باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كاسىپ اشۋ مەن جاڭالىق جاراتۋعا قىزمەت وتەۋ ـــ وسى سالاعا ويىسقانداردىڭ ارمانىن جالعادى

    كەلۋ قاينارى: شينجياڭ حالىق راديو ىستانسياسى    2017-10-12 13:03:43  
ستانسيامىزدىڭ ءتىلشىسى لەي ميڭنىڭ حابارىن تىڭداڭىزدار: جۇمىلا كاسىپ اشۋ، جۇمىلا جاڭالىق جاراتۋ كەرەك، قازىر بۇرىنعىدان دا كوپ كاسىپ اشۋ ويىنداعىلار پارتيانىڭ ءابزال ساياساتىنان پايدالانىپ، كاسىپ اشۋدىڭ لەگىنە قوسىلدى.
10-قازان تۇستەن بۇرىن، ءۇرىمجى قالالىق چيڭفىڭ سۇيەك اۋىرۋلارى شيپاحاناسى سۇيەك اۋىرۋلارىءبولىمىنىڭ سەستراسى حان شياۋني وپەراتسيا جاساتقان ناۋقاسقا قالپىنا كەلتىرۋ جاتتىعۋىن جاساتتى، كۇتىمدەۋ ماماندىعىن وقىعان ول، بيىل وقۋ تاۋىسا سالىپ، حالىق باسقارۋىنداعى وسى شيپاحاناعا كەلىپ قىزمەتكە ورنالاستى. حان شياۋني: شيپاحانانىڭ باسقارۋ كوزقاراسى، جۇمىس جۇرگىزۋ فورماسى نەداۋىر وزىق، وسىندا بولسام ارمانىمدى جۇزەگە اسىرىپ، ارتىقشىلىعىمدى ساۋلەلەندىرە الامىن،-دەدى.
شيپاحانا باستىعى، بيىل 30 جاستاعى قازاق جىگىت ءادىل ابدىكەرىم ۇلى كەزىندە ۇكىمەت اشقان شيپاحانادا قىزمەت ىستەگەن، ول تىلشىگە، ءوزىنىڭ يگىلىك جاراتۋ ارمانى بولعانىن، قازىر، مەملەكەتتىڭ قوعامدىق بايلىقتان پايدالانىپ، شيپاحانا اشۋعا شابىت بەرگەنىن، ۇكىمەت اشقان شيپاحانادا ىستەيتىن شيپاگەرلەردىڭ كوپ ورىندا جۇمىس جۇرگىزۋىنە جول قويعانىن، اۆتونوميالى رايوننىڭ دا يگىلىك جاراتۋدى سۇيەمەلدەيتىن كوپتەگەن جاقسى ساياساتتارمەن قامداعانىن، سوندىقتان دا ۇكىمەت قىزمەتىنەن بوساپ، بيىل مامىردا وسى شيپاحانانى اشقانىن، الدىڭعى ايدا، ءوزىنىڭ تاعى 6-كەزەكتى شينجياڭ جاستارىنىڭ يگىلىك جاراتۋ، جاڭالىق اشۋ جارىسىنا قاتىناسقانىن ءارى وسى رەتكى جارىستا ءبىرىنشى بولعانىن ايتا كەلىپ، بىلاي دەدى: وسى رەتكى جارىسقا قاتىناسۋ ارقىلى، كاسىپورىننىڭ دامۋىنا كومەگى تيەتىن كوپتەگەن جاقسى ساياساتتاردى بىلدىك، تاعى كوپتەگەن ينفورماتسيا تەكشەلەرىنە دە يە بولدىق، قازىر جاڭادان وقۋ تاۋىسقان ۇزدىك ستۋدەنتتەردى قىزمەتكە قابىلداۋمەن بىرگە، ءارقايسى شيپاحاناداعى ۇزدىك مامانداردى دا شاقىرىپ، ناۋقاستارعا ەڭ جاقسى ەمدەۋ قىزمەت كورسەتۋ تەكشەسىن جاراتۋدى ويلاسىپ وتىرمىز.
جەر-جەر كاسىپ اشۋشىلارعا بەلسەنە تەكشە ازىرىلەپ، جاقسى ساياساتتارمەن قامداۋدا. ءۇرىمجى قالاسى «جاڭالىق جاراتۋ، كاسىپ اشۋ اتويشى دارىندىلار جوسپارىن» بارىنشا اتقاردى؛ اقسۋ ايماعى كاسىپ اشۋدى كەڭەيتۋ بازاسى مەن كاسىپ اشۋ باقشا رايونىن قۇرۋدى جەدەل ىلگەرىلەتىپ،كاسىپ اشۋعا تاربيەلەۋدى الەۋمەتتىك اۋماقتارعا، اۋىل-قىستاقتارعا، مەكتەپ اۋلاسىنا دەيىن جەتكىزۋ قيمىلىن ورىستەتتى؛ قۇمىل قالاسى كاسىپ اشۋ تيىمدىلىك ساياساتىن جاپپاي تياناقتاندىرىپ، كاسىپ اشۋشىلاردىڭ كاپيتال اينالىمى قينشىلىعىن شەشىپ، وزىندىك قۇن مەن كاسىپ اشۋ قاتەرىن تومەندەتتى. قۇمىل قالاسىنىڭ تۇرعىنى جاڭ ياڭ قۇمىل بەيشۋمان توقىما بۇيىمدار ساۋدا شەكتى سەرىكتەستىگىن قۇرۋ ارقىلى، مول اقشا تاپتى. جاڭ ياڭ بىلاي دەدى: ميسالعا، ءبىزدىڭ قازىرگى كەڭسە ىستەرى كورمە رايونىنداعى قۇمىلدىق ستۋدەنتتەردىڭ كاسىپ اشۋ بازاسىندا، ۇكىمەت كاسىپ اشۋشىلاردى سۋ، توكپەن تەگىن قامداپ، كوپتەگەن تيىمدىلىك جاساپ وتىر، العاشقى جىلى وسىنىڭ بارلىعى تەگىن، شينجياڭدىق جۇمىسشىلاردى قابىلداۋدا، قوعامدىق قامتاماسىزداندىرۋ جاعىندا ولارعا كوپتەگەن قوسىمشا قاراجات بەرىلەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتەنۋدى ىلگەرىلەتۋ باسقارماسىنىڭ باستىعى جاڭ رۇڭ تىلشىگە، تەك بيىلعى جىلدىڭ العاشقى جارىمىندا رايونىمىزدا 28 مىڭ ادامنىڭ كاسىپتەنىپ، 64 مىڭ ادامنىڭ كاسىپتەنۋىنە جەتەكشىلىك ەتىلگەنىن ايتا كەلىپ، بىلاي دەدى: كاسىپ اشۋ جاعدايى نەگىزىنەن قالىپتاستى، كاسىپ اشۋ ورتاسى نۇرىنعىدان دا ساپالاندى، سوندىقتان دا كاسىپ اشۋدى ارماندايتىنداردىڭ بارلىعى دا كاسىپ اشۋدى ويلاپ، سوعان تالپىنىپ، جۇرەكتىلىكپەن كىرىستى ءارى تابىسقا جەتتى.
ءان الەمى

جول توسىلىپ قالدى

تۇلپارىم