باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كوپ ءتۇرلى كەدەيلىكتەن قۇتىلدىرۋ شاراسى كەدەي بۇقارانىڭ تاعدىرىن وزگەرتتى

    كەلۋ قاينارى: شينجياڭ حالىق راديو ىستانسياسى    2017-10-12 13:13:59  
ستانسيامىزدىڭ جيناق حابارىن تىڭداڭىزدار:10  كەدەي اۋداننىڭ كەدەيلىك قالپاعىن الۋ، 800 كەدەي قىستاقتى كەدەي قىستاقتار قاتارىنان شىعارۋ، 590 مىڭ كەدەيدى كەدەيلىكتەن قۇتىلدىرۋ ـــ اۆتونوميالى رايوندىق پارتكوم بەلگىلەگەن 2017-جىلعى كەدەيلەردى سۇيەمەلدەۋ مىندەتى. بيىل جىل باسىنان بەرى، تيانشاننىڭ تۇستىگى مەن تەرىستىگىندەگى ورىندار بىرلىكتە قيمىلداپ، كاسىپ جاعىندا كەدەيلەردى سۇيەمەلدەۋ، كەدەيلەردى سۇيەمەلدەۋ جاعىندا شينجياڭعا كومەكتەسۋ، كەدەيلەردى سۇيەمەلدەۋگە سەلبەسۋ، كەدەيلەردى ءتۇيىندى سۇيەمەلدەۋ، قوعامدا كەدەيلەردى سۇيەمەلدەۋ سياقتى شارالار قولداندى، ءبىرقىدىرۋ شارا كەدەي بۇقارانىڭ تاعدىرىن وزگەرتتى.
سوڭعى ەكى كۇننەن بەرى، قۇمىل قالاسى ەۋىرعۇل رايونى بۇلۇڭتوعىراق اۋىلى گاداجىڭ قىستاعىنداعى ەڭ سوڭعى ءبىر وتباسىنىڭ قىزىل ءجۇزىمى بۇلۇڭتوعىراق اۋىلى شيڭ-چۋان اۋىل شارۋاشىلىق ونىمدەرى كاسىپتىك سەلبەستىك كوپەراتيۆبىنىڭ توڭازىتقىش قويماسىنا ەنگىزىلدى، سونىمەن بيىلعى جەمىس-جيدەكتەردى ساتىپ الۋ قىزمەتى اياقتادى، 600 تونناعا جۋىق جاس جەمىس-جيدەك ەندى ەكى ايدان كەيىن ەلىمىزدىڭ جەر-جەرىندە ساتىلادى. سەلبەستىك كوپەراتيۆبىنىڭ جاۋاپتىسى مىڭ جيانرۇڭ، ماۋسىم اۋىسقاندا جەمىس-جيدەكتەردىڭ ساتىلىم باعاسىنىڭ بۇرىنعىدان دا قىمبات بولىپ، پايداسىنىڭ ارتاتىنىن ايتا كەلىپ، بىلاي دەدى: «بۇرىن مەن دە ەگىن ەگەتىن ديحان ەدىم، سوندىقتان دا جەرگىلىكتى ورىنداعى ءىشىنارا ديحاندارعا باستاماشىلىق ەتۋدى ويلادىم، ناعىز كاسىپتىك ديحانعا اينالۋىمىز، تەك ءونىم مولشەرىن عانا ويلاماي، ەل ىشىندەگى ايگىلى ءونىم ماركاسىن، ءونىم ءتۇرىن جاراتۋدى ويلاۋىمىز كەرەك».
مىڭ جيانرۇڭ گاداجىڭ قىستاعىنىڭ ديحانى، اۋىل-شارۋاشىلىق ونىمدەرىن ساتۋ تيجاراتىمەن اينالىسقانىنا ۇزاق ۋاقىت بولعان ول باستاماشىلىق ەتىپ، اۋىل شارۋاشىلىق سەلبەستىك كوپەراتيۆبىن قۇرىپ، كەدەي وتباستارىن سەلبەستىك كوپەراتيۆبىنە قوسىلىپ ەڭبەك ىستەپ، جىل سوڭىندا سيلىق اقشا الۋعا جەتەكتەدى. قىستاق ديحانى لي شىڭلين: «ءۇش جىلدان بەرى جالپى كىرسىم بارعان سايىن ارتتى، العاشقى جىلى 40 مىڭ يۋاننان استام بولدى، بيىل ءبىر ەسەلەنەدى، قازىر 10 مۋ جەردەن جيىنى 80 مىڭ يۋان كىرىس كىرگىزۋگە بولادى، مەنىڭشە، سەلبەستىك كوپەراتيۆبىنە قوسىلۋ تۋرا جول»،-دەدى.
كەدەي قىستاق ديحاندارىنىڭ دەربەس ءوز كۇشىنە سۇيەنىپ، كەدەيلىكتەن قۇتىلۋى ءۇشىن، ولارعا ءوز كۇشىنە سۇيەنۋ شارت-جاعدايىن جاساۋ كەرەك، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتاردا تۇرعان ءار دارەجەلى قىزمەت اترەتتەرى وسى جاعىندا ءادىس-امال قولداندى. ونسۋ اۋداندىق حالىق پروكۋراتۋراسىنىڭ ونسۋ اۋدانى جام قالاشىعى تومەنگى تۇمان قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاق ديحاندارىن باستاپ، وسىزامانعى اۋىل شارۋاشىلىق ماشينالارى كاسىپتىك سەلبەستىك كوپەراتيۆبىن قۇردى، سەلبەستىك كوپەراتيۆبىندە ۇلكەندى-كىشىلى اۋىل شارۋاشىلىق ماشينالارىنان 9 ى بار، ءوزى پايدالانۋدان سىرت، سىرتقا جالعا بەرۋگە بولادى. قىستاق ديحانى ءيۇسۇپجان مامەت: قىزمەت اترەتىنىڭ سايكەسىپ كومەكتەسۋىندە، ىلگەرىندى-كەيىندى 200 مىڭ يۋاننان ارتىق قارجى قوسىپ، سەلبەستىك كوپەراتيۆبىنە كوپتەگەن وزىق جابدىقتار ەنگىزىپ، اۋىل شارۋاشىلىق ماشينالار قوسىمشا قاراجاتىنا ءوتىنىش بەردىك. قازىر سەلبەستىك كوپەراتيۆبىنە قوسىلعانداردىڭ سانى 43 كە جەتتى. پارتيا 19-قۇرىلتايى اشىلۋ الدىندا تۇر،ءبىز، ءسوزجوق، بارىنشا قۇلشىنىپ، سەلبەستىك كوپەراتيۆبىن بىرلىكتە نىعايتىپ، دوڭگەلەك داۋلەتكە جەتۋ ارمانىن بىرگە ورىنداۋىمىز قاجەت،-دەدى.
بيىل، اۆتونوميالى رايون تاعى عىلىم-تەحنيكا جاعىندا كەدەيلەردى دالمە-ءدال سۇيەمەلدەۋ قىزمەتىنىڭ رولىن ۇزدىكسىز ارتتىرىپ، «عىلىم-تەحنيكا جاعىندا كەدەيلەردى دالمە-ءدال سۇيەمەلدەۋ ارناۋلى قيمىلىن» باستاپ، قىستاقتى اتقارۋ نەگىزگى تۇلعاسى ەتىپ، ءاربىر عىلىم-تەحنيكا ەگىمشىلىك، باعىمشىلىق نىسانىنا قازىنادان ءبىر ميلليون يۋان قارجى ورنالاستىردى. نىسان قارجىسىن قوسۋدان قالىپتاسقان مال-مۇلىكتىڭ %70 ءىن ارحيۆ تۇرعىزىپ، كارتشكا تاراتىلعان 230 كەدەي جان سانىنا بەيىمدەپ، جىل سوڭىندا ولارعا سيلىق بەرۋ ارقىلى كىرىسىن ارتتىردى. حوتان اۋدانى بەرەكەش جاڭا قىستاعىنىڭ ديحانى قامارنزان ماقسۇت: ەكى كوكونىس جىلىجايى مەن 4 مۋ جاڭعاق باقشاسى تەگىن ءبولىپ بەرىلدى. جىلىجايعا پاميدور ەكتىك، العاشىندا قالاي ەگۋدى بىلمەيتىن ەدىك، تەحنيكتەر ۇيىمىزگە كەلىپ جۇبايىم ەكەۋىمىزگە سۋارۋ، تىڭعايتقىش بەرۋ ادىستەرىن ۇيرەتتى، ەكى جىلىجايدان 40 مىڭ يۋان اقشا تاپتىق. پارتيا 19-قۇرىلتايى اشىلعاننان كەيىن، ديحاندارعا باعىتتالعان جاقسى ساياساتتاردىڭ بارعان سايىن كوبەيەتىنە سەنەمىز،-دەدى.
اۆتونوميالى رايوندىق عىلىم-تەحنيكا مەڭگەرمەسىنىڭ ورىنباسار باستىعى جۇڭ جيان، عىلىم-تەحنيكا جاعىندا كەدەيلەردى سۇيەمەلدەۋ ــ عىلىم-تەحنيكانى نەگىزگى ساتى اۋىل-قىستاقتارىندا تياناقتاندىرۋدان سىرت، وسىزمانعى جاڭا اۋىل-شارۋاشىلىق ۇيىمداستىرۋ فورماسى مەن ۇيىمداستىرۋ كوزقاراسىن كەدەي قىستاقتارعا جەتكىزىپ، ءداستۇرلى ديحانداردى باۋلىپ، وسىزامانعى جاڭاشا ديحانعا اينالدىرۋ كەرەكتىگىن ايتا كەلىپ، بىلاي دەدى: قازىر، وڭتۇستىك شينجياڭداعى 7 اۋدان، قالادا سيىر، قوي، ۇيرەك باعۋ، جەمىس-جيدەك ەگۋ سياقتى وڭتۇستىك شينجياڭدا ابزال كاسىپتى دامىتۋ سىناق رەتىندە اتقارىلدى. ءىشىنارا نىسانداردان نەداۋىر جاقسى ەكونوميكالىق ونىمدىلىك كورىلدى.
ءان الەمى

جول توسىلىپ قالدى

تۇلپارىم