋاقىتىنىڭ كەشەۋىلدەگەنىنەن حابار تاپقاننان كەيىن، باس شۋجي وعان: «ۋاقىتتى مىقتى ۇستاپ، تويىڭدى جاساپ ال»! - دەپ قاداعالادى.
  ىشكى موڭعۇل اۆتونوميالى رايونى ارشان قالاسىنىڭ سانجياۋشان قاراۋىل ورنىندا باس شۋجي شي جينپيڭ كەزەكشىلىك مىندەت وتەۋگە پايدالانىلاتىن قۇرىلعىلار مەن جاتاقحانا جۇمىستارىنا پايدالانىلاتىن قۇرىلعىلاردى تاپتەشتەي تەكسەرىپ، باقىلاۋ داپتەرىنە اتىن جازدى، كەزەكشىلىك مىندەت وتەپ جاتقان قاراۋىلدارعا: «بۇگىن سىزدەرمەن بىرگە كۇزەتكە تۇرامىن»، - دەدى.
  حالىقتان شىققان باس شۋجي حالىقتىڭ تاماشا تۇرمىسقا دەگەن تالپىنىسىنىڭ قانشاما كوكەي تەستى ەكەندىگىن قانىق بىلەدى. شار تاراپقا جەتكەن ءار قادامى باس شۋجي شي جينپيڭنىڭ حالىقپەن بولعان تەرەڭ سۇيىسپەنشىلىگىن بەينەلەدى.
  «تەكسەرۋ − ءىس ىستەۋدىڭ نەگىزى، ءىستى تىندىرۋدىڭ جولى. تەكسەرۋ جۇرگىزبەگەننىڭ سويلەۋ ۇقىعى جوق، شەشىم جاساۋ ۇقىعى ءتىپتى دە جوق»   
  − ءبىر جاعىنان امالياتتان وتكىزىپ، ءبىر جاعىنان وي جۇگىرتىپ، تەكسەرىپ − زەرتتەۋ جۇرگىزدى، بۇل − ىستەردە جاڭا جاعداي اشۋدىڭ ءىزى  
2017 - جىلى 23 - اقپان. سولتۇستىك جۇڭگو جازىعىندا قار تولاستاپ، كۇن كوتەرىلە باستادى. باس شۋجي شي جينپيڭ تاڭەرتەڭ ەرتە جۇڭنانحايدان اتتانىپ، اۆتوكولىكپەن 100 نەشە كيلومەتر جول باسىپ، حىبەي ولكەسىنىڭ انشين اۋدانىنا بارىپ، جوبالانۋ ۇستىندەگى شيۇڭ - ان جاڭا رايونى وزەكتى رايونىنىڭ جالپى نوبايىن كوزدەن كەشىردى.
  «بۇل اراداعى بۇقارانىڭ تۇرمىسى قانداي؟ حالىق سانى تىعىزدىعى قانداي؟ كوشىرىلگەن ادام سانى قانشا»؟ باس شۋجي شي جينپيڭ جوبا كارتاسىنان رايون ورنىن، جوبا جاعدايىن تاپتەشتەي كورىپ، حالىقتى باسقا جەرگە كوشىرىپ ورنالاستىرۋ، ءوڭىر ىشىندەگى گەولوگيالىق جاعدايدى، سۋ شارت - جاعدايى سياقتىلاردى تاپتەشتەي ۇعىستى.
  ۇزاقتى كوزدەگەن ۇلى جوسپار، مەملەكەتتىڭ كەلەلى ءىسى. شيۇڭ - ان جاڭا رايونىن قۇرۋعا قاتىستى حاباردىڭ جاريالانۋىنا بايلانىستى، جۇرت پارتيا ورتالىق كوميتەتىنىڭ قانداي جان - جاقتى تەكسەرۋ - زەرتتەۋ جۇرگىزۋ ارقىلى وسىنداي كەلەلى ستراتەگيالىق شەشىم جاساعانىن كوپ وتپەي ءبىلدى.
  باس شۋجي شي جينپيڭ «تەكسەرىپ - زەرتتەۋ − باسشىلىق قىزمەتتى ويداعىداي ىستەۋدىڭ نەگىزى» دەيدى. ءسويتىپ، بۇل باس شۋجي شي جينپيڭنىڭ شارشاپ - شالدىققانىنا قاراماستان نەگىزگى ساتىنى ارالاۋىنداعى باستى ماقساتى بولدى.
  باس شۋجي شي جينپيڭنىڭ تەكسەرىپ - زەرتتەۋ جۇرگىزۋ بارىسى − كەلەلى ستراتەگيالار جونىندە شەشىم - ورنالاستىرۋ جاساۋ بارىسى.
  باس شۋجي رەفورمانى باستان - اياق ەسىنەن شىعارمادى.
  شاڭحاي ەركىن ساۋدا سىناق رايونى، تيانجين بيڭحاي جاڭا رايونى، ۋحان اۋىل - قىستاق مال - مۇلىك ۇقىعى ۋنيۆەرسال بيرجا ورنى، جىجياڭ جوۋشان توپ ارالى جاڭا رايونى، فۋجيان پيڭتان كەشەندى سىناق رايونى... تەكسەرۋ بارىسىندا باس شۋجي شي جينپيڭ رەفورمانى جاپپاي تەرەڭدەتۋدى تەكسەرىپ - زەرتتەۋ جۇرگىزۋدىڭ ماڭىزدى تاقىرىبى ەتىپ، ءبىر جاعىنان امالياتتان وتكىزىپ، ءبىر جاعىنان وي جۇگىرتىپ، باعىتتى ايقىندادى.  جياڭسۋ ولكەسىندە «پارتيا ورتالىق كوميتەتى ماقۇلداعان رەفورما جوبالارىن ناقتاپ تياناقتاندىرىپ، باتىلدىقپەن ىزدەنىس جاساپ، امالياتتا باتىلدىقپەن ايگىلەپ، تۇيىندەردە بەلسەنە سىناق ەتىپ، تاجىريبە توپتاۋ كەرەك» دەپ باسا دارىپتەدى؛
  شاندۇڭ ولكەسىندە رەفورمانى دۇرىس ىلگەرىلەتۋ، رەفورمانى ءدال ىلگەرىلەتۋ، رەفورمانى تارتىپپەن ىلگەرىلەتۋ، رەفورمانى سايكەستى ىلگەرىلەتۋ سىندى رەفورما ءادىسناماسىن العا قويدى.
  حۋبەي ولكەسىندە رەفورمانى جاپپاي تەرەڭدەتۋدە ويداعىداي ءبىر جاقتى ەتەتىن 5 ءىرى قاتىناستى ايقىندادى.
  جاڭالىق اشۋ − باس شۋجي شي جينپيڭنىڭ تەكسەرۋ - زەرتتەۋ قيمىلدارىنداعى ءتۇيىندى سوزدەرىنىڭ ءبىرى بولدى.
  عىلمي زەرتتەۋ ورىندارى، جوعارى مەكتەپتەر، جوعارى تەحنيكالىق كاسىپورىندار، جوعارى، جاڭا تەحنيكالىق اشۋ رايوندارى... باس شۋجي شي جينپيڭ جاڭالىق اشۋ فاكتورى ەڭ جاندى وسى جەرلەرگە ءجيى قادام تاستادى.
 ۋحانداعى دۇڭحۋ مەملەكەتتىك دەربەس جاڭالىق اشۋدان ۇلگى كورسەتۋ رايونىندا، باس شۋجي شي جينپيڭ وپتيكالىق كابەلمەن حابارلاسۋ، 3D پرينتەرى، بيولوگيالىق ەنەرگيا كوزى سياقتى جاڭالىق اشۋ جەتىستىكتەرى كورمەسىن كورگەندە مىنالاردى باسا دارىپتەدى: ءبىر مەملەكەتتىڭ ەكونوميكالىق مولشەرىنىڭ زورايۋى ونىڭ قۇدىرەتتەنگەنىن بىلدىرمەيدى. جۇڭگو ءبىر ءىرى ەل، عىلىم - تەحنيكادا جاڭالىق اشۋدا ءوزىنىڭ بۇيىمى بولۋ كەرەك.   حىنان ولكەسىنىڭ جىڭجوۋ قالاسىنداعى جۇڭگو تەمىر جول قۇرىلىس جانە جابدىقتاۋ توپ سەرىكتەستىگىنىڭ قالقانمەن ۇڭعىلاۋ باس قۇراستىرۋ سەحىندا، باس شۋجي شي جينپيڭ شىن ىقىلاسپەن بىلاي دەدى: ءبىر جەر، ءبىر كاسىپورىننىڭ دامۋداعى تۇيتكىلدەردى جەڭىپ، تەرەڭ قاتپارلى قايشىلىقتار مەن ماسەلەلەردى شەشۋىنىڭ ءتۇبىرلى جولى جاڭالىق اشۋدا.
  فۋجيانداعى شيندالۋ عىلىم - تەحنيكا توبىندا، باس شۋجي شي جينپيڭ كاسىپورىندى عىلىم - تەحنيكادا جاڭالىق اشۋ مەن جەتىستىكتەردى جىلدام كاسىپ سالالاندىرىپ، كاسىپ سالاسىنىڭ دامۋىنىڭ الدىڭعى لەگىن مىقتاپ يگەرىپ، حالىقارالىق بازاردى مىقتاپ يەلەۋگە شابىتتاندىردى.
  جۇڭگو عىلىم اكادەمياسىنىڭ شي - ان وپتيكالىق نازىك ماشينالاردى زەرتتەۋ ورنىندا باس شۋجي شي جينپيڭ: وزەكتى تەحنيكالاردى سىرتتان سۇراپ الۋعا بولمايدى، ءبىز ءوز كۇشىمىزگە سۇيەنۋىمىز كەرەك، - دەپ باسا دارىپتەدى.
  تەكسەرۋ - زەرتتەۋ بارىسىندا باس شۋجي شي جينپيڭ جاسىل تاۋ، تۇنىق وزەندى ۇنەمى نازاردا ۇستادى.
  ىشكى موڭعۇلداعى ارشان تاۋلى رايونىندا، يۇننانداعى ىرحايدا، چيڭحايداعى چارحان تۇزدى كولىندە، حيلۇڭجياڭداعى حيشيازى ارالىندا باس شۋجيدىڭ ءىزى قالدى، سونداي - اق ەكولوگيالىق وركەنيەت قۇرىلىسىن ىلگەرىلەتۋدىڭ جاندى امالياتىنىڭ تاڭباسى قالدى.
  «مىڭ ەستىگەننەن ءبىر كورگەن ارتىق، مىڭ كورگەننەن ءبىر قادام باسقان ارتىق».
  تەكسەرۋ - زەرتتەۋ بارىسىندا باس شۋجي شي جينپيڭ پارتيا مەن مەملەكەتتىڭ كەلەلى شەشىمدەرى، كەلەلى جوبالارى، كەلەلى ماجىلىستەرى جونىندە حالىق پىكىرىن كەڭ كولەمدە تىڭداپ، ءار جاقتىڭ يدەياسىن بىرلىككە كەلتىردى −
  پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ حۇجاتتارىن دايىنداۋ بارىسىندا باس شۋجي شي جينپيڭ ىلگەرىندى - كەيىن ەكونوميكاسى دامىعان شىعىس جۇڭگو وڭىرىنە، كەدەيلىكتەن قۇتىلدىرۋدان قامال الۋ مىندەتى اۋىر ورتا، باتىس بولىكتەگى وڭىرلەرگە، وركەندەۋ، دامۋ قادامى جەدەلدەگەن شىعىس سولتۇستىكتەگى بايىرعى ونەركاسىپ بازالارىنا بارىپ، «13 - بەسجىلدىق» مەزگىلىندەگى ەكونوميكالىق، قوعامدىق دامۋدى ويداعىداي جوبالاۋ جونىندە تەكسەرۋ - زەرتتەۋ جۇرگىزدى. باس شۋجي شي جينپيڭ تاعى ىلگەرىندى - كەيىن جىجياڭ، گۇيجوۋ، جيليندە اڭگىمە ءماجىلىس باسقارىپ اشىپ، 18 ولكەدەگى نەگىزگى جاۋاپتى جولداستاردان «13 - بەسجىلدىق» مەزگىلىندەگى ەكونوميكالىق - قوعامدىق دامۋ جاعدايى جونىندە ۇسىنىس - پىكىر الدى.
  كەدەيلىكتەن قۇتىلدىرۋدان قامال الۋدىڭ شەشۋشى ساتىندە، باس شۋجي شي جينپيڭ نەگىزگى ساتىدا ءبىر قاتار اڭگىمە ماجىلىستەردى باسقارىپ، اشىپ، تەكسەرۋ - زەرتتەۋ بارىسىندا كورگەن - بىلگەندەرى مەن ويلاعاندارىن ماجىلىستە ورتاعا سالىپ، كوپشىلىكپەن تەرەڭ پىكىر الماستىردى. 2015 - جىلى اقپاندا شانشيدەگى يان - اندا شانشي - گانسۋ - نيڭشياداعى بايىرعى توڭكەرىستىك رايونداردىڭ كەدەيلىكتەن قۇتىلىپ، اۋقاتتانۋى جونىندەگى اڭگىمە ماجىلىستە بايىرعى رايونداردىڭ حالقىن باقىتتى، باقۋاتتى تۇرمىسقا كەنەلتۋدى باسا دارىپتەدى؛ 2015 - جىلى ماۋسىم ايىندا گۇيجوۋداعى گۇيياڭدا شوعىرلى ۇلاسپالى ەرەكشە قيىنشىلىعى بار رايونداردىڭ كەدەيلىكتەن قۇتىلدىرۋدان قامال الۋى جونىندەگى اڭگىمە ماجىلىستە كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋعا ءتىپتى زور كۇش سالۋدى باسا دارىپتەدى؛ 2016 - جىلى شىلدەدە نيڭشياداعى يىنچۋاندا شىعىس - باتىس بولىكتەردىڭ كەدەيلەردى سۇيەمەلدەۋ سەلبەستىگى جونىندەگى اڭگىمە ماجىلىستە كەدەيلەردى ناق سۇيەمەلدەۋ، ناق كەدەيلەردى سۇيەمەلدەۋ، كەدەيلىكتەن ناق قۇتىلدىرۋدى باسا دارىپتەدى؛ 2017 - جىلى ماۋسىم ايىندا سانشيدەگى تاييۋاندا اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋى جونىندەگى اڭگىمە ماجىلىستە اۋىر كەدەي وڭىرلەر مەن كەدەي بۇقارانىڭ بۇكىل ەل حالقىمەن بىرگە دوڭگەلەك داۋلەتتى قوعامعا قادام باسۋىن قامتاماسىز ەتۋدى باسا دارىپتەدى.
  پارتيانىڭ 19 - قۇرىلتايىن ويداعىداي وتكىزۋ باس شۋجي باسا نازار اۋدارىپ وتىرعان ماسەلەنىڭ ءبىرى. بيىل ساۋىردە گۋاڭشيدا تەكسەرۋ جۇرگىزگەن كەزىندە، باس شۋجي شي جينپيڭ اۋىل - قىستاق، كاسىپورىن، ورگان، مەكتەپ، عىلمي زەرتتەۋ ورىندارىنان كەلگەن نەگىزگى ساتى ۋاكىلدەرىمەن ارنايى اڭگىمە وتكىزىپ، ولاردىڭ ۇسىنىستارى مەن تىلەكتەرىن تىڭداپ، پارتيانىڭ 19 - قۇرىلتايىنا دايىندالعاندا، ءسوز جوق، دەموكراتيانى تولىق ساۋلەلەندىرىپ، كوپ ءتۇرلى تاسىلدەرمەن بۇكىل پارتيانىڭ، بۇكىل ەلدەگى ءار ۇلت حالقىنىڭ اقىل - پاراساتىن جيناقتاۋدى باسا دارىپتەدى.
  تەكسەرۋ - زەرتتەۋ بارىسىندا، باس شۋجي شي جينپيڭ مەملەكەتتىڭ ەكونوميكالىق، قوعامدىق دامۋى جونىندەگى ماڭىزدى ستراتەگيالارىن جوعارى دەڭگەيدە جوبالاپ، ولاردىڭ دايەكتىلەندىرىلۋى مەن اتقارىلۋىن ىلگەرىلەتتى −
  5 جىلدان بەرى، باس شۋجي شي جينپيڭ بەيجيڭ - تيانجين - حىبەي وڭىرىنە كوپ مارتە تەكسەرۋ جۇرگىزىپ، بەيجيڭ - تيانجين - حىبەيدىڭ سايكەسە دامۋىن تىكە جوبالادى. بەيجيڭ قالالىق جوبا كورمە سارايى، تيانجين بينحاي جاڭا رايونى، حىبەي ولكەسى جاڭجياكوۋ قالاسىنىڭ چۇڭلي رايونى، بەيجيڭ قالاسىنىڭ قوسالقى ورتالىعى، بەيجيڭ جاڭا اۋەجايىنىڭ قۇرىلىس الاڭى... جوعارى دەڭگەيلى جوبا جاساۋدان ورنالاستىرىپ اتقارعانعا دەيىن قايتا - قايتا جۇمىس باسىنا بارۋ بارىسىندا بەيجيڭ - تيانجين - حىبەيدىڭ سايكەسە دامۋ جوباسى بىرتىندەپ ىسكە اسىپ كەلەدى.
  5 جىلدان بەرى، باس شۋجي شي جينپيڭ چاڭجياڭ ەكونوميكالىق بەلدەۋىنىڭ دامۋى جونىندە ىشكەرىلەي تەكسەرۋ - زەرتتەۋ جۇرگىزدى. ۋحان جاڭا كەمەجايىنىڭ ياڭلو كونتەينەرلىك كەمەجايى مەن چۇڭچيڭدەگى لياڭجياڭ جاڭا رايونىنىڭ گويۋان كەمەجايىن كوزبە - كوز تەكسەرىپ، چۇڭچيڭدە اڭگىمە ءماجىلىس باسقارىپ اشىپ، «كەزەكتە جانە الداعى ءبىرتالاي مەزگىلدە چاڭجياڭ وزەنىنىڭ ەكولوگيالىق ورتاسىن قالپىنا كەلتىرۋدى باسىم ورىنعا قويىپ، كولەمدى قورعاۋدى جۇمىلا يگەرىپ، كولەمدى اشۋدان باس تارتۋ» ماڭىزدى ستراتەگيالىق يدەياسىن ايقىن العا قويدى.
  «ءبىر بەلدەۋ، ءبىر جول» قۇرىلىسىن دا باس شۋجي شي جينپيڭ ءوزى ورتاعا قويىپ، تىكە ىلگەرىلەتتى. گۋاڭشيدەگى تەكسەرۋ كەزىندە، باس شۋجي شي جينپيڭ بايىرعى تەڭىز جىبەك جولىنىڭ ەرتەدەگى شىعىس پورتتارىنىڭ ءبىرى بولعان بەيحايعا ارنايى بارىپ، كەمەجايدى كوزدەن كەشىرىپ، مۇراجايدى ارالاپ، ەكولوگيالىق قورىقتى تەكسەرىپ، «تەڭىز جىبەك جولىنىڭ جاڭا داستانىن جاقسى جازۋدى» باسا دارىپتەدى. باس شۋجي شي جينپيڭ بارعان جەرىنىڭ بارىندە «ءبىر بەلدەۋ، ءبىر جول» قۇرىلىسىن ءتىپتى كەڭ ايادان جوبالاپ، جوسپارلادى.
  5 جىلدان بەرى، باس شۋجي شي جينپيڭ جاپپاي، ىشكەرىلەي تەكسەرۋ - زەرتتەۋ جۇرگىزىپ، ەل باسقارۋداعى نازاريالار مەن امالياتتى ۇزدىكسىز مولايتىپ، دامىتىپ، جۇڭگوشا سوتسياليزمنىڭ تاعى ءبىر تىڭ ساپارىن باستادى.
 «جۇڭحۋا ۇلتى ۇزاق ۋاقىتتان بەرى كۇش - قۋات جيناپ كەلەدى، ەندى وسى كۇش - قۋاتپەن ۇلى جۇڭگو ارمانىن ىسكە اسىرۋىمىز كەرەك»   
− اۋەلگى ماقساتتى ۇمىتپاي، ۇدەرە العا تارتتى، بۇل − ۇلى گۇلدەنۋگە قاراي بەت الۋدىڭ ءىزى  
  باس شۋجي شي جينپيڭنىڭ پارتيا 18 - قۇرىلتايىنان بەرگى ەل ىشىندەگى تەكسەرىپ - زەرتتەۋ جۇرگىزۋى، توڭكەرىستىك ىزدەنىستەرى كوڭىل وتىن مازداتىپ، ادامدى شابىتتاندىرادى.
  2013 - جىلى شىلدەدە باس شۋجي شي جينپيڭ حىبەيدىڭ شيبايپو ەسكەرتكىش سارايىنداعى كورمە تاقتاسىنىڭ الدىندا ەداۋىر ۋاقىت ايالدادى.
  باس شۋجي كورمە تاقتاسىن كورىپ تۇرىپ بىلاي دەدى: «تۋعان كۇن تويلاماۋدى ىسكە اسىردىق؛ تارتۋ - تارالعى بەرمەۋ، مۇندا ءالى دە ماسەلە ساقتالىپ وتىر. سوندىقتان <4 ءتۇرلى بۇرىس ستيلگە> قارسى تۇرۋدا وسى ماسەلەنى شەشۋ كەرەك؛ اراقتى ازىراق ۇسىنۋ كەرەك، ۇكىمەت اقشاسىمەن ءىشىپ - جەۋ تيىلدى، ماڭىزدىسى، تاباندى بولۋ كەرەك؛ شاپالاقتى از سوعۋ كەرەك، مۇنى دا قۋاتتايمىز؛ ادام اتىندا جەر اتىن قويماۋ، بۇعان دا تاباندى بولدىق؛ التىنشى تارماق جونىندەگى پارتيامىزدىڭ تانىمى وتە ايقىن...».
  بۇل ارا «قاعيدا ورناتاتىن جەر» ءارى كوممۋنيستىك پارتيا مۇشەلەرىنىڭ حالىق قىزمەتشىسى تانىمى مەن حالىق ءۇشىن قىزمەت ىستەۋ سەزىمىن وياتاتىن جاندى ساباقحانا.
  فۋجيانداعى گۋتيان ءماجىلىسىنىڭ ءماجىلىس ورنى، شانشي يان - ان ياڭجياليڭداعى پارتيا 7 - قۇرىلتايىنىڭ ءماجىلىس ورنى، گۇيجوۋ زۇن - ي سامۇرىق تاۋىنىڭ وڭتۇستىك بەتكەيىندەگى قىزىل ارميا قاھارماندار قابىرىستانى، جياڭشي جيڭگاڭشان باجياۋلوۋ توڭكەرىستىك كونە جۇرت شوعىرى، انحۇي جينجاي اۋدانى توڭكەرىستىك مۇراجايى، نيڭشيا گۋيۋان قالاسى جياڭتايباۋ قىزىل ارميا ۇزاق جورىعىنىڭ توعىسۋ ەستەلىك سارايى، سانشي لۇيلياڭ سانشي - سۇييۋان اسكەري رايونى قولباسشىلىق شتابىنىڭ كونە جۇرتى...
  «ءبىز ءوزىمىزدىڭ قايدان كەلگەنىمىزدى ماڭگى ۇمىتپاۋىمىز كەرەك، توڭكەرىستىڭ تاريحي بارىسىنان قاشاندا اقىل - پاراسات الىپ، كۇش - قۋات قابىلداۋىمىز كەرەك». باس شۋجي شي جينپيڭنىڭ تەكسەرىپ - زەرتتەۋ ساپارلارى ول كىسىنىڭ وسى سوزىنە جاندى تۇسىنىك بەردى.
  باس شۋجي شي جينپيڭ تەكسەرىپ - زەرتتەۋ بارىسىندا ۇلى شايقاس، ۇلى ينجەنەريا، ۇلى ءىس، ۇلى ارمان جونىندەگى ستراتەگيالىق جوبالاردى قاراستىردى.
  بۇگىنگى جۇڭگوداعى ەڭ ايقىن داۋىرلىك تاقىرىپ − «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋ.
  پارتيا 18 - قۇرىلتايى جابىلىپ كوپ ۇزاماي، باس شۋجي شي جينپيڭ ورتالىق ساياسي بيۋروداعى باسقا تۇراقتى مۇشەلەرمەن بىرگە مەملەكەتتىك مۇراجايعا كەلىپ، «گۇلدنۋ جولى» كورمەسىن ارالاعاندا «جۇڭحۋا ۇلتىنىڭ ۇلى گۇلدەنۋىن ىسكە اسىرۋ − جۇڭحۋا ۇلتىنىڭ تاياۋ زاماننان بەرگى ەڭ ۇلى ارمانى» دەگەندى ورتاعا قويدى.
  سودان باستاپ، ءبىر ارماننىڭ وتى تۇتاپ، سانسىزداعان ادامنىڭ جۇرەگىنە ۇيالاپ، ۇلت گۇلدەنۋىن ىسكە اسىراتىن قۇدىرەتتى كۇش ۇيىستى.
  پارتيا 18 - قۇرىلتايىنان كەيىن، باس شۋجي شي جينپيڭ بەيجيڭنەن تىس جەرگە العاش رەت تەكسەرىپ - زەرتتەۋ جۇرگىزگەندە، جۇڭگونىڭ رەفورما جاساپ، ەسىك اشۋىنىڭ الدىڭعى شەبى بولعان گۋاڭدۇڭعا كەلدى. شىنجىن ليانحۋاشاندا باس شۋجي شي جينپيڭ تەبىرەنە بىلاي دەدى: ءبىزدىڭ دىڭ شياۋپيڭ جولداستىڭ مىس ءمۇسىنىنىڭ باسىنا كەلۋىمىز − ءبىزدىڭ رەفورما جاساپ، ەسىك اشۋدى بۇلجىتپاي ىلگەرىلەتەتىنىمىزدى، رەفورما جاساپ، ەسىك اشۋدا جانە وسىزامانداندىرۋ قۇرىلىسىندا تىڭ جەتىستىكتەرگە قول جەتكىزۋدى، تىڭ ناتيجەلەر جاراتۋدى، تىڭ ساتىعا قادام باسۋدى كۇش سالا ىلگەرىلەتەتىنىمىزدى بىلدىرەدى.
  گۋاڭدۇڭنان قايتىپ كەلگەننەن كەيىن اراعا جارىم اي تاستاپ، باس شۋجي شي جينپيڭ شارشاپ - شالدىققانىنا قاراماستان اق قار، كوك مۇزدان ءوتىپ، 700 شاقىرىم جول باسىپ حىبەي ولكەسى فۋپيڭ اۋدانى لۇڭچۋانگۋان قالاشىعىنىڭ لوتوۋان قىستاعى مەن گۋجياتاي قىستاعىنا ارنايى كەلدى. ول ارادا ول كىسى ناق كەدەيلەرگە قارايلاسۋ، ناق كەدەيلەردى سۇيەمەلدەۋ، كەدەيلەردى ناق سۇيەمەلدەۋدى ورتاعا قويدى.
  وسىدان باستاپ جاپپاي دوڭگەلەك داۋلەتتى قوعام قۇرۋ، ءبىرىنشى 100 جىلدىق كۇرەس نىساناسىن ىسكە اسىرۋدىڭ شايقاس دابىلى قاعىلدى.
  جەر - جەردەگى تەكسەرىپ - زەرتتەۋلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى ءداۋىر ءۇنىن تاراتىپ، باس شۋجي شي جينپيڭنىڭ تاريحتىڭ جالپى بەتالىسىن انىق بولجاعانىن، ءداۋىر تاقىرىبىن دۇرىس يگەرگەنىن، بولاشاقتىڭ نەگىزىن قالاۋداعى جاۋاپكەرلىگىن ايگىلەدى.
  شاڭحايداعى جۇڭگو ساۋدالىق ۇشاق شەكتەۋلى سەرىكتەستىگىنىڭ جوبالاۋ، زەرتتەۋ ورتالىعىندا، باس شۋجي شي جينپيڭ C919 ءىرى تۇرپاتتى جولاۋشىلار ۇشاعىنىڭ مولدەلىنە وتىردى، ول كىسى تەحنيكتەردى جىگەرلەندىرە بىلاي دەدى: العا باسۋ ارمانىمەن ءوزىمىزدى جىگەرلەندىرىپ، پارىقتى سالىستىرۋمەن ءوزىمىزدى قامشىلاپ، ءوزىمىز دەربەس زەرتتەپ جاساعان ءىرى تۇرپاتتى جولاۋشىلار ۇشاعىن ەرتەرەك زەڭگىر كوكتە قالىقتاتۋىمىز كەرەك.
  3 جىلدان كەيىن، C919 ۇشاعى زەڭگىر كوكتە قالىقتادى. نىسان تۇرعىزۋدان جاساپ بىتكەنگە دەيىن 10 جىل ۋاقىت كەتىپ، 22 ولكە، قالانىڭ، 200دەن استام كاسىپورىننىڭ، 200 مىڭعا تارتا ادامنىڭ بىرگە قۇلشىنۋىندا ۇشاق ءساتتى جاسالىپ شىقتى.
  «جۇڭحۋا ۇلتى ۇزاق ۋاقىتتان بەرى كۇش - قۋات جيناپ كەلەدى، ەندى وسى كۇش - قۋاتپەن ۇلى جۇڭگو ارمانىن ىسكە اسىرۋىمىز كەرەك».
  نيڭشيا نيڭدۇڭ ەنەرگيا، حيميا - ونەركاسىپ بازاسىندا باس شۋجي شي جينپيڭنىڭ نەشە ءجۇز قىزمەتشىگە تەبىرەنە سويلەگەن ءسوزى الاڭداعى بارلىق ادامدى اسەرلەندىردى، شاپالاق ءۇنى تولاستامادى.
  باس شۋجي شي جينپيڭنىڭ حالىق جۇرتشىلىعىمەن ءوزارا پىكىرلەسىپ، ارالاسقان ءاربىر كورىنىسى ءبىر ميلليارد 300 ميلليون ادامنىڭ ارمان كارتيناسىن قۇراستىردى؛ باس شۋجي شي جينپيڭنىڭ تەكسەرىپ - زەرتتەۋ جاساعاندا قالعان ىزدەرى 9 ميلليون 600 مىڭ شارشى كيلومەتر بايتاق دالاداعى ۇلى ءدۇبىردىڭ داۋىرلىك اياق الىسىن بەينەلەدى.
  بۇل كۇندەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر ميلليارد 300 ميلليون جۇڭگو حالقىن باستاپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بەتكە الىپ، جۇڭگوشا سوتسياليزم ىستەرىنىڭ تىڭ داستانىن جازۋدا.
  (شينحۋا اگەنتتىگىنىڭ 8 - قازاندا بەرگەن حابارى)

ءان الەمى

جول توسىلىپ قالدى

تۇلپارىم