باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

قاشاندا حالىقپەن بىرگە ويلاپ، بىرگە ىستەيىك

    كەلۋ قاينارى: شينجياڭ گازەتى    2017-10-12 19:47:32  

−جۇڭگو كوممۋنيستىك پارتياسىنىڭ ميلليارد حالىقتى جۇڭگو ارمانىن ىسكە اسىرۋعا باستاۋ جولىنداعى ساياسي قاسيەتى مەن كۇش قاينارى
شينحۋا اگەنتتىگىنىڭ تىلشىلەرى

 تاريحتىڭ جاڭعىرىعى ءاماندا قۇلاقتى تۇندىرادى.
  «حالىقتىڭ كوركەم تۇرمىسقا دەگەن تالپىنىسى − ءبىزدىڭ كۇرەس نىسانامىز». 2012 - جىلى 15 - قاراشادا ج ك پ ورتالىق كوميتەتىنىڭ باس شۋجيى بولىپ سايلانعان شي جينپيڭ جۇڭگولىق جانە شەتەلدىك تىلشىلەرمەن كەزدەسكەندە، 1500 ارىپتەن اساتىن لەكسياسىندا «حالىق» دەگەن ءسوزدى 19 رەت تىلگە الدى.
  سونان بەرگى 5 جىلدا، «حالىق» قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋىندا ماڭىزدى ورىن الىپ، قاشاندا ءبىرقاتار كەلەلى ستراتەگيالىق شارا، ماڭىزدى باعىت - ساياسات، ماڭىزدى قىزمەت بارىسىمەن ساباقتاسىپ كەلەدى.
  پارتيا 19 - قۇرىلتايى اشىلۋ الدىندا تۇر. 89 ميلليون مۇشەسى بار الەمدەگى ەڭ ءىرى ساياسي پارتيا ءبىر ميلليارد 300 ميلليون حالىققا باسشىلىق ەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە ۇمتىلىپ، سوتسياليستىك وسىزاماندانعان مەملەكەت قۇرۋدىڭ تىڭ ساپارىنا قادام تاستادى.
  26 - شىلدەدە باس شۋجي شي جينپيڭ بۇكىل پارتياعا بىلاي دەپ تەرەڭ ويلى ۇندەۋ تاستادى: «قاشاندا حالىقپەن بىرگە ويلاپ، بىرگە ىستەۋگە كەپىلدىك ەتىپ، جۇڭگو حالقىنىڭ ۇلى ارمانى جۇكتەلگەن اق كەمەنىڭ تولقىن جارا ىلگەرىلەپ، جارقىن جاعالاۋعا جەڭىسپەن تۇمسىق تۇزەۋىنە نۇسقاۋشىلىق ەتەيىك».
  عاسىرعا جۋىق ۋاقىتتان بەرى شەككەن جاپا، جەتكەن تابىستاردان تۇيگەنىمىز تەك پارتيامىز قاشاندا حالىقتى وزەك ەتۋگە تاباندى بولىپ، قاشاندا حالىقپەن بىرگە ويلاپ، بىرگە ىستەسە، ءسوز جوق، جەڭىستەن ءتىپتى زور جەڭىستەرگە جول تارتا بەرمەكپىز!
  جۇڭگو كوممۋنيستىك پارتياسى نە ءۇشىن ىسكەر
  − «قاشاندا حالىقپەن بىرگە ويلاۋ، بىرگە ىستەۋ» − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى ايقىن ساياسي قاسيەتى، «جۇڭگونىڭ جونگە سالۋداعى» «ساياسي سىرى»

  ا ق ش - تىڭ لاس - ۆيگاس قالاسىندا 1 - قازان كۇنى مىلتىق اتىلىپ، 59 ادامنىڭ جانىن جالمادى.
  سوڭعى جىلدارى، باتىستاعى كەي ەلدەردە قوعامدىق ءتارتىپ بۇزىلىپ، ەكونوميكا ەڭسە كوتەرە الماي، ساياسي جاڭجال ءورشىپ، قوعامنىڭ جىگى اشىلا ءتۇستى... باتىستىق ۇلگى اۋىر سىنعا تاپ بولدى.
  ونىمەن ايقىن سالىستىرما جاساپ، پارتيا 18 - قۇرىلتايىنان بەرى جۇڭگونىڭ ەكونوميكالىق كۇشى، عىلىم - تەحنيكا كۇشى، حالىقارالىق ىقپالى كۇننەن - كۇنگە بيىكتەن - بيىككە كوتەرىلىپ كەلەدى.
  «باتىستىڭ بىلىقپالىعى مەن جۇڭگونىڭ جونگە سالۋى» استارىندا قانداي سەبەپتەر بار دەگەن ساۋال كوپ ادامدى ويعا باتىرماي تۇرمادى.
  «جۇڭگو كوممۋنيستىك پارتياسىنىڭ قاشاندا حالىقپەن بىرگە ويلاپ، بىرگە ىستەۋى − پارتيانىڭ سيپاتى مەن باستى ماقساتىنىڭ كورىنىسى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى ايقىن ساياسي قاسيەتى، مىنە بۇل جۇڭگو كوممۋنيستىك پارتياسىنىڭ نە ءۇشىن ىسكەر بولا الاتىندىعىن شەشۋشى سىرى»، - دەدى ورتالىق پارتيا مەكتەبىنىڭ پروفەسسورى شين ميڭ.
  شي جينپيڭ جولداستى ۇيتقى ەتكەن پارتيا ورتالىق كوميتەتى ەل باسقارۋدىڭ 5 جىلدان بەرگى امالياتى ارقىلى پارمەندى جاۋاپ قاتتى.
  − پارتيانى جاپپاي قاتاڭ جونگە سالىپ، حالىق جۇرتشىلىعىمەن ەتەنە بايلانىستى ساقتاۋ ارقىلى حالىقتىڭ قالاۋىنا قول جەتكىزدى.
  5 جىلدان بەرى، جەمقورلىققا قارسى جۇرگىزىلگەن تاباندى كۇرەس 60 نەشە جىلدان بەرى بيلىك باسىندا بولىپ كەلگەن ءىرى پارتيانىڭ مەملەكەتتى كوركەيتۋ جولىندا قۇلشىنۋعا بەل بۋعان بەكىمىن ايگىلەدى؛ ستيل قۇرىلىسىنىڭ بۇرىن مۇلدە بولماعان قاتاڭ جاعدايى شاڭىراق كوتەرگەنىنە 90 جىلدان اسقان ءىرى پارتيانىڭ اۋەلگى ماقساتتى ۇمىتپاعان سانالىلىعىن كورسەتتى.
  جەمقورلىققا قارسى كۇرەستە، ورتالىق ءتارتىپ تەكسەرۋ كوميتەتى ورتالىق كوميتەت باسقاراتىن كادرلاردان 280 نەشە ادامنىڭ ءىسىن قاراپ، تەكسەردى، جوۋ يۇڭكاڭ، بو شيلاي، شۇي سايحۋ، گو بوشيۇڭ، سۇن جىڭساي، ليڭ جيحۋا قاتارلى كەزىندە پارتيا، ۇكىمەت، ارميا سالاسىندا ماڭىزدى قىزمەتتە بولعان جەمقورلار ىركەس - تىركەس «اتتان جىعىلدى».
  جەمقورلىققا قارسى تەگەۋرىندى كۇرەستىڭ ۇلكەن دابىرا تۋدىرارى انىق ەدى. باس شۋجي شي جينپيڭ: ونى سالماقتامادىق ەمەس. ءبىراق، ءبىز پارتيامىزدىڭ باستى ماقساتى مەن بورىشىن، حالىقتىڭ تىلەگىن ەسەپكە الدىق، - دەدى.
  − رەفورمانى جاپپاي تەرەڭدەتىپ، حالىق جۇرتشىلىعىنىڭ تابىس سەزىمىن ۇلعايتۋ ارقىلى حالىقتىڭ جىگەرىنە دەم بەردى.
  ۇكىمەت شيپاحانالارى رەفورماسىن تەرەڭدەتىپ، وتباسى شيپاگەرىنىڭ كەلىسىمشارت بويىنشا قىزمەت كورسەتۋىن ىلگەرىلەتتى؛ الەمدىك ماڭداي الدى ۋنيۆەرسيتەت پەن الدىڭعى قاتارلى پاندەر قۇرىلىسىن ءبىر تۇتاس ىلگەرىلەتىپ، اۋىل - قىستاق وقۋ - اعارتۋىنا ءمان بەردى؛ قالا، اۋىلداردىڭ نوپوس ءتۇزىمىن بىرلىككە كەلتىرىپ، تۇرعىندار كۋالىگى ءتۇزىمىن جاپپاي اتقاردى ...
  ءبىرقاتار كەلەلى رەفورما شارالارى شەشەك اتىپ، جەمىس بەرىپ، رەفورمانىڭ ۇلەس پايداسى بۇقارانىڭ ومىرىنە ءتىپتى كوپ يگىلىك اكەلدى.
  − مەملەكەتتى جاپپاي زاڭمەن جونگە سالىپ، حالىق جۇرتشىلىعىنا ادىلدىك پەن اقيقاتتى سەزىندىرۋ ارقىلى حالىقتىڭ ەركىن جۇمىلدىردى.
  1995 - جىلى 22 جاستاعى نيە شۋبيڭ وبالدى ءولدى؛ 2016 - جىلى جەلتوقساندا ەڭ جوعارى حالىق سوتى مەكەمەسىنىڭ 2 - كوشپەلى سوتى ونى قىلمىسسىز دەپ جاريالادى.
  2013 - جىلدان 2016 - جىلعا دەيىن، ءار دارەجەلى حالىق سوتى مەكەمەلەرى زاڭ بويىنشا 3718 ايىپكەردى قىلمىسسىز دەپ جاريالادى.
  قىلمىستىق ىستەر ارىز - شاعىم ءتۇزىمى رەفورماسى جەدەل ىلگەرىلەتىلدى، «دەلو تۇرعىزۋ، ارىزدانۋ، اتقارۋ قيىن بولۋ» كىناراتتارى بىرتە - بىرتە شەشىلىپ كەلەدى... ءادىليا ءتۇزىمى رەفورماسى كەدەرگىلەردى الاستاپ، ادىلدىك پەن اقيقات كۇن كوزىندەي جارقىرادى.
  − جاپپاي دوڭگەلەك داۋلەتتى قوعام قۇرۋدا بىردە - بىرەۋدىڭ كوشتەن قالماۋىنا كەپىلدىك ەتۋ ارقىلى، حالىق جۇرتشىلىعىنا يگىلىك اكەلدى.
  كاڭباۋ اۋدانىنىڭ باتىس يۇيفايىڭ قىستاعىنا العاش بارعاندا سەزىنگەن «ىزعارى» حىبەي ولكەلىك مەملەكەتتىك سالىق مەكەمەسىندەگى ۋاڭ جيانپيڭنىڭ ءالى ەسىندە، نولدەن تومەن 30 سەلتسي گرادۋس سۋىق، ال قىستاق تۇرعىندارىنىڭ كوزقاراسى سۇيەكتى قارىعان بوراننان بەتەر ەدى: «قاراڭدار، بۇل كادرلار جامباسى جەر يىسكەمەستەن تايىپ تۇرادى ءالى».
  كوز بايلاندى، قىستاقتى كوزگە تۇرتسە كورگىسىز قاراڭعىلىق باستى. ۋاڭ جيانپيڭ كۇن ەنەرگياسىمەن جۇمىس ىستەيتىن 10 كوشە شامىن ساتىپ اكەلدى. شام جانىپ ەدى، قىستاق تۇرعىندارىنىڭ جۇرەگىندەگى شامشىراق تا جاندى. «كەدەيلەردى سۇيەمەلدەۋ دەگەنىمىز پارتيالى كادرلاردىڭ بۇقارا كوڭىلىندەگى جاعىمدى بەينەسىن جاساۋ دەگەن ءسوز»، - دەيدى ۋاڭ جيانپيڭ.
حالىقتىق تۇرعى − جۇڭگو كوممۋنيستىك پارتياسىنىڭ ماڭگىلىك ءتۇبىرلى ساياسي تۇرعىسى، ماركستىك ساياسي پارتيانى باسقا ساياسي پارتيالاردان ايىرىپ تۇراتىن ماڭگىلىك ايقىن بەلگى.
  ورتالىق پارتيا مەكتەبىنىڭ پروفەسسورى جۋ ليڭجۇن بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزمنىڭ يدەيالىق جاۋھارىن يگەرىپ، حالىققا قىزمەت ەتۋ باستى ماقساتىن ىسكە اسىرىپ، حالىقتى وزەك ەتۋ يدەياسىنان جازباي، حالىقپەن بىرگە ويلاپ، بىرگە ىستەپ، تاريحي مۇعجيزاعا جەتتى. 

 جۇڭگوشا سوتسياليزم نە ءۇشىن جارايدى
  − «قاشاندا حالىقپەن بىرگە ويلاپ، بىرگە ىستەۋ» − جۇڭگوشا سوتسياليزمنىڭ تابيعي تالابى، بۇكىل حالىقتىڭ بىرگە اۋقاتتانۋىن ىسكە اسىرىپ، ادامنىڭ جان - جاقتى دامۋىن جەبەۋدىڭ پارمەندى كەپىلدىگى
  بيىل جازدا ازيا، افريكا، لاتىن امەريكاسىنان كەلگەن 50گە جۋىق كۋرسانتتىڭ بەيجيڭ ۋنيۆەرسيتەتى وڭتۇستىك پەن وڭتۇستىكتىڭ ىنتىماقتاستىعى جانە دامۋى ينستيتۋتىنداعى ءبىر جىلدىق وقۋى اياقتادى.
  «جەر بەتىندە امبەگە بىردەي ءتاسىل مەن جول بولماسا دا، ءبىراق جۇڭگودان ۇيرەنگەن تاجىريبەمنىڭ نيگەريانىڭ دامۋىنا ۇلكەن سەپتىگىن تيگىزەتىنىنە سەنەمىن»، - دەدى نيگەريالىق لاۋازىمدى تۇلعا وممەل يليا.
  جۇڭگوشا سوتسياليزم نە ءۇشىن جارايدى؟ 
 جۇڭگوشا سوتسياليزم پارتيانىڭ حالىقپەن بىردەي ويلاپ، بىردەي ىستەگەن كۇرەستەرى بارىسىندا تاپقان جولى، ول جۇڭگونىڭ بايتاق دالاسىنا تامىر تارتىپ، حالىقتىڭ ەركىن بەينەلەدى.
  جۇڭگونىڭ توڭكەرىس، قۇرىلىس، رەفورما ىستەرىنىڭ عاسىرعا جۋىق ۋاقىتتان بەرگى تاريحىنا قايىرىلا كوز جىبەرسەك، «اۋىل - قىستاقتار ارقىلى قالانى قورشاۋ، بيلىكتى قارۋمەن تارتىپ الۋ» جولىن ىزدەۋدەن جۇڭگوشا سوتسياليزمنىڭ داڭعىل جولىن اشقانعا دەيىن، بارلىعى دا كوممۋنيستەردىڭ ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىك امالياتىمەن ۇشتاستىرىپ، قاشاندا حالىقپەن «بىرگە ويلاپ، بىرگە ىستەگەندىگىنىڭ» ارقاسى.   جياڭشي ولكەسى رۇيجين قالاسى يەپيڭ اۋىلىنىڭ حۋا - ۋ قىستاعىنىڭ كەينىندەگى جوتادا 17 قاراعاي بوي تۇزەپ تۇر.
  الدىڭعى عاسىردىڭ 30 - جىلدارىندا، حۋا - ۋ قىستاعىندا 17 جاس قىزىل ارميا قاتارىنا الىنىپ، ءوزارا ۋاعدالاسىپ 17 ءتۇپ قاراعاي ەكتى. ولار توڭكەرىس جولىندا ەرلىكپەن قۇربان بولىپ، ەككەن قاراعايلارى «سەنىم اعاشى» دەپ اتالدى.
  ءداۋىر العا جىلجىپ، وسى قاراعايلار پارتيا مەن حالىقتىڭ جۇدىرىقتاي جۇمىلۋ مۇرات - سەنىمىن ارقالادى ءارى بۇگىنگى تاڭداعى پارتيانىڭ حالىقتى دوڭگەلەك داۋلەتكە باستاۋ بەكىمىنە كۋا بولدى.
  بۇگىنگى حۋا - ۋ قىستاعىندا، قىستاق تۇرعىندارى اتىزدا جەمىس - جيدەك وسىرەتىن جىلىجاي سالىپ العان، قىستاقتان رۇيجين قالا رايونىنا توتە تاس جول تارتىلعان.
  پارتيا مەن حالىقتىڭ تىلەگى ءبىر جەرگە شوعىرلانىپ، كۇشى ءبىر جەرگە جۇمسالدى، ءبىر ادام، ءبىر قىستاق، ءبىر قالانىڭ كەلبەتىندەگى وزگەرىستەردە جۇڭگوشا سوتسياليزم ىستەرىنىڭ ۇزدىكسىز العا ىلگەرىلەگەن قادامىنىڭ ايعاعى جاتىر.
  جۇڭگوشا سوتسياليزم ۇمتىلعان باي - باقۋاتتىلىق − بۇكىل حالىقتىڭ ورتاق باي - باقۋاتتىلىعى، ۇمتىلعان دامۋى − حالىقتى باقىتقا جەتكىزەتىن جان - جاقتى دامۋ.
  نيڭشيانىڭ يۇڭنيڭ اۋدانىنداعى ميننيڭ قالاشىعى بۇگىندە كوركەيۋ جولىنا قادام تاستاعان، كەزىندە بۇل جەر قاعىر دالا بولاتىن.
  21 جىلدىڭ الدىندا، «فۋجيان مەن نيڭشيانىڭ كەدەيلەردى سۇيەمەلدەۋ سەلبەستىگى» ۇلگىسى باستالىپ، نيڭشياعا كومەكتەسۋشى كادرلار شىنايى ۇلەس قوسىپ، باعىتتامالى سەلبەستىكتىڭ تابىسى مول بولدى.

  بۇل − جۇڭگو جولىنىڭ تۇزىمدىك باسىمدىعى: شىعىس پەن باتىس بولىكتىڭ سەلبەسە كەدەيلەردى سۇيەمەلدەپ، ءبىرىن - ءبىرى تولىقتاپ، بىرگە ۇتۋدى ىسكە اسىردى.
  «بىرگە اۋقاتتانۋ جولىمەن بۇلجىماي ءجۇرۋدى» باسا دارىپتەگەننەن «حالىقتى وزەك ەتۋدى» العا قويعانعا دەيىن، «26 - شىلدەدەگى» سوزىندە، باس شۋجي شي جينپيڭ تاعى بىلاي دەپ العا قويدى: ەلىمىز قوعامىندا جارىققا شىققان ءتۇرلى ماسەلەلەردى ءتىپتى جاقسى شەشۋ، ءتۇرلى ىستەردىڭ جاپپاي دامۋىن ءتىپتى جاقسى جۇزەگە اسىرۋ، جۇڭگوشا سوتسياليزم ىستەرىن ءتىپتى جاقسى دامىتۋ، حالىقتىڭ جاپپاي دامۋىن، قوعامنىڭ جاپپاي العا باسۋىن ءتىپتى جاقسى ىلگەرىلەتۋ كەرەك.
  جۇڭگوشا سوتسياليزم حالىقتىڭ تىلەگى مەن ءداۋىردىڭ دامۋىنا ۇندەسۋ بارىسىندا ۇزدىكسىز بايىپ، دامىدى.
  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەل باسقارۋداعى ءبىر قاتار جاڭا ۇستانىم، جاڭا يدەيا، جاڭا ستراتەگيالاردى العا قويىپ جانە امالياتتا ايگىلەپ، جۇڭگوشا سوتسياليزم جولىنىڭ ءتىپتى داڭعىلدانا تۇسۋىنە مۇمكىندىك جاسادى.
  جۇڭگو ارمانى نە ءۇشىن، ءسوز جوق، جۇزەگە اسادى
  − «قاشاندا حالىقپەن بىرگە بولىپ، حالىقپەن بىرگە ىستەۋ» − جۇڭگو كوممۋنيستەرىنىڭ ەمتيحان تاپسىرۋ جولىنداعى ماڭگى ۇمىتپايتىن اۋەلگى ماقساتى، جۇڭگو ارمانىن جۇزەگە اسىرۋدىڭ سارقىلماس قوزعاۋشى كۇش قاينارى
  بەيجيڭ كورمە سارايىندا، «ۇدەرە العا تارتقان 5 جىل» اتتى كولەمدى تابىستار كورمەسى اشىلعاننان بەرى، ءار كۇنى 10 مىڭنىڭ ۇستىندە كورەرمەن قاۋىمدى وزىنە تارتىپ، قازىرگە دەيىن كورمەنى تاماشالاۋشىلاردىڭ سانى 300 مىڭنان استى.
  تابىستار كورمەسىنەن شىعىس وڭتۇستىك باعىتتا 10 كيلومەتر كەلەتىن جەردەگى مەملەكەتتىك مۇراجايدا، وسىدان 5 جىل بۇرىن باس شۋجي شي جينپيڭ «گۇلدەنۋ جولى» اتتى كورمەنى تاماشالاعاندا، «جۇڭگو ارمانى» ۇلى جوباسىن باستاعان ەدى: «بۇل ارمان نەشە بۋىن جۇڭگولىقتاردىڭ ارمانىن شوعىرلاندىرىپ، جۇڭحۋا ۇلتى مەن جۇڭگو حالقىنىڭ جالپى مۇددەسىن ايگىلەگەن، ول ءاربىر جۇڭحۋا ۇلانىنىڭ ورتاق تىلەگى».
 چيڭحۋا ۋنيۆەرسيتەتىنىڭ پروفەسسورى حۋ انگاڭ: بۇگىنگى مىنا كورمە 5 جىلدىڭ الدىنداعى ۇندەۋگە قوسىلعان ەڭ جاقسى ۇندەۋ، ول ءبىر ميلليارد 300 ميلليون جۇڭگو حالقىنىڭ پارتيانىڭ باسشىلىعىندا جۇڭگو ارمانىن جۇزەگە اسىرۋ جورىعىندا جازعان ايشىقتى تاريحي داستانىن كورسەتتى، - دەدى.
  «ءسىز، ايتار جوق، جاقسى شۋجيسىز!». 2016 - جىلى كوكتەم مەرەكەسى قارساڭىندا، باس شۋجي شي جينپيڭ جيڭگاڭشانداعى شىنشان قىستاعىنا بارعاندا، جەتپىستى جەلكەلەگەن قارت ياچەيكا شۋجيى پىڭ يۇڭشىڭ باس شۋجيگە وسىلاي دەپ ماقتاۋ ايتتى.
  بۇل − حالىق بۇقاراسىنىڭ كوممۋنيستىك پارتياعا دەگەن جۇرەكتەن شىققان مويىنداۋى، بۇل − نەگىزگى ساتىداعى بۇقارانىڭ پارتيانىڭ باس شۋجيىنە دەگەن ىقىلاستى سەزىمى.
  5 جىلدان بەرگى ۇلى اماليات مىناداي ءبىر ماڭگىلىك اقيقاتتى اڭعارتتى − پارتيا قاشاندا حالىقپەن بىرگە ويلاپ، حالىقپەن بىرگە ىستەسە بولعانى، بارلىق ءىس قولىنان كەلەدى، بارلىق ارمان ىسكە اسادى.
  ارمانعا جەتۋ جولىندا، بوگەتتەر بولىپ تۇرادى.
  تاريح تاعى دا شەشۋشى كەزەڭگە جەتتى. باس شۋجي شي جينپيڭ بۇكىل پارتياعا بىلاي دەپ قايتا - قايتا ەسكەرتتى: ۇلى ارماندى ورىنداۋدا داڭعىل جول جوق، ءبىزدىڭ ءالى تالاي «قارلى تاۋدان»، «سازدان» وتۋىمىزگە تۋرا كەلەدى، ءالى تالاي «لوۋشانگۋاندى»، «لازىكوۋدى» بويسۇندىرۋىمىزعا تۋرا كەلەدى.
  جۇڭگو ارمانىن جۇزەگە اسىرۋ ءۇشىن، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، پارتيانىڭ قاشاندا حالىقپەن بىرگە ويلاپ، بىرگە ىستەۋىن قامتاماسىز ەتۋىمىز كەرەك −
  ورتالىق پارتيا مەكتەبىنىڭ وقىتۋعا جاۋاپتى ورىنباسار باستىعى حان چيڭشياڭ پروفەسسور مىنانى ءبىلدىردى: پارتيانىڭ قاشاندا حالىقپەن بىرگە ويلاپ، حالىقپەن بىرگە ىستەۋىن قامتاماسىز ەتۋدىڭ كىلتى «قامتاماسىز ەتۋدە»، بۇل ءۇشىن «ءتىپتى عىلمي، ءتىپتى ىجداعاتتى، ءتىپتى ۇتىمدى» پارتيانى جونگە سالۋ شاراسى قاجەت.
  مەملەكەتتىڭ باقىلاۋ - تەكسەرۋ ءتۇزىلىسى رەفورماسى بەيجيڭ، سانشي، جىجياڭداردا سىناق ءتۇيىن قىزمەتىن ورىستەتۋدە. بيىل شارلاۋ - تەكسەرۋ − پارتيا ىشىندەگى باقىلاۋدىڭ ماڭىزدى تۇزىمدىك ورنالاستىرۋى رەتىندە جاڭادان وزگەرىس ەنگىزىلگەن شارلاۋ قىزمەتى ەرەجەسىنە جازىلدى. ورتالىق ءتارتىپ تەكسەرۋ كوميتەتى پارتيا 19 - قۇرىلتايىنان كەيىن، شارلاۋ قىزمەتىنىڭ وتكىر سەمسەرلىك رولىن ۇزدىكسىز ساۋلەلەندىرەتىندىگىن ءبىلدىردى.
  جۇڭگو ارمانىن جۇزەگە اسىرۋ ءۇشىن، ءداۋىردىڭ جاڭا وزگەرىسى مەن حالىقتىڭ جاڭا سۇرانىسىنا قاشاندا سايكەسىپ، پارتيانىڭ بيلىك جۇرگىزۋ ورەسى مەن باسشىلىق قابىلەتىن ۇزدىكسىز جوعارىلاتۋ كەرەك −
  «توڭكەرىس كەزىندە جاعداي وتە جەدەل وزگەرىپ وتىرادى، ەگەر توڭكەرىسشىلەردىڭ تانىمى وزگەرىستەرگە ىلەسىپ جەدەل وزگەرمەسە، توڭكەرىستى جەڭىسكە جەتكىزە المايدى». ماۋ زىدۇڭ «پراكتيكا جونىندە» اتتى شىعارماسىندا وسىلاي جازدى.
  بۇل قاعيدا قۇرىلىس پەن رەفورما داۋىرىنە دە قولدانىلادى.
  بۇگىنگى تاڭدا حالىق بۇقاراسىنىڭ قاجەتىندە الۋان تۇرلىلەنۋ، كوپ ساتىلانۋ، كوپ جاقتانۋ ەرەكشەلىكتەرى جارىققا شىعىپ، جارقىن ومىرگە دەگەن ىنتا - ۇمتىلىسى ءتىپتى كۇشەيە ءتۇستى.
  قوعامدىق عىلىمدار اكادەمياسى ەكونوميكا ينستيتۋتىنىڭ باستىعى گاۋ پەييۇڭ بىلاي دەدى: «26 - شىلدەدەگى» سوزىندە العا قويىلعان «8 اناعۇرلىم» − الداعى ۋاقىتتاعى «پارتيانىڭ قاشاندا حالىقپەن بىرگە ويلاۋىنىڭ، بىرگە ىستەۋىنىڭ» كۇش سالۋ باعىتى بولادى.
  جۇڭگو ارمانىن جۇزەگە اسىرۋ ءۇشىن، قالىڭ حالىقتىڭ بەلسەندىلىگىنە، ىرىقتىلىعىنا، جاسامپازدىعىنا شابىت بەرىپ، جويقىن كۇش توپتاۋ كەرەك −
  جياۋ يۇيلۋ: قىزمەتتە ءادىس - امال تابا الماعان كەزىڭدە، بۇقارانىڭ اراسىنا بارىپ، ولاردان سۇراپ كور، سوندا ءادىس - امالعا يە بولاسىڭ، - دەگەن ەدى.
  بۇگىنگى لانكاۋ حىنان ولكەسى بويىنشا كەدەيلىكتەن قۇتىلعان تۇڭعىش اۋدانعا اينالعان، بۇكىل اۋداندا «باسشىلار باستاپ ىستەۋ، كادرلار تالاسا - تارماسا ىستەۋ، بۇقارا ىلەسە ىستەۋ» رايى قالىپتاسقان.
  پارتيا حالىقتى باستاپ جۇڭگو ارمانىنا جورىق جاساپ وتىرعان بۇگىنگى تاڭدا، ادامداردىڭ بارىندە كۇرەس ساحناسى بار، ادامداردىڭ ءبارى تەاتردىڭ نەگىزگى رولىندا، ادامداردىڭ بارىندە كەرەمەتىن كورسەتۋ ورايى بار. مىنە بۇل جەڭىمپاز جۇڭگو كۇشى!
  ...  شاڭحاي، جۇڭگو كوممۋنيستىك پارتياسىنىڭ 1 - قۇرىلتايى اشىلعان جۇرتتاعى ەسكەرتكىش ساراي. كورمەنىڭ شىعا بەرىسىنە 130 ۇزدىك كوممۋنيست پەن كوللەكتيۆتىڭ سۋرەتى ىلىنگەن.
  دىڭ جۇڭشيا، جياڭ جۋجۇن، دۇڭ سۇنرۇي، چيۋ شاۋيۇن، لەي فىڭ، جياۋ يۇيلۋ، كۇڭ فانسىن، تان چيانچيۋ، شىن حاۋ... ولاردىڭ ءومىر ارناسى ۇقساماعانىمەن، قۇن كوورديناتتاسى مەن بيىكتىگى بىردەي: جۇرەگى حالىق دەپ سوعىپ، حالىق ءۇشىن ناقتى ءىس ىستەگەن.
  پارتيانىڭ حالىقپەن تىنىستاس، تاعدىرلاس بولىسا وتىرىپ جازعان ايبىندى داستانى كوممۋنيستەردىڭ رۋحاني ەسكەرتكىشىن تۇرعىزىپ، پارتيانىڭ قاشاندا حالىقپەن بىرگە ويلاۋ، بىرگە ىستەۋ جالپى ماقساتى مەن تۇرعىسىن ءتۇسىندىرىپ، جۇڭگو كوممۋنيستىك پارتياسىنىڭ ميلليارد جۇڭگو حالقىن باستاپ ەڭسە كوتەرۋ، بايۋدان قۇدىرەتتەنۋگە دەيىنگى تاريحي بيىكتى بويسۇندىرعاندىعىن كورسەتتى.
  (تىلشىلەر جاۋ چىڭ، جاڭ شۇيدۇڭ، حان جيە، شيۇڭ جىڭيان، ليۋ جىڭ، لو جىڭگۋاڭ)
  (شينحۋا اگەنتتىگىنىڭ 11 - قازاندا بەيجيڭنەن بەرگەن حابارى)

ءان الەمى

جول توسىلىپ قالدى

تۇلپارىم