باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ۇلتتاردىڭ ۇلى ىنتىماعى − ءار ۇلت حالقىنىڭ ماڭگىلىك جان تامىرى

    كەلۋ قاينارى: شينجياڭ گازەتى    2017-10-12 19:26:55  

التاي ايماقتىق پارتكومنىڭ مۇشەسى، بىرلىكساپ ءبولىمىنىڭ باستىعى باقتيەۆ ينايات ۇلى

  قازاقتا ءبىر اۋىز ءسوز بار: «اعايىن تاتۋ بولسا ات كوپ، ابىسىن تاتۋ بولسا اس كوپ». شينجياڭ ەجەلدەن بەرى ءار ۇلت حالقىنا ورتاق مەكەن، كوپ ۇلت شوعىرلى قونىستانعان ىرىستى جەر؛ شينجياڭداعى ءار ۇلت حالقى ءبىر ءۇيلى جاندارداي تاتۋ بولعاندىقتان، بۇگىنگىدەي بىرلىككە كەلگەن، تىنىش، شارۋاشىلىعى شالقىعان، ۇلتتارى ىنتىماقتى، ءدىني جاراسىمدىلىق ورناعان، شەكاراسى بەرىك، حالقى الاڭسىز تىرشىلىك ەتەتىن تاماشا جاعدايعا قول جەتكىزىپ وتىرمىز.
  شەكارا ءىشى - سىرتىنداعى «ءۇش ءتۇرلى كۇش» ءوزارا استاسىپ، ءتىل بىرىكتىرىپ، قوعامىمىزدىڭ تىنىشتىعى مەن باقىتتى تۇرمىسىمىزدى ءبۇلدىردى. مەن از ۇلتتان شىققان پارتيالى كادر بولۋ تۇرعىمنان، بىرلىكساپ، ۇلت، ءدىن جۇيەسىندە ءوز باسىمنان ونەگە كورسەتىپ، اتويلاپ الدا ءجۇرىپ، جول اشىپ، ۇلگى بولىپ، ۇلتتار ىنتىماعى ۇلى تۋىن ماڭگى بيىك ۇستاپ، ۇلتتاردىڭ ۇلى ىنتىماعىنىڭ اتويشىسى بولۋعا تالپىنامىن.
  جاقىنعى جىلداردان بەرى «ءۇش ءتۇرلى كۇش» ۇلتتىق وشپەندىلىككە جەلىكتىرىپ، ءدىني اپتىقپالىققا ايتاقتاپ، زورلىقتى كۇش، لاڭكەستىك دەلولارىن تۋدىرىپ، قوعامنىڭ جاراسىمدىلىعى مەن ورنىقتىلىعىنا اۋىر زالال جەتكىزىپ، شينجياڭنىڭ ەكونوميكالىق، قوعامدىق دامۋىنا كەدەرگىلىك جاساپ، ۇلتتار ىنتىماعىنىڭ تاماشا جاعدايىن ءبۇلدىردى. شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ جاعدايىندا، مەن بىرلىكساپ ءبولىمى باستىعى بولۋ تۇرعىمنان، وتاننىڭ تۇتاستىعى مەن ۇلتتار ىنتىماعىن قورعاۋ جاۋاپكەرلىگىمنىڭ اۋىر ەكەنىن تەرەڭ سەزىندىم. مەن مەيلى قاي ۇلت بولسىن، ەڭ اۋەلى، ولاردىڭ ءبارى جۇڭگولىق دەيتىن يدەيانى ەشقاشان ەستەن شىعارمادىم. ءبىزدىڭ وتانىمىز تەك بىرەۋ عانا، ول بولسا − جۇڭگو. ءار ۇلت حالقى تەك ءبىر نيەت، ءبىر ماقساتپەن قۇلشىنعاندا عانا، شينجياڭ گۇلدەنىپ، داميدى. مەن ءبىر از ۇلت پارتيالى كادرىنىڭ ۇلگى كورسەتۋ، جەتەلەۋ رولىن بەلسەندى ساۋلەلەندىرىپ، ۇلتتار ىنتىماعىن كوزىمنىڭ قاراشىعىنداي قورعاپ، ءومىرىمدى قاستەرلەگەندەي قاستەرلەپ، ماڭگى ۇلتتاردىڭ ۇلى ىنتىماعىنىڭ امالياتتا ايگىلەۋشىسى بولامىن.
  قازىر شينجياڭنىڭ «3 مەزگىل قاباتتاسقان» نەگىزگى جاعدايى ءتۇبىرلى وزگەرگەن جوق، «ءۇش ءتۇرلى كۇش» ءالى دە ۇلتتى، ءدىندى جەلەۋ ەتىپ، ۇلتتاردىڭ قاتىناسىنا ىرتكى سالىپ، ۇلتتار ىنتىماعىن ءبۇلدىرۋ ارام ويىندا. مەن از ۇلت پارتيالى باسشى كادرىنىڭ ۇلگىلىك، جەتەكشىلىك رولىن ويداعىداي ساۋلەلەندىرىپ، بەلسەندىلىكپەن باستاماشىلدىق رول اتقارىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلىنا سانالى تۇردە ات سالىسىپ، كوبىرەك باسقا ۇلتپەن تۋىس بولىپ، دوستاسىپ، باسقا ۇلتتاعى تۇرمىسىندا قيىنشىلىعى بار قاۋىمعا مۇمكىندىكتىڭ بارىنشا كومەكتەسىپ، توڭىرەگىمدەگىلەردى، كادرلاردى باستاپ، ناقتى ءىس - ارەكەتىممەن ۇلتتاردىڭ ۇلى ىنتىماعىنىڭ ۇلگىسى بولۋعا تالپىنامىن.
  ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت. ءبىز «ءۇش ءتۇرلى كۇشتىڭ» ءارقانداي ۇلتقا ۋاكىلدىك ەتە المايتىندىعىن، ولاردىڭ شينجياڭداعى ءار ۇلت حالقىنىڭ ورتاق جاۋى ەكەندىگىن، شينجياڭنىڭ كەڭ دالاسىنداعى ۋلى ءشوپ ەكەندىگىن جەتە تانۋىمىز كەرەك. مەن «ءۇش ءتۇرلى كۇشتىڭ» سۇرقيا كەيىپ - كەسپىرىن، ۇلتتار ىنتىماعى مەن قوعام ورنىقتىلىعىن بۇلدىرۋگە ۇرىنعان ادامدار مەن ىستەردى باستاماشىلىقپەن اشكەرەلەپ، زاڭعا قايشىلىق جاساعان قىلمىستىلارعا لاڭكەستىككە قارسى تۇرىپ، ورنىقتىلىقتى قورعاۋ سىندى حالىقتىق سوعىستىڭ ۇشان - تەڭىزىندە تاسالاناتىن پانا، قاشاتىن ساڭىلاۋ قالدىرماي، جەڭىسكە جەتپەي تىنبايمىن، استە شەگىنبەيمىن؛ «ءۇش ءتۇرلى كۇشتى» تىپ - تيپىل الاستاپ، ولاردى تاريحتىڭ ماسقارالىق دىڭگەگىنە شەگەلەيمىن. پارتياعا دەگەن ابسوليۋتتى ادالدىعىمدى ومىرىممەن بەينەلەپ، ۇلتتار ىنتىماعىن، قوعام ورنىقتىلىعى مەن باياندى تىنىشتىقتى جان - تانىممەن قورعاپ، ۇلتتار ۇلى ىنتىماعىنىڭ سەركەسى بولۋعا ماڭگى تالپىنامىن.
  ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاۋ − مەملەكەتتىڭ ەڭ جوعارى مۇددەسى، سونداي - اق شينجياڭداعى ءار ۇلت حالقىنىڭ ءتۇبىرلى مۇددەسى. ۇلتتار ىنتىماعى بىزگە اۋا مەن كۇن نۇرىنداي قاجەت، ءبىز ونىڭ يگىلىگىن كورىپ كەلەمىز، ودان قول ۇزسەك، ءومىر سۇرە المايمىز. ۇلتتار ىنتىماعى العاباسارلىعى ىستەرى ماڭگى جالعاسادى، ءبىز ماڭگى ۇلتتار ىنتىماعىنىڭ اتويشىسى بولۋعا تالپىنامىز.

ءان الەمى

جول توسىلىپ قالدى

تۇلپارىم