باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىز جاعراپيالىق مەملەكەت جاعدايىنىڭ «جاي - جاپسارىن» تۇڭعىش رەت جاپپاي اداقتادى

    كەلۋ قاينارى: شينجياڭ گازەتى    2017-10-12 19:41:22  
 ءتىلشىمىز يۋە يانيۇن 11 - قازاندا ۇرىمجىدەن حابارلايدى. 11 - قازان كۇنى ۇرىمجىدە وتكىزىلگەن اۆتونوميالى رايوننىڭ 1 - رەتكى مەملەكەتتىك جاعراپيالىق مەملەكەت جاعدايىن جاپپاي تەكسەرۋ قىزمەتى جانە جاپپاي تەكسەرۋ مازمۇنداماسى جونىندەگى اقپار جاريالاۋ ماجىلىسىنەن ۇعىسۋىمىزشا، «شينجياڭ ۇيعۇر اۆتونوميالى رايونىنىڭ 1 - رەتكى مەملەكەتتىك جاعراپيالىق مەملەكەت جاعدايىن جاپپاي تەكسەرۋ مازمۇنداماسى» جاڭادان جاريالانعان، بۇل رەتكى جاپپاي تەكسەرۋدە شينجياڭنىڭ ءتۇرلى جاراتىلىستىق مەملەكەت جاعدايى فاكتورلارىنىڭ قازىرگى جاعدايى، ورنالاسۋ احۋالى تۇڭعىش رەت جاپپاي اداقتالىپ، اۆتونوميالى رايوننىڭ جاعراپيالىق مەملەكەت جاعدايىنىڭ «جاي - جاپسارى» دالمە - ءدال يگەرىلىپ، اداقتالعان.
  1 - رەتكى مەملەكەتتىك جاعراپيالىق مەملەكەت جاعدايىن جاپپاي تەكسەرۋ − مەملەكەتتىك كەڭەس ورنالاستىرعان مەملەكەت جاعدايى، مەملەكەت قۋاتى جونىندەگى كەلەلى تەكسەرۋ بولىپ تابىلادى. رايونىمىز 2013 - جىلى تامىزدا وسى قىزمەتتى رەسمي باستاپ، 2015 - جىلدىڭ 30 - ماۋسىمىن ولشەمدى ۋاقىت ءتۇيىنى، جەر بەتىنىڭ جاراتىلىستىق فاكتورلارى مەن گۋمانيتارلىق جاعراپيالىق فاكتورلارىن جاپپاي تەكسەرۋدىڭ وبيەكتىسى ەتىپ، شينجياڭنىڭ جەر بەدەرىن، ەگىستىك جەرلەرىن، ورمان، جايلىم اۋماعىن، سۋ الاپتارىن، ءشول دالالار مەن الاڭقايلاردى، تەمىر جولدار مەن تاس جولداردى، قونىستار مەن قۇرىلعىلاردى مازمۇنداما فورماسىندا كورسەتتى. بۇل جاڭا جۇڭگو قۇرىلعاننان بەرى، رايونىمىزدىڭ جاعراپيالىق مەملەكەت جاعدايىنا تۇڭعىش رەت جاپپاي تەكسەرۋ جۇرگىزۋى، مۇندا اۆتونوميالى رايوننىڭ اكىمشىلىك قاراستىلىعىنداعى وڭىرلەر اۋماعىندا جەر بەتىنىڭ جاراتىلىستىق فاكتورلارى مەن گۋمانيتارلىق جاعراپيالىق فاكتورلارى جاپپاي تەكسەرۋ وبيەكتىسى ەتىلىپ، جاعراپيالىق مەملەكەت جاعدايىنىڭ «جاي - جاپسارى» تۇڭعىش رەت جاپپاي اداقتالدى. اسىرەسە، جاپپاي تەكسەرۋدەگى ساندى مالىمەتتەر ەگجەي - تەگجەيلى اشالانىپ، قالالارداعى جاسىل جەرلەر، كولشىكتەر تۇگەلدەي وسى رەتكى جاپپاي تەكسەرۋدىڭ ساندى مالىمەتىنە ەنگىزىلدى.
  وسى رەتكى جاپپاي تەكسەرۋدە قول جەتكەن جاعراپيالىق مەملەكەت جاعدايىنىڭ ينفورماتسيالارىندا 1 - دارەجەلى 10 ءتۇر، 2 - دارەجەلى 58 ءتۇر جانە 3 - دارەجەلى 135 ءتۇر بويىنشا جالپى 5 ميلليون 888 مىڭ 500 جەر بەتى بولىگىنىڭ جانە 2 ميلليون 759 مىڭ 700 مەملەكەت جاعدايى فاكتورىنىڭ ساندى مالىمەتى قامتىلعان. ول مەملەكەت جەر بايلىعى، سۋ ىستەرى، قاتىناس، جوبا، اۋىل شارۋاشىلىعى، ورمان شارۋاشىلىعى، قورشاعان ورتا، ساناق سياقتى تاراۋلاردىڭ ارناۋلى تەكسەرۋ، جاپپاي تەكسەرۋ، جوبالاۋ، باسقارۋ قىزمەتىن ورىستەتۋىنە ءبىر تۇتاس جاعراپيالىق كەڭىستىك ساندى مالىمەتى جاعىنان الەۋمەتتىك نەگىز ازىرلەيتىن بولادى.
  «جاعراپيالىق مەملەكەت جاعدايىن جاپپاي تەكسەرۋ تابىسىنىڭ ساندى مالىمەتى رايونىمىزدىڭ ەكونوميكالىق، قوعامدىق دامۋداعى كەلەلى ستراتەگياسىن عىلمي جاساۋىن ماڭىزدى تىرەكپەن قامدايدى، كەزەكتە رايونىمىز جاپپاي تەكسەرۋ تابىسىنان پايدالانىپ، ۇكىمەتتىك شەشىم جاساۋ، جەردەن پايدالانۋ، ەكولوگيالىق وركەنيەت سياقتى جاقتاردا مەملەكەت دارەجەلى 3 ءتۇرلى، اۆتونوميالى رايون دارەجەلى 9 ءتۇرلى ارناۋلى تاقىرىپتىق جاعراپيالىق مەملەكەت جاعدايىنان پايدالانۋ جانە ونى باقىلاۋ - ولشەۋ قىزمەتىن ورىستەتىپ، ءىشىنارا قولدانىلمالى تابىستارعا قول جەتكىزدى»، - دەدى اۆتونوميالى رايوننىڭ 1 - رەتكى مەملەكەتتىك جاعراپيالىق مەملەكەت جاعدايىن جاپپاي تەكسەرۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى، اۆتونوميالى رايوندىق مەملەكەت جەر بايلىعى مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، اۆتونوميالى رايوندىق ولشەۋ - سىزۋ، جاعراپيالىق ينفورماتسيا مەكەمەسى پارتيا باسشىلىق گرۋپپاسىنىڭ شۋجيى پيڭ شينلاي.
ءان الەمى

جول توسىلىپ قالدى

تۇلپارىم